松記糖水店 (Closed)

幻彩明珠同水果大雜會無咩分別，水果有芒果、西瓜、木瓜&蜜瓜。再配有大小粒的西米同涼粉粒。水果吸收哂椰汁同芒果汁既味道，食起上黎既時候好甜。大小粒的西米同涼粉粒令整道甜品更豐富，更有嚼口感!

宜款甜品既名叫SUMMER，十分特別!其實係由新鮮既水果:西瓜、芒果、蜜瓜、西米同雪糕組成!雪糕既口味可以自由選擇，而我就ORDER左我最愛既朱古力味同COOKIERS AND CREAM!朱古力味既雪糕不但朱古力味濃，而且食到粒粒朱古力碎，口感十足!!COOKIERS AND CREAM奶味比較重，入口香滑!西米加上花奶同半溶既雪糕，食落煙煙靱靱，十分有嚼口整道甜品十分FRESH，食完透心涼!!!很配合SUMMER宜個名字!

blue Monday晚上9點幾同朋友做完瑜珈後覺得有啲肚餓，友人已講明唔會食野，仲話我痴鬼線，7點幾先食完飯又話肚餓，不過，可以同我去食下甜品都ok喎。最近就係「松記」，即刻9秒9去攞位。去到街尾已見到好多人係門口等位，乜都唔理攞左飛先，好在2枱等第二張就有。唔駛5分鐘已經有位坐了。本來想食啲熱的甜品，但又想食下生果，所以我點了鮮芒果雪糕大明珠，芒果有4大片咁多，有2/3個芒果份量，新鮮香甜又多汁，雪糕亦係芒果味，唔太creamy 有少少冰係入面，感覺清新啲無咁膩。大明珠好似大粒西米咁，可能煮得唔夠淋，咬落有啲硬，個芯好似未住熟咁，減左不少分數。朋友的雪耳津梨海底椰清甜潤喉，海底椰止咳又化痰，最啱呢種天氣食，佢話好好味，比滿分。早知我都跟佢叫啦，凍冰冰仲食雪糕甜品，真係打得少呀。

怎麼對幻彩明珠印象那麼深﹖全因之前某上班地點位於深水埗，同事們常叫松記的甜品。迷上它的香甜，顏色七彩繽紛。這天，因為上司要轉往另一辦事處，同事建議叫這裡的外送。其實....我們的辦公室距離這分店真的有點遠。如需外送安排，除了要預早一天下單外，據說要預付部份費用。如是者，我叫了一客久違了的幻彩明珠。食物準時由店員以保冷袋送上。份量比想像中的少。椰汁和鮮奶份量偏少，配上大小粒的西米、涼粉粒、大塊的西瓜、木瓜、蜜瓜和芒果。如果夠冰凍、所有水果鮮甜，醬汁充裕的話，絕對美味無誤。但可怕的事實是，醬汁太少，芒果酸得很，還好其他水果味道尚可。另一方面，因長距離外送再加上有部份同事是叫了熱甜品，不確定是否一起混合包裝，即使有保冷袋，我覺得不夠冰凍，影響了整體的食味。這一顆明珠，今次顯然失色了。

今晚同朋友去睇电影，睇完個個都話餓，有個就話特別想食松記糖水嘅甜品，好吧，我承認我都想食喇，咁就一齊坐車過去喇，以為咁夜應該無咩人喇，但去到都系要排隊，不過今次好彩唔系等好耐，十五分鐘就到我地喇。芒果綿綿冰每次都會點，冬天食冰真系另一種感覺，好濃厚嘅芒果味，冰沙做得好正，無冰渣，食落好滑，椰果好爽，總之呢款每一樣都好好食。芝士蛋糕，芝士控嘅一定要點啊，無睇呢間店仔細細，但食材全部都好新鮮，芝士味好重，蛋糕好香蛋味同奶味，蛋糕軟綿綿，食落好香滑。榴蓮班戟，今次D皮整得無咁香滑，但榴蓮肉依然都系咁大舊，而且好香好甜，都算OK喇，其他甜品味道都幾好嘅。

