張公子

Open Now

Now Closed

平日下午嚟呢度飲茶，覺得環境幾好，食物都唔錯。呢度有好多唔可以錯過嘅選擇😉首先秋霧鹵醉蝦（五隻）$128。蝦夠新鮮爽口帶少少酒香，咬落去嘅時候，肉質鮮嫩多汁。然後張公子叉燒$258。佢個叉燒肉色紅亮，質地好軟滑，經過特別嘅燒烤工藝，帶出嚟好豐富嘅口感同美味。鐘意食蝦餃嘅話，可以試下生拆蝦餃皇（四件）$60。佢哋用新鮮嘅蝦肉為主，皮薄餡多😍再嚟係帶子芋蓉盒（三件）$48。佢哋用帶子同芋蓉做成，炸到外酥內軟，滿滿芋蓉餡。金網香芒鮮蝦卷（四件）$48。佢哋以鮮蝦同香芒為主，炸到外酥內嫩，好滋味😋百花釀魚肚$50。有蝦肉及豬皮，蝦肉大大嚿夠彈牙。茗茶每位$18。

想假期同亞媽飲茶，又唔想去商場等位。今日搵到觀塘商廈中嘅綠洲，餐廳環境雅致，光線充足，窗邊面對綠草如茵嘅公園，而且座位舒適，適合家人朋友歡聚。🦐生拆蝦餃皇（四件） $60 ～皮薄餡多，應該一隻餃入面有三隻蝦，食落啖啖肉。🍐鮑粒啤梨咸水角（三件） $48 ～🌟 打卡之選，啤梨造型嘅咸水角，有別於一般咸水角餡料，內餡是鮑魚粒。🥟帶子菜苗餃（三件） $50 ～ 大大粒帶子面頭，內餡豐富，包咗蝦、菜，好彈牙爽口。🥚流心奶皇包（三件） $40🐖張公子叉燒腸粉 $55🫖 中國茗茶@$18～茶壺下放有熱爐，一直加熱著熱水，份外貼心。🚘🚘 酒樓消費，仲可以免費泊兩小時👍🏻👍🏻

張公子是一家位於：觀塘的粵菜餐廳，駿業街58號電訊數碼3樓。這家餐廳以其環境雅致.大氣有氣派。座位舒適。光線充足的特點而受到歡迎。大㕑們展現出精湛的手藝，烹製各種獨特中菜和精緻點心。備受街坊歡迎。餐廳招牌菜。是食家們推薦的美味菜式有//黑毛豬叉燒//艷影蝦球//龍皇吐霧酒香鮮鮑魚希望能一一品嚐。今次先食：//艷影蝦球每粒蝦球上放有一條蘆筍. 造型美觀.大隻的蝦球裹上薄脆的外皮，金黃色。外皮炸得香脆無比，而內部的蝦肉鮮嫩多汁，加上獨特醬汁調味。美味可口。啱晒我。

近排好鍾意食中菜，今晚同朋友就嚟到觀塘呢度試吓啲特色中菜。叫咗個特色套餐——錦繡宴 $348/位有齊前菜、小菜、主食、湯、菜同埋甜品，一人前份量都真係非常豐富。1）四扣碗（前菜）（有陳醋水晶肴肉一件、張公子叉燒一件、珊瑚黃瓜，同埋深山小雲耳）最欣賞就係個陳醋水晶肴肉，同埋件張公子叉燒。陳醋水晶肴肉好清爽，冇多餘脂肪，有膠質之餘陳醋又唔太酸，調味非常之好！張公子叉燒亦都係冇乜脂肪，食嘅時候仲要係暖暖哋，肉質juicy，口感非常好。2）淮山勝瓜筍殼魚球湯 最鍾意飲魚湯，特別見到奶白湯色就更加覺得特別好飲，亦都係女士嘅恩物！筍殼魚球起晒骨，啖啖肉，配埋淮山同勝瓜，口感豐富，湯底鮮甜！3）艷影蝦球 外層脆皮夠酥脆，咬開係見到一隻原隻蝦，蝦肉彈牙、鮮味，再配埋上面灑咗啲芒果汁，酸酸甜甜好醒胃！4）啫啫海參雞煲 （無辣）係原條海參上，雞件切得夠細件，容易食，配埋冬菇、薑蔥去炒，係一煲好香好養顏嘅雞煲！5）米皇淮山浸菜苗係用咗菠菜苗加上湯浸嘅一個菜，配埋鮮淮山，而且個菜唔鹹，好健康，菠菜苗亦都好嫩口，食落唔會覺得特別「鞋口」6）蟹籽蟹肉炒絲苗呢個炒飯超好食，蟹肉好結實，啖啖肉，而且好似食緊雞肉咁，係

