點心到 (廟街)

Open Now

Now Closed

呢拆天氣熱到冇咩胃口，食點心都係一個唔錯嘅選擇，一盅兩件啱啱好。位於佐敦嘅點心到，裝修簡約，坐得舒服，冇傳統酒樓果種壓迫感。沙薑汁燴鮮淮山$22我好鍾意食淮山，但就未試過呢種做法。淮山爽口，有淡淡的沙薑汁，又唔覺得好鹹，仲有少量雲耳和西芹。鵪鶉蛋燒賣呢啲傳統點心唔係度度都有得食，燒賣皮薄餡靚，鵪鶉蛋細細隻連燒賣一齊食，好惹味，小朋友都好鍾意食。燒汁釀茄子$23茄子圓潤飽滿，上面仲釀左魚肉，魚肉彈牙，沾上甜嘅燒汁鼓油，好好味。籠仔鳳爪排骨飯$34次次嚟呢間飲茶，都一定會叫籠仔蒸飯，蒸飯以荷葉墊底，鳳爪和排骨都入味，飯底夠亁身，而且份量不少，3個人都夠食。

一向都對點心情有獨鍾下午喺佐敦附近上完堂無意中發現呢間食點心見冇乜人走咗入去坐以為冇乜人質素可能一般般但事實上食物比我想像中好食得多我特別鍾意個湯同埋虎皮尖椒係出色之作其他食物亦都係平均值之上鍾意食甜品嘅朋友尤其係鍾意榴槤的話一定一定一定唔可以錯過佢哋嘅榴槤雪媚娘可惜我掛住食唔記得影低🙈質素比起出邊啲乜乜乜榴槤糯米糍好太多❤️暖黃色薄薄嘅外皮包住就嚟要醬爆嘅榴槤肉淨係睇外表已經令人垂涎欲滴🤤一份有兩個兩個人去食一人一個啱啱好

最喜愛食港式點心😚今次揀左閒日約埋個朋友放工去食💜諗住少人啲，原來都有其他人同我同一樣諗法😆舖頭6:30pm已經坐滿左八成客人啦🤓食點心必嗌嘅就係蝦餃&燒賣(^з^)呢間舖頭可以俾人兩粒兩粒咁叫真係太好啦🤓我就可以有多啲quota食其他點心啦😜❤️晶瑩鮮蝦餃（2粒）皮夠薄，帶啲煙韌，鮮蝦夠彈牙就算唔係即黎即食，都仲keep到熱度🙌🏻🧡原隻蝦燒賣（2粒）每粒燒賣上面都有一大隻蝦仁🍤如果鍾意食啖啖肉嘅燒賣，一定會鍾意食呢粒🤘🏻💛鮮蝦腐皮卷煎炸得香脆嘅腐皮卷包住無數咁多粒蝦！爆餡！同埋唔會炸到油淋淋💚豐料糯米雞呢隻糯米雞入邊真係有幾舊雞架😎仲有一大舊叉燒添😆糯米唔會過分濕！好滿足呀!!💙欖仁馬拉糕其實我麻麻地馬拉糕！但呢度嘅馬拉糕我都食左半個😂唔算太甜！好軟熟！好濕潤！好好味！✅💜金沙脆皮銀蘿腸腸粉夠滑溜👍 入邊包住脆卜卜嘅脆皮蘿蔔絲網狀春卷！口感好豐富呀！💫叫咗咁多個點心埋單只係$148！重點仲要唔洗收加一服務費㗎！真係好抵食！💯📍𝕃𝕠𝕔𝕒𝕥𝕚𝕠𝕟:點心到(佐敦)佐敦廟街286-298號華志大廈地下6-8號舖

佐敦呢間點心到非常出名，次次去都要排長龍🫢但佢啲點心又真係好食，所以排一陣都值得嘅😎兩個人食唔到太多，所以今次就放棄咗燒賣同蝦餃。明蝦角配沙律醬，呢個入面大大啖蝦肉🤤雖然有啲熱氣，但真係正到爆！腐皮卷又係我嘅至愛，次次嚟必點呢款！入面又係啖啖蝦肉，出面層腐皮又脆又薄，太好味啦！🌟🌟🌟🌟比起平時出面食其他點心舖嘅腐皮卷，其他鋪多數層腐皮較軟過淋😢呢個真係我心目中嘅No.1😄小籠包就正常發揮，唔算特別出色。鹹水角都幾正。腸粉香滑。

