點心到 (廟街)

Open Now

Now Closed

沙參玉竹燉土雞燉湯好足料，放咗好多沙參、玉竹，所以藥材味道好濃！雞肉燉得軟爛出晒味，燉湯夠鮮甜！其間仲見到唔少人叫燉湯飲，深受街坊歡迎😝晶瑩鮮蝦餃蝦餃皮爽口彈牙，入面啖啖蝦肉，蝦肉彈牙鮮甜，正👍🏻原隻蝦燒賣成隻完整嘅蝦係面頭，呢度嘅燒賣瘦肉多過肥肉，係我鐘意嘅口感，食落唔會覺得肥膩，個人好鐘意😍濃湯鮮竹卷湯好濃，呈奶白色，鮮竹卷吸滿湯汁，食得好滿足👍🏻欖仁馬拉糕呢個超好食！馬搵糕質地超鬆軟，唔會好實淨而且仲好香添～一定會encore 😎龍仔鳳爪排骨飯好大籠，荷葉包墊底，飯有陣陣荷葉香味～排骨同鳳爪嘅份量唔算少，味道都幾好～抵食之選👍🏻點心到 (佐敦)佐敦廟街286-298號華志大廈地下6-8號舖

鮮蝦餃 ➰ $16蝦餃2粒，好大粒，入面有大大隻蝦，新鮮彈牙原隻蝦燒賣 ➰ $15燒賣2粒，好大隻蝦蝦，燒賣入面包豬肉，好啖啖肉，好味香煎蘿蔔糕 ➰ $20好大份，食到手蘿蔔粗條，同埋臘肉腸。鮮竹牛肉球 ➰ $21牛肉好鮮味，唔會食到粉感，好真材實料。蜜汁叉燒包 ➰ $20粗切叉燒肉，包好有口感，扎實感，係傳統既酒樓款香茜牛肉腸 ➰ $25腸粉有厚度而好滑，入面的牛肉都好厚，芫荽溶入左牛肉，好有香茜味。籠仔鳳爪排骨飯 ➰ $35飯好多荷葉香，份量都多係兩人份，好多排骨，肉好淋，鳳爪有兩個，味道偏甜。飯軟硬度適中，唔會硬同太淋。大份夾抵食〰️〰️〰️〰️〰️〰️〰️〰️〰️〰️〰️〰️〰️〰️〰️〰️餐廳位於佐敦位置方便，服務員手腳好勤快，每人都只係$3茶位，到左晚上都仲好多人。平民抵食之選。〰️〰️〰️〰️〰️〰️〰️〰️〰️〰️〰️〰️〰️〰️〰️〰️

夜晚同屋企人，都係最鍾意食點心。🥰一定會叫佢哋嘅鹹水角，味道經典，而且非常回味，即叫即炸，🔥所以好香脆，入邊仲有豐富嘅內餡，食起身軟熟又香口。🤤🤤.另外我哋都叫咗金錢肚，🐮炆得好入味，而且好鍾意個醬汁，🥢好濃郁。.當然都要叫埋佢哋嘅🥚黑金流沙包，出邊嘅黑炭好健康，入邊仲有流沙嘅鹹蛋黃😍，真係鹹香滋味👍.小籠包好得意，夾起身已經好誘惑。😋食落去，濃郁嘅熱辣辣嘅湯汁❤流出嚟真係好正。

放完工想食點心， 最理想就係去點心專門店朋友帶我去到佐敦廟街有間性價比高的中式點心店，地方都新淨光猛，是新派裝修的中式點心店這裏點心🥧價錢相當親民比一般酒樓還要抵食，茶錢只係3蚊一位😮，仲要唔洗加一😉，真係唔冼就住就住叫點心食😄，最重要即叫即蒸晶瑩鮮蝦餃 （$16 兩粒）蝦餃唔太粉，都晶瑩通透，蝦餃皮都薄，蝦爽脆彈牙大大隻，可以兩隻或四隻一籠原隻蝦燒賣 （$16 兩粒）燒賣頂上大大隻蝦肉彈牙，豬肉都新鮮鮮蝦腐皮卷外皮炸得鬆脆，食落卜卜趣，入面啲蝦都新鮮燒汁釀虎皮椒一共有四隻，紅青椒各兩隻，鯪魚肉釀得好入味，燒汁味道不錯，少少辣可接受黑金流沙包招牌點心，流沙包軟淋、一搣開奶黃慢慢地流出，帶點蛋黃鹹味香金沙脆皮銀蘿腸是全素腸粉，入面油炸鬼超脆，內是蘿蔔絲做餡，感覺相當特別，比普通炸両更好味楊枝甘露楊枝甘露清甜可口，芒果同柚子肉都頗多，西米細細好咬口