食金牌火鍋食到成肚火， 麻甩局延伸至松記糖水，大家都點了一桌冰凍甜品，真𣈱快！"恐龍輝" 點了清涼的 "西瓜水晶粉"，賣相靚，那些透明的涼粉像極冰塊，口感跟黑色的涼粉無異。西瓜清甜起沙，下次一定要帶阿J來吃這甜品，她應該會喜歡。"豆腐味綿綿冰"加芒果雪糕，一睇就知是"為食鴨"所點的甜點，他用極速KO了份量頗大的綿花冰。綿花冰不算太幼細，豆腐味不算突出，但佢說OK！車爸爸的 "Summer" 整體上不錯，新鮮雜果全部都好甜。我的香蕉紫米露出奇的美味，由其是那些香蕉，紫米露的紫米非常煙韌，足料美味。大家吃完，感覺良好，份量夠大，價錢公道，生果極新鮮，估計餐牌選擇超過100款，流程有效率，三分鐘全部甜點一齊上枱，好pro，抵佢咁成功!嘩嘩嘩！快樂時光過得特別快，又係時候趕住去接阿J了！

早俩日，OT到10點幾，無意中路過，反正都系霖住打的走噶，早食晚飯已經有餓，就打算食lee個了，費事返去錄面了。10點幾，都系幾多人排隊，但係招牌見到有呢排想食嘅榴蓮班戟都系拿咗個號排隊。15分鐘度，到我了。榴蓮班戟真系好味，榴蓮肉超多，而且系好新鮮，好夠味，cream唔系好多，比起之前系許留山食噶，好味好多。pancake上面嘅雪糕喺vanilla味，cream唔多，不过好软。推介指数5粒星。點咗個幻彩明珠，呢個明珠就唔係我D口味了，下面龜苓膏，太苦了，食完D水果就系覺得得龜苓膏味，仲不如食龜苓膏算了。下次都食lee呢個了，果然大件唔一定抵食噶。陆寶湯圓，nee個就幾鐘意，陸個湯圓嘅味都唔一樣。有花生味，芝麻味，紅豆，奶黃...有D新奇刺激好玩嘅感覺。霖起電影《Agam》裡面經典對白：Life was like a box of chocolates,you never know what you’re gonna get！

冬天對甜品之類嘅嘢無乜胃口，不過有時候又會忽然想食，我選擇咗松記，作為一家老字號嘅甜品店，人多係必然喇，排咗大概十分鐘不到就輪到我了，店裡面比較窄，食嘅時候手都成日碰到隔離嘅靚女，不過甜品嘅品種滿目淋漓，榴蓮班戟值得試下，入邊嘅榴蓮非常多，金燦燦嘅，陣陣榴蓮味飄出來，忌廉反而比較少，混著D榴蓮一D都唔會覺得膩，班戟皮又不是軟踏踏嘅果種，有點韌性，一啖下去，皮嘅軟、韌，榴蓮同忌廉嘅香、滑、甜，真係人間哪得幾回有得食、班戟上面仲有個雪糕，淡淡的抹茶味，都非常好食，推薦！楊枝甘露作為企地特色都非常唔錯，柚子粒很多，味道酸酸甜甜，芒果味濃郁，不過可能對呢個招牌比較期待，食嘅時候反而不覺得驚艷，下次再去認真試下。

今日休假去行街行到比較夜，阿媽話想食糖水，甘就就近去松記食啦，好耐無食過佢地嘅糖水啦，我地去得比較夜啦，所以無咩人，等左五分鐘左右就到我地。呢個大家估下系咩，系咪顔值好高呢？呢個就系芒果綿綿冰，芒果味好重啊，食落又無冰渣，中間夾層有果肉，酸酸甜甜好好味，又好睇，嚟到呢度一定要試呢個啊。嚟呢度當然要點楊枝甘露啦，阿媽最中意，西米同芒果好配哦，加埋個雪糕球，糖水混合左奶味，味道好正。我地仲點左心太軟，我同阿媽都好中意，心太软系朱古力熔岩蛋糕加埋雪糕，搭配好絕，令人無得拒絕啊，食完一個都唔覺得膩，絕對推薦呢款啊。