最近工作繁忙，好耐冇陪媽媽飲茶食點心。知道佐敦有一間唔錯嘅點心舖頭，今日有得準時放工，就即時帶媽媽去飲茶。估唔到夜晚都咁多人幫襯食點心。 舖頭簡潔設計，雖然細但唔會太嘈。已經準備咗沖好嘅一壺普洱茶你飲。黑松露菜苗餃非常精緻嘅菜苗餃，好挺身。 外皮晶凝通透，蝦餃肉質非常新鮮、彈牙、蒸到剛剛好。黑松露喺面顯得非常高貴，亦唔會搶走蝦嘅鮮味。 懷舊鵪鶉蛋燒賣媽媽超興奮，話宜家好少酒樓有得叫鵪鶉蛋燒賣。係佢兒時成日食到嘅點心，好懷緬過去。鵪鶉蛋蒸到剛剛好，唔會霉，過硬或過冧。燒賣嘅豬肉亦好爽口彈牙，有豬肉味。黑金流沙包外皮有芝麻味，熱辣辣的金黃色蛋黃流沙。一咬即爆漿出來，小心燙到。金沙脆皮銀蘿腸腸粉皮包住薄脆，一咬好多蘿蔔絲。 蘿蔔絲好清甜爽口，感覺好似炸兩。口感好豐富。籠仔鳳爪排骨飯鳳爪同排骨好入味，白飯吸晒荷葉香同排骨鳳爪味。

點心專門店食過唔少，今日係佐敦做完野試左呢間「點心到」。門面乾淨光猛，坐得幾舒服😌～燒汁釀虎皮椒鯪魚肉好彈牙，虎皮椒係嗰辣嗰隻，但朋友話食到有嚿係辣😆～鮮竹牛肉球不是一般茶樓勁淋嗰款牛肉球，實淨小小，幾有口感同牛肉香。喼汁偏酸幾開胃。～醬皇金錢肚一客4大件，即叫即蒸，蒸得夠淋熱辣辣，調味適中。～金沙脆皮銀蘿腸好中意呢種外軟內脆嘅腸粉，內餡係炸蘿蔔春卷，香口。～榴槤雪媚娘一個字～好正🥰聽講係呢到名物，好好彩冇賣晒。拎上手已經覺得好墜手，榴連肉好足料，同忌廉好夾呀。一人一粒好滿足呀。

點心到價錢💲: $28/ $26/ $22/ $30/ $20/ $19/ $30/ $26好味程度😋: 4.2/5服務🍴: 3.7/5環境🗾: 3.7/5性價比🥢: 4.5/5回頭率😚: 4/5-來緊父親節想一家人去飲杯茶，食個包，又唔想好貴既？今日介紹呢間係佐敦的點心店就啱晒啦😗 價錢抵食，質素都OK，係啱晒老嫩的一間鋪。入面用左木系裝修都幾舒服😌-✅沙律明蝦角。大大個！好似炸蝦丸咁，蝦膠紮實，有蝦肉粒。脹卜卜塞滿晒啲餡，點埋沙律醬更邪惡！-✅✅蜆介鯪魚球。好耐無食呢個餸，呢個炸得香脆熱辣辣，鯪魚肉丸出奇地唔係好腥🤭 係有驚喜的！點埋鹹中帶啲鮮味的蜆介又唔錯🤩-✅✅卡通流心芋蓉包。樣貌可愛唔單止，上碟熱辣辣，一mit開個包，就有滿滿的芋蓉😋 超愛芋頭製品的我覺得好好食！芋蓉綿滑重奶香，好夾鬆軟的包，又唔會好甜，唔想食流沙包咁膩，呢個選擇唔錯😝 呢個包比較細個，等你可以食下其他野～-✅晶瑩鮮蝦餃。都係比較細粒，但都OK。入面幾粒蝦肉，個皮唔會好黏。過得去但唔係一定要叫🤫-✅豉汁蒸鳳爪。正常發揮，鳳爪蒸到好軟，啱啱好比杰到剛好的醬汁裹住☺️-✅✅濃湯鮮竹卷。我鍾意呢個用左豆乳湯，一d都唔

