點小館 X 旺旺烤活魚 (Closed)

已經黎過好多次😂每當想食下酸菜魚，但又想打邊爐嘅時候就會諗起呢間餐廳🤭最鍾意叫佢個套餐😝有烤魚揀或者雞煲揀，烤魚亦可以揀唔同味道嘅湯底👍🏼辣度亦都有得揀😝啱晒唔食得辣嘅朋友！惹味雞煲😋烤魚同雞煲，食完之後都可以加湯去打邊爐😚😚😚套餐包左安格斯肥牛，海鮮拼盤，蔬菜拼盤，另外我就加多左個薯粉，鴨血，同埋萵筍🤪全部食材都好新鮮，不過個蔬菜拼盤係隨機安排，所以配菜未必每次都一樣😛好滿足嘅晚上💓

收工同朋友喺公司附近食飯,朋友話想食烤魚,我特登帶佢去一間新開嘅烤活魚店,點小館x旺旺烤活魚。餐廳地方都好大而且裝修得好整潔,多卡位選擇,喺度食飯傾計感覺真係好舒適。平時食晏有時都會嚟呢度食點心,今晚特登嚟試下佢嘅烤魚,果然冇令我失望，有水準烤沙巴龍躉鍋 $388元,魚皮煎到好香脆,差唔多食得嘅時候放入鍋中, 辣椒,芫茜,香蔥滾個魚一陣,就可以慢慢品嚐,辣椒同芫茜嘅味道完全融入魚肉之中,先食到香脆嘅魚皮,接著鮮甜嘅魚肉味道,慢慢辣味喺魚肉滲出嚟,食落去又香又開胃,味道非常有層次。加辣椒最啱鍾意食辣嘅朋友,食到停唔到口。韮菜餃8粒 $36 元,韮菜餃吸收咗呀湯嘅味道,湯裏面有魚肉芫茜辣椒嘅精華,餃子皮帶有微辣,令到入面嘅韭菜豬肉味道都特別香甜，咬一啖已經聞到韭菜嘅味道非常濃郁叫咗一碟生菜$32,吸收晒沙巴龍躉鍋入面嘅精華令到菜嘅味道再次提升，生菜夠新鮮，爽口，嫩綠，最重要係洗得非常乾淨😍藍妹啤酒特價$13.8元,食呢個香辣沙巴龍躉鍋配返支藍妹,食落去透心涼又解辣。

📍點小館x旺旺烤活魚（深水埗)呢間啲烤魚真心好食 我地今次叫左$488個套餐 包海鮮拼盤 涼拌青瓜 田園拼盤 手切特級安格斯肥牛烤魚味道叫左招牌酸菜 小辣 ～勁多酸菜！！岩曬我 同埋小辣都唔會好辣 我譚仔食開3小辣🤭海鮮拼盤有珊瑚蚌 蠔 帶子 魚片 同蝦！食落都幾新鮮🤤珊瑚蚌好正😋田園拼盤有 冬瓜 薯仔 白蘿蔔 生菜同粟米～肥牛好重牛味🤤好好食～我地仲額外加左個薯粉 呢到啲薯粉真係好好食 qq地！呢到啲汽水係玻璃樽🤭好懷舊🤍成日都覺得玻璃樽好飲啲🤣

今日去到深水埗好想食啲重口味嘅嘢，我喺地鐵站d2 出口行咗出去之後, 行咗2分鐘左右就見到呢間烤魚，門口非常光猛，出面望入去見到裝修不錯入邊仲有好多卡位，感覺舒服😌入去坐低之後發現原來午市係食點心嘅點小館，夜晚一就變做食烤魚嘅旺旺烤活魚，其實唔單止有烤魚仲有雞煲同埋邊爐真係可以一次過滿足晒客人嘅願望平時我都好鍾意食鵝腸，所以今日我都叫咗一碟試吓，鵝腸望落去都好新鮮，加上有少少脂肪，入口特別甘香，食落去又爽口，基本上都唔需要調味，已經食到本身嘅鮮味，雖然有少少邪惡，但係我都食到停唔到口店員好細心介紹魚種分別，而且我們也吃得辣，經店員推薦，我們選擇了加香辣湯底，店員話條魚已經有9成熟，開細火慢慢品嚐，配菜也很足料，表面滿滿的芫荽，大豆芽，甘針菇，豆卜等。而呢度啲烤魚總共有三種魚可以揀，分別有魽魚，筍殼魚同沙巴龍躉，都是最多人點的，魽魚和筍殼魚都多魚肉，而得一支大骨，魚肉比較淋，最後我選擇了沙巴龍躉，因為龍𧄌魚肉比較厚身，入口魚肉有彈性，魚皮入口煙煙韌韌又帶點焦香，魚肉嫩滑冇腥味，啖啖肉，少骨，最正是個湯底又香又辣，好惹味，正！點了一個紅糖糍粑，入口軟糯煙煙韌韌，好味道。最後加埋一支冰凍汽水

