Video
Above information is for reference only. Please check details with the restaurant.
1-5-2013 (Wed)朝早同男友起身後去食早餐, 原本想食點心,但行到o黎記起有幾間舊年開但未食過o既茶餐廳,就同男友講,佢話冇所謂.見到呢間我o地就入去.入到去竟然一個人都冇.我o地坐低後,個男仔好快畀餐牌我o地,男友要$27.00o既雞鮑翅通粉,加$3.00要埋腸仔同牛油方包,飲熱奶茶.我要$15.00o既蘿蔔糕加豬皮同魚蛋,加$2.00要凍奶茶.等成8分鐘,所有o野一次過到o黎,睇睇我個餐,豬皮魚蛋唔係多,凍奶茶都唔大杯.,而男友o既雞鮑翅通粉呢,梗係唔會畀真翅,而係畀素翅,我第一次食素翅,口感比真翅硬啲,而佢呢個湯味道好夠濃,通粉口感適中,牛油方包牛油塗得幾多,好味.而我o既蘿蔔糕加豬皮同魚蛋呢,我先食豬皮,豬皮切得唔厚,而佢o既咖哩汁係甜o既,魚蛋唔係好彈牙亦冇乜味,呢個差少少.至於蘿蔔糕,佢係好鬆散o既,一路食一路索晒啲汁,令唔太出色o既蘿蔔糕有返啲味道.而凍奶茶呢,雖然唔大杯,但竟然夠味,奶同茶o既比例o岩o岩好,好耐冇飲到有返水準o既奶茶喇.環境:幾欣賞佢o地發揮以電車為主題o既裝修,凳雖然係木凳,但大大張仍坐得舒服.只係冷氣開得比較大.味道分係3.5分
continue reading
自從出來做事數得出吃車仔麵的日子以少之又少眼見新餐廳上有車仔麵開張，抱著期望之心開動步伐走到曾經就住的荃灣區。。。店舖就在街角旁，裝修突出當然亦較為顯眼車仔麵當然是餸料為首，但自覺不是太多選擇反而在荃灣區內價錢甚為進取，麵底便要$9.起跳揀上麻辣湯（小辣）做湯底，配上烏冬揀餸之時更是（要個樣無個樣），唯有只要上墨魚丸及手絲雞持街招有優惠可享購滿$25.可選多一份餸而免費、那就只好添多一份墨魚丸吧我很相信吃湯麵湯底是主要之靈魂，如果湯底不佳、多好吃之食材也帶著瑕疪更可妨是車仔麵麻辣湯底稀稀的湯底不麻亦不麻，只一味喝上味精、倒不如配上腩汁還好墨魚丸己量取勝，大大粒($8.三大粒）手絲雞還是最穩陣，來得有味而不嚡口整體上吃後差點兒找不到記憶，我想未必再有衝動專誠坐車再反之念。
continue reading
「出嚟一叮!」----- 這就是叮叮車仔麵的一句slogan, 從官網得知此集團在1997年以「麵軒」這品牌來經營台式餐廰, 並在2000年成立了中央廚房, 陸續以多種品牌開拓香港及中國內地市場。既然以 叮叮這麼有香港並且是港島區的獨有特色作為品牌名稱, 估計國內才是主要賺錢群；從店外的招聘易拉架見到「荃灣店」及「紅磡店」皆請人, 想在非港島區開以「叮叮」為招徠的連鎖車仔麵店, 看來除非食品質數超班, 因為要到港島區感受「叮叮」有幾難而昨天在店內進餐, 又感受不到「叮叮」所帶來的震撼, 反而覺得牆上印有荃灣鹹田街的電車站牌, 哈哈幾攪笑~熊媽自細住港島區, 「叮叮」亦是每天必搭的交通工具, 對她一定有種又愛又恨的感覺... 因此, 一眼就睇出鋪頭廚房位就設計成一輛「叮叮」, 是一輛46號開往鹹田街的「叮叮」所謂廚房, 都是煮麵、舀餸、調飲品的地方, 其餘食品的烹調都是由中央廚房負責, 力求舖面面積需求小但生產力簡易, 並且客人流轉快。