係觀塘區又有新發現，上星期同朋友仔同行到張公子食晚飯，食下佢哋嘅粵式風味菜式。張公子係一間中菜館，餐廳環境高質，享受美食一流！佢哋有個公子嚐味宴，$498一位全包，免茶芥及加一服務費，不過因為見到個份量好大，我同朋友決定今次食下佢哋其他嘅招牌菜式，同樣都係色香味俱全！秋霧鹵醉蝦（五隻）必點打卡美食！呢款花雕醉蝦，非常有賣相，而且非常大隻。大頭蝦入面充滿蝦膏，入口鮮甜，蝦肉陣陣花雕香氣，係一道好正嘅凍盤！張公子叉燒 招牌菜之一，必點！非常出色嘅半肥瘦叉燒，厚切上碟，顏色鮮艷潤澤，味道又香甜，入口肉嫩多汁。而且餐廳好貼心，係碟底下放咗蠟燭，令叉燒keep住温度，等食客可以keep住熱食。張公子牛肋排原條牛肋排上碟，份量十足！煮得軟熟，配上秘製醬汁，上面仲鋪滿蒜蓉同蔥，令到肉質更香口美味，啖啖肉香同滿滿嘅骨膠原，超滿足 ！竹笙扒翡翠蔬菜鮮嫩柔軟，而竹笙爽脆，配搭埋芡汁，味道清香又解膩，食完肉再食呢個菜式就啱晒啦！

觀塘張公子💛秋霧鹵醉蝦💪🏻選用新鮮的大蝦，經過特製的鹵汁浸泡，蝦肉鮮嫩入味，口感極佳。再配以特製的調料，味道更是美妙無比。這道菜絕對是海鮮愛好者的首選。張公子叉燒👅招牌菜之一。叉燒外酥里嫩，口感鮮美，搭配特製的醬汁，味道更加豐富。這道菜絕對是肉食愛好者的福音。姜蔥生蠔煲💕絕對讓你回味無窮。鮮美的生蠔搭配蔥姜調料，味道鮮美，口感滑嫩，是一道非常適合夏季的海鮮美食。羊肚菌竹笙花膠湯🤩味道鮮美，而且營養豐富，是滋補養生的佳品。湯色金黃，口感濃郁，絕對是品嘗美食的同時還能滋補身體的絕佳選擇。環境優雅，服務周到，是品嘗美食的好去處🫶🏻

星期六過嚟觀塘呢邊見營養師，順便喺附近飲個午茶。住喺附近嘅朋友推介呢一間唔係APM，但係人氣依然旺盛嘅中菜廳。～餐廳裝修幾新淨別緻，採光度亦都唔錯，週末12幾左右都幾多人。佢哋夜晚有小菜，晏晝就有點心為主，點心選擇都唔少。～最後我哋就叫咗：1.陳村粉蒸肉排2.百花釀魚肚3.金網香芒鮮蝦卷（四件）4.X.0.醬煎腸粉5.蠔皇叉燒包（三件）～一向都鍾意陳村粉，但係唔算好多酒樓有得食，呢度嘅陳村粉質感滑溜，吸收咗肉排嘅肉汁，濃度剛好，肉排嘅肉質都嫩口。～百花釀魚肚食落去好似棉花糖嘅感覺，魚肚亦彈牙，調味幾清新。～金網香芒鮮蝦卷一檯就俾佢嘅貌相吸引咗，大大條橙黃色嘅鮮蝦卷，貌相喜慶，食落去表層紙薄香脆，內裏嘅鮮蝦彈牙，加埋香香甜甜嘅芒果，調味開胃亦都唔會好油膩。～兩款主食X.0.醬煎腸粉及蠔皇叉燒包之中，個人就更喜歡前者，煎得乾爽之餘，腸粉亦富彈性，X.O醬份量恰到好處，唔會太多太少，加上蝦乾仔嘅鹹香，很不錯。～～～張公子 觀塘駿業街58號3樓

久聞觀塘張公子晚飯小菜高質，假日小試牛刀食午市點心，入座冇預訂店員都快速安排座位，估唔到工商業區weekend lunch time都唔少人QR code落單除左點心都有佢地招牌小菜，叫左五款點心，標價而非計大中小點，價錢比一般酒樓高，但款式特別質素高，絕對物有所值蟹子蒸燒賣 (四件) $52好大粒真係好大粒😂 燒賣皮被肉餡掙到好飽滿，面頭再加一層厚厚的蝦膠，新鮮蒸起好鮮味XO醬煎腸粉 $63腸粉好滑，一段段排到整整齊齊，煎得好香但唔會太油膩，XO醬均勻上色入味，辣辣地好惹味金網香芒鮮蝦卷 (四件) $48網皮好酥脆，包住蝦肉同鮮芒果蓉，附上酸酸地芒果汁更酸甜開胃生拆蝦餃皇 (四件) $60望落餃皮稍厚但食落因生拆蝦肉夠鮮甜完全彌補不足，又係king size蝦餃好睇又好食蠔皇叉燒包 (三件) $42食叉燒包最驚入面得叉燒味醬，但一搣開入面有一塊塊叉燒肉，冇愧對張公子名菜之一張公子叉燒，調味鹹甜平衡唔會太重味，包都好軟熟

