点心代表 (Closed)

鐘意醜比頭既朋友生日，約左佢係the one等，再帶佢去点心代表比個驚喜佢因為最近餐廳轉左做醜心頭主題。佢入到去真係好開心。即刻手機不離手狂影相第一次晚餐係食点心，睇睇餐牌，價錢偏貴同份量小，但食食下又會發覺每款食物都好飽肚朋友一見到以經好想要帶呢套餐具返屋企必點，蝦餃燒賣。皮略嫌少少厚，但味道是不錯的~餡料幾足要黎個又食得又玩得既奶皇包，用牙纖係醜比頭個口到篤一篤個洞，即時出現嘔奶效果，真係幾好笑篤咩位，自己決定啦~眼出奶都唔錯架呢款屎屎係甜品來的~~朱古力味既屎配上充滿煉奶既雪米餅，屎！我真係食過~~紅蘿白形既咸水角，不錯呢內脆外熱~後加上一個主題既蛋黃哥燒賣~好可愛唷！最後，朱古力流心包，同樣係你想既位置用牙纖篤洞，輕力禁一禁包身。 嘔心既場面又到了成餐飯都係嘔奶必屎既情景下不斷爆笑

首次吃用菠菜和大蝦做的餃，需然有些貴（$39。3隻），但上枱時外皮全透明、原隻大蝦爽趣！好味！菠蘿特飲也不差，原隻香水菠蘿肉加上無糖梳打水打成砂冰、無加糖、清新。

今日落到尖沙咀的THE ONE 行街, 走到攰時母親大人剛好被点心代表的的鮮艷色彩吸引老實說, 本人對其使用簡體字作店名這種期圖吸引內地人的手法實在不敢恭維畢竟這裹是香港, 假如如此希望招攬內地人就在內地開好了現在內地的經濟衰退, 要長做還是要靠我們本地人但是本地人看到這種名字都已經不禁生厭, 簡直是趕客行為建議店家好好檢討一下自己的定位不過, 抱著「人一世乜物一世咩都要試下」的座右銘, 呀媽話點就點啦今次店舖的使用的餐具和主題是頗有人氣的醜比頭,  餐具方面是十分值得一讚非常精美和吸晴, 相信可以吸引不少喜歡打卡的女士餐牌方面亦都色彩繽紛, 令人食指大動餐廳的員工態度算佳, 即使面對我母親提出的奇怪問題好像什麼「呢D茶會唔會令我失眠?」之類的亦都願意耐心解答, 算很不錯了不過,一切的門面功夫都是其次, 食物的質素才是最重要!------------------------------兔仔蝦餃 ($39)外貌方面其實只是加上2粒紅蘿蔔當作眼睛, 毫無特別另外皮很厚, 而且太乾身, 一點都不好吃這種貨色還敢討價$39, 味道卻連稻香都比不上粉屁桃青介鮮蝦漢堡($59)基本上就是一個青介鮮

五月廿九日，七點半左右黎到，都坐左九成滿。叫左五樣點心，春卷新鮮炸，熱辣辣夠脆夠香口。肥桃鮮奶包，賣相都勁搞笑，入面係甜甜地，有啲似淡煉奶咁。口水雞腸粉，幾特別，雖然佢唔係包埋啲口水雞響腸粉入面，而係分開既。不過都好，因為個口水雞實在太辣，但個辣係辣得好味既。屎屎炸曼頭，個底果塊完全係旺旺雪餅，上面有啲煉奶，點個曼頭食，都幾好味，炸曼頭點煉奶係絕配。雞扎好足料，入面樣樣都大大件，魚肚，雞，蟹柳係靚野黎，絕對唔係平時酒樓既色素假蟹柳。兩個人埋單連加一254，講真黎呢啲主題餐廳食野，都唔會太期望啲野食好好食，主要都係為左影下相。不過呢次食落啲野都唔錯，可以再黎！

套餐具好靚，全部都有little twins star 個様蝦腸，不過除咗蝦之外仲有蟹柳同帶子，蝦好爽口鮮甜，不過我鍾意全部都係蝦。印kiki同lala個樣就醜樣啲，都睇唔到全部個樣。奶皇包比較甜，食一個已經有啲over, 不過個樣就好靚蝦春卷係全部都係蝦, 好脆

