男爵大排檔 (Closed)

人大左...想話約齊班FRD既腳真係難過登天，唯一最好既藉口就係「團年飯」，基本上無論幾忙好，呢一日都一家會竭盡所能地出席，為既都係想話比大家知道報個平安，一切安好，好頭好尾，所以呢一定要食餐好既。有朋友建議有一間好野o係佐敦-【男爵大排檔】，咁就梗係一於去食下啦。我哋叫左幾樣餸，有「金銀菜豬肺南瓜煲」、「辣子雞軟骨」、「富貴黃金蝦」、「啫啫芥蘭煲」、「鎮鋪口水雞」，真心沒有失望而回，我哋都食到捧住大肚子回家，一來每樣餸既份量都算少，而且真材實料，好味絕倫，所以我哋決定年尾約定返黎再刷餐勁既。「金銀菜豬肺南瓜煲」- 豬肺有清肺止咳之效，對急/慢生支氣管炎都有療效，南瓜亦有抗癌既療效，金銀菜豬肺湯味道清甜，可以潤肺治咳，而且更有護膚的功效，女朋友們都未分之喜歡。「辣子雞軟骨」- 看似一道家常下飯菜，也是一道好吃到停不了口的零食！但要煮得好，都好要睇大廚既功架，高温炸製後的雞軟骨，帶着焦香的酥脆感，小火慢炒後既辣椒釋放出獨特的香氣，送啤酒真心一絕。「富貴黃金蝦」- 新鮮生蜢既大蝦，每一隻都被金黃色的鹹蛋黃碎整整的沾滿全身，每一口都充滿著鹹香的餘韻。「啫啫芥蘭煲」- 啫啫芥蘭煲真心香到餐廳門

一行6人想試試老鋪 去到炮台街一間舊式飯店 想試試 未人齊打算送吓酒點了椒鹽雞軟骨$108 份量極小 小到個個眼都突 仲要油淋淋 打算即走但又唔好意思 之後點了黃酒雞尚可半隻$168 荀穀魚勁細條味道一般$118 另外每位收茶錢$12 唔覺得餐牌有寫 店舖員工態度惡劣 叫支啤酒員工開時爆氣沒有主動換支 得返大半支照俾客 8點去到 晚飯時段竟然一枱客都無 心感人小小都舒服 點知一來個雞軟骨真係嚇突 應該想趕客 整晚晚飯都不滿意 唔會再去

這天跟太座加上朋友3個, 一行五人來到這麼近那麼遠嘅佐敦後街(炮台街)試一下相當多好評的男爵大排檔, 鋪面唔算大屬於中型食肆, 店內裝飾都相當多, 有以店名作嘅對聯一副, 還有些名人來過嘅合照,當然少不了各款菜式名及價錢, 而對入就是廚房, 廚房面積相對屬於大, 差不多同廳面1:1 ! 可能多柯打時這是有必要的,當天所見客人不算多, 有一枱年青人約11-12個, 我們5個, 另外有兩個客人似乎跟大廚相當熟絡的- 朋友?是夜柯打如下:椒鹽雞軟骨$98 炸得鬆脆外圍,軟骨部份也剛好咬口百花蒸魚肚6仵$99 百花丸大大粒有口感但底下件魚肚未浸夠身有點硬而非咬落斷開那種,薑葱蒸生蠔$128生蠔6隻無咩功夫嘅菜式, 或者呢個係至高景界-以簡破煩, 最配合的還有那個襯到不得了嘅淺綠色碟, 有時候你俾兩百幾食片魚生個碟似乞兒兜, 反而這裡制服似的這隻碟看得自然舒服, 但想叫的脆皮原隻豬手$198(賣晒), 客家炆腩肉又賣晒!富貴黃金蝦$109 開邊做的蝦炸得透身, 蝦殼都食埋, 攞出來時咸蛋黃沙還起泡, 刻意留下的大大舊咸蛋黃都食埋, 不過, 整體各個菜式嘅落味都相當克制, 尤其是咸味, 大排檔好少

上次黎食飯時見男爵出左蛇宴影底佢地個餐牌後一直都無左件事直至返老家嘅時候聽到D三姑六婆講開依排慶食蛇宴.....攪到我心郁郁之後就約埋班老友預訂左一圍蛇宴因爲見佢有出面好少做嘅山端所以更加想黎男爵試佢地嘅蛇宴最後仲有臘味糯米飯因之後飲到醉醺醺所以忘記影相了總括 可見小店做嘅菜式比起出面大牌子嘅更用心教足功課👍🏻👍🏻

