Video
Read full review
2022-11-16
115 views
今日媽媽突然間同我講想試下食烤魚，佢話成日都見到人哋食，所以都想試試係咩味道，咁我當然即刻做嘢啦，當時係西九龍中心就即刻上網揾餐廳。一陣間就俾我發現到呢間餐廳有得食，重要就係對面馬路，個天都註定要我幫襯佢。😌餐牌都有好幾款魚餐，研究咗陣最後決定叫烤鉗魚鍋套餐，套餐有五款湯底選擇，我地揀咗香辣味，配二人肥牛、稻庭烏冬、田園拼盤，另外口痕叫咗個鬼馬雙拼食下。😋鬼馬雙拼 ($78) : 又想食墨魚膠，又想食蝦膠，好彩有雙拼 😊 熱辣辣脆卜卜又大大件，而最關鍵嘅係味道唔錯，誠意推介。🐟 烤鉗魚鍋大概有兩條魚，實質就冇詳細去研究，重知就食極都重有 😋 魚肉肉質好嫩滑，另外重有芽菜、豆卜等配料。🥙 份量非常多嘅田園拼盤，有油麥菜、粟米、蓮藕片、冬瓜片、蘿蔔片。🥩 本地新鮮牛頸脊 ($198) : 實而不華嘅牛頸脊，雖然無精緻嘅擺盤，牛肉輕輕灼灼就食得，口感同味道一絕。😍
一陣間就俾我發現到呢間餐廳有得食，重要就係對面馬路，個天都註定要我幫襯佢。😌
餐牌都有好幾款魚餐，研究咗陣最後決定叫烤鉗魚鍋套餐，套餐有五款湯底選擇，我地揀咗香辣味，配二人肥牛、稻庭烏冬、田園拼盤，另外口痕叫咗個鬼馬雙拼食下。😋
鬼馬雙拼 ($78) : 又想食墨魚膠，又想食蝦膠，好彩有雙拼 😊 熱辣辣脆卜卜又大大件，而最關鍵嘅係味道唔錯，誠意推介。
🐟 烤鉗魚鍋大概有兩條魚，實質就冇詳細去研究，重知就食極都重有 😋 魚肉肉質好嫩滑，另外重有芽菜、豆卜等配料。
🥙 份量非常多嘅田園拼盤，有油麥菜、粟米、蓮藕片、冬瓜片、蘿蔔片。
🥩 本地新鮮牛頸脊 ($198) : 實而不華嘅牛頸脊，雖然無精緻嘅擺盤，牛肉輕輕灼灼就食得，口感同味道一絕。😍
Post
