點小館 X 旺旺烤活魚 (Closed)

在門口之前4月11日開始全日免收服務費，4月都未過就把此告示刪掉。本人約早上10點到該店飲茶，當時店內僅有10位茶客不夠，大把吉位，也不是繁忙時間，服務員見我一人光顧，竟將我搬動座位三次，最後安排一個最後排及較暗嘅地方，令我感到受不尊重的無禮歧視，今時今日咁嘅服務態度，祝他好運！

服務態度極差，事原只係簡單要求，老人家因冷氣太凍要求轉位，但該店女經理好大聲話唔得，但因太凍所以我照樣轉位，之後該女經理叫其女服務員將食物照放回完本的位置！還連番辱罵老人家，老人家說不吃了，（女經理還大聲說埋完單先好走）（連老人家都欺負！）這是什麼服務態度，從來未見過一間餐廳有如此服務態度。所以唔會再光臨該店舖！［重申我只係坐在旁邊直擊全段過程的食客］只是極之看不過眼。

今晚心思思想食啲辣，就揀左間餐廳試下招牌烤魚。餐廳幾乾淨，擺設得企理，一坐低感覺舒服。一試招牌麻辣烤魚，入口即刻覺得香料味夠晒鼻，魚肉烤得啱啱好，外皮香脆，肉質嫩滑，連啖都咀念住，麻辣味做得掂，令人停唔到口！🔥而家講吓潮洲手打牛筋丸同蝦餅。呢啲自家手打嘅真係好過癮，牛筋丸內藏肉汁，一咬滋味四溢；蝦餅又脆又彈牙，味道鮮美透心涼。仲有啲響鈴，真係酥脆得黎，烤魚旁邊嚟一份，真係夾得好！感受到今晚呢頓飯烤魚主打，丸類正選，諗起下次仲想再黎試其他菜式。對呢間埋位唔錯、服務又親切嘅餐廳，讚賞得五體投地！👍✨

如果晚市唔開。一係就唔好俾人book位。一係就通知聲。食冬至飯，去到先發現冇開，臨急臨忙點訂倒枱。搞到我四圍行搵餐廳，仲要個老人家同我一齊。你唔做生意，唔開門好閒，都要顧下d客人架。自私的餐廳，永遠唔會光顧😡

尋日朝早9點幾，諗住搵間餐廳坐到11點接放學，就去咗長沙灣御匯嘅「點小館」飲茶。兩個人叫咗3份點心孖寶，然後開住個平板睇吓戲（冇播音，用藍芽）。可能我哋兩個食得太快，食完就齋嘆茶睇戲，唔知係咪因為咁樣就引起餐廳呀姐不滿，到坐咗1個鐘左右，突然有位呀姐通知我哋「呢度限時90分鐘，夠鐘就要走架啦」咁話。佢當時說話非常直接，係無端端路過話你兩句就走開嗰隻，感覺係唔友善嘅。我哋當時才知道呢間餐廳有限時（但當時都未夠90分鐘），加上原先打算10：55都走，就繼續坐啦。過咗一陣，另一位呀姐二話不說埋嚟收走我哋嘅碗，剩低兩杯茶喺枱。10：51分，第3位呀姐直接行埋嚟收埋我哋嘅茶杯，佢話已經夠鐘，叫我哋走，我哋問邊度寫住90分鐘，佢話門口寫住架，仲話門口好多人等。呀姐已行開咗，仲離遠大叫告知我哋：「你哋9點21分入座架，睇清楚吖！」我當時感覺係被人趕走，唔好講顧唔顧客，直頭覺得點解可以咁樣同人講嘢，我哋得罪咗你？一夠鐘就好似終於可以過嚟撩交嗌咁。於是我哋埋單同收銀講呢個情況，呢個時候，剛才收杯嘅呀姐就話「我哋已經提過你架啦，夠鐘我哋就會收嘢架喇！」我哋話都唔駛態度咁差，個收銀就9唔搭8咁話：「我哋啲客

尋日朝早九點幾兩個人去飲早茶，諗住悠閒啲食個早餐，原本感覺尚算良好，食物同環境都唔錯，諗住飲下茶食下嘢坐到11點去接放學就啱啱好。點知坐到10:45左右，就有個阿姐埋嚟同我講只可以坐90分鐘，我睇下張單，原來我9:21入座，但係諗真下，我入座前從來冇人同我講90分鐘要離開，而且我係嚟飲茶，唔係去茶餐廳喎，如果星期日想飲個早茶都要限時限刻，仲算唔算係飲茶呢！不過我都諗住坐到10:55就離開去接放學，於是就費時出聲。點知到10:51，另一位阿姐就過嚟「趕」我哋走，語氣同態度都好唔客氣。其實當時我都執好晒袋，差唔多要走，但係估唔到呢4分鐘對佢哋係咁緊要，又話咩繁忙時間90分鐘（其實從來冇同我哋講過有呢條規矩，淨係話門口有寫），又話出面排隊。我雖然覺得好受氣，但係唔想同佢嘈，淨係諗住一陣埋單同收銀反映下就算，希望佢哋注意下對客人嘅態度。點知原來佢哋非常團結，又話唔知邊個，又話聽唔到，連講聲唔好意思都冇，仲話好少客人好似我哋咁，嗰種不屑同唔尊重，相信周圍嘅客人都聽得出。既然人哋成間舖咁團結，我都唔講咁多，決定直接問佢職員姓名向公司投訴就算，嗰位聲稱自己係全店唯一姓麥嘅員工仲好豪氣咁話隨便投訴，冇

