點心到 (廟街)

Open Now

Now Closed

平時放假都喜愛飲中茶，難得今晚來到佐敦點心到附近，於是揀了食點心做為晚餐。懷舊鵪鶉蛋燒賣，燒賣皮薄，裡面的瘦肉頗鮮味，鵪鶉蛋細細隻，在燒賣面上，很綿香的。濃湯鮮竹卷的湯奶白色，味道真的頗鮮甜，調味較淡，配埋鮮竹卷一齊食，頗好味。鮮竹牛肉球，侍應將喼汁另外裝開，可以由自己口味喜好點喼汁， 牛肉球熱辣辣的，蒸得都幾嫩滑。香茜牛肉腸粉皮又軟又滑，面的牛肉份量頗多，鼓油咸甜味剛剛好，美味呢！！鮑螺片滑雞粥煲得都較為綿密，粥底頗清甜！很久未食過糯米雞，所以點了個豐料糯米雞，裏面有冬菇、雞、鹹蛋黃及叉燒，真的材料頗多， 糯米煙煙韌韌又綿糯，滿不錯呢。今晚以點心做為晚餐，食得滿滋味的。

每次去佐敦都必食呢一間點心，因為性價比真係好高，同埋佢個榴槤雪媚娘好好食😋可惜每次去都好大機會賣晒，今次都係食唔到🥲🥲希望下次食到啦！真係要同大家推介返有啲咩性價比高既美味點心，我首推籠仔飯，因為真係大件夾抵食，平平哋已經可以有好大兜飯同埋有足夠嘅餸😋😋 上次試咗鳳爪排骨唔錯，今次就試吓辣味排骨，都幾好食～有啲變化呢度最正嘅係部份點心可以淨係嗌兩個，好啱得兩個人去食點心嘅人☺️ 蝦餃皮彈牙蝦肉好食👍🏻😋叫咗個沙參玉竹雞湯，好滋補，兩人家庭就難啲煲到湯啦，所以出街有得飲下湯都會叫。另外仲有鳳爪、炸腐竹蝦卷、同埋鹹水角，都係好出色☺️特別推薦下鹹水角，因為除咗自己鍾意食之外，呢一度嘅糯米煙銀部份都好多，好鍾意咬Q彈嘅糯米團～～甜品因為冇咗最鍾意食嗰個，但係都買返個楊枝甘露補數啦🥲 都幾抵食，廿蚊好足料，呢到人均唔洗100已經食到好多野好正，值得推介👍🏻

簡簡單單吃點心✨✨✨特色的點心，讓人心境開朗🤣《卡通流心芋蓉包》$22笑哈哈樣貌的芋蓉包，可愛且好吃！流心的芋蓉，香甜美味！《黑松露菜苗餃》$26香噴噴的黑松露香味，溶入於菜苗餃內，香而滑！《籠仔煎蛋牛肉飯》$35大大籠的蒸飯，表面的大陽煎蛋，與牛肉融為一體，加上豉油，頓時變得很惹味！茶茗每位$6當日全店滿座，更要等位，證明也有不錯的人氣呢！總結：點心有創意，可愛又好味，且抵吃！👍🏻👍🏻👍🏻

