第一次如此用餐體驗 差到要開post寫評論。。。以下情況發生在早午餐繁忙時段：連假訓醒打算與友人食點心，支持下小店唔去酒樓，卻不幸遇上不禮貌對待。1. 座位安排不靈活變通 - 明白假日多人等位是必然的，但短短一小時內連入幾張四人枱都唔回一張二人枱，到真系等左一個鐘店員才覺醒問我地介唔介意搭枱，才安排入座2. 侍應下單/待客混亂 - 茶水部在我們入座前已問好我們要什麼茶，茶到桌爽快俐落; 反觀我們對面搭枱的一對夫婦是坐下來才點茶，結果卻上錯茶了。另外，他們見到有一張二人座丢空，既然要再等茶到，向店員查詢想調過去坐，被店員一口拒絕，謂繁忙時段要多忍讓。。。轉頭已安排另一對人入座3. 侍應態度惡劣，員工之間毫不協作 - 當日是公眾假期，早茶時段至11am。我與友人在10:55am畫好紙準備點餐之際，有員工衝埋黎一手搶去我們手上的點心紙話「冇喇完左喇。」呢下真系火滾，點解可以咁冇禮貌搶走張點心紙，而且並未夠11am何以有權話早市已完？我行出去同員工理論，原來佢地入唔切單（5分鐘可以入唔到一張單？）而侍應與入單員並無溝通，但入單系你地既責任，何以剝削其他客人既權利？都唔系志在平果十幾廿蚊，重點系俾人一手搶點心紙加明明仲有時間但唔肯入單果下，又唔解釋有乜難處，真心無尊重客人。之後入單員話會入我地果張，我見到佢將張單放系個籃到，我信佢會入，所以番番埋位。4. 應承而不做 - 未幾，我地見到入單員揸住我地張點心紙巡視餐廳，疑似想搵番我。我地再走出去同佢確認是否已下單，佢話我地張單冇寫枱號，呢家冇得入。。。我問佢頭先系到巡迴系咪想揾番我地同埋枱號，佢反説佢有權系餐廳到行黎行去。去到呢度已經相當無語，開始冇質素既對話亦無解決問題之心。其實系咪侮辱緊我地智慧 - 1）要知我地系搭枱，所以唔知枱號系乜，會留空等員工填 2）甫到步系冇枱號情況下茶水系準確送到我張枱 3） 我系#3剛同佢理論完，佢會唔認得我？ 4）如果佢唔系搵號入單點解要揸住張單巡視餐廳？點解唔搵當時搶點心紙果位員工溝通一下？點解唔搵經理問一下？我明大家做野忙到忟，但無必要與客人爭論，而員工亦不必搶走點心紙咁大動作。咁樣既管理同服務，很趕客呢。如果餐廳管理人見到呢則評論，請正視員工系繁忙時段既協作，真心我未開始食野已覺得好似打仗咁。…Read More
點心嘅款式非常之多，有煎炸類、蒸類、包類及甜點等，另外亦有幾款賣相吸睛嘅創意美食，如沙灘沐浴雞、啤梨鹹水角、乳酪小白兔等。