收工約朋友食飯，想食啲簡單又唔太熱氣既中菜。點心夠哂精緻之餘，價錢又唔算好貴，茶價都係每位$3，不另收加一。一籠籠點心放滿哂成張枱，可以樣樣都試到啲，啱哂有選擇困難症既朋友。晶瑩鮮蝦餃(2件)蝦餃皮晶瑩剔透，蝦肉都幾彈牙。同埋幾鐘意蝦餃燒賣可以揀兩件，可以留番個肚試多幾款點心。原隻蝦燒賣(2件)熱辣辣出爐，食既時候要小心辣親個嘴。黑松露菜苗餃餡料都幾多，塊皮就嚟包唔哂。食落有淡淡既黑松露香味。醬皇金錢肚金錢肚韌度剛剛好，又唔會咬唔開，而且幾入味。黑金流沙包最鐘意就係呢款流沙包，一咬開，滿滿既流沙溢出，配埋竹炭粉做既包，好香。手工布拉腸粉好難得食到布拉既腸粉，皮好薄而且好嫩滑，值得一試。鮑螺片滑雞粥雞件既骨比較多，肉質都算幾滑，粥底好綿密。

有時唔小心會有啲錯誤觀念😅覺得食點心無食西餐、日本餐咁高級不過試過呢間鋪就知食點心一啲都唔頹😚😚😚仲可以好享受呢！嘩！鋪頭裝修都幾精緻！🥰🥰🥰而且坐得好舒服！點心、甜品、燉湯都一應俱全🍲🍲有幾樣特別相介紹下：*海鮮沙律角🦐*勁漲卜卜又大隻入面雖然無生果但就咁食超爽彈嘅蝦已經夠滿足!✅*蜆芥鯪魚球🐟*無骨之餘又柔韌啲醬亦有鮮香😊😊*紅油抄手*啲辣嘅後勁慢慢喺口腔散發好過癮肉味香甜甚是美味唔想再食埋啲hea點心就快啲嚟幫襯下啦！

夜晚想飲茶食點心既就一定要搵啲點心專門店，今晚就去左廟街既「點心到」同埋2個朋友仔一齊嘆點心。賣點係款式多之餘，價錢個人覺得係幾平下，CP值算高👍🏻蝦餃燒賣就當然係必點，但以下既都係自己同朋友仔私心推介：「籠仔金銀蒜海蝦飯」（$42）：之前見網上既食評已經好想叫依個飯食，所以黎到第一樣剔既野就係依個海蝦飯，個飯黎到既時候已經覺得好吸引，聞到陣蒜茸味已經流曬口水，影完相已經急不及待要試下。蒸籠唔算深但勝在夠大，所以份量唔算少，3個人食都夠食，個飯撈埋啲蒜茸不得了🥲加埋啲蝦肉好味到自己都食左兩碗。「蜆蚧鯪魚球」（$26）：朋友仔就中意食鯪魚球，本身好多地方都會有蜆蚧鯪魚球，依間既鯪魚球份量夠多，$26有6舊，仲要係新鮮炸起，咬落夠煙韌彈牙，幾香鯪魚味，點埋蜆蚧汁夠香口。「黑金流沙包」（$25）：流沙包睇落夠精緻，平時食包最驚就係啲包太大個，食完個包驚食唔落其他野，但依個「黑金流沙包」既size岩岩好，大家要趁熱食先有流沙既效果，奶皇味都好夠濃👍🏻

茶位$3一位，而且點心質素唔差，值得一試👍🏻✨［卡通流心芋蓉包］睇得又食得💞芋蓉餡好香，唔會好甜🌟不過做唔到流心嘅效果🫠［黑金流沙包］奶黃好香甜💛餡料做到起沙嘅效果✨呢個係必點🖤包好軟熟🥯［晶瑩鮮蝦餃］大大粒😍入面塞滿蝦肉🌟蝦好爽好彈牙👍🏻［黑松露菜苗餃］皮薄餡靚😌顏色好鮮艷，有蝦肉🦐蘿蔔絲🥕白菜🥬黑松露🖤［上湯鮮竹卷］湯底好清甜✨［韭黃鮮蝦腸］腸粉拉得好滑，不過皮再薄啲就好🙈［三絲鮮蝦春卷］炸得好香口😋食落唔會好油膩🫶🏻🌟🌟指數(滿分:5🌟):⭐️⭐️⭐️⭐️人均消費：$60@dim_sum_here 📍油麻地廟街286-298號華志大廈地下6-8號舖

親民點心店，無論係出品，定係價錢性價比都好高❤004 黑松露菜苗餃$26 038 沙律明蝦角$28 031 黑金流沙包$25 017香茜牛肉腸$24 024 籠仔金銀蒜海蝦飯 $40每次嚟，都一定要叫佢哋嘅招牌流沙包，😍黑炭外表，仲有一層誘人嘅金箔，一咬開，滿滿嘅流沙爆出嚟，😘真係非常過癮！佢哋嘅明蝦角🥟都好好食，炸得香脆，🔥入邊嘅蝦仁好大粒。想飽肚，更加要試埋佢哋嘅海蝦飯，🦐哩個蒸飯比較少見，而且用荷葉包住，非常有誠意👍食落去，飯都有荷葉的香味~

