凱薈

Open Now

Now Closed

環境好，食物清淡但又好味，服務好。平日晚市真係好靜，呢間酒樓值得再去，平時都唔寫食評，但係都想推介。叫咗個炒飯諗住重口味少少，但係佢都可以keep到唔油膩得來又好食，真係不得不讚👍

姊妹生日飯聚，點了一個6人套餐另加一份晚飯孖寶，連飯後甜品及糖水共十度美食，真的是十全十美。晚飯孖寶係上湯澳洲龍蝦配伊麵底+黑糖义燒皇，澳洲龍蝦好新鮮，龍蝦肉鮮甜彈牙，黑糖义燒皇上枱還是微暖，肉質軟淋蜜味豐富一絕，另外點了個六人套餐連甜點及糖水一共八度菜，碟頭充足味道可口。服務員超有禮貌，主動推介美食及講解分量，怕我們多點，夠貼心👍🏻。酒樓環境寬敞明亮，大落玻璃窗遠望維港景色，枱距寬闊坐得舒服。

Father’s Day lunch was disappointing. Dirty plates and cutlery, with terrible attitude from waitress. It gets worse, the tea tasted like it had no flavour, the tea bag used looked reused. The food was below average, no idea why anyone would eat here apart from the view. Plates were broken also. They turned off the AC and lights while we ate. Never come here unless it’s for a quick photo of the view.

好耐冇試過星期五晚出尖沙咀，早早預約定先今次揀咗The ONE嘅凱薈，呢到擺酒會好靚，有落地大玻璃 酒樓都有安排我哋坐近靠窗位置🌹聽過朋友講呢度嘅黑糖叉燒幾好食，一於試下黑糖味香十足，不過覺得叉燒嘅質感有點硬，可能係瘦既關係，感覺不鬆軟 味道就夠的蒜蓉蝦乾蒸勝瓜呢一道菜要百幾元來説性價比低點，上枱時感覺碟大但只有一條勝瓜左右的份量有點失望 而且細件嗰啲係勝瓜的頭口感較硬清蒸紅東星仔東星仔魚肉雪白嫩滑，魚油雖然不算多，但魚肉味也夠不錯脆皮BB鴿肉質不鞋鴿味濃，一咬有肉汁 ，外皮香脆酥炸桶蠔外皮炸漿略嫌厚了一點，內裏的桶蠔味道濃郁，多汁亦不腥，正上湯澳洲龍蝦伊麵呢一道菜同黑糖叉燒係一個優惠組合龍蝦肉質彈牙鮮甜，配伊麵食係絕配吸晒啲汁，不過龍蝦爪比較多

一行5人叫了6個點心 - 蝦餃、燒賣、布拉腸粉、雞扎、百花釀魚肚和南乳蔥油餅，後加了粉銀針粉和肉絲粉麵。食物質素一般，沒有驚喜，感覺物非所值。幸好環境和服務合格，和家人渡過了愉快午餐。

本人與家人飲茶，並想訂酒宴為老人家做大壽，查詢當中問及如圍數或因突發事要改期訂金會如何處理，本人無唸過可全數退，但該位化濃妝的女待應（站請勿靠近車門口櫃枱的），便即是話無得改除非你因白事😡😡超過份，問緊壽宴你講白事，你間嘢有幾勁，可以讓你這樣無禮地趕客。食物中規中矩

一行八人午市飲茶，環境就無乜㗎喇，啲點心都非常普通，可以講係難食，其中有碟豆苗餃仲係酸嘅添，職員行過嚟就咁話幫你取消就走咗，唔好意思都無句，衰過屋村酒樓。咁嘅價錢咁嘅質素，大家睇路。

星期六有朋友從台灣來，住尖沙嘴的好處就係好多野食。朋友想食飲茶去，果斷選擇呢一間。人好多，爆滿。而且點心全部都好熱辣辣、好好食。燒賣好多肉，最後再叫了燒鵝，朋友吃得好滋味！下一次都好黎！