店名：松記糖水地址：銅鑼灣堅拿道西15號永德大廈地下G4-G5號地下好味指數：7.5／10價錢：$26芒果班戟芒果班戟外皮夠薄，忌廉夠多，芒果不算多且看上來好像不太新鮮，但芒果味道夠甜，吃上來也是好吃的。店名：松記糖水地址：銅鑼灣堅拿道西15號永德大廈地下G4-G5號地下好味指數：7.8／10價錢：$30幻彩明珠多種的水果配合涼粉，大西米等,再加入奶和芒果汁感覺非常清新，不會覺得很濟。 

突然間好想食糖水，於是就約男朋友係樓下果間松記食糖水同埋甜品啦 。真係又好食又抵食吖 榴槤班戟好好食吖，上面係金黃色噶榴槤，仲有入面啲榴槤肉同埋忌廉混著一齊食，口感好豐滿，成口都係榴槤噶香味，正吖 芒果綿綿冰真係好綿吖，食唔到啲一舊舊噶硬冰，入口酸酸甜甜，冰冰涼涼好舒服吖食落肚 芝士蛋糕有好香噶芝士味，而且好軟熟，雖然只係好細一舊不過真系超好食，而且又唔貴喔 核桃露呢唔會太甜，啱曬我口味，而且唔會好稀，食落去好滑，唔會食到一粒粒野，口感潤滑

今日係銅鑼灣同朋友一齊HEA 左一個下午, 中途站到左松記糖水HEA, 平時夜晚經過時，出面一定人山人海，好多人等位，原來下午係少咁多人，得1,2張枱有人坐....海底椰紫米露味道淡左D , 都OK GA杜圓蓮子茶都幾甜六寶湯丸幾特別, 一碗可食到唔同味道湯丸腐竹旦 加丸非常普通,

店名：松記糖水地址：銅鑼灣堅拿道西15號永德大廈地下G4-G5號地下好味指數：7.5／10價錢：$26芒果班戟芒果班戟外皮夠薄，忌廉夠多，芒果不算多且看上來好像不太新鮮，但芒果味道夠甜，吃上來也是好吃的。 

到底有幾耐無食過「松記」呢？真是想也想不起。這次其實也是有點心血來潮，因為見當時無咩人。全店只滿了大約10分1吧，店員可能是因為常要應付人流，所以就算店內無嘜人都會安排食客坐到密密麻麻。當我們一進入店內，店員姨姨就指示要我同脫膏坐到另外兩檯食客的中間，但概然仍有座位鬆動，何不安排坐開一點呢？我沒有跟指示，自己揀了另一張檯坐下。但坐下後才有時間細看，這麼多年了，「松記」也變成了自由行推介的景點了。的確，當天所見，大多食客都是說普通話的。拿起餐牌，嗯…怎麼這麼的痴笠笠？衛生情況真的有待改善。餐牌上有超多選擇，花多眼亂。我點了 幻彩明珠 HKD 33.00是以生果為主，而加上「松記」名物明珠，再加花奶，西米露，涼粉而成。可能是我當天下午時分，水果不太新鮮。西瓜及奇異果的顏色變得好深色了，一睇就知擺左好耐。茫果就ok，大大份，又甜。不過，由於加了茫果汁又加了奶，所以水果比單吃的好味。雪糕杯杯冰 HKD 46.00這個只可以說是超級一般，味道也一般。雪糕是綠茶味道，ok的。但是雪糕以下的冰就有點令人失望，冰有點硬，所以有點難吃得到。雖然有茫果汁淋在上面，看似好多，其實吃下去似吃溝稀了的茫果汁。再

慕名而來，不過可能期望值太高，覺得不過如此啦。點了個酥皮加雪糕球的，酥皮麼就是酥皮湯上面一樣的，加點醬。雪糕球就更普通了，總得來說就這樣吧，可以試試，但不至於吃過一次還惦記著再去。