同屋企人食任食雞煲都食到有啲厭，今日就黎深水埗試下啲新野😋呢度既空間感都幾夠，唔會話要就住就住行咁👍🏼今次我哋就黎試個烤魚套餐：揀左招牌酸菜味，二人肥牛同埋稻庭烏冬🤗我哋仲加左一份白鱔片🥰落完單，等食💪🏼呢度既汽水係有啲vintage既樽裝😂好cute🥰另外好似有$9.8既細支裝藍妹，如果鍾意飲啤酒既黎呢度都幾抵👍🏼首先黎左個菜盤，入面有油麥菜、白蘿蔔、冬瓜、粟米同蓮藕，份量真係有啲多😮因為成枱得我會食菜，我嗰時真係食到好好好飽🤰🏻主角出場了！呢個酸菜魚我哋試左小辣但後尾覺得略嫌保守，可能冇乜辣味而令到湯底甜味好出🧐但又幾好飲👍🏼魚肉煮到我食完都仲非常嫩滑🐟而且事前應該有煎過下啲魚皮，有朕油香同焦香😋好食👍🏼同埋其實入面都有豆卜娃娃菜豆芽蘿蔔呢啲配料🥬我諗真係驚你食唔飽😂跟住係二人肥牛🐮估唔到質素都唔錯😮啲油花幾靚之餘入口係頗重牛味的👍🏼而且係厚切的👍🏼👍🏼👍🏼白鱔片又係大推的！片片都厚身唔似出邊食任食嗰種薄到紙咁🤏🏼咁既價錢黎講真係好抵👍🏼👍🏼好耐未試過食鱔要咁用牙力了😂😂之後再追加左個雙拼餃（8隻）🥟我哋揀左韭菜餃同鮮蝦雲吞🥟🥟韭菜餃，好有韭菜香🥰鮮蝦雲吞既蝦好彈牙🦐值得一試👍🏼👍

今日陪朋友去西九龍攞車牌，朋友好開心考車終於成功，所以就同佢慶祝一下，朋友就揀咗呢間食烤魚嘅餐廳開餐。由於同朋友都唔係好大食，所以簡簡單單叫咗個烤魚鍋套餐，另外加其他食品。烤魚鍋套餐跟肥牛/豚肉 (二選一)，紅薯粉/稻庭烏冬 (二選一) 及田園拼盤。珊瑚蚌 ($78) : 估唔到份量都幾多 😋 珊瑚蚌夠哂爽口，絕對係火鍋之選，每次打邊爐都會叫。勁鍾意食呢個鬼馬雙拼，墨魚膠同蝦膠都非常彈牙，而且又脆又大件，作為餐前小食一流，餐廳嘅墨魚膠同蝦膠都好食，所以叫埋手打丸雙拼再食。😋🐟 主角烤鉗魚鍋上場，成盤都勁多魚肉，魚肉口感鮮嫩，完全無鞋口嘅情況出現，而且仲有幾多配料相伴，味道方面叫咗香辣味嘅少辣都已經足夠。

今日媽媽突然間同我講想試下食烤魚，佢話成日都見到人哋食，所以都想試試係咩味道，咁我當然即刻做嘢啦，當時係西九龍中心就即刻上網揾餐廳。一陣間就俾我發現到呢間餐廳有得食，重要就係對面馬路，個天都註定要我幫襯佢。😌餐牌都有好幾款魚餐，研究咗陣最後決定叫烤鉗魚鍋套餐，套餐有五款湯底選擇，我地揀咗香辣味，配二人肥牛、稻庭烏冬、田園拼盤，另外口痕叫咗個鬼馬雙拼食下。😋鬼馬雙拼 ($78) : 又想食墨魚膠，又想食蝦膠，好彩有雙拼 😊 熱辣辣脆卜卜又大大件，而最關鍵嘅係味道唔錯，誠意推介。🐟 烤鉗魚鍋大概有兩條魚，實質就冇詳細去研究，重知就食極都重有 😋 魚肉肉質好嫩滑，另外重有芽菜、豆卜等配料。🥙 份量非常多嘅田園拼盤，有油麥菜、粟米、蓮藕片、冬瓜片、蘿蔔片。🥩 本地新鮮牛頸脊 ($198) : 實而不華嘅牛頸脊，雖然無精緻嘅擺盤，牛肉輕輕灼灼就食得，口感同味道一絕。😍