室內牆壁貼滿與「叮叮」有關的圖片：「叮叮」內與「叮叮」外(咦~ 駛到銅鑼灣天橋耶~) 嘗試說服食客: 我們正在搭「叮叮」這邊暗黃昏沉的燈光, 又營造得幾似已退役的80年代「叮叮」；為何銅鑼灣會見到荃灣鹹田街的電車站牌膠檯木椅 ... 木椅都坐得幾舒服, 凳面有稍稍弧度, 好啱pat位食品種類繁多, 價錢大眾化, $9麵底(可選飯) , 車仔餸都只分3種價錢: $6、$8、$10, 差不多每人$30便可落樓；還有特色小食供應, 約 $18-$30一份入舖後, 填好剔剔紙, 隨即落單兼付款, 那麼便可安坐位上, 等侍應生為食客奉上食物滷水牛腱、手撕雞絲、香辣肉醬配靚湯粗麵 $33 ... 價錢ok不過份量好少 牛腱有3片 ($10), 還可以 ... 味道亦都不錯, 至少鬆化入味；手撕雞絲($8)一小撮得5條左右 , 肉質有如白切雞肉而味道是少少鹹帶點鮮；香辣肉醬 ($6) 就是肉碎一堆, 辣味普通；粗麵 ($9) 是普通粉麵檔那款, 帶少許梘水味, 而麵條不爽兼滑潺潺 食完都無五成飽豬軟骨配靚湯幼麵 $19 ... 又為各位策解一下: 豬軟骨($10) 有1大件2小件再加些碎碎, 炆煮入味兼軟骨已煮成啫喱口感, 味道不錯；可是那幼麵($9)就梘水味極重, 入口麵身不彈牙兼滿口梘水苦味酸甜辣排骨粒 $25 作小食, 食物溫度稍涼, 汁料是酸甜多過辣味, 並且因為溫度凍而偏向凝固 排骨粒無被化學催毀過, 嚐到正常肉質, 而味道亦是被豉油、鹽、糖等基本調味料調過, 調得入味因為連骨髓也嚐得鹹味跟餐凍飲加$7, 選了凍奶茶及凍朱古力 ... 凍朱古力味道濃郁, 並沒有因為冰塊而沖至淡茂茂, 朱古力味＞甜味 凍奶茶竟喝到茶香, 奶滑兼甜度適中要數全餐最滿意就是飲品, 跟著就是小食, 而主打的車仔麵就份量不佳, 麵底就更不佳!!
continue reading
叮叮，似乎是港島的代表之一，雖然車速屬「慢吞吞、食雲吞」級別，但由於收費便宜，而且可「飽覽景色」，是很舒服的交通工具，我偶爾也會放下兩塊多錢，獨自的遊個車河，反思一下。荃灣開了間以叮叮為主題的車仔麵店，我曾經不下多次說過，我很愛吃車仔麵，加之又有呢個咁特別的裝潢，兩者均是老香港的代表，所以在開店的第一天便即來到幫襯。要先在門口劃紙仔，付了款才入內找位坐，最初很多客人也不知道，甚至造成了一些不滿。湯底除了可加傳統的沙嗲醬、腩汁等以外，還有很特別的秘製靚湯，即管試試。呷一口，是有少許味精，但確實比市面很多車仔麵店的湯底要出色。今次要了油麵，反正是來貨，也不多說。蘿蔔是當造的時節，尚算清甜，但可以再腍身一點；手撕雞絲根本不是手撕的。較好的，有豬腸，是我每次吃車仔麵必點的一味餸。這不是爽脆的版本，卻十分入味，而且中間的肥羔甘香，吃得滿意。是晚唔知咩事咁肚餓，竟然食完碗麵都唔夠，要追加一份小食。原本想柯打煎釀三寶，但新開業很多東西都還未準備好，唯有要揀其他小食，最後來了秘製豬手。怎麼又是秘製? 原來醬汁是有少許的咖喱味，帶點香，卻不會很辣，這一味豬手，也不差，只是份量實在太小了。可加五蚊跟飲品，又整杯凍咖啡，沒什麼驚喜。臨走時隨手拿張卡片看看，原來他跟麵軒屬同一集團，真係唔講唔知。
continue reading