男爵大排檔 (Closed)

是晚親友共聚，相約於佐敦炮台街男爵，環境雖然不太好，但有好嘢食，又可與親友共聚一堂，又有乜所謂呢。預訂了的豬肺湯，正! 本身好鍾意飲豬肺湯食豬肺，這煲湯令我好滿足；而即席點的口水雞則不過不失啦，不算特別。豬油撈飯加鼓油，我家小姐少爺k.o.哂成碗就知係正嘢。薑蔥蒸蠔我也很喜歡，可吃到蠔味又不會腥。焗魚腸只能說麻麻，稍嫌魚腸太粉，亦焗得不夠香口。需要預訂的炸子雞和炆斑翅均很出色，炸子雞夠嫩滑，斑翅惹味勁夠骨膠原，成為整頓飯的亮點。大廚不時會出來與客人傾計，食吓飯、吹吓水，溫飽的一晚。