🚩點心到平時飲茶都係去開連鎖嘅酒樓，今次第一次試下依啲點心店，別有一番風味～😋 茶錢先$3，仲唔使加一，抵到爛！〰️〰️〰️〰️〰️〰️〰️〰️〰️〰️〰️〰️〰️〰️〰️🌈原隻蝦燒賣 $15好開心依度有得兩隻兩隻咁嗌，可以試多幾款唔同點心！ 依度嘅燒賣比出面酒樓嘅燒賣實正，塞滿曬肉，仲有原隻蝦係上面🌈黑松露菜苗餃 $26我一向都好鍾意食菜苗餃，呢度嘅菜苗餃皮食落煙韌，唔會淋曬～餃嘅面頭有啲黑松露醬，都夠味嘅，但我覺得將黑松露醬撈埋落啲餡度就更香啦 🌈五香鹹水角 $20一碟三隻，即叫即炸，記得要攤凍啲先好食～鹹水角十分香軟，餡料都足夠，唔會中間空心嘅！🌈四寶滑雞扎 $28同我哋平時食嘅差唔多，不過平時嘅火腿轉左蟹柳😆腐皮再厚啲就更好了～🌈黑金流沙包 $25流沙包比我想像中的骰，細過一般中式包少少～不過佢真係做到流沙嘅效果，甜而不膩，記得襯熱食🌈韮黃鮮蝦腸 $28每格腸粉都有一隻蝦，不過韮黃味就冇乜，甚至食唔出有韮黃🤔不過腸粉都質素唔錯，夠曬滑！

人生第一次夜晚食點心😋嘩🤩原來好似飲茶咁架😁地方好清幽雅緻仲坐得仲好舒服添💯晶瑩鮮蝦餃一籠，有兩粒同埋四粒揀😎我地醒目呀😁咁緊係揀2粒啦，因為可以再食多啲點心吖嘛👍👍蝦餃🦐嘩😁咬落去真係好大隻蝦喎，好彈牙好好味👍原隻蝦燒賣，睇吓有隻大蝦係上面，下邊就係豬肉好Juicy添呀😋三絲鮮蝦春捲 ，好惹味又脆卜卜呀我至愛當然係五香鹹水角啦，❤️Woo咬落去好煙韌yummy蜜汁叉燒包，細細個有三個包好軟淋淋好好味呀😋卡通流心芋容包🤩啲公仔咁得意見到都唔捨得食😘咬落去有少少流心而且仲有好多芋容喺里邊呀❤️金沙脆皮銀蘿腸，裡面好油炸同鬼蘿蔔，好脆口架😋其實食完泥個會好飽架😁龍仔鳳爪排骨飯，以為龍仔好細兜咖啦😅點不知係好大個籠架😅我地兩個人都食唔哂😅鳳爪排骨飯系用荷葉包住蒸出嚟，所以有少少荷葉嘅香味好好味呀💯點心到 佐敦廟街286-298號華志大廈地下6-8號舖

食點心唔一定要去酒樓，而家好多點心專門店質素高而且選擇眾多！鍾意食點心嘅朋友絕對不能錯過😀📍晶瑩鮮蝦餃($15)蝦餃皮薄望落晶瑩剔透，裡面嘅蝦鮮大大隻又鮮味又彈牙，最開心係可以叫兩粒兩個人食岩岩好😊📍原隻蝦燒賣($15)燒賣上面放左一隻鮮蝦，點埋秘製辣椒油食味道一流！📍卡通流心芋蓉包($22)見到可愛表情包包心情都好D! 個包十分鬆軟，入邊包住滿滿又棉密嘅香芋蓉，甜度啱啱好唔會太甜同膩❤️我仲另外order左一客外賣比屋企人食☺️👍🏻📍沙律明蝦角個皮炸得脆卜卜，餡料爆滿啖啖都係非常彈牙又鮮甜嘅蝦肉😍，值得一讚嘅係個皮炸揸得好薄好脆。📍鮮蝦滑腸粉腸如其名真係好～滑！而且滑得黎口感好煙靭，非一般嘅腸粉，必點！👍🏻📍燒汁煎釀青椒魚肉嘅份量超級慷慨，每一隻青椒上都釀左一大舊魚肉，啖啖都好彈牙。講多無謂，睇相最實際😝！