呢間位於深水埗嘅餐廳，早午市供應各式點心，夜晚就會化身烤魚店，今次我哋就喺晚市幫襯，呢到座位闊落舒適，除咗烤魚，仲有酸菜魚同雞煲等嘢食。我哋見烤魚嘅優惠套餐幾抵食就決定食烤魚，烤魚都有5款口味選擇，我哋就揀咗餐廳嘅招牌酸菜口味。二人套餐$368包咗烤魚之外，仲有肥牛/黑豚肉、烏冬/紅薯粉同蔬菜拼盤。呢到嘅烤魚用嘅係鉗魚，食落除咗條主骨之外就冇咩細骨，魚肉嫩滑，亦都冇草腥味。呢到嘅酸菜鍋底可以自選辣度，金黃色嘅酸菜湯底令人食慾大增，味道亦都岩岩好，香濃得黎唔會太酸。食完魚就可以黎個一鍋兩食打埋邊爐，除咗本身跟餐嘅一份肥牛，我哋另外仲叫多咗份極品黑豚肉($78)。肥牛唔錯，肉質腍嫩，肥瘦適中。蔬菜拼盤有好幾款蔬菜，好似冬瓜、蘿蔔、粟米、生菜等，跟餐嘅薯粉亦都夠煙韌彈牙。我哋仲叫咗枝樽裝汽水($13)飲添。。。點小館 X 旺旺烤活魚 (深水埗)深水埗長沙灣道270號御匯地舖。。

之前去過這裡吃點心，格價相宜性價比高，這次就來吃晚餐。店舖位於長沙灣道地鋪，環境以木系裝修，大部分也是卡位坐得較舒適。晚市以火鍋為主，還有烤魚、雞煲及酸菜魚選擇。-▪︎老壇子酸菜鱸魚 HKD$268金湯的酸菜魚味很香，用了原條去骨海鱸魚製，魚肉大片肉質嫰滑鮮味。另有豆卜及大量酸菜，所以口感較豐富。隨酸菜魚附送酸菜魚炸魚骨，炸到金黃色的賣相很吸引。脆卜卜的質感，用來拌飲品挺好🙈。-另有外加了一份紅薯粉 (+$26)，吃魚前放進鍋裡煮熟，跟酸菜魚一起吃味道挺好的。紅薯粉吸入湯汁很入味😚，口感煙韌而且又飽肚。-▪︎生猛田雞 HKD$68/2隻預先切件較方便吃，一份有兩隻份量，放進鍋裡約10分鐘就可以😆。田雞肉大隻，肉質嫰滑口感煙韌，酸菜湯味的田雞挺香口。-▪︎蒜香皮蛋 HKD$38平常也喜歡吃的小食之一，滿滿的蒜泥鋪在皮蛋上，皮蛋大件是厚切版本，皮蛋蛋味香濃。這個蒜味很濃郁，拌飯吃挺好下飯的。-

深水埗美食攻略 新店探店 經網友介紹,最近呢間小店幾多人介紹,好似幾吸引訂左2位過黎食飯,原來主打酸菜魚或麻辣雞煲店家服務員推介麻辣雞煲,先食雞再加湯打邊爐半隻雞份量$148 雞件份量多,仲有蔥,辣椒等香料配料係乾式雞煲,食起上黎唔油膩,雞肉嫩滑雞件肉多先食雞,刺激食慾,再加雞湯食火鍋追加食材,2人份量肥牛(安格斯) 肉味濃郁,油花平均~好吸引手工雲吞加水餃,仲有新鮮蔬菜同潮洲牛丸食材唔貴,平均連雞煲一人$250左右就埋到單食材夠鮮夠水準,麻辣香辛惹味,真心出色抵食平均消費$250/一個人評分8/10#點小館 X #旺旺烤活魚  Dim Sum Daily

餐廳於深水埗，木系裝修感覺簡單舒適，午市主打手作點心，晚市供應酸菜魚；平日下午來不用等位，這次坐在卡位夠闊落，枱上有小小的電滋爐作加熱茶用，十分貼心🥰多款午市點心造型精緻特別，如啤梨咸水角、乳酪小白兔 、沙灘沐浴雞等啤梨咸水角：造型可愛，味道不錯，外皮煙韌但較厚沙灘沐浴雞：吸睛又搞笑的造型，金黃色的外皮夠香脆，雞肉不夠嫩滑乳酪小白兔：可愛小白兔😍打卡必點，小兔仔滑溜香甜，加上橙色爆珠酸酸甜甜的味道好吃😋鮮魚湯鮮竹卷：當日吃到的鮮竹卷腐皮變壞了是酸的牛肉腸：熱辣辣的腸粉皮好滑溜，加上甜豉油吃味道不錯《點小館 X 旺旺烤活魚》📍深水埗長沙灣道270號御匯地舖