依家飲茶食點心梗喺無時間限制啦，梗一包晌屋企，再唔喺，便利店大把即食點心，當然，想有質素少少，梗喺去啲點心專門店啦，況且，依家真喺開到梗有一間晌左近。近來疫情叫緩和咗，但都未喺可以掉以輕心，故此約食飯都只喺約番啲相熟嘅老友。今回同友人嚟到「點心到」飲餐夜茶，仲揀早少少避咗晚市，快上快落食完就閃。餐廳裝修簡約，木地板、木枱椅，特色嘅吊燈，予人感覺光猛潔淨，主要都喺四人枱，不過放咗唔少隔板鎅為兩張二人枱。此時都喺兩、三乘客，所以，大家都各自走位，坐得隔開啲。枱上已放好餐具、洗碗兜、一大壺熱茶，自己招呼自己。而茶位收$3位，唔算貴，不過，點心紙顯示有飲品提供，不過，就唔知嗌咗飲品，茶位有無得豁免啫。一張點心紙底面兩版，就羅列晒所有點心款式，大部分會喺見慣見熟嘅款式，數數吓，原來都有成50款之多，睇落定價都算相宜。嚟點心專門店最划算喺唔收加一，慳番嘅加一真喺夠食多一款點心。晶瑩鮮蝦餃（2粒）$15蝦餃同燒賣最好喺可以嗌半份，蝦餃喺點心嘅經典，點都要叫番一客。外皮摺紋清晰，薄透晶瑩，而且，咬落唔黏牙，裡面塞滿蝦肉，重點喺啲蝦肉非常鮮爽彈牙，有水準。原隻蝦燒賣（2粒）$15仲記得以前燒賣嘅升級版喺

點心到～～～😆1. 晶瑩鮮蝦餃 $15都幾大舊 晶瑩剔透 熱辣辣上 蝦都幾大粒 個皮啱啱好 唔薄唔厚 正2. 原隻蝦燒賣 $15都一樣好足料 上面有粒蝦 下面滿滿豬肉餡 彈牙3. 鮮蝦腐皮卷 $26外皮好香脆 入面都係蝦 點埋個酸酸甜甜嘅汁 中和番個炸嘅油膩感 唔錯 一舊接一舊食4. 黑金流沙包 $25呢個真點流沙 冇呃你 唔會太水 有沙沙嘅口感 奶黃味香 色澤都金黃 幾好味5. 金沙脆皮銀蘿腸 $26個皮有米香 嫩滑 唔厚唔薄 入面充滿住蘿蔔絲 咸咸香香 腸粉皮入面仲有層脆皮 多重口感6. 籠仔煎蛋牛肉飯 $35幾特別 可能有塊荷葉嘅關係 特別香 個米飯都粒粒分明 加埋豉油撈飯好香 牛肉薄薄一層鋪滿食個飯 所以可以啖啖都食到飯同牛 正………………………….🌝抵食又好味 平日夜晚去食都幾旺場 有機會再去🌚坐得逼少少………………………….

突然間想食點心，但晚飯時間想揾點心食都有啲難度，不過好彩係佐敦附近有呢間點心餐廳，所以即刻搵埋朋友去開餐。雖然地方細細，不過餐牌選擇都有幾多種類，而且價錢非常合理。晶瑩鮮蝦餃 ($30/4粒) : 蝦餃皮晶瑩透亮、而且餡料非常飽滿，每啖都食到爽口鮮甜嘅蝦肉。原隻蝦燒賣 ($30/4粒) : 燒賣同樣出色，每粒燒賣上都有成隻蝦，賣相相當吸引，食落啖啖肉非常滿足。黑松露菜苗餃 ($26) : 自己超鍾意食呢個點心，爽口鮮甜嘅蝦肉配上味道濃郁嘅黑松露，讓人回味無窮。沙律明蝦角 ($28) : 呢款點心係酒樓食，通常唔係大點就特點收費，呢度咁平就有得食非常好 😍 外皮脆卜卜，內裏除咗有新鮮蝦肉，仲有甘筍、西芹等配料，口感豐富，開胃惹味。薑蔥牛柏葉 ($24) : 又係非常抵食嘅一款點心，而且份量幾多，牛柏葉幾爽，個汁味道亦唔錯。