Espresso Alchemy (美麗華廣場1期) (Moved) New Location

終於都放假啦！訓到下就先起身～約埋朋友一齊食個LATE LUNCH。黎到好多好評既Espresso Alchemy，今日去左尖沙咀美麗華分店，地方好寬闊，燈光環境都好舒服呢。自家製香草牛肉漢堡伴黑松露沙律醬見到隔離枱個BURGER就流哂口水，一於叫黎試下先～即叫即製，熱辣辣上枱，勁吸引！香草牛肉漢堡特別濃厚，大大塊夠哂厚，食落好有口感，肉汁豐沛得黎又鬆軟，配埋黑松露沙律醬真係勁正，好夾！香蒜青醬雞肉長通粉雞肉好嫩滑，拌以香蒜青醬，食落特別滋味，相當Creamy！濃稠醬汁掛滿每條彈牙既長通粉，正～咖啡白朱古力西多士多士烘得夠香脆，咬開有咖啡醬同白朱古力醬，甜度岩岩好，好有驚喜呢～放假唔飲咖啡，叫左杯Iced Mocha，飲落滑順唔會甜膩，口感豐富！

行街行到攰，搵間COFFEE SHOP坐底抖下先～揀咗尖沙咀美麗華既Espresso Alchemy，已經食過好多次，今次主要想試新出既生酮忌廉卷！店員話宇治抹茶味一早賣哂，估唔到咁受歡迎～好彩仲有朱古力布朗尼味！環境好寬落，兩人一枱都坐得好舒服，加上燈光柔和，岩哂歎下午茶。FLAT WHITE轉OAT MILK，PERFECT MATCH!咖啡既拉花好靚，睇得出好有心思沖調，香濃又香醇既咖啡入口細緻順滑，正啊～青醬雞胸沙律配檸檬醋醬呢排努力KEEP FIT，叫個沙律食下先。沙律菜份量勁多，淨係食菜都好滿足，仲有淋上青醬既慢煮雞胸，香嫩滑嫩無得輸，必點之選！厚切意大利煙肉配卡邦尼意粉濃稠忌廉勁CREAMY，鹹香濃厚好吸引，意粉口感煙煙韌韌，煮得岩岩好，仲有好多厚切意大利煙肉，勁有口感。生酮宇治抹茶忌廉卷最期待就係呢個生酮忌廉卷，滿滿既忌廉有粒粒黑朱古力碎，好有咬口，食落夠濕潤又軟綿！

唔知大家週末下午鍾意食咩?😉我自己都鍾意去唔同COFFEE SHOP☕️可能讓自己休息一下，慢活一下!💕❣️追天剛好在尖沙沮，難得有事出來，決定快食一下午餐!-我到了位於美麗華的Espresso Alchemy📍地點的確好方便呢!✅食物方面，因為有點餓，所以今次都點了好多唔同款既食物!主食方面, 我點了香蒜青醬雞扒長通粉🍝好CREAMY 的意粉，而且帶有滿滿的雞肉!份量都適合女仔食呢! 😙而且唔會太膩，岩晒鍾意食青醬的朋友!💚-除左意份，我都點了火雞胸芝士意大利三文治配黑加倫子果醬🥪第一次嘗試呢個配搭，原來配上黑加倫子果醬都幾小清新!🍇🫐新鮮熱辣的三文治，簡單滿足!好岩鍾意清新口味，又怕太濃味的朋友!💛-去cafe當然一定要食甜品!😋今次我點了咖啡白朱古力西多士! 第一次試呢種西多士!🍞好推薦! 整個多士係凍食，但都一樣好脆!呢個好驚喜! 好脆身好好食!🥳咖啡味唔會太重! 岩晒我呢個咖啡控!-最後飲品我點了凍牛奶朱古力🍫順滑的牛奶朱古力都一定好飲!絕對是滿足的午餐! 係好好的休息!😙-這間地點很方便呢! 唔知大家下午鍾唔鍾意去cafe呢!❤️

Espresso Alchemy (美麗華)☕-🍾用餐體驗星期一嚟講都算多人，但仍然好安靜，係讓人好舒服好放鬆的coffee shop。飲料：☕ Latte LEG $42心心拉花，奶味好香，推介！😍主食：🤍 Smoked Salmon on Toast $75煙三文魚花好靚，亦都同上一次一樣咁足料，沙律碎蛋同番茄好夾🍅，再試都無失望！🤍 The Alchemy All Day Breakfast $128擺盤好岩打卡，而且影完相啲食物都係暖的好感動，證明佢好夠熱，天氣凍呢樣野好重要🥺！香腸好好味，不過個toast好搞笑🤭🤣，上面的牛油果蒜味好重，食食下覺得有d似燒味飯的薑蓉XDDD口味幾盞鬼！甜品：🤍 Handmade Fudgy Brownie with Ice-cream $52最最最有驚喜係佢個Brownie，朱古力味好重🍫，店員一送到嚟已經聞到！Brownie暖暖地，非常可口。🍨雪糕都好香滑，正！/整體評分：味道 🌟🌟🌟🌟🌟環境 🌟🌟🌟🌟🌟服務 🌟🌟🌟🌟🌟衛生 🌟🌟🌟🌟🌟抵食 🌟🌟🌟🌟🌟

