Video
Read full review
2016-04-01
688 views
文章前先利申: 我食完，有朋友睇完Openrice又去同我一樣感受，所以我決定從此開始我的食評之路速食: 食評標題已是重點外觀: 快餐店式的佈局，半開放式，即係無佈局。店內有高位，高位後是一幅相關主題的牆畫，很適合打卡影相，但前題係你係坐係果個位。座位不多，每張枱之間痴得好埋，無私隱可言，大家都好清楚大家點左咩食，又好清楚大家傾緊咩，所以如果為吹水/本身你地一大班人好嘈既，唔建議黎呢到。輪候時間: 當日係下午茶時間去食午餐，因為非假日，只等候5分鐘左右便入座，但因為座位不多，可以想像假日/繁忙時段係相當爆。點餐: 其實我一開始有D混亂，因為佢同酒樓一樣有點心紙，但係佢同時又因應當時主題再釘上數張不同的點心紙，叫茶又有另外一張，所以此蝦餃不同彼蝦餃，此腸粉不同彼腸粉。但對適應力強勁的香港人黎講，問題不大，不過希望該店可以一張額外既分釘就好，不然太多左翻右翻好亂。茶水: 我地去的時候係做緊little twins star主題，點主題相關的茶位有杯墊送，有得指定款式。杯墊質量幾好，如果係fans可以收藏。可惜是茶是用茶包沖成，一大壺水配一個茶包，味道當然是淡如白水，所以如果唔係有杯墊加成的
速食: 食評標題已是重點
外觀: 快餐店式的佈局，半開放式，即係無佈局。店內有高位，高位後是一幅相關主題的牆畫，很適合打卡影相，但前題係你係坐係果個位。座位不多，每張枱之間痴得好埋，無私隱可言，大家都好清楚大家點左咩食，又好清楚大家傾緊咩，所以如果為吹水/本身你地一大班人好嘈既，唔建議黎呢到。
輪候時間: 當日係下午茶時間去食午餐，因為非假日，只等候5分鐘左右便入座，但因為座位不多，可以想像假日/繁忙時段係相當爆。
點餐: 其實我一開始有D混亂，因為佢同酒樓一樣有點心紙，但係佢同時又因應當時主題再釘上數張不同的點心紙，叫茶又有另外一張，所以此蝦餃不同彼蝦餃，此腸粉不同彼腸粉。但對適應力強勁的香港人黎講，問題不大，不過希望該店可以一張額外既分釘就好，不然太多左翻右翻好亂。
茶水: 我地去的時候係做緊little twins star主題，點主題相關的茶位有杯墊送，有得指定款式。杯墊質量幾好，如果係fans可以收藏。可惜是茶是用茶包沖成，一大壺水配一個茶包，味道當然是淡如白水，所以如果唔係有杯墊加成的話，我相信點最便宜跟最貴的是沒分別。
食物質素:
外表: 有特別做型的我地都有叫，造型還好，但也同樣是有聞名不如見面的問題，現實比不上網上的圖片，不過可以接受。
份量: 份量跟一般酒樓無異。
味道: 味道方面有驚喜。坦白講，本來以為呢種店鋪賣的是外表，但事實係比一般茶樓好和新鮮，蝦餃雞粉不多。但我們點的一道「流心奶皇包」出大事，問題就係唔流心，呢個好大問題仲唔肯換，會係下面再講。我地有點埋非主題類點心，味道相當不錯。
服務態度: 呢個係重中之重，大家約埋食飯，都希望有個好的回憶，食得開心。食到好味道固然開心，但店員既態度都好影響食客心情，我相信無人鍾意俾錢買氣受。上面都提過，我地個流心奶皇包唔流心，我同女朋友食完後，再望一望隔離果枱覺得奇怪，點解人人流心我地果個唔流，所以拎住最後一個包去問店員(一籠有3個，我地還有一個)。店員第一反應係:「你地做咩食完先講? 食完無架啦。」然後個店員就走左去。我已經火火地，我想問下點解姐，你做咩講到我好似屈你換野咁。好，我忍，咁我埋左單，唔駛要你換啦，再問經理同樣問題，經埋第一反應係:「你地做咩食完先講? 食完無架啦。你地有無影相先?」真係有咩上司就有咩下屬，我立即火上頭，捉返頭先我問果個店員過黎講，佢先好認真咁答我:「有時可能因為廚房入面做料，打得唔好，所以無流心效果，間唔中會有呢個情況」。坦白講呢個係你地招牌，賣晒廣告話公仔口/屁股流蛋黃嘛，但我篤極個口佢都唔流黃，我幾咁傷心 ! 你叫我點打卡? 我女朋友扁晒咀，咁都想你答我一下等我女朋友知點解，點解講到好似我問題? 食左先講? 我唔食點知佢流唔流心，我真係以為佢中間先會流。呢種答案我真係為以只有茶仔先有，呢個真係酒店級價錢食出大排檔既服務。(坦白講如果係茶仔/一般酒樓我都唔會問，預左佢地質素參差)
結論: 性價比好低，如果為食好點心同樣價錢有更多好的高級酒樓選擇，但係對主題有愛者滿分。
Post