下午兩點半才放反，跟女同事路過点心代表，自問對卡通联名食品從不感興趣，但女同事大吵大鬧，又不用排隊，就光顧一次。5碟索價$228（一的都唔平），但飯後感覺不錯，份量超大，雞翼小辣但夠味。店長還告訴我鷄蛋是用日本月光蛋，怪不得有重蛋味、不錯、肯定会再來。

因為工作關係， 今日又途經the one, 當然又去食我最愛既點心， 真係好鐘意佢地既公仔點心， 有得食又有得睇同呃like去到差唔多飯市時間， 冇曬2人台傳統點心就同之前一樣， 唔太特別， 個黃金寶腸粉， 食前唔記得影相， 諗住普通腸粉啫， 點知原來最好味係佢， 濃郁付皮豆香， 同d雜菇絕配呢杯香甜熱情果beer, 不太大杯好鐘意佢地呢本書仔樣既menu, 睇得出花心思設計， 忍唔住拎左份返屋企珍藏今次餐具件件都有公仔架， 本身唔太鐘意呢隻桃頭都要影下呃like啦

上星期六去尖沙咀, 經過見到有間餐廳，好funny, 很多醜比頭,肥桃.1行3人就去試一試！可是可能是星期六很多人.單單排隊都排了1個幾鐘,可能人手不足,見到有枱,但沒有人得閒去收拾!這方面真的要改善.但一坐下就有侍應查詢我們要飲茶還是特飲. 望住menu,好多野都想試！最後試了龍蝦炒麵,啖啖肉配麵.好好味肥桃 流沙包， 真係會漏出黎， 好味又好玩，自己本身好鐘意食燒賣, 所以一定會點小花頭燒賣， 好colourful..再試其他小食，龍鬚鳳尾蝦,正 因為出面脆，入面真係包住一隻 彈牙的蝦！ 一試難忘.

呢間點心店一直以卡通人物為主題作招徠，途經中環得知今期係醜比頭，適逢有朋友鐘意，相約去尖沙咀分店朝拜下先。店外內裝修及餐具均有醜比頭的公仔 室內冷氣不足，我們更被安排的位置較近廚房，職員每次開關門都讓我們感受到一陣陣熱氣，好不舒服 茶介$10一位，以茶包為主，玫瑰鐵觀音完全沒有玫瑰的香味。金黃色的炸雞中翼熱辣辣，好香口，但好淡，腌得不夠味!墨魚餅還算ok, 略嫌中間有餡的份量太少了!另外，蒸鳳爪的味道也算正常，夠入味!主菜出場，呢款流沙包中間係奶白色的牛乳，味道較淡!全餐最最好味的是春風得意腸，內裡的蝦仁大大粒，味道適中 外型係一舊屎的是炸饅頭，饅頭炸得有點兒過乾，必須連埋加了練奶的雪米墊底一齊食才好味。另外，擺耐左塊雪米餅會變韌，所以影完相要快食了!基本上是為相機而設的一餐，食物味道欠奉，唯一可讚的是，有醜比頭角色的點心頗創新得意，食物有待改進!

今日去尖沙咀拎野，順便行下街,突然見到呢間醜比頭點心, 覺得好搞笑又有趣,店內裝飾不乏有醜比頭的踨影, 就連餐具和餐紙都有,令我覺得我好似去左台灣醜比頭cafe一樣, 到處都見到佢...餐牌:餐具和餐紙:好靚呀, 搞到我都變左農場精靈一樣食物:白兔仔蝦餃賣相好靚好得意, 蝦餃皮唔算太厚,而且入面真係有蝦, d蝦都唔細隻..雞札味道不過不失, 同其他酒樓一樣,無特別, 不過都幾大件, 只係有點咸..醜比頭流心包終於都到醜比頭流心包點心啦,最終目的都係因為佢, 網上見人係咁戳到佢流心,我都唔執輸, 照戳佢, 撕開一半都覺得幾流心,不過一籠得2個包真係有點貴同唔抵食!