朋友一齊去深水埗食飯揀咗依間食烤魚依個「超值海鮮優惠套餐」睇真啲，真係好抵，除咗安格斯肥牛，仲有個海鮮大拼盤！田園蔬菜拼盤乾淨整潔，份量比想像中多有蓮藕、冬瓜、白蘿蔔、油麥菜幾有誠意👍🏼👍🏼涼拌青瓜大大碗，涼浸浸，唔辣嘅，不過略嫌醬汁多咗少少。因為食烤魚嘅時候，味道比較濃郁，可以食到淡味清新既青瓜，咁就更爽啦😎😎手切安格斯肥牛肉色幾靚，而且都幾厚脂肪均勻，肉味香濃，好軟熟主角！招牌烤鉗魚賣相好吸引，揀咗BB辣，見到咁多花椒，辣椒，大蔥，令人食指大動！🔥🔥麻辣效果做得幾好👍🏼👍🏼烤魚煮耐左，都冇散晒，唔錯。有唔少大豆芽同埋金菇，非常豐富呢個套餐性價比最高嘅，可以話係依個海鮮拼盤！生蠔超級肥美，而且蝦亦都好大隻！最開心係有台灣白鱔片，啲肉爽爽地，又甜甜地，好味呀😍😍仲有珊瑚蚌！大件，爽甜！整體嚟講，依個烤魚晚餐都幾好，有靚牛，又有靚海鮮🫶🏻卡位寬闊，坐得幾舒服如果可以包一個飲品，就更加完美啦😎😎

久違地去食烤魚，食左好抵食嘅二人套餐只需$368，就有齊肉 粉同菜。有幾款湯可以揀，我就試左招牌酸菜，配上黑豚肉，仲有田園拼盤。額外仲點左份鴨血。一上枱就見到烤魚嘅份量好大，烤魚上面鋪滿左酸菜，一邊慢慢咁樣滾，一邊傳出陣陣嘅香味。魚好大條，而且基本上啖啖肉，完全唔洗驚唔識lur 骨。除左魚之後，本身入面仲有菜金菇同豆卜，我就最鍾意食豆卜，索哂啲湯汁，酸酸地好開胃。當啲魚食得七七八八，就可以開始放入其他配料，黑豚肉肉質都唔錯，食落肥瘦均勻。最後再加入田園拼盤嘅蔬菜，夠哂健康。 同朋友一齊食飯，除左邊爐雞煲外，烤魚都真係一個唔錯嘅選擇。

近排想食烤魚所以就捉咗屋企人陪我去食 😝 嚟咗點小館 x 旺旺烤活餐廳開餐，之前都幫襯過屋企人話唔錯，所以特登老遠都再嚟食。餐廳環境幾寬敞，而且仲有樽裝汽水正。套餐選擇比以前多咗幾款，不過我哋都係叫返之前食開嗰個歡聚二人烤魚套餐，因為鍾意裏面啲配搭。另外我哋仲叫咗羊肉片、鵝腸、鴨血、珊瑚蚌、黑毛肚、豬黃喉等等。😋鮮羊片超級正，而且重要係厚切。😍烤魚上面鋪滿芫荽，見到都流晒口水 🤤 魚肉細嫩不腥，配埋個火辣辣嘅湯底，食到停唔到口。

今日去咗長沙灣政府合署整文件，之後就順便係西九龍中心行吓，行到咁上下差唔多到晚飯時間，所以就搵埋朋友仔一齊食晚餐。朋友好鍾意食烤魚，所以我哋就嚟咗呢間係政府合署對面嘅點小館餐廳開餐。揀咗烤魚套餐，落完單冇耐就叫咗魚皮同小食過過口癮。魚皮非常爽口，而且份量又多，第一次食紅糖糍粑，口感煙煙韌韌，味道唔錯。鉗魚肉質幾嫩滑，而且勁大條啖啖肉。套餐湯底五選一，肉類就肥牛或者豚肉，麵食就紅薯粉或者烏冬再跟蔬菜拼盤，另外我哋仲叫咗其他火鍋食品，價錢唔貴之餘，份量又多而且相當新鮮。

