点心代表 (Closed)

依家轉左新主題 醜比頭😋 好正呀 雖然醜醜樣樣咁 但係好得意今次我地2個人食左4樣野 百幾蚊 價錢都合理既粉屁桃鮮奶流沙包 : 我自己本身好鐘意食甜野 佢以前果個流沙包我會學得好甜 依家轉左呢個奶味既無以前咁甜 好似牛奶糖味咁正呀黑魚子燒賣 : haha我係超鐘意食燒賣 呢間既燒賣好多蝦 我數過有5粒蝦仔係入面好好味 推薦上湯牛肉球 : 呢個有小小失望個湯感覺味精味比較重 但個牛肉球就ok既 唔好飲湯囉鮮蝦腐皮卷 : 呢個我又係好鐘意 好好味呀個個皮小小趣趣地正環境方面都ok既 仲有唔該哂有個員工好似叫Peter 我地加左幾次水都唔會話黑面 平時味d一早黑左

點心代表常以卡通人物點心作招徠，之前有little twins stars、蛋黃哥，這次是森林精靈。本來就覺得這只是在點心插上卡通硬卡紙和貼上食用貼紙，然後就把點心賣貴幾十元的技倆，但朋友很喜歡那隻粉紅色屁桃，就陪他來趁熱鬧。餐廳要求每人最少點一杯飲品，我要了花茶($20)，朋友要了奶奶頭朱古力特飲($39)，就是普通的朱古力沖劑，一點也不香滑，我們還發現餐廳重用奶奶頭紙牌，因為紙牌夾了一粒乾了的飯粒！！粉屁桃鮮奶流沙包($49兩隻)，在instagram看到鮮奶的流心效果所以想試試，可惜現實是一點都不流心，用手按著包，鮮奶不是從口中流出，反而是從底部跌出整個鮮奶餡。鮮奶的味道亦過甜。醜比頭蝦餃($59三粒)，蝦肉頗多也挺爽口，可是貼三張卡通貼紙就索價$59也太過份了吧，這個價錢在其他酒樓點兩籠蝦餃了。吃兩個點心喝兩杯飲品便花了接近$200，比酒店afternoon tea還要貴。這不是一間餐廳，只是個打卡呃like的地方。PS憑點心代表的收據可到對面的商店免費拍一次森林精靈造型的貼紙相，點心賣這樣貴就是包括是貼紙相的價錢。

今日行經尖沙咀，突然間想起了以點心作為午餐，而且又記起了在 The One 有間點心店想去的，於是軀身前往。点心代表是一直說去但又未去的點心店，直到今日就索性去一趟。点心代表是一間主題餐廳，以 Little Twins Star 為主角，店內裝飾不乏有 Little Twins Star 的踨影，就連餐具和餐紙都有呢！在點心紙上，除了一般大路點心外，就連另一大張的點心，也印 Little Twin Star 圖案，因此在揀選點心時，也用上了大張小張點心紙。店方不會主動遞上一杯杯的茶，而是從點心紙點來一壼茶，而在下則點來玫瑰普洱茶（十個大洋）。茶壼上也有 Little Twins Star 的圖案。普洱茶醇厚香濃，又帶有稍稍的玫瑰花香當真要仔細品嚐，才能當中的花香味道。荷香煎蛋牛肉飯（四十五個大洋）。煎蛋牛肉飯是何等遠古的，但當不用傳統的盅頭，卻改用上了蒸籠和荷葉的蒸飯，使米飯有種荷葉的香味，而牛肉也加上了馬蹄，吃起來卻是軟腍又有咀嚼口感，加上適量醬油，帶出當中的鮮味。豉椒鳳爪（二十九個大洋）是不拆不扣的傳統點心，當中的青紅椒和豆椒可見一斑，既是傳統做法，也是帶來一股惹味的味道，鳳爪的柔

卡通造型點心，一般都認為應該係 「得個樣」、「好睇唔好食」。 大概是抱著沒有期望的心態，食品的味道比預期中的好。 以為還有Little Twin Star，可惜已經換畫了：臭屁桃🍑（or 醜比頭 Kobitos)。 蝦餃一籠有三粒，皮比較厚，不過蝦好爽又彈牙，不錯。 另外椰皇好滑，燕麥流沙包都合格。 我覺得卡通造型點心來講，食物質素算是合格，看見可愛的造型也食得開心，可以一試喔。經理先生可能覺得我因為沒有試到Little Twin Star點心而失望，埋單時送上一個Little Twin Star 的水杯給我，好窩心，謝謝！