預早訂咗期待已久嘅豬肺湯，真係好味冇味精，連湯料豬肉都切得好靚好冧。仲有豬油撈飯香到飽極都食得落椒鹽九肚魚炸得乾身鬆化脆，完全感覺唔到有骨啫啫芥蘭香蒜味香到不得了，芥蘭完全冇苦味羊腩煲味道豐富，配埋生菜真係好清新薑蔥蠔完全唔腥，鐘意食蔥就一流口水雞辣度大眾化，小朋友都食到，好滑焦糖燉旦可以食好多，停唔到口1，豬肺湯2，羊腩煲 3，鎮店口水雞 4，椒鹽九肚魚5，薑蔥蠔6，啫啫芥蘭煲7，砵仔蒸飯8，焦糖燉旦

很久沒有來男爵大排檔了入到店內全部依舊當晚點了一個雙冬羊腩煲跟菜一碟羊肉炆得入味又淋驚喜的是內有栗子客家黃酒煮雞拼豬潤很有酒香味味道較甜雞肉滑連湯吃送了兩碗砵仔飯就連出名的豬油都忘記落

門面環境好簡醜，早去見到入面冇客，我開頭都唔敢入去，以為去錯地方，但見openrice 食評咁好，就博一博，結果食物水準真係唔錯，食得出睇得出係用心煮，九點後陸續好多熟客到，我會再去試埋其他出名必食

We made a reservation at 7pm to have dinner gathering with a group of friends. Upon reaching the shop front, the glass cabinet was displayed full of cuisine accolades and photos with food critic & celebrities. Even though we ordered several dishes, it did not take that long for the dishes to be served. Even though i am not really a big fan of fried kai-lan due to its big & fat stems, but the taste was still acceptable to me.Chicken with chilli oil sauce was so-so only. Even though the whole plat

是晚星期日, 一早book左19:00同貧友晚飯(不過其實到我地食完, 都唔覺店內有太多人)雖然個名叫大排檔, 但其實只係一間小炒店, 坐室內的當然夜晚隔雜店鋪閂晒門, 店家都會擺幾枱o係出面菜都上得好快, 一order等冇幾耐各樣菜已經陸逐上枱炒芥蘭, 雖然本身唔鍾意食芥蘭, 不過哩個炒得都幾好味口水雞睇落雖然好多辣椒油咁, 但其實多油得黎係唔辣o既一直好鍾意食豬油撈飯, 但只知大榮華有得食好驚喜o係度見倒, 即刻2話不說點了, 正黃金蝦, 唔多夠黃金jek椒鹽九肚魚, 都炸得幾香脆好足料o既冬瓜盅南瓜盅蛋焗蠔, 哩個一般, 乾左d蜆介鯪魚球, 皮脆但唔厚, 魚肉彈牙, 好食木槺布甸好食, 蕉糖燉蛋相較之下較淡口

是晚親友共聚，相約於佐敦炮台街男爵，環境雖然不太好，但有好嘢食，又可與親友共聚一堂，又有乜所謂呢。預訂了的豬肺湯，正! 本身好鍾意飲豬肺湯食豬肺，這煲湯令我好滿足；而即席點的口水雞則不過不失啦，不算特別。豬油撈飯加鼓油，我家小姐少爺k.o.哂成碗就知係正嘢。薑蔥蒸蠔我也很喜歡，可吃到蠔味又不會腥。焗魚腸只能說麻麻，稍嫌魚腸太粉，亦焗得不夠香口。需要預訂的炸子雞和炆斑翅均很出色，炸子雞夠嫩滑，斑翅惹味勁夠骨膠原，成為整頓飯的亮點。大廚不時會出來與客人傾計，食吓飯、吹吓水，溫飽的一晚。

上星期超哥的老朋友從美國回港超哥邀請我一齊到佐敦食飯。一條晤起眼！唔靠Google map 都找不到的地方(炮台街)。原來訂咗個12人的盤菜。$1688我之前都食過D盤菜，印象麻麻，古唔到里間係咁好食！有鮑魚，蝦，帶子，鷄，腩肉，冬菇每樣食材都有唔不同味道，芋頭好食到不得了👅仲有豬皮，魚旦，蓮藕，蘿蔔，超好食👍👍我地重order咗魚腸同狗肚魚好好食

經朋友推介該店的羗蔥蒸生蠔&自家製低糖甜品當然沒有大失所望生𧐢十分十分鮮甜沒有渣好滑好滑超贊👍👍既然叫了甘清的生𧐢所以我們配上較濃味的蝦醬炒通菜⋯👌吾太咸再加上豬油撈飯😋😋感到回到同年的時代⋯⋯回味無窮最後甜品點了木糠布甸&粒粒芒果布甸⋯⋯朋友講得無錯該店的木糠布甸超贊👍😋又香又滑