今日要同個朋友去上堂，上堂前當然要醫肚，佢話想食流沙包，我哋就揾到呢間係佐敦廟街既點心到。舖頭入面都好乾淨企理，有少量沙發位，都坐得算舒服！晶瑩鮮蝦餃（2粒）（$15）、原隻蝦燒賣（2粒）（$15）見到兩款點心都有2粒呢個選項真係覺得好窩心，因為有時真係淨係想食一粒同想食多啲其他點心。個人覺得燒賣比蝦餃出色，蝦餃內餡好彈牙較淡。濃湯鮮竹卷（$19）全素既鮮竹卷，內餡係蘿蔔同其他素茶，豆味香濃，湯底仲有杞子味，感覺好養生！黑金流沙包（$25）小小既黑色蒸包一搣開就會流出奶黃餡，非常邪惡又惹味，又唔會太甜太油，食三個都唔覺得膩！金沙脆皮銀蘿腸（$26）好難得見到羅漢齋同白腸粉以外嘅全素腸粉，內餡係蘿蔔絲外包香口脆皮，最外面係香軟腸粉皮，食落感覺幾清新！沙薑汁燴鮮淮山（$22）有西芹同木耳加鮮淮山，口感偏軟，好香沙薑味但唔會過鹹。籠仔鳳爪排骨飯（$34）用荷葉飯墊底，鋪上靚金鳯米同鳳爪排骨再蒸，入口有陣陣荷葉香氣，飯煮得好好，加埋甜豉油，真係一個人食晒成籠都得！總括嚟講，呢度既點心性價比好高，選擇都多，唔洗加一，所以都見到好多附近既街坊黎幫襯，同店員有傾有講，好家常既感覺！

聽朋友講佐敦呢間點心店好抵食，見今日去開附近，就打算試吓😝。其實之前我哋都有食過佢喺旺角嘅同集團分店（嗰間係食小菜為主），果次都覺得唔錯，所以今次經開佐敦諗都唔諗就決定去。餐廳地點離佐敦地鐵站約十分鐘路程，非常容易就搵到。我哋叫咗好多個點心，每個都好好味😋。👅金莎脆皮銀蘿腸（$26），雖然腸粉皮有啲厚，但個口感都好唔錯。🦐原隻蝦燒賣（$15），肉味香濃，蝦亦都好大隻，抵食！🍞 黑金流沙包（$25），個size比其他出邊嘅流沙包細少少，細少少反而更加好唔會太過濟。🍚籠仔金銀蒜海蝦飯($42)，蒜味唔會太勁，蝦味完完全全咁滲晒落去個飯度，非常之好味同抵食😝！總結來說，味道唔錯，價錢抵食，值得一試🤣！

飲茶唔一定要去酒樓既~ 點心專門店都係其中一個選擇😋🥢🔸卡通流心芋蓉包 ($22)個包好睇又好食🤣 有三個唔同表情, 勁搞笑😂😂芋蓉好香💜甜度岩岩好🤤 雖然無乜流心, 但都好味😁🔸黑金流沙包 ($25)個包超軟, 包住流沙奶黃餡💛 一meet開個包就流曬出來🤤鹹蛋味都好香, 有沙沙既口感, 好味👍🏻🔸原隻蝦燒賣 ($30)必點點心‼️蝦超大粒超爽口🍤 配埋粒粒手切半肥瘦豬肉, 超有口感😋絕對好食過酒樓既燒賣‼️🔸晶瑩鮮蝦餃 ($30)必點點心‼️皮薄餡靚, 蝦肉勁彈牙😙 同埋好大粒😍🔸金沙脆皮銀蘿腸 ($26)即係炸兩🤣 私心推介❤️真心好食過平時既炸兩好多‼️皮薄同埋超滑嫩, 入面條油炸鬼仲超超超脆😍真心好好味👍🏻👍🏻👍🏻🔸籠仔金銀蒜海蝦飯 ($42)一上檯已經好香🤤 海蝦份量都唔少, 落埋甜鼓油食, 好香好好味☺️略嫌飯硬左dd, 不過都好抵食😝茶錢只係$3一位, 點心又抵食又高質👍🏻 真心推介‼️評分: ⭐️⭐️⭐️⭐️