好有驚喜，原本抱住一般般的感覺走入黎，結果樣樣野都好好味！All day breakfast裡面的炒蛋剛剛好，還有Avacado 包 我同男朋友讚口不絕！仲有個asparagus prawn 意粉 食到乾乾淨淨well done 一定會再幫襯👏🏽👏🏽

嚟尖沙咀High Tea, 又搜尋到間有齊主菜．甜品同coffee嘅好地方餐廳坐位寬敞，堂食都唔擔心同隔離枱太緊密「精選全日早餐」賣相同味道都好正，用咗9款不同食材堆砌一碟，沙律菜爽口好Fresh,每片都索索聲， 特別喜愛焦糖香蕉，面層燒得香脆，法包上塗滿厚厚嘅牛油果醬，好正「生酮朱古力布朗尼忌廉卷」怕肥又愛甜的...必食呢款甜品，仲有抺茶味架，可惜售罄，不過朱古力都好香濃，好好食，下次要再試「女神三文治」厚厚嘅三文治，夾著水牛芝士，牛油果醬．蕃茄同青瓜，味道好清新「Mocha」香濃咖啡味，唔會因為加入朱古力而被掩蓋那味道，唔少得更是精緻嘅拉花。今餐好滿足好滿意呀

@turningpointbycoffeeart 話說有日staycation玩完check out去附近食返個brunch先😌😌男朋友又可以飲返杯咖啡chill下，影張靚相都ok ge🤣🤣咁多草既多士真係唔係咁啱我，唯一開心係有鵪鶉蛋食😂🤣🤣我淨係食個包算🤣🤣牛油果🥑味道還好，但overall唔係我喜好既味道🙃可能太多蕃茄🍅📍 Espresso Alchemy (尖沙咀)尖沙咀彌敦道132號美麗華商場B1層B116號舖

如果有食過大快活既雞胸覺得好食既話一定要食依間cafe既雞胸啦🤣🤣因為好食勁多！😋🥗青醬雞胸沙律配檸檬醋醬 $83好大份！厚切雞胸再加青醬好好食😋雞胸入口一咬就散好嫩滑👍再配滿滿既沙律菜同油浸蕃茄✨食完好飽😆🍝香蒜青醬雞胸長通粉 $118食暈哂咁多款pasta最鍾意依款🤍雞胸同青醬真係好夾😍令到食雞胸唔會咁寡😋最後2碟都食到好乾淨🤣🤣☕️Iced latte $44依到既咖啡都好岀色🥰選用自家品牌既豆😆豆味濃奶又滑👍飲到最後都好濃✨

Espresso Alchemy 分店愈開愈多，行街行到攰真係好岩嚟醫吓肚仔😆喺美麗華低層，餐廳唔算好大，裝修以木調為主配柔和燈光，令人舒適~嚟呢間cafe 唔可以錯過佢哋嘅咖啡，要咗杯cafe Mocha，濃郁朱古力融合奶香咖啡，唔會苦澀~先有白濃甜甜嘅朱古力味，再滲出咖啡香，口感絲滑令人舒心~另一杯就叫咗milk chocolate，奶香而朱古力夠濃，甜度剛好，最岩依家咁凍嘅天氣！咖啡白朱古力西多士真係每次嚟都必食，外層麵包輕輕烘過，帶少許香脆，再配朱古力、咖啡醬，淡淡香甜帶出濃濃咖啡香另一款就叫咗青醬烤雞芝士意大利三文治，外層烘至微焦，入面足料豐富，九層塔嘅味唔太濃，反而有種清新嘅味道搭濃濃半溶芝士，而雞口感軟嫩，外脆內軟！主食要咗個厚切意大利煙肉卡邦尼意粉，煙肉一條條厚切，味道唔太咸而卡邦尼好creamy, 但唔油膩~甜品係新出嘅生酮朱古力布朗尼忌廉卷，外層軟熟 ,cream 內有啲nuts, 口感豐富😝最重要係食完都唔怕肥！