喺點心代表未同任何卡通公仔合作之前我同朋友食過一次，當時感覺係啲點心好可愛，味道亦有水準，但係就貴咗少少囉。而今次居然係同我最愛嘅醜比頭合作，好啦，冇得唔嚟食囉，餐廳佈置、墊枱紙同碟都係醜比頭！我哋叫咗幾樣好可愛嘅點心，上菜嘅時候有一種好開心嘅感覺呢個屁桃鮮奶流沙包（$49）太可愛了！不過得意還得意，佢話就話叫鮮奶流沙包，但實際上入面只係煉奶。係有屁桃個樣啫，幾廿蚊一籠兩個煉奶包係真係貴咗啲...而呢個小花頭燒賣（$59），望落真係好靚㗎！但擺入口嘅一刻覺得根本係食緊色素，然後咬開一半之後即刻皮餡分離... 做得好嘅燒賣係唔應該咁嘅最後呢粒黃金寶屎（$39）係一個屎形炸饅頭下面用煉奶痴住一塊旺旺雪米餅。炸饅頭嚟講係幾好味，唔會好油價錢雖然係唔係好抵，但埋單後拎張單去對面間舖頭可以免費影即影即有（hard & soft copy都比哂你），如果係醜比頭fans嘅話呢餐都叫值得嘅

今晚去左尖沙咀食dim sum icon, 見到d杯杯碟碟都係由農場精靈既設計，小朋友見到實發哂癲但係食物水準真係好一般，叫左好幾樣點心都比較遜色！！只係個炸曼頭同蝦餃值得叫大家試之外，其他我叫個幾款點心真係麻麻地！炸曼頭竟然好香麥味！一d都唔油膩！蝦餃掐料十足，蝦肉彈牙爽口！

平時成日在facebook, 朋友圈見人地post呢间的食物，一行四人最終決定試下, 期待。一坐下，感党枱貼枱，冇咩空间感。茶杯餐碟係有卡通人物圖案，茶杯係little twin star, 碟碗就唔係一set. Order 左以下几款食物。出菜都算快，熱的。 菜心，賣相好普通，唔林，有些瑤柱絲點綴下，冇獲氣就肯定架喇，水準ok、腸粉，中間果條夠為吸引有圖案、餡是素，都爽口，但附送頭髮，待應生知道後都同我地更換、我党得腸粉偏油、 剪蛋牛肉反好厚肉，我不吃牛所以冇試、蛋包椯米飯、份量少、唔好味、有半粒好乾既蛋黃、燒賣，几好，蝦口爽賣相冇特別、奶包，包皮超厚、有包既味道，食唔出是什麼奶、 只知甜的叫左壺普洱茶，差，淡而冇味 唯一特別係食完之后發現对面可憑收據拍張即影即有相，食滿100蚊1張

今日終於有機會嚟一試 Little Twins Star 流沙飽但係比我想像中........難食同服務差！(只限尖沙咀分店, 因為未試過中環店)上到嚟L3, 但係實際都唔知上咗幾多層！總之一開始就搭Lift！因為今日落雨濕濕，所以露天座位閂咗！玻璃上都貼滿咗醜比頭嘅貼紙佢安排咗張超高枱俾我哋，我行到埋去先知，佢見到芊芊咁細粒就唔應該俾張咁高嘅枱我哋坐啦！後尾先知因為高枱剛好有3個入坐，仲有3個吉位就放埋我哋入去坐滿佢，明明有四人枱就留番俾D排喺我哋後面有4人嘅朋友我坐到埋去又唔想煩，就唯有自己小心D坐喺芊芊隔離，哥哥就要靠自己喇！同大家見到嘅一樣，裡面嘅餐紙茶壺等等都印有Little Twins Star樣！但係唔知點解人哋隻杯都印有Little Twins Star，但係我哋三個隻杯都冇囉，就咁白色咩都冇玫瑰普洱茶 $30今日我就冇叫蛋黃哥點心，如果 Little Twins Star 點心，我就叫咗蝦餃腸粉同埋流沙飽哥哥又叫住好想食鳳爪排骨飯，當然佢唔會明白嚟呢度叫呢個飯係好傻啦！仲有個玫瑰普洱，我以為叫茶係唔駛錢，原來同茶樓一樣仲要每個收$10仲要收埋加一....總數$255都

一個月前食既，補翻個食評。去The One體戲，經過Dimsum Icon，見到蛋黃哥流沙包個牌，就霖住入來試下，呢期係雙子星。兩個人點左一份燒賣，一碟腸粉，一籠流沙包。可惜味道都唔好一般。燒賣上來葛時候我已經好失望，居然連貼紙都無貼好，明知自己係要靠賣相來吸引人，整成咁都好意思摞上來。而腸粉亦都得個樣，皮厚，無味，餡料又少。至於最期待葛蛋黃哥亦都令我地好失望，流心程度極低，更加唔可以嘔出來。咁既質素人均都要100幾真係好唔抵。