📍點心到📍💡佐敦☕️飲夜茶🥰飲啖茶食個包唔知點解一收工，就想食點心😂諗都唔諗就去左飲夜茶🥰啲點心對比啲大酒樓都幾經濟實惠，味道都幾好，估唔到夜晚都幾多人唔去食點心🐥 晶瑩鮮蝦餃($15)蝦餃皮彈牙又有咬口，入邊隻蝦鮮甜彈牙，抵食🐥原隻蝦燒賣($15)燒賣賣相吸引，上面放咗一隻鮮蝦，望落大大粒，爽口。最好就係佢有兩粒份量簡，兩個人食可以試多幾款點心🐥鮮蝦腐皮卷($26)一食落口脆卜卜既炸腐皮，新鮮炸起，入邊有彈牙嘅蝦膠，鍾意食脆口嘢既不能抗拒😍點上喼汁更加惹味，推薦🐥鮮竹牛肉球($20)牛肉球粒粒都大大粒夠晒平，牛肉球鮮嫩🐥豉汁蒸鳳爪($20)鳳爪好入味，食落同平時茶樓既差唔多，係傳統嘅味道🐥卡通流心芋蓉包($22)包面又可愛表情符號，我就係咁俾佢吸引咗，個包鬆軟，入邊有甜棉密嘅香芋🥰佢個甜度啱啱好，唔會太甜同膩，推薦😋🐥金沙脆皮銀蘿腸($26)腸粉入面有香脆嘅金沙，中間有蘿蔔絲，食落有幾種口感#佐敦美食 #美食 #美食日記 #食好西 #佐敦 #飲茶 #飲啖茶食個包#香港美食指南 #香港美食 #香港美食 #香港 #hkfoodie #hkfood #hkfoodie #yamcha #h

潮州粉果☺️$19每次飲茶都一定會點潮州粉果😆由細到大都係我的至愛😘皮滑煙韌，餡料豐富，晶瑩剔透😙豉椒蒸排骨🐷$22排骨肥瘦適中，肉質鮮嫩，夠滑又腍😍底下仲有幾件芋頭，食落夠晒粉😄而且完全吸收曬排骨肉汁嘅精華😇醬皇金錢肚😏$24香濃爽口，口感有彈性，層次分明😛加埋下面超甜多汁嘅白蘿蔔😋豐料糯米雞😆$28入面有叉燒、雞肉、冬菇、半粒鹹蛋等😚多種餡料，份量十足，扎實口感😝糯米飯完全飄著淡淡嘅荷葉香🤓上海小籠包(3件)😀$24皮薄餡靚，入面充滿住湯汁😜湯汁豐盈鮮香，食嗰間小心爆汁辣親個嘴🥹晶瑩鮮蝦餃(2粒)🦐$15蝦肉超多，外皮煙韌😛口感紮實，彈牙同鮮甜🥰原隻蝦燒賣(2粒)😋$15大大隻蝦仁響表面😝配合下層豬肉肉餡😚咬落肉汁豐富有鮮味😛茶位🍵$3/每位無加一收費😉全部點心即蒸即食👍點心到 (佐敦)佐敦廟街286-298號華志大廈地下6-8號舖

好耐冇飲茶，但好想食點心，行過佐敦《點心到》原來係總店嚟嘅，之前食過旺角分店..茗茶 每位$3原隻蝦燒賣（4粒 $30）: 正常 冇特別五香鹹水角 ($20) : 係我嘅必嗌點心黑金流沙包 ($25) : 覺得旺角分店整得好食啲卡通流心芋蓉包 ($22) : 有驚喜，係咁多款之中最好食籠仔煎蛋牛肉飯 ($35) : 夠晒大籠，份量多熱咖啡 ($15) : 本身係叫熱奶茶，但佢話晚市冇人沖，熱咖啡就沖到 因為只係用粉沖..