和朋友們辦了慶祝生日的聚餐，預訂了這家酒樓，樓底高，燈光充足，可透過落地大玻璃看見維港海景，環境不俗。 我們12人點了＄2688的12人餐，適合不過，食物相當豐富。 前菜五小碟，包括手拍青瓜、黑糖叉燒、脆皮燒腩仔、七味椒鹽豆腐及金沙墨魚仔 前菜做得不錯，每一款各具特色。特別喜歡黑糖叉燒，厚身但肉質仍軟腍，味道甜美；金沙墨魚仔充滿風味，墨魚亦爽口；七味椒鹽豆腐味道有點辣，刺激味蕾，令人開胃醒神。 前菜是一個好開始，使我們對這頓飯十分期待。 拔絲鮮菠蘿咕嚕肉 顏色豐富繽紛，令視覺享受。咕嚕肉粉漿薄身，拔絲的醬汁黏身夠特別。菠蘿和青椒新鮮甜美。 北京填鴨 鴨肉的厚薄切得很均勻，擺盤整齊。配料還有醬汁和酸姜，後者是第一次見，有麵粉皮包裹着一起吃，味道很匹配。 啫啫涼瓜鴨腩骨 鴨身造成這道菜，肉質不堅韌，熱辣辣暖入心。 生拆雞絲燴花膠 這道湯煮得黏稠，有菜絲、雞肉絲和花膠絲，充滿蛋白質。 豉油皇海虎蝦 每一隻十分巨型，煎得入味可口，蝦肉仍爽口彈牙，相當惹味。 清蒸大金老虎斑（約2斤半） 目測約50厘米長，魚肉厚身，但火喉蒸得剛剛好，不會未熟透但仍保持肉質軟滑。 鮮淮山蕃茄衣羽衣甘藍 健康的素菜，

朋友推介到尖沙咀the one食中菜，映入眼簾整個花花世界跟夜景，餐牌可單點或套餐，點了人參茶，補氣養生又美味。😋黑糖叉燒🌟必試，烤得外皮香脆帶微微蜜味，肉質嫩滑，鎖住肉汁。花雕醉乳鴿特別之選，花雕味濃厚，淋上乳鴿整隻入味，肉質帶微微酒香。金沙墨魚仔炸至金黃香脆帶咸香味，墨魚仔厚實鮮美，口感過癮。七味椒鹽豆腐粒粒分明，外皮脆卜卜，豆腐原粒幼滑帶豆香。生拆雞絲花膠羹熱呼呼上枱，香滑花膠入味，雞絲一梳梳，層次感分明。葡汁焗釀響螺🌟響螺跟配料調味過舖好舖滿，葡汁甜香順滑，用陶瓷響螺形狀器皿，打卡感十足。雞湯燴羽衣甘藍🌟桌上有小牌子介紹營養價值極高的羽衣甘藍，簡直超級食物！以中式雞湯燴菜，羽衣甘藍口感依然爽口，配上香濃雞湯味，又飽足又健康。椰香脆麻花大大個的脆麻花入口溶化不會刮口，淡淡椰香加上點點蜜糖也不會太甜，注重健康的多吃一口也不怕。場地佈置滿滿心機，景觀一流，佻望維港海景，燈光明亮開揚闊落，帶有婚宴專門的佈置場地，食物質素有保證，大方得體。👍🏻👍🏻👍🏻

晚上約了朋友到尖沙咀 The ONE 商場看電影後，突然想吃中菜，就到了商場內的「凱薈」，餐廳裝飾採用溫馨夢幻風格，配上高貴閃爍的天花，環境優雅富氣派，在此舉辦宴席很合適，座位坐得舒適，有兩面全玻璃可望著維港海景，邊品嚐美食，美輪美奐。 餐牌選擇多，設有套餐，主打粵菜手藝菜式，款式多，如中式小菜，花膠、參茸海味等。茗茶點了鐵觀音和人參烏龍，茶味清澈，香濃回甘！黑糖叉燒 － 燒得帶金黃色，肥瘦均勻不感肥膩，肉質口感鬆軟。花雕醉乳鴿 － 乳鴿肉經花雕香濃醃製後，肉質嫩滑入味，酒香更是濃郁。生拆雞絲花膠羹 － 材料十足熬製，滋補又鮮甜，十分清甜健康。七味椒鹽豆腐 － 炸粉夠薄，豆腐酥脆，椒鹽辣度怡到好處，非常惹味。金沙墨鱼仔 － 色澤金黃，香脆可口，肉質大件，爽口彈牙，又不會過油。葡汁焗釀響螺 － 賣相精緻，打卡一流，葡汁味道很香濃，加上青豆及香菇粒，口感層次豐富。雞湯燴羽衣甘藍 － 青翠脆綠的羽衣甘藍，細棵鮮嫩，份量大碟多值得一讚，雞湯汁味道帶鮮味，菜軟硬度剛好，不會過淋或過硬。朋友說羽衣甘藍營養價值非常高，而且是本地城市農夫種植，更是近年水耕菜成為健康飲食人士的新寵全因水耕種植環境乾淨，