放工搵地方食飯，之前去過佐敦呢間點心餐廳食，啲點心好有質素，重點係價錢唔貴，茶錢每位$3，仲要無加一，真係性價比100分！所以今日就再去過😍😍餐廳裝修新穎，平時啲舊式酒樓都比較污糟，但呢間餐廳衛生乾淨，食得絕對放心今次叫左餐廳既皇牌點心，全部都好食，特別推介以下幾款必點點心金沙脆皮銀蘿腸腸粉皮好煙韌，腸粉裏面夾左炸蘿蔔絲，一咬落去係滑嘟嘟既腸粉，然後係脆卜卜既蘿蔔絲，口感好豐富，好食👍🏼沙律明蝦角外皮炸得好脆，但唔油膩，裏面既材料好豐富，啲蝦好爽，混埋啲沙律醬，無得輸黑金流沙包包好軟熟，一咬開個包，啲流沙爆哂出黎，但唔會太甜，正燒汁釀青虎皮椒虎皮椒都係必點系列，外皮微微脆口，魚肉咬開好juicy，個燒汁調得好味兩個人埋單 $155，食到超飽，好抵！

話說今日想吃點心，就上網搵下有咩推薦，睇左一陣見到呢間點心到。睇評價都好似幾好咁，就決定去試下。當是星期日假期，其實都預左要等位，但估唔到是一個憤怒😡的開始！！！當時去到，先攞飛排隊，俾左張點餐紙，點住先，目前都正常。咁點完就站係度等。點知，越等越唔對路，等左半個鐘，入左幾張飛都未到我，我就奇怪啦。明明我係5號飛，但之後嘅6、8、9號飛都入左去🧐咁我就入去問下點解，點解我後面幾張飛入先我未入得！跟住佢就好大聲，有「道理」咁講：佢都係三人枱同四人枱，二人枱就係二人枱，等下啦。仲要當面叫埋7號飛三人枱入埋去！咁我就唔明啦，我就指就前面張枱講，咁呢張四人枱中間有隔開就變二人枱？咁點解會冇二人枱？我後面都有幾張二人枱等緊？點解佢地隔開就可以變二人枱？店員當時冇聲出，仲細細聲話就快，可以落住單先！我就算啦，位都冇落單有咩用！搣飛走人！連試的意圖都冇曬😡

而家咩時間都可以飲茶食點心真係好，夜晚都可以食點心，大大增加左飲食既選擇，仲要係即叫即蒸，點心出爐熱辣辣夠新鮮🥢 晶瑩鮮蝦餃可以揀4粒或者2粒，真係好，一兩個人食就唔駛夾硬要食哂佢，可以叫多啲唔同款既點心， 🦐蝦餃好飽滿，造型靚過好多茶樓，裡面既蝦肉都好飽滿🥢原隻蝦燒賣原隻蝦在燒賣頂，蝦爽口，肉彈牙🥢 蜆蚧鯪魚球有6大粒，鯪魚球炸得夠乾身， 食落都係鯪魚肉，不會落勁多粉來減少魚既比例🥢 濃湯鮮竹卷有三件鮮竹卷，裡面主要係一啲蔬菜，紅蘿蔔條，木耳等等，配埋奶白既湯，為整個鮮竹卷提鮮🥢 蒸排骨排骨既肉唔少，唔會全碟都係骨，排骨底墊有芋頭粒，芋頭蒸得夠淋，又吸哂啲肉汁👍🏻🥢 黑蒜螺片燉肉排有兩款盅湯可揀，呢個湯好足料, 原粒黑蒜，雞腳，排骨，螺片， 湯很清甜，無師傅

