點心到 (廟街)

Open Now

Now Closed

點心專門店食過唔少，今日係佐敦做完野試左呢間「點心到」。門面乾淨光猛，坐得幾舒服😌～燒汁釀虎皮椒鯪魚肉好彈牙，虎皮椒係嗰辣嗰隻，但朋友話食到有嚿係辣😆～鮮竹牛肉球不是一般茶樓勁淋嗰款牛肉球，實淨小小，幾有口感同牛肉香。喼汁偏酸幾開胃。～醬皇金錢肚一客4大件，即叫即蒸，蒸得夠淋熱辣辣，調味適中。～金沙脆皮銀蘿腸好中意呢種外軟內脆嘅腸粉，內餡係炸蘿蔔春卷，香口。～榴槤雪媚娘一個字～好正🥰聽講係呢到名物，好好彩冇賣晒。拎上手已經覺得好墜手，榴連肉好足料，同忌廉好夾呀。一人一粒好滿足呀。