又黎發掘一下新茶樓啦係星期六日觀塘好難搵到茶樓?!張公子幫到你呢到比較多大枱 位置都算闊落生拆蝦餃皇皮薄餡嫩。蝦肉的鮮甜與餃皮的柔軟完美結合每一口都能感受到佢好彈牙 份量好足金網香芒鮮蝦捲鮮嫩的蝦肉、香甜的芒果和脆口的金網脆皮呢個我都幾鐘意食蝦肉的鮮美與芒果的甜蜜相輔相成金網脆皮超級香脆可口味道&外觀都非常吸引人 絕對值得一試XO醬煎腸粉經過煎炒 腸粉的柔軟口感和XO醬的辣味相互融合腸粉的外層酥脆但內裡則依然保持著柔軟的口感但略厭XO醬唔太多 缺少左精華所在叉燒包經典既點心叉燒包的外皮鬆脆內餡則是鮮嫩多汁的叉燒肉3件岩岩好~帶子豆苗餃鮮嫩的帶子+爽脆的豆苗清爽的口感體驗。帶子的鮮甜和豆苗的清脆相互融合，為這款餃子帶來了一份獨特的風味。這道菜既美味又營養，是一個不錯的選擇。張公子觀塘駿業街58號3樓

🔹️與朋友仔👭到觀塘 “張公子” 飲茶 🫖 環境寬敞光猛💫 點心高質👍下午茶時段可享7折, 服務細心高效率👩‍💼👩‍💼 價錢相宜💰點心🧆🥢🔸️帶子菜苗餃🥟皮薄軟滑, 餡料以大大隻蝦, 面層嫩滑帶子Yummy👍🔸️蠔皇义燒包🧆熱騰騰包包十分軟熟, 內滿滿鮮甜义燒😋🔸️咖喱蒸土魷🦑土魷新鮮爽脆, 咖喱汁辣味恰度好處, 底層還有齋件吸收了咖喱汁, 十分惹味🤤🔸️鮑粒啤梨鹹水角🍐鹹水角以啤梨造型已經吸引, 內佈滿了鮑粒和冬菇粒, 好滋味🤗🔸️露筍帶子腸粉🫔帶子十分鮮甜, 腸粉綿綿嫩滑👍👍

媽咪係張公子fans🤣🤣佢自己成日同fd食，琴晚難得得我同佢撐枱腳，佢就帶咗我去呢間靚靚中餐廳啦！一入去個水吧位勁有氣派😍裝修中式得嚟又靚🌸🫖中國茗茶-香片 $18/pp喺用火助熱嘅情況下，茶香更加濃郁，味道更加突出🌬️飲落去可以感受到茶葉嘅細膩味道🥰🐖張公子叉燒 $258勁正！佢地用嘅西班牙黑毛豬肉質鮮嫩多汁💦而且用火助熱嘅方式擺盤令到叉燒更加香脆✨每啖叉燒都有豐富嘅肉汁，入口即化🤤🐟翡翠桂魚球 $188桂魚球睇落好厚肉👅翠綠色彩令人胃口大開🌼食到桂魚嘅鮮美，肉質鮮嫩💕西芹同紅黃椒係爽脆嘅口感同豐富嘅味道，令成個菜式更加有層次感🥰🍖香炸欖角骨 $158外皮炸到金黃酥脆，入面嘅肉質鮮嫩多汁💦一咬落去，都可以feel到欖角骨嘅香味同肉汁，食完仲想再嚟一份!😍🍅鮮腐竹蕃茄浸菜苗 $138真係好開胃🫶🏿蕃茄湯底帶嚟咗一份酸甜嘅滋味，勁鮮，我係咁飲🤣令菜苗更加鮮美🥬鮮腐竹質感軟綿，與湯汁完美融合，令味道更加豐富✨💕餐廳好食不特止，待應服務都幾好㗎👍見我食到隻碟勁多骨會主動幫我換新碟，仲會主動沖滾水入茶壺🥰唔掛得媽咪咁鐘意嚟呢度食嘢✨