呢間點心店嘅點心都幾好，我最鍾意嘅就係佢嘅一籠3件黑金流沙包，熱辣辣咬落去真係好正，啲流沙餡流出來，又唔會太甜，啱晒我😍仲有我係一個好鍾意食黑松露嘅人，黑松露餃好好味，皮薄餡靚！黑松露嘅味道又好香☺️

另一半表示好耐冇去飲茶，今晚放工走去呢間新派點心餐廳開餐，人少少都要飲餐茶，嘆下一盅兩件。餐牌入面有唔少選擇，傳統嘅點心、蒸飯、甜品、甚至乎茶以外嘅飲品都有。好多點心都係每籠兩至三件，就算只係二人同行，都可以試多幾款野食。點心質素大致都唔錯，即叫即蒸，熱辣辣。當中有幾款特別推介，包括黑金流沙包，賣相吸引之餘，奶黃整得好味。黑松露菜苗餃好精美，加咗黑松露提升咗菜苗餃嘅味道，蘿蔔糕煎得十分香脆，燒賣都好足料。另一個要推介係籠仔蒸飯，分量大，味道好，超值呀。餐廳屬於新派點心小店，夜晚都keep住坐滿，價錢都幾實惠，想食下點心或者蒸飯，都係一個好嘅選擇。

今日專登出佐敦買廚房用具同冲咖啡用品，行足兩粒鐘，走勻幾條街，又攰又肚仔餓之餘，又話今晚即將轉八號風。即刻嗱嗱臨搵下附近有的乜嘢好食。見到大大間「點心到」，新派裝修飲茶食點心餐廳，一於嘆番杯茶，食番一盅兩件。點心選擇種類都多，除點心、有籠仔蒸飯，仲有燉湯同甜品。另外，如果唔想飲中國茶，亦有各式汽水，或者可選擇咖啡、奶茶、檸茶等等。《晶瑩鮮蝦餃》、《原隻蝦燒賣》係必食，果然燒賣隻蝦好夠大隻，鮮甜爽口彈牙。蝦餃都皮夠薄滑。最正係有兩粒或四粒揀，兩個人揀兩粒，就吾使驚食唔曬。《豉汁蒸鳳爪》、《上海小籠包》、《黑松露菜苗餃》同《濃湯鮮竹卷》，每款都係阿仔同我喜愛，整體上水準都唔錯。加上最緊要即叫即蒸，上抬夠熱就更加好味。最後加多個《楊枝甘露》甜品，話時話好耐冇食。呢個都吾錯，足料夠香甜。相比一般酒樓，呢間點心係全日供應，一想食就可以嚟食。吾使好似以前，要一大清早起床去攞位。任何時候想食點心、飲番杯茶，呢間的確係不錯選擇。

香港人最鐘意一盅兩件，尤其是華人社會飲茶文化更加係根深蒂固。我家中嘅長輩都好鍾意去酒樓飲茶一坐就幾粒鐘😂但身為年輕人嘅我哋其實更著重嘅係點心嘅質素。相比起酒樓我更喜歡幫襯的類型嘅點心專門店，覺得佢哋嘅點心更精緻。位於佐敦嘅「點心到」點心種類非常之多，而且有幾款點心係可以點兩件㗎😇岩哂兩小口黎食！📍 原隻蝦燒賣(2粒) 大大隻蝦放係燒賣表面，配埋半肥瘦豬肉，口感味道一流！📍 晶瑩鮮蝦餃(2粒)蝦餃皮薄餡靚，餃皮夠煙韌，蝦肉就爽口彈牙！📍 燒汁釀虎皮椒一客四件，每件都係大大舊，每件都塞滿哂魚肉非常飽滿，煎到外面果層脆脆地好香口。📍粉果經典點心之一 - 晶凝通透嘅粉果皮口感煙韌，入邊包住大量嘅餡料。📍韭黃鮮蝦腸粉腸粉皮非常煙靭，裏面包着大大隻蝦食起黎好滿足！📍卡通流心芋蓉包又睇得又食得，個樣咁可愛真係唔捨得食！搣開個包裡面熱辣辣嘅流心芋蓉就必哂出黎。芋蓉綿滑重奶香，個包鬆軟，而且味道唔會太甜。相比起流沙奶黃包，呢個食落更light！📍炸春卷即叫即炸炸到脆卜卜，怕熱氣嘅都忍唔住要食多兩件！

