點小館 X 旺旺烤活魚 (Closed)

今日陪朋友去西九龍攞車牌，朋友好開心考車終於成功，所以就同佢慶祝一下，朋友就揀咗呢間食烤魚嘅餐廳開餐。由於同朋友都唔係好大食，所以簡簡單單叫咗個烤魚鍋套餐，另外加其他食品。烤魚鍋套餐跟肥牛/豚肉 (二選一)，紅薯粉/稻庭烏冬 (二選一) 及田園拼盤。珊瑚蚌 ($78) : 估唔到份量都幾多 😋 珊瑚蚌夠哂爽口，絕對係火鍋之選，每次打邊爐都會叫。勁鍾意食呢個鬼馬雙拼，墨魚膠同蝦膠都非常彈牙，而且又脆又大件，作為餐前小食一流，餐廳嘅墨魚膠同蝦膠都好食，所以叫埋手打丸雙拼再食。😋🐟 主角烤鉗魚鍋上場，成盤都勁多魚肉，魚肉口感鮮嫩，完全無鞋口嘅情況出現，而且仲有幾多配料相伴，味道方面叫咗香辣味嘅少辣都已經足夠。