出菜極快…..食咗幾個菜後, 決定埋單走人去咗隔一條街嘅酒樓繼續飯局…………蒜片一口牛 - 用鬆肉粉醃到冇晒牛味, 量少, 個底搵啲炸粉絲Long到高一高, 其實冇幾粒牛肉蜆蚧鯪魚球 – 粉多魚肉少, 唔彈牙, 蜆蚧醬得一粒蜆咁多………砵仔焗魚腸 – overcook, 有啲乾.黃金中蝦- 我未見過咁細嘅”中蝦”囉! 啲蝦太濕, 唔夠乾身, 而且仲可以整到不鮮,不咸(冇味)……..真勁.豉油王炒麵 – 成碟麵兩個字講晒– “死咸”, 麵又唔熱.薑汁芥蘭- 完全沒有薑味.PS. 當晚去到見門口貼住收”開瓶費”50蚊支, 我話唔係喎, 訂位果時明明話收30蚊支架! 門口肥佬答傘話”開瓶費”更係50蚊支啦………跟住同我講佢點樣辛苦申請個酒牌噃嚟bar, bar, bar…….呢啲錢都唔比佢賺, 佢就執笠咁話…………講到我好似講大話. 我唔想同佢糾纏, 沒好氣入店內, 講真唔通謂咗果20蚊我會唔開酒咩! 坐底冇幾就有個女人走咪嚟, 話訂位果日係佢接電話, 話係佢講錯”閞瓶費” 30蚊支, 如果唔啱可以下次先幫親過,佢地唔介意咁話!!

朋友約聚會，第一次去，初以為真是大排檔，結果只是menu是大排檔style，而樓面仍是小館子feel（否則真不知如何可暢談聚舊？）六個人，叫了六餸一湯加六款甜品。蜆蚧鯪魚球第一次吃到點完蜆蚧汁仍外皮全脆的鯪魚球，不過我個人覺得鹹了一點點，內心仍彈牙，鯪魚球用tart紙兜盛載，很cute！椒鹽九肚魚我無吃，老婆話很香脆，肉做到乾身，不太鹹。燒汁炸茄子豆腐燒汁另外無拍攝到，茄子和豆腐各８件，炸得很乾身很香口，燒汁很有濃的蒜香味，因分開上，可照自己的口味加份量。蠔仔焗雞蛋無蠔腥味，蛋和油量適中，不heavy。冬瓜盅後加的，仍有得叫，很開心！冬瓜肉很諗，湯底很濃香（加埋我吃了很多的冬瓜肉就很配），８個人分吃每人只得一小碗，有點不夠喉。聚寶南瓜盅有驚喜的一道菜，南瓜雖然不似是日本產的，肉仍很諗，亦不苦，驚喜是fillings是類似南乳齋的小炒，很惹味！嗜嗜芥蘭煲這道菜要好味一定是油膩和鹹香，所以不能怪，唯芥蘭炒過火了少少！甜品在「大排檔」吃甜品也未想過，點齊了６款６人分吃，所以每款也嚐過。木糠布甸(原味,薑味,曲奇)：薑味比較特別，去了布甸的奶臊味香桃芒果布甸：原本芒果布甸，可能因無芒果改了用桃

晚上到了佐敦…對啊，又是每月一聚暨三月雙星慶生局（這跟我那一篇《美心彩虹蛋糕》屬不同的飯局）…紅藍綠霓虹燈之下的「男爵」招牌，很是耀眼…「但係…其實…好『架步』feel…」（哈哈哈…）於門外拍了好陣子照後便入內就座…七個人每人選了一味「餸」，另多加一款菜…（只因七碟「唔好意頭」嘛！！）辣子雞軟骨，不辣，但味道挺讚，我覺得雞軟骨比雞件更「襟吃」…（註：席上眾人均屬嗜辣之人，就連其中一位原本不吃辣的也被訓練成金鋼不壞之身）蛋白莧菜，中和之選…水煮魚（龍脷柳），這個的辣度亦只是一般，內有芽菜、紅薯粉等，可惜我只能吃到龍脷柳（其他的索汁之物都給大家搶光了）…眾人各點了一小碗白飯，然後從水煮魚中舀出辣汁，再狠狠地混進飯中，水煮汁撈飯，比店子提供的豬油更yummy…！！百花釀豬腸，炸得熱騰騰，且又香又脆又彈牙…鎮鋪口水雞，這個口水雞汁辣中帶甜，辣度不俗，大家均說「終於有味餸係辣嫁喇…」豉汁蒸鱔魚，鱔魚肉質「滑嘟嘟」，豉汁鹹度恰好…黃金蝦，蝦殼炸得脆脆，「可以連殼都食埋！」，不過我覺得《喜雅私房菜》好吃一點…梅菜蒸菜芯，這種弄法乃第一次吃，絕對值得參考…「下次自煮晚餐嗰陣試下咁整先得！！！」最後又每