夜晚同屋企人一齊開心食餐點心吧！🍤價格親民，而且好高質。沙律明蝦角🔥包得好靚，而且炸到好鬆脆。入邊仲有惹味嘅沙律醬同彈牙蝦肉，好好味！黑金流沙包 🥢招牌嘅流沙包，每次到訪必點！蒸包非常鬆軟，而且上邊黑色底色，🥰更加畫上咗金箔嘅顏色，華麗高貴。三絲鮮蝦春卷😋香脆彈牙，非常滋味。籠仔金銀蒜海蝦飯😚飽肚又足料，而且用荷葉蒸。連啲飯，😍都帶有陣陣荷葉香。#佐敦美食 #尖沙咀美食 #香港好去處 #九龍美食

平時得閒就要飲下茶🍵，附近有間「點心到」成日排隊，終於輪到我試試🥰🥰聽講佢好多招牌點心！今次都真係要試試🤩黑金流沙包💰25呢度招牌！一籠三件！一啖咬落去真係好正！流沙餡味道適中！趁熱食，仲可以有流沙既感覺🤣🤣推薦！鮑汁鳳爪💰28飲茶必點鳳爪😏😏不過味道就淡小小！但係口感都可以黑松露菜苗餃💰26都係招牌之一，黑松露愛好者可以試試，餃皮薄，多餡，黑松露味道唔係好濃郁籠仔金銀蒜海蝦飯💰42呢個推薦👍酸味濃郁，仲係荷葉包飯，飯都有荷葉甘香！加少少豉油，撈一撈！正😎總括黎講都唔錯🥳🥳不過兩個女仔食唔到好多，下次可以再黎試試其他款！本來仲想叫埋鵪鶉燒賣，等下次😣🍴點心到 (佐敦)📍佐敦廟街286-298號華志大廈地下6-8號舖💰人均：50-100

沙參玉竹燉土雞36蚊湯頭鮮甜，成個燉盅都係雞同埋沙參仲有啲紅棗同薑， 啖啖都好濃嘅雞味同埋紅棗杞子味👍濃湯杞子浸時蔬20蚊個湯又係好甜，而且菜心爽脆清甜沙薑汁燴鮮淮山22蚊淮山脆口得黎粉粉地， 再配埋個沙薑汁真係好好食，另外配上木耳西芹，全部都好有口感，而且個沙薑汁真係要依碟餸嘅靈魂👍上海小籠包24蚊小籠包熱辣辣， 配埋啲醋岩岩好， 咬落去啲肉汁必曬出嚟好好食🤤同埋外皮唔係超薄好易穿果種，每次夾都好安心，唔驚流曬d汁黑金流沙包25蚊黑金流沙包係呢度嘅signature， 見個個都嗌就嗌咗一籠試下， 一籠有三個都幾多， 外型特別，影相好靚，入邊嘅流沙比較傑身，食得出鹹蛋黃味仲有啲夥粒感，好特別！鮑螺片或雞粥26蚊粥底綿密，d雞好入味而且仲好滑，好食！

對點心真係有種情意結，辛苦左全日食返一盅兩件享受一下。之前去過係旺角嘅分店，不過只係試到流沙包。今次特登去係佐敦嘅總店，試多幾款招牌點心🥧。籠仔金銀蒜海蝦飯👍🏼呢個要試🫶🏻賣相吸引，而且份量都可以。飯吸收晒全銀蒜嘅惹味同荷葉香。淋少少甜豉油再撈埋一齊，一個人食一個都唔過份。黑松露菜苗餃 餃皮薄餡靚 ，入邊亦都十分足料。帶淡淡黑松露味。黑金流沙包味道同上一次食一樣，滿滿蛋黃奶黃味。大家記得襯熱要食！凍咗就冇咗個流沙效果😣飲茶三寶（蝦餃、燒賣、鳳爪）去飲茶必叫嘅一盅兩件，比較好係蝦餃燒賣好以叫二人份☺️（唔洗分唔到）味道比得上傳統洒樓，而且個人覺得佢甚致冇出面食嘅咁咸，相對低鈉少少。特別一提，呢度仲有懷舊款鵪鶉蛋燒賣，要試！一直都想食榴連雪媚娘，無錯今次去又係sold out 😆🤡哈哈。同佢差少少緣份😝