誤打誤撞食到懷舊點心加飲茶🍵🥢蝦多士啖啖蝦膠加塊小多士炸得勁香脆🥢乾蒸牛肉燒賣再點埋喼汁才是精粹🥢啤梨鹹水角🍐造型好逼真，好好味Btw，原來呢度晚市嘅烤魚好出色有機會夜晚嚟試下~

假日兩口子決定到「點小館」享受早茶。這家餐廳的環境宜人，我們很幸運地坐在一個舒適的卡位座，店內裝飾得剛好，讓人感覺舒適。雖然服務員的態度尚好，但是店內的工作人員明顯不足，所以周圍的客人必須不停地喊才能引起他們的注意。所以我建議大家要放慢節奏，以假日輕鬆的心情來享受這裡用餐，好好品味飲中茶時光。這裡的點心都是即點即蒸，下單後大約需要等待15分鐘才能品嚐到。熱騰騰的點心讓人感到非常滿足。早餐市場提供了性價比高的「孖寶」選擇，價格大約在34至37港元一組。我們一共點了三組，品嚐了六款點心：叉燒包、燒賣、炸兩腸粉、山竹牛肉、潮州粉果和臘汁肉餅酥。首先上桌的是炸兩腸粉，熱度和口感都很好，但有點油膩。接著是臘汁肉餅酥牛肉餅，首次品嚐，是炸物，表現一般，油膩感較重。所有蒸點都一次上桌，熱騰騰的美食讓人滿意，味道普普通通。相比之下，燒賣的味道最出色。總的來說，「點小館」是一家值得一試的餐廳。在這裡，你可以放鬆心情，與友人、摯愛共度一段輕鬆的點心時光。

深水埗美食多籮籮，Cafe嘅選擇實在好多。今日晚上嚟到西九龍中心附近，見到點小館喺大馬路，有個歡聚二人烤魚套餐。鉗魚火鍋有五款湯底可以揀，我用刪除法，決定酸菜或者酸辣泡椒湯底二揀一，似乎酸菜冇咁油膩同埋配紅薯粉都正，所以決定左湯底。二人餐仲有肥牛，菜拼盤包括冬瓜，蘿蔔，唐生菜，薯仔片，粟米，份量都多。另外炸物係墨魚滑油炸鬼，好脆口，墨魚滑大大件。鉗魚好滑身，魚肉夠晒兩至三人食。只係有魚最主要條大骨，好方便食。海鮮拼盤有蝦，蠔，珊瑚蚌，蚌灼10秒就爽口彈牙，吸哂酸菜湯底。

近期最最好食嘅烤魚～！平時經過呢一間餐廳都見到有好多人幫襯，唔係打緊邊爐就食緊烤魚🥸趁着長假期就喺琴日試一試，原來佢平日時間有做優惠。有雞煲烤魚套餐只係需要$368兩位。個套餐勁抵食，我今日就揀咗烤魚酸辣湯底。意想不到嘅湯底超級惹味，感覺有少少似泰國冬陰功嘅味道，超級開胃。而烤魚店員話已經係煮咗九成熟，所以慢慢細火開住就已經可以食得☺️條魚我哋仲專登加咗$100叫龍躉，份量非常之大，肉質好好，魚皮炸得好香脆😇 呢個套餐仲包咗蔬菜盤紅薯粉同埋牛肉或者豬肉一碟。全部質素都好唔錯，整體嚟講呢間真係好抵食又好味，識落又唔算好油，都幾舒服嘅烤魚🤪😍

今晚收工同老婆二人晚餐試下新野，平時雞煲就食得多，烤活魚火鍋就真係第一次。入到店裝修簡約，卡位坐得幾舒服。見到有個2位用超值海鮮優惠套餐，幾乎包含晒想食的食品👍🏻👍🏻。二話不說就落單啦🤣，點了招牌酸菜魚（BB辣）。先來個前菜涼伴青瓜，量份唔惹少，夠惹味，好開胃。主角到啦！這個烤活火鍋好足料，魚都好大條，魚好滑，又厚肉，口感豐富😋。之後來個海鮮拼盤（白鱔片、帶子、蠔、珊瑚蚌、蝦）食落都幾鮮，白鱔片最正，又滑又彈👏🏻。再來是安格斯肥牛，切得幾厚身，而且牛味濃，最緊要食落口夠滑又有質感😋😋。另外點了鬼馬墨魚膠，油炸鬼+墨魚滑真係好夾，脆口+彈牙的口感真係無得輸👏🏻👏🏻，還有試左避風塘雞翼，惹味小食😋，最緊要在家是不會做避風塘的煮法，又多油煙😅。整體都好好食，下次再encore👍🏻👍🏻。