難得放假又夾到時間，約去食個雞煲，打個邊爐。 先選左個小辣的雞煲，見藍妹做特價，就直接點了兩枝，再慢慢揀火鍋配料， 雞煲上得挺快，一隻雞的份量不小，食完差不多半飽了😁小辣只有微微辣跟麻，剛好岩我想食辣又唔食得太辣的， 食完雞煲加湯打邊爐， 特級金花牛頸脊份量足之餘，口感跟味道都很好👍🏻 彈牙桂花蚌微微灼熟，食落爽口彈牙， 野生竹笙不單爽口既口感吸引，沾滿湯底微辣既湯汁，食落滿足。 手打丸雙拼選了蝦丸跟墨魚丸，兩隻都選了有蟹子的。 田園拼盤四五款菜的菜盤, 食到一半解解膩。

豪食牛頸脊是晚有人放假，老公上堂才約得成，帶我去食好西，好幸福！環境好寬敞，坐得舒服，冷氣十分強勁，就算台台打邊爐都依然夠涼！店員好友善，經常幫你替換乾淨碟。人均：$509.有烤魚、酸菜魚、雞煲選，我們整整想了十多分鐘才決定食雞煲😂.重慶麻辣雞煲1隻隻雞幾大隻，一上台哇一聲，叫了小辣，剛剛好，店員周不時幫我們攪雞煲，提醒可以食！雞肉好多汁，連雞胸位都嫩滑又麻香，識食要食洋蔥和芫荽，吸滿麻辣味！.特級金花牛頸脊牛頸脊是牛活動最多的部位，見到這款牛價錢不得了，即管試一試，好好好食，一望油花均勻，顏色鮮紅，入口肉味香濃，頓時充滿口腔，而份量和圖片如出一轍，驚喜！.桂花蚌彈牙新鮮，滾十秒就食得！.野生竹笙放在雞煲的湯，吸味，香辣爽口。.田園拼盤有幾款蔬菜，份量很多，薯米爽甜。.手打丸雙拼選了蟹子墨魚丸和蟹子蝦丸.細樽裝藍妹啤酒特價$9.9一枝，幾抵飲，叫了兩枝！

點小館 X 旺旺烤活魚深水埗長沙灣道270號御匯地舖G/F, Maison Rosé, 270 Cheung Sha Wan Road, Sham Shui Po西九政府合署對面地鋪新開有間食點心鋪頭，最近去開果邊看到晚市原來有雞煲魚煱酸菜魚食，埋去看看d package發覺都幾吸引，可惜我星期六去食，點煱品就有88折，但平日一至四有個369套裝 ，兩人食剛剛好。我地兩人點了一個酸菜爐魚煱，一來就要魚先之後再點生料做火鍋。爐魚係好滑的，點滾住都不過熟，應該有秘決在內，另外湯底足料又夠酸我要小麻小辣已惹味順應朋友要求點了雙併丸，有蟹子蝦及墨魚蝦，食得夠新鮮因為係手打，果然不負所望，又大粒同彈牙。另外有個炸魚骨係送上的，炸粉適中，入味。食到中段開始落靚牛，好野唔洗多，每人食五塊都足以難忘🤣有牛香甜味，再加上唐山菜，整餐滿足又飽肚了。總結來講，魚煱比平常外邊食的更入味，用心製作，食材重要性

今晚晚係屋企附近想食啲重口味野，黎到呢間餐廳食招牌烤魚～餐廳原來朝早係做點心，夜晚就食烤魚雞煲之類。不過裝修反而幾企理舒適，有好多卡位，而且又唔會好似啲雞煲店咁油淰淰，通風好好～✨工作日烤魚雞煲套餐平日就有呢個餐食，包烤魚/雞煲、肥牛、烏冬、蔬菜拼盤。我地叫左個麻辣烤魚，食得出有好多香料，非常惹味，條魚烤完之後，入啲肉仲好嫩滑唔會乾爭爭，外面個層皮索哂啲汁。而且條魚都幾大，非常抵食呀～✨潮洲手打牛筋丸+蝦餅見到有手打既丸類緊係即時叫啦，果然冇失望呀！牛筋丸同蝦丸都非常彈牙有鮮味，最正既係牛筋丸仲有超多肉汁，超級juicy！✨響鈴望落去係普通響鈴，不過食得出餐廳出餐前有輕輕炸多次，所以響鈴係特別酥脆，索埋啲汁一流～