今日係佐敦做野，醒起呢到有點心食！又坐得舒服😌重點是唔貴🥹食物混醬腸粉腸粉超滑豉油同甜醬麻醬比例岩岩好超好食😋牛腸腸粉太好食🤣🤣後嗌呢個，好有牛肉球啲味😁腸粉夠薄，啲涵又夠多香煎腐皮蝦卷超脆口👍🏻超多蝦！勁抵食🤣真係係到chok chok聲😏卡通香芋包超得意呀🤭啲香芋蓉又好香滑我老公以為會流心，其實冇🤣佢喪撩，痴線牛栢葉好香薑蔥味👍🏻金錢肚有4大塊🤣好大塊普洱個茶好好飲，飲左勁多🤣

呢間點心店嘅位置比較偏僻啲，突然間想食點心，就係佐敦搵咗呢間點心試吓，見到價錢都幾平，真係覺得抵食，好食過好多酒樓，都算係一間好食嘅點心精品舖！茶錢$3一位，好真係好平，仲要唔使加一，但就冇得揀飲咩茶，統一普洱！🍴晶瑩鮮蝦餃 兩粒 $15 (8/10)蝦餃皮薄，蝦肉好多，肉質爽口彈牙，調味啱啱好，幾好食！🍴原隻蝦燒賣 兩粒 $15 (7.5/10)燒賣有大大隻蝦係上面，裏面嘅豬肉係一粒粒嘅，人手切，好有口感，豬肉偏瘦咗少少，乾身啲，冇油香，但加埋辣油(比較偏辣)，都唔錯🍴沙律明蝦角 三件 $28 (8/10)即叫即炸，非常香脆，蝦肉好飽滿，爽口彈牙，沙律醬係另外上嘅，好香口，好食！🍴黑金流沙包 $25 (7/10)個包係冇流心㗎，少少失望，個包係黑色嘅，但冇咩特別嘅味道都係甜甜地，同普通白色嘅唐包一樣，流沙係奶皇加蛋黃，甜甜地，唔算特別鹹香，正正常常啦！🍴蜜汁叉燒腸 $24 (7/10)有條菜喺上面都幾搞笑🤪叉燒偏瘦，甜甜的，腸粉皮薄，唔會太黏口，略嫌冇米香，但都OK嘅！推薦指數: 7.8/10點心價錢真係好親民，好抵食，兩個人五個點心都係百零蚊！燒賣蝦餃有得揀兩粒，方便兩個人去食，質

📣📣📣「點心到！」「點心到！」今次試吓近來幾有人氣既《點心到》佐敦店係總店~ 另外有一間分店喺旺角金雞廣場附近佐敦店餐廳環境既開陽，位置都幾大平日嘅下午茶時間去都坐滿左人-❣️#沙律明蝦角🦐蝦角外皮脆卜卜 望落有少少似油角蝦嘅質地都幾爽口同大隻 旁邊附有沙律醬～❣#欖仁馬拉糕口感軟熟 甜度適中欖仁有咬口 為馬拉糕加左幾分點綴❣#晶瑩鮮蝦餃蝦餃同燒賣都可以叫2/4粒少人食就岩哂 可以叫多幾款點心蝦餃皮薄 蝦幾爽口彈牙❣#燒汁釀茄子🍆推薦😜 燒汁配茄子好正 燒汁味道偏甜茄子釀得好入味 😛 ❣#燒汁釀虎皮椒同茄子嗰燒汁係一樣😋 虎皮椒有辣味 上面亦有啖啖魚肉❣#黑蒜螺片燉肉排湯黑蒜味突岀 幾好飲 但螺片同肉排都較少 🔺🔺🔺🔺🔺🔺🔺🔺🔺🔺🔺🔺🔺📍點心到 (佐敦)佐敦廟街286-298號華志大廈地下6-8號舖🔺🔺🔺🔺🔺🔺🔺🔺🔺🔺🔺🔺🔺