点心代表 (Closed)

近兩年，蛋黃哥人氣急升，蛋黃哥懶洋洋的樣子十分有趣，相信有很多人都喜歡懶洋洋的時候。這間点心代表早前跟蛋黃哥做了一個crossover，為一眾蛋黃哥粉絲帶來一些驚喜，我和女朋友都有來到一嚐蛋黃哥造型的食品。蛋黃哥點心的外形十分吸引，味道也不俗，朱古力流沙包的概念相當新鮮和幽默，我和女朋友都十分喜歡。我們還叫了一碗煙肉五榖炒飯，這個飯的味道還是可以的，可是蛋黃哥的外貌就有點暇疵了。最後，我們叫了一個奶凍作為甜品，這個奶凍可以為這餐晚飯加回一些分數，因為味道算是不錯的。可能等了很久才能入座，另外餐廳佈置方面，亦不算很多蛋黃哥的裝飾，而且我們被安排在室外用餐，那裏一點蛋黃哥的裝飾都沒有呢！所以綜合各方面我們不會給太高分數，但我們還是期待日後會有新款菜式推出的！

當日剛剛轉little twin stars主題後幾日，所以特別多人，排隊約等左1小時。環境係冇咩Little twin stars既裝修, 可能中環分店先有, 所以都幾失望.服務員都好忙, 而且有點小出錯, 不過算係勤快, 加茶水及上菜都會好快手.玫瑰普洱茶 : 用上little twin stars 茶具, 厄like影相先. 而且枱紙都有公仔都幾吸引少女.冇普遍既普洱茶甘濃, 有淡淡玫瑰. 都幾香幾好飲. 但每位$10比較貴, 因為唔會嘆好耐茶.鮮蝦蒸腸粉 :同平時食開既一樣有3氣腸粉, 同埋印有圖案既米紙係面層.每條腸粉都有大大隻爽脆鮮蝦, 仲有蟹柳同埋帶子. 材料豐富, 但腸粉唔夠薄, 幸好都算滑.水晶蝦餃皇:有2-3隻大大粒蝦, 爽口又滑, 味道唔會好咸. 不過同樣個蝦餃皮太厚身.但有超吸晴既little twin stars 公仔, 點都好味d 既.奶皇流沙包:呢款係全場最好味, 又靚又吸引既點心啦.流沙效果好好, 影左陣相應該凍左少少, 但估唔到都仲暖, 而且唔會熱親個咀.一咬落去爆哂d 奶皇餡, 好香好好味.而且公仔圖案黎講, 呢款最清晰好看.海鮮凱撒沙拉:沙拉都好岩

一直都有聽講點心代表呢間店嘅點心好Q，好可愛，本嚟無咩興趣，覺得應該系比較適合小朋友去食嘅吧，因為我對好Q嘅小東西唔系好感興趣，覺得出去食野就系為左好嘅食物，外表我基本可以忽略，當然煮得好信又好睇就更好，但今晚朋友又約我過去，咁就去試下喇，估計應該唔錯吧。環境都算可以，價格都唔話好貴，仲可以接受。每次去食點心我都會點蝦餃，呢度嘅蝦餃做到幾種顏色，個樣就幾好睇喇，味道都算可以，蝦都算新鮮同幾大只，除左個樣，同系一般茶餐椅食到嘅無咩區別。我覺得最得意系個豬仔包，系個PETPET果度仲流D餡出來，都幾逼真下，味道都算OK喇，餡做得都算香甜，包身又好軟，蒸得好好。烤賣我覺得唔夠添好運同點點心嘅好食，無咩口感同味道，就系外表整比較好睇，其他就感覺一般，聽講比較出名嘅懶蛋蛋系列無做，變左雙子星系列，無試到懶蛋蛋有少少遺憾喇。