今晚去The One搵嘢食 呢個商場有好幾間酒樓我哋去咗17樓嘅凱薈一試金沙墨魚仔 墨魚仔用蛋白漿炸起 再撈上大量鹹蛋黃伴炒 食落非常香口 而且墨魚仔口感爽彈爽脆 姬松茸菌燉螺頭湯 燉湯都算足料 裏面有松茸菇 螺頭 瑤柱 瘦肉 雞腳 飲落好舒服招牌葡汁焗釀響螺 呢個用咗陶瓷既響螺裝飾上 裡面有洋蔥/菇/肉碎/螺肉粒/青豆 口感豐富 而且葡汁味濃頭抽煎斑片 斑片炸香咗之後淋上燒汁 啖啖肉 中間仲有炒香咗嘅蒜芯 呢度環境都唔錯 如果好彩被安排坐窗邊位其實會見到維港夜景 所以呢個場地應該都有唔少人包場作喜宴用途 見到酒樓中間已經有個大舞台set好咗佈置

尖沙咀不嬲都多嘢食 今日去咗The One搵酒樓嘆小菜飲啖茶黑糖叉燒 叉燒雖然唔係我最鍾意食嘅肥叉 但係佢肉質都算鬆軟 唔會硬班班 幾有肉汁咖哩牛油焗大蝦 大蝦炸香左後仍然保持到肉汁 而且肉質爽彈鮮甜 加埋好香嘅咖哩味 調味啱啱好 係高質嘅大蝦 推介一試淮山鑽石浸羽衣甘藍 呢度既羽衣甘藍採用城市農場Agrician本地水耕菜 食落口感爽脆 配埋高湯底簡簡單單咁食已經好好味另外酒樓中間有個舞台畀人作婚宴用途 我哋走嗰陣搭𨋢發現呢個酒樓都幾旺場 當日係11月中但係12月就已經有好多日子夜晚畀人包咗場啦 可能大家都貪呢度睇到維港景 又係尖沙咀就腳 而且食物質素亦唔差

又是一個懶洋洋的星期天。看完兩個小時的早場電影已經下午一點，開始肚餓。於是到附近看看有什麼好吃醫肚。  凱薈於尖沙咀The ONE。從地鐵站一出不用5分鐘便到，十分方便。 這裏的裝修高貴，而且寬敞，枱與枱之間有足夠距離，坐得舒服，仲可以望到海景，非常適合婚禮同宴會 。  我們一行二人叫了幾樣小菜一起分享。  蟹籽春風蘿蔔腸 (⭐⭐⭐⭐⭐) 這個蘿蔔絲酥腸味道豐富，腸粉皮煙煙靭靭，蟹子脆口，蘿蔔絲酥鬆軟香口。   羽衣甘藍素餃 (⭐⭐⭐⭐⭐) 羽衣甘藍是公認的健康食品，營養價值豐富，而且這裏是根本地農夫合作，食起來更為新鮮，嫩口。   筍尖鮮蝦餃 (⭐⭐⭐⭐⭐) 蝦餃大隻而且大牙可口，筍尖配上感覺更為層次豐富。   魚肚四寶雞扎 (⭐⭐⭐⭐⭐)四寶雞扎一份兩件，大件抵食，包括了魚肚，芋頭，火腿等等不同食材，兩個人分享剛剛好。  魚肚灌湯餃 (⭐⭐⭐⭐⭐) 這裏的灌湯餃十分抵食，於是叫了一份試試。大隻而且脹卜卜，餡料豐富。其中最愛吃魚肚，吸滿了高湯，吃起來爽口。 魚湯杞子芥蘭苗 (⭐⭐⭐⭐⭐) 另外還叫了個芥蘭苗，吃點蔬菜才健康。芥蘭新鮮，而且吃起來幼嫩，用魚湯浸烹調更吃得出芥蘭的鮮味。 

星期六去飲茶一定要預先訂枱，無訂枱基本上中午時間都無位。當日中午有一半場擺酒，高樓層望住270 度維港景，好適合做婚宴場地，賓客都可以打下卡。有羽衣甘藍水耕菜的不同點心，特別得來又支持本地水耕種植。雪山叉燒包 | $45不時有不同點心一次過出，由侍應賣。比雪山包吸引要了一份，外皮薄及鬆化，中間的叉燒餡料多但有少少鹹。蟹籽春風蘿蔔腸 | $45蘿蔔腸幾得意，蟹籽藏在腸粉內，晶凝通透的粉皮下見到橙色一粒粒，令人可以一口食到腸粉同蟹籽。魚肚灌湯餃 | $52湯中兩件魚肚吸收了湯的清甜，煮得夠腍，灌湯餃皮夠薄。筍尖鮮蝦餃 | $52蝦餃精緻，蝦肉彈牙爽口。蒜香蝦春卷 | $45已經切好的春卷方便分享，外皮脆脆內裡包著蝦粒。潮州粉果 | $40皮比較厚但饀料多，點辣椒油食。黑糖叉燒 | $168甜甜地有燶邊位，半肥瘦叉燒有嚼口又香。大約有十舊，可以一班人分享。茶位 | $17/位、外賣盒 | $4/個