味道樂居酒屋 (河內道) (Closed)

最近好想食日本嘢 所以就同朋友黎食晚餐😆呢間餐廳個位置都幾易搵 喺地鐵站附近🤣入到去覺得個環境好有日式懷舊風格居酒屋🏮嘅feel🤩至於嘢食方面 叫咗幾樣野 都唔錯👍🏼👍🏼疫情之下冇得去旅行 黎呢到食日本嘢都幾滿足😎係等嘢食期間 發現啲餐具碗碟都幾靚😍仲有其他都好靚 不過就冇影到添😚😚等咗冇幾耐就好快有嘢食😙😙✨原條鰻魚飯(💰$138)鰻魚好大條又肥美 食落啖啖肉上面仲有啲碎蛋 配上啲飯同醬汁一齊食 滿足👍🏼✨ 荔枝煙肉卷(💰$58)覺得呢個配搭幾得意 所以叫咗黎食估唔到煙肉同荔枝幾夾 都幾唔錯😙✨ 芝士免治雞肉棒(💰$58)雞肉入邊混合左啲雞軟骨 食落口感幾豐富加埋啲芝士一齊食 😆👍🏼✨芝士吉列虎蝦卷(💰$88)有晒我鍾意嘅嘢食喺卷物到 所以覺得呢個幾好🤣✨流心芝士燒年糕(💰$58)食呢個真係要小心啲！因為佢勁熱🤣因為太心急好想食 結果唔小心整親條👅😂食落出面有少少脆身 而入面就係煙煙韌韌咁😋仲會有啲流心芝士🤩唔錯嘅👍🏼✨白桃乳酸梳打(💰$38)味道酸酸甜甜 幾開胃咁😆

今日難得早放，食咗幾日西式嘢，想同朋友坐得舒舒服服食吓野傾吓計，經過河內道，見到呢間幾有日本風味嘅居酒屋，決定入去試試佢🥙黑松露帶子刺身沙律配柚子醬 $108估唔到帶子刺身配黑松露再加酸酸地嘅柚子醬係可以咁夾！真係第一次試呢個配搭，仲要有成7,8塊帶子，竟然仲有甜薯🍠，成個沙律好fresh好開胃！😋🍣大葱特上吞拿魚腩卷 $88初初仲以為會好細舊，上到枱估唔到佢咁大件，仲要有8件！吞拿魚腩蓉好新鮮，除咗葱之外無加額外嘅配料，完全食到佢嘅鮮甜！一啖一件好滿足🥰🥓大葱厚切日本煙豚腩 $58第一次食煙豚腩，唔似腩肉，有少少似鹹鹹地嘅肥叉燒，大葱反而燒得一般，如果可以加少少醬汁就好啦！🦪燒日本播磨蠔 (雙色芝士/ 煙肉櫻花蝦 / 辣蒜) $100/3隻嘩！一上枱係超級香噴噴，雙色芝士唔會好heavy，最怕食雙色芝士食完一隻會好飽，呢度竟然冇呢個問題，因為佢用嘅芝士唔會過多！煙肉櫻花蝦啲櫻花蝦鋪滿成隻蠔，呢兩種咁鹹嘅嘢竟然出奇地夾！辣蒜就同普通出面食嘅燒生蠔冇乜分別，同埋真係幾辣！三隻唔同口味嘅蠔都好肥美，唔會燒完之後縮埋一細粒，仲可以保持到佢嘅肥肥白白！證明師傅嘅手勢真係一流👍🏻🍲香煎鵝肝雜菌石

1. 好污糟啦啲野食 我見到佢啲碟污污糟糟都唔敢食 我見到碟上仲有污漬 唔知有無認真洗過2. 點左啲壽司 同死屍一樣咁難食 啲米差到以為食緊中國米 紫茶軟林林到嚇死人 三文魚有酸味 熱食一樣係不能夠入口 我食左兩啖都食唔落去3. 唔知係佢通風系統差定咩 我邊食邊頭暈 最後我逗留左40分鐘多就走左 我諗我人生咁耐食過既壽司店黎講最差囉真係 食物又唔係平喎 但質素點解可以做到咁差既呢除非大家中意食劣食 否則建議大家絕對唔好去！！！！！！

一入門口waitress 已經黑口黑面，佢叫我地坐最入張台，我地都未叫野食，佢話一個鐘後要交台，因為有人book左，除非坐另一張我地覺得好奇怪，是她帶我們入座的，我又無指定要邊張，點解一坐低就話要指定時間交枱？食食下 半個鐘左右 佢隊張單埋黎，我不滿，問佢點解要咁早埋單，佢話要清機，我問係唔係之後可以繼續叫野食佢話係，我地又諗，點解佢唔先同客人講清楚？令到人地咩興致都無晒，結果，我地無加單，45分鐘就完成晚餐！好失望，味道再好都唔會有下次

前晚同女朋友去食飯，滿心歡喜因為平時好難book.叫左好多壽司同小食，但都覺得普普通通，而且價錢都唔係特價平。我會覺得有其他更好既選擇！咁既價錢理應質素更加好，不過好可惜味道真係好麻麻！

有一次同美國嚟嘅朋友兩公婆諗住去食日本嘢，行到去炎丸要等一個鐘頭零45分鐘，所以呢！就周圍搵吓有冇其他日本菜可以食，又唔係藍店嘅，結果搵到呢一間，佢雖然冇話自己係藍色定黃色，但係總好過係藍色呀，咁所以呢！最後我去咗呢度，其實呢日本菜一般都比較偏貴，尤其是係刺身，石鍋啊，