我一真都好想黎食Twin Star 點心！之前聽朋友說一般，無奈Twin Star 控的我，和朋友一場黎到，又不用排隊，一試無妨吧！一坐下，朋友的餐具沒有Twin Star Logo 喎，於是要求更換！點了人參鳥龍茶，淡而無味！怕點心凍，諗住先點三個點心，再加追其他！點了普通嘅鮮蝦菜苗餃，一般，還可以！流沙包 - 印有Twin Star, 賣相可愛，但不是流沙，是奶皇水或奶皇汁才對！ 蝦腸 - 極度失敗之作！外觀：Twin Star圖案不精美，Kiki同Lala樣子朦朧！最過份係一條蝦腸只有一隻蝦，蝦大但毫無鮮味，另外用蟹柳代替！雪味重！腸粉皮極厚！第一次食蝦腸係用蟹柳！😡😡😡😡😡😡😡😡😡😡😡😡😡😡😡😡蝦腸爽蟹柳！有欺騙成份！過份中的過份！朋友問要否理論或更換，我已經好失望，還是算了吧，無下次！ 食到無哂Mood!決定唔再食埋單走人！共收168大洋！包3個點心，無味茶和一肚氣！

你問我好唔好食呢Twinstars樣嘅點心真係好難食 !但係作為fans嘅我梗係一定要去朝聖 食環境杯杯碟碟 就已經夠曬興奮唔可以expect太多茶壺twinstars加分枱紙twinstars加分杯杯碟碟twin stars 加分反而大蝦沙律幾好食但係其中有一塊菜係爛嘅大蝦新鮮其中有個蛋包糯米雞真係幾得意燒賣係酸野腸粉好多好多腸粉 轉好多圈滯哂係好滑都冇用蝦又少流心包ok啦 流到成手都係菜肉包要比0分好多包好少餡餡又乾蝦餃唔好食個皮味道奇怪反而鯪魚球幾好食炸得啱啱好Service very good

梳乎蛋芝士蛋撻 ($39)又一個蛋黃哥💛 配合近來城中大熱既芝士撻咬落口 撻皮比較脆芝士味唔太濃但亦唔會太膩如果芝士味更濃更好！梳乎蛋流心包($49)流心包既皮比較厚💁🏻影左陣相快快手開黎食已經有少少凍流出黎既奶皇亦唔太濃但知在係蛋黃哥💛就原諒你啦

剛好經過，不用等位，便試一試～其實並沒有期望過會好好味，始終都是因為little twin stars 而坐下~ 腸粉，皮太痴⋯蝦沒有蝦味，蟹柳也沒有味道⋯整體就不知在吃什麼，沒有味道的腸粉另一樣係菜肉包，還想著菜肉包應該可以的～ 不是平時食開的菜肉包，味道也不討好⋯簡直失望⋯只點了這兩款點心，真的非常失望⋯對這店只有反感，沒有下次，免費也不來

是晚朋友比我任揀食乜，講真，食飯有時5係最重要，同朋友影下相同見面吹水先係重點。為左見到傳說中嘅蛋黃哥嘔奶，跟朋友來到<<點心代表>>一趟！叫了好多5同花樣嘅蛋黃哥，價錢5便宜，明顯食個個公仔影相價~😂😂😂順便upload下相上fb呃like黎得到呢度 就緊係要叫關於蛋黃哥嘅食品所以貴少少都5怕而茶位係計人頭既，$10/1位，飲落5錯，淡淡香的。舖面5係好大，店員亦5係好多但舖內燈光夠猛，通透！之後店員陸續送上點心...梳乎蛋蝦餃 $49樣子好晶瑩剔透，貼上可愛的蛋黃哥咀臉，吸引人一口咬下去吃落蝦蓉及豬肉比例不是平均，但味道還不錯，5會太咸。但個皮好差，好難咬開，太厚，粉太重。 蛋黃流沙包 $49個包圓碌碌，上面一樣印有好可愛既蛋黃哥樣，而個包金黃色，一篤就會漏咗d奶黃出嚟，味道還不錯，個包夠鬆軟，奶黃比較甜及充滿奶香。白兔蝦餃 $49樣子好可愛，呢個皮易咬D，可稱得上皮薄餡靚細緻考功夫梳乎蛋酥皮叉燒包 $49酥皮很不賴，皮鬆化重蛋味，內面的叉燒弄得咸甜岩岩好加上外型，全場最值得食！！後記: 講打卡係幾不錯，環境靚食物賣相吸引但講食物質素就可一不可再//