文章前先利申: 我食完，有朋友睇完Openrice又去同我一樣感受，所以我決定從此開始我的食評之路速食: 食評標題已是重點外觀: 快餐店式的佈局，半開放式，即係無佈局。店內有高位，高位後是一幅相關主題的牆畫，很適合打卡影相，但前題係你係坐係果個位。座位不多，每張枱之間痴得好埋，無私隱可言，大家都好清楚大家點左咩食，又好清楚大家傾緊咩，所以如果為吹水/本身你地一大班人好嘈既，唔建議黎呢到。輪候時間: 當日係下午茶時間去食午餐，因為非假日，只等候5分鐘左右便入座，但因為座位不多，可以想像假日/繁忙時段係相當爆。點餐: 其實我一開始有D混亂，因為佢同酒樓一樣有點心紙，但係佢同時又因應當時主題再釘上數張不同的點心紙，叫茶又有另外一張，所以此蝦餃不同彼蝦餃，此腸粉不同彼腸粉。但對適應力強勁的香港人黎講，問題不大，不過希望該店可以一張額外既分釘就好，不然太多左翻右翻好亂。茶水: 我地去的時候係做緊little twins star主題，點主題相關的茶位有杯墊送，有得指定款式。杯墊質量幾好，如果係fans可以收藏。可惜是茶是用茶包沖成，一大壺水配一個茶包，味道當然是淡如白水，所以如果唔係有杯墊加成的

對Little Twin Stars 有情意結, 見到朋友Post D 相好得意, 今日特登約埋屋企人試下呢間位於The One 的點心餐廳. 餐廳係商場裏面, 座位唔多, 是日星期六, 正值Lunch, 所以Full 晒, 但坐得都算幾舒服唔會太迫.食物方面, 我地叫咗Little Twin Stars 蝦腸, 賣相好靚呀! 不過食落口就覺得唔妥, 腸粉皮非常厚而且好粉, 而且餡料亦都啖而無味, 真係好難食, 相機食完就算數了奶王飽同樣地賣相好Cute, 見到都唔捨得食! 食落味道OK, 飽皮都唔算太硬而且奶王味道都合格鮮竹卷都不過不失, 佢個湯底比較清淡, 無乜味道, 但鮮竹卷尚算新鮮, 合格蘿蔔咸水角 - 呢款點心比較健康, 賣相好得意, 味道都唔錯, 可以一試!兔仔綿花糖 - 我自己無食, 一上枱比D細路食晒, 見佢地食得好開心都話好好味!因為有限時, 只可以食1.5個鐘, 雖然無人等位, 但D職員都準時趕我地走...其實無人等位, 點解唔可以坐耐D呢? 食物已經麻麻, 仲要趕人走, 感覺真係好麻麻. 呢間餐廳貪得意食一次就夠

見openrice d食評彈多過讚，呢日搵埋朋友一齊到點心代表餐廳試下啦~ 我地叫左幾樣主提式點心同普通點心。果然，聽人講不如自己親自去食！主題同普通點心都唔錯，有返咁上下水準，而當中安格斯牛肉腸，帶子燒賣同龍鬚鳳尾虾，我個人特別鍾意！雖然價錢唔算平，但都值得！

一早去到吾洗排隊，我們8人抬吾比我們泊枱坐，話要有通道喎。食物好失敗，蝦餃變壞了，牛肉蛋飯入面有一條好長的頭髮 。不會再去！無諗過咁失望！little twin star 食物還可以。服務態度麻麻地，無下次。

今日同班dd 係尖沙咀試一試聞名已夠的twinstars點心，真係好得意，原本以為要排好奈隊，點知今日一黎就有位。奶皇包堅係流心、帶子燒賣好大粒！好多款點心都有公仔，個公仔都食得嫁！再推薦幾款我試左覺得正既：龍鬚鳳尾蝦、花枝餅和芝士花枝丸。甜品推薦：燉奶椰皇好正、米菲白兔好靚，另外仲有隻新出既醜比頭公仔入面個芝士蛋糕好食！唔同一般芝士蛋糕好散。總結呢間真係值得一試，聽講twinstars做埋呢個月咋，要食就快。

今天路過尖沙咀The One, 突然看到点心代表又有新挵作，竟然和Kobitos醜比頭聯名出來点心。下午2:30等了15分鐘便可坐下來，及后才知道只供應6款甜點，大失望。熱點要31/3才有。於是便点了克羽煞60%純朱古力蛋糕。價錢要$49（不便宜），吃后癸覺勁重朱古力，不甜帶苦，入口回味甘甜，正！