今日喺尖沙咀行完街，嚟到呢問coffee shop食個tea🤩//🍫伯爵茶鮮奶朱古力 $40入口勁順滑🤤伯爵茶味好香，朱古力同伯爵茶達到一個好好嘅balance，一定要試🥳🍋蜜糖青檸梳打 $46蜜糖唔會太多，所以甜度同酸度同啱啱好，夏天或者天氣熱時飲好正😻🍵生酮宇治抹茶忌廉卷 $58抹茶味好出🤤，佢嘅抹茶係偏苦，啱曬唔中意食甜野又想食甜點嘅人😎忌廉卷聽落好似會好膩，呢次食完一啲都唔覺🍨自制布朗尼配雪糕 $52非常有驚喜🙈朱古力味唔係死甜，帶少少苦，配埋雲尼拿雪糕，簡直絕配😍

今日同朋友去咗美麗華廣場地下嘅呢間咖啡店食嘢，環境幾舒適，位置都多。飲品我哋叫咗一杯大美式，咖啡嘅香味好出，濃度適中。另外仲有伯爵朱古力，個拉花幾靚，面頭嘅奶泡有淡淡的伯爵香味，同朱古力嘅味道幾匹配。食物方面，有青醬雞肉長通粉，青醬芝士味香濃，幾驚喜，醬料當中嘅口感亦都唔錯，而雞肉好嫩滑，似慢煮嘅質感，呢個意粉都幾推薦。另外叫咗一個檸檬汁雞肉煙肉三文治，麵包烘得好香脆，檸檬汁嘅味道唔突出，煙肉雞肉芝士呢個配搭冇得輸！甜品我哋嗌左Tiramisu，唔會太甜，香味亦都幾出。

Pesto Marinated Chicken Salad😍已經食過超級多次嘅青醬雞肉沙律，未到保持水準！而且沙律菜份量越來越多，真係一啲都唔市儈😆Lemon Chicken, Bacon &Cheese Panini☺️☺️第一次食，估唔到咁好味，煙肉味好突出，而且麵包都烘得剛剛好，唔會太乾！正👍🏻Pesto Penne w/ Chicken Fillet青醬雞肉長通粉都唔係第一次食，🥗同樣都係好好味，水準同以前一樣🥰醬汁夠多，啱晒我Cafe Latte (Large)咖啡味好香到，遠處已經聞到，正👍🏻🥳

呢一間咖啡店位於美麗華地庫B1 扶手電梯樓下😂😂位置算幾隱蔽 所以星期六日人唔係話好多👍🏻👍🏻👍🏻呢度係喺門口排隊等店員安排入座 然後再自己出去俾錢叫嘢食 等店員送上食物今次黎到 叫左兩個主食 兩杯咖啡 整體來講咖啡質素好過食物好多🙃🙃🙃1. 火雞番茄希臘乳酪三文治 - 🥪 識落真係同喺連鎖店買嘅雪櫃三文治冇乜分別 連伴碟都冇2. 卡邦尼 - 🍝 味道真係非常普通 同喺屋企自己整嘅冇乜大分別😅😅😅3. Americano/ Oat Latte - 一直都知道呢度嘅咖啡係好飲 而每一次嚟都係維持到水準 咖啡味好香而且唔澀☕️☕️☕️☕️人均消費130左右 用餐時間限時90分鐘 食物就真係普通 不過咖啡都值得再飲

去開尖沙咀，食lunch時間都好多人，難得搵到係美麗華商場入面有間好啱輕食或者飲下咖啡嘅Cafe餐廳Espresso Alchemy。🍴三文魚多士（$75）-玫瑰形嘅煙三文魚拌以熟碎蛋，煙三文魚微咸味同碎蛋、多士一齊食更口感豐富，仲有沙律菜，好適合輕食！🍴美麗華All Day Breakfast（$148）-選料用心，特別係高質嘅Parma Ham + 蜜瓜、煙薰火腿、磨菇、燒蕃茄、香脆小牛角包🥐、炒滑蛋、炸薯餅、焦糖香蕉🍌最驚喜！成個All day breakfast 好有酒店早餐嘅水準呀！🍵 Matcha Latte（$42）-抹茶夠晒濃厚，好高質呀！

😗有時係想靜靜地飲杯咖啡，尖沙咀美麗華有個旺中帶靜嘅好地方！呢間Espresso Alchemy燈光柔和，有店內工業風座位、亦有店外書店風座位，好有歐陸氣息架🥰👧🏻CACA今次食乜野：🍴自家製香草牛肉漢堡拌黑松露沙律醬-漢堡扒超厚，牛味好濃郁，同黑松露沙律醬一齊食，口感非常juicy呀，而漢堡包都有烤焗過，份外香口。🍴Tiramisu-咖啡酒味好香，質感好creamy，食完唔會太膩，餐後甜品必選。☕️Earl Grey Chocolate -朱古力香濃得黎無搶去茶香味，亦唔會太甜。