因為朋友見到出咗新菜式Little twin stars主題嘅點心，之後覺得好得意咁就一齊試下啦，但估唔到係中伏系列。 Little twin stars漢堡：食過咁多樣嘢，我第一次食一間餐廳用難食嚟形容，首先佢上枱果陣其實已經無溫度可言，而且個漢堡包太硬，個硬度真係唔講得小，我諗同硬嘅法包差唔到，好在佢都有啲芥末沙律醬...令到都叫咬到。而薯條就正常味道但熱啲會好食啲。（呢個漢堡極度唔建議叫） 五穀海鮮炒飯：對比之下呢個味道算正常，首先講嗰個飯粒炒得分明，雖然有啲硬咗小小我都接受，因為起碼叫食到。而唯一鍾意就係呢個魚乾好香脆，魚柳都好滑但佢上面個公仔貼子就走咗樣...（其實呢間嘢真係食個樣）

上次食 "蛋黃哥" 已中過一次伏，今次 little twin stars 睇完食物相之後， 發現食物大同小異，便決定只買精品，不再中伏。 茶壼及杯加埋約$320元，又唔算太貴，不過好多 defect 位。啲餐具就咁堆哂出嚟叫客人揀，又無盒保䕶，好無誠意的。除杯及茶壼外，尚有多款碟及碗，大家有興趣可以去 shopping，但 eating 還是算了....茶壼已所剩無幾，要買趁手。

前幾日見到有朋友發左去D去食點心嘅相，點心好可愛，原嚟系之前雜志有介紹過嘅懶蛋蛋，見到真系好吸引，于是今晚就約朋友過去揾食喇，呢排甘熱門自然就多人排隊啦，好在我地人少，唔系等左好耐。店內環境幾好，幾適合聚會食飯，每次飲茶都會點蝦餃，但呢間嘅蝦餃上嚟嘅時候，我以為上錯菜喇，有紅有淺藍兩個顏色，中意插左支公仔嘅旗仔，真系好可愛，味道還可以，但味道無咩特別，就個樣好睇。豬仔包，好Q啊，呢個一定要趁熱食，唔系入邊D朱古力凍左就唔系液體狀喇，包身幾軟，好香奶味，好特別，唔錯。本嚟就系沖住呢個嚟嘅，真系唔舍得食落去，但蒸得好滑，甜度剛剛好，我都幾中意，不過呢間店比其他點心店稍微貴D，但中意嘅朋友可以試下。

我今日就係專登為咗懶蛋蛋而嚟嘎，之前喺facebook就已經睇過佢啲威水史，覺得佢真係好可愛好特別，點知前幾日俾我發現咗呢間鋪有，所以今日一定要食到吖！！皇天不負有心人，終於俾我食到啦，其實懶蛋蛋就係朱古力流沙包，外面噶包皮喺黃色噶，不過蒸得好鬆軟，入面噶餡好似啲朱古力醬一樣一咬開就會流出嚟，朱古力味非常濃郁帶子燒麥，上面仲喺雙子星噶圖案，真係好多童年回憶都喺度搵翻，雖然賣相差咗啲， 不過味道都ok印有雙子星圖案噶腸粉，喺鮮蝦腸粉嚟嘎，入面唔單只有鮮蝦、仲有蟹棒同埋瑤柱，好食！奶黃流沙包，流沙餡甜而不膩，奶香味非常濃郁。