張公子📍觀塘駿業街58號3樓用了高級裝修 餐廳地方好大好適合一家大小 工作眾餐張公子叉燒叉燒是一道美味的菜品它的外觀金黃酥脆，口感多汁嫩滑味道濃郁香甜 做得出色外層有麥芽糖 令人食得滋味份量都唔少 足夠兩至三個人分艷影蝦球另一款推薦嘅菜式中間包左大蝦 十分大隻 爽口彈牙外皮用咗甜酸汁調味 完全唔覺得漏椒鹽牛舌椒鹽牛舌是一道美味的菜品，結合了嫩滑的牛舌肉和香辣的椒鹽調味它的外觀金黃酥脆，口感豐富，味道美味。海味桂花粉絲煲粉絲嫩滑 炒得好乾身 蛋黃做到粒粒分明用料十足 食得出有花膠海參等名貴食材海鮮食材鮮甜可口金華火腿帶出鹹香味 味道豐富米皇淮山浸菜苗菜苗保持了嫩脆的口感米皇的香脆增添了食物的層次感淮山的甜味與菜苗的清新味道相融合

張公子🤵🏻‍♂️今次喺觀塘見客，同客人食埋晚餐，所以就揀咗一間得體嘅餐廳，決定試吓張公子既公子嚐味宴 ，每一位嘅價錢係$498，呢個價錢已經包咗茶界同埋加一服務費，價錢都好合理！套餐一共包咗八樣嘢，包括龍皇吐霧原隻鮑魚、西班牙黑毛豬叉燒🐷、紅燒蟹肉大生翅（足2兩）🥣、雞樅菌炒帶子🐚、黑松露煎荀殼魚球🐟、海皇翠塘豆腐、張公子炒飯🍚、馬蹄爆珠牛乳布甸🍮其中幾道菜都令我覺得幾驚喜：西班牙黑毛豬叉燒🐷每舊叉燒都有好濃郁嘅蜜汁，肥瘦算係適中，而且每一舊叉燒嘅肉都好腍👍🏻黑松露煎荀殼魚球🐟呢個魚球有啲中西合璧嘅感覺，魚球好嫩滑，配埋黑松露沙律醬，Perfect match！💙馬蹄爆珠牛乳布甸🍮本身對呢個布甸嘅期望唔高，食落先覺得佢嘅奶香味非常濃郁，加上有馬蹄爆珠增強口感，食完之後直接想encore多一個🤰🏻

難得假期齊人，於是約埋屋企人一齊黎觀塘飲茶。酒樓環境空間闊落，唔會坐到好迫。門口用中式拱形設計，氣派十足。雖然酒樓係觀塘工業區同埋開中午11點半，但假期都幾多客人，早少少黎到或者提早訂定檯比較好。茶壺有火熱住，茶唔怕凍晒。茶位$18一位。鮑粒啤梨咸水角 （$48）啤梨造型好得意，外皮炸到香脆，入面依然保持軟糯，餡料係鮑粒同埋冬菇粒等等，同傳統咸水角好唔一樣。百花釀魚肚（$50）魚肚好厚身，魚肚上面鋪左大大舊蝦滑同放左蝦子，口感好豐富。魚肚煙靭，蝦滑爽口彈牙。帶子菜苗餃（$50）帶子菜苗餃好大隻，帶子好厚身。咖喱蒸土魷（$46）咖喱味濃郁，土魷彈牙而且份量好多，加埋起碼有十舊。底仲鋪左麵根，將咖喱汁同土魷嘅精華吸收晒。張公子叉燒腸粉（$55）腸粉皮薄而且細滑，叉燒餡料勁澎湃。叉燒淋身之餘仲好香蜜糖味。豉油係分開上，客人可以按自己口味添加。

今日supplier帶我去佢公司附近食晚飯，呢度隱世得黎都算幾就腳，而且每種菜色都好特別～前菜四扣碗（陳醋水晶肴肉、叉燒、青瓜、雲耳），每人一set，擺盤靚，雲耳有少少酒味好特別，叉燒果然係招牌菜，半肥瘦肉質軟帶油香同蜜汁香。淮山勝瓜筍殼魚球湯好夠味，薑味辟走青味帶出魚鮮，魚肉仲係嫩完全無骨。豔影蝦球係類似西檸汁嘅炸蝦球，甜甜地蝦爽爽地，幾開胃～仲有啫啫海參雞煲同米皇淮山浸菠菜苗都係唔錯嘅，海參入哂味，米皇同淮山嘅湯汁浸住菠菜苗，清清地～食埋蟹子蟹肉炒絲苗真係飽哂，蟹肉多、飯夠乾身；甜品香芒玉露有芒果同柚子天然甜味，有朋友黎香港我諗都會帶佢黎食中餐～