今日路經此店 早己聽過有呢間點心舖見肚餓 又有座位 便入去一試…環境十分好 都貼滿公仔 …企門口的接待員態度很好…坐下後 大約十分鐘便上菜 速度很快一下子就上齊了所有菜式流沙包味道十分好 不算太甜安格牛肉腸堅係好食咸水角 鳳尾蝦外觀都整得好好食落仲想黎多碟 不過我都係怕熱氣所以就放棄叫多一碟了傳統點心無咩特別 都係屋企樓下茶樓既味走既時候發現原來對面既店都係佢地仲見到有一大堆甜品 好想食不過要下次來先可以食 因為太飽了

食品非常新鮮，有創意，尤其是海鮮五穀炒反，有粟米粒，有青口，有魚，有虾，跟住系海鮮沙律，蔬菜非常新鮮，沙律醬很美味，有帶子有虾，公仔又得意，最後系彩色虾餃皮薄又好味

每次經過呢間餐廳 都見到有唔少人喺度排隊等 今日就去撞下多唔多人等 咁岩冇咩人等緊 等咗2-3分鐘就有位大家都係衝着佢啲公仔點心而來 但其實選擇並唔多 得幾款 而且價錢偏貴 喺普通茶樓既2-3倍網上最多人post既就係呢個 包入面既朱古力漿係流心既 得意就幾得意 不過味道就好麻麻 個包都ok軟熟 不過入面個餡就好難食 好好好甜 水晶蝦餃 皮唔算太厚 個餡冇咩蝦 食落口冇口感 唔爽口 粉居多 未至於難食 不過唔係好食奶皇包皮好厚好實 偏乾 入面流心 所以balance返 唔算係太乾 不過入面既奶皇偏淡 冇咩味 唔似食緊奶皇包 玫瑰茶上枱第一杯茶顏色好淡 味道好淡 之後就愈來愈深色同濃味 應該係因為個茶包'沉'耐咗出咗味 飲落有好淡好淡既玫瑰味 茶味就欠奉總括黎講 如果係志在食好味既點心 就唔洗試 因為又貴又唔好食 如果係影下相呃like既話 咁就預咗要付出代價

我承認係我衰先黎呢間食，中伏到一個極點！！！店員安排我地坐出面，又迫又細，ok唔緊要，因為好肚餓...1）鮮蝦煎腸粉，粉皮鞋過鞋底，我未試過食蝦腸會有蟹柳，喂大佬，你收人$49碟腸粉比蟹柳？入面每條腸粉有一隻蝦，蟹柳個比例超多😒同埋普通酒樓都唔會做到個皮咁鞋啦，食水深唔緊要，可唔可以比番d質素？ 2）彩色蝦餃，賣相好靚，但成隻餃冇味，我都未試過食蝦餃要點醬油食😒3）奶皇流沙包，個皮好厚好鞋，救命呀，到底呢間野識唔識整點心？d奶皇有流心，一半流一半已經硬硬地😰奶皇好甜，唉4） 青芥蝦堡仔-另一難食之作，個皮唔使講就肯定又硬又鞋，薯條係凍既，食落有陣薑味😒入面塊蝦又係唔熱，微暖，唉，可唔可以用心做食物 5）黑魚子燒賣王-終於有樣野正常，係正常唔係好食呀下，當你食左好多難食既野就覺得呢個係美食 真係食到好唔開心，我愈食愈嬲，埋單$311真係好貴，其實我地唔介意價錢，我係預左，成餐覺得貼錢買難受真係好唔開心，要食既話自己決定 當比錢食境

夜晚去左尖沙咀行下,差唔多9:00,仲未食飯,見点心代表冇乜人,little twin stars點心又好可愛,於是就試下了。之前的蛋黃哥熱潮,仍有精品售賣中呀。裝潢冇乜特色,只係貼左little twin stars海報同售賣一些精品,環境擠迫,枱椅密集,坐得不太舒服。必試 Little Twin Stars 點心。Little Twin Stars的茶具好靚呀。茶位$10,要了玫瑰普洱茶,是用茶包的,冇乜玫瑰味之餘,連普洱味都欠奉,明明茶色好深,都冇乜茶味呀。鮮蝦蒸腸粉,$49。好在本身不是fans,如果唔係一定好唔開心,賣點是little twin stars,卻公仔冇左半邊面,太hea了啦,完全冇誠意。講下個腸粉,皮厚,饀唔係全部用鮮蝦,有一半係蟹柳,一半係鮮蝦,感覺偷工減料,味道普通。蒸奶皇流沙包,$49。賣相好可愛呀,印有公仔,冇走樣,微熱,個包硬左點,好豐富的流沙餡,味道香甜,咁多款點心當中比較好果款了。彩色蝦餃$59。賣相不俗,粉紅及粉藍色都好可愛呀,入面好大粒鮮蝦,都幾爽口,不過冇鮮味呀。燉奶椰皇,$69,個賣相幾靚,餐碟都好靚,微熱,有椰香味,少甜,味道正常水準。蟲