未到之前一直不知道此餐廳的名字，只係從雜誌知道於The One有間餐廳提供期間限定的Little Twins Star 點心。因工作需要需到尖沙咀，所以約了朋友到此餐廳午餐。環境可能因為係開放式鋪面，會有不少人走過，欠缺了點私隱度。另外亦會比較嘈吵。我們兩個女孩子，吃不了太多食物，所以只點了4款點心：蝦餃，腸粉，奶皇飽，菜肉飽。苶杯及茶壺已更換成Little Twin Stars蝦餃的賣相比味道好！材料很足，但味道不似傳統的蝦餃，有點像吃已調味的蝦仁。 蝦腸雖然叫蝦腸，但是材料並不只有蝦。腸粉入面還有帶子和蟹柳。帶子和蟹柳味道反而更特出。 奶皇包，很流沙！包入面的奶黃在我一咬個包就全漏了出來。味道就有點奇怪，奶皇充滿杏仁味，味道幾乎蓋過奶皇的味道。 菜肉包。材料是用了雞肉，配搭菜的味道不錯。整體來看，今個午餐算是不錯。因為一開始是因為Little Twins Stars 而來，所以沒有抱很大的期望。可能因為這個原因，結果有小驚喜！

The One 的点心代表因為疏乎蛋造型的點心而聲名大噪，經常要大排長龍。今日放假見冇乜人排隊就去試下。餐廳嘅地方好細，環境好逼。枱貼枱，幾乎膊頭要貼隔離枱的膊頭…墊枱子係疏乎蛋造型，牆上都貼左一d疏乎蛋海報。茶錢＄10一位，叫咗人參烏龍茶，但係冇人參味亦冇茶味，飲滾水可能仲好飲⋯仲要叫極都唔幫你加水⋯想點⋯疏乎蛋造型嘅點心比起普通點心貴，不過一場嚟到梗係要叫返幾款影吓相。＄49一籠疏乎蛋蝦餃，喂你收得咁貴就算冇內涵我都expect個樣會靚啲！3粒蝦餃其中一粒隻眼飛走左，要我地自己用筷子捽返隻眼上去！超樣衰！蝦餃勁厚皮！講真，我第一次食今後咁厚皮既蝦餃！個餡除左蝦重混左豬肉，真心難食！朱古力流心包反而正常啲，同樣＄49，個樣係ok可愛既，差不多枱枱都有叫，個個都攞住影相，其實影完相個朱古力已經不再流心。唔特別好食亦唔特別難食。再叫左個煎蛋牛肉飯，用竹籠加荷葉蒸，個樣正常但食落先覺得怪！個牛肉⋯好厚，入面有馬碲，芹菜，exactly就係牛肉球的味道同口感！其實係咪求期攞兩粒牛肉球搓埋一齊壓扁攞去整嘅呢？慳水慳力到咁嘅地步？好古怪呀！！如果係疏乎蛋fans，一定要幫襯的話建議你只order

因為我係twinstars fans，所以山長水遠抱住個仔由屯門出來試！一個星期前仲滿心歡喜的期待......當日係星期二上午11點半左右，間野其實11點開門，帶位果位小姐已經勁無禮貌，見到我推bb車已經唔想ser 我，俾左個門口位大把人要喺我背脊行嚟行去嘅位置俾我坐，都算......問果位小姐係咪有twinstars杯碟賣？喺邊有得睇？佢就指住一個地方好無禮貌地話：「果度囉！」叫左幾樣點心，腸粉塊皮厚過腳皮、流沙包甜到阿媽都唔認得！蝦餃無蝦味、燒賣啲豬肉腥嘅⋯⋯肉質仲係鮮粉紅......最後我俾錢買左兩隻碟，但要等對面賣衫間鋪嘅同事返先有得拎喎！話開12點，但果位同事接近12點4先返到開門，仲要排隊....行到埋去竟然話我買嘅碟無貨，求其喺廚房拎隻油立立嘅碟俾我，我唔要，換過同款兩隻一樣嘅碟就算......總結呢間野好不知所謂，點心難食過稻x，員工好似唔想做咁就不如快啲執左佢算了！極度無誠意之作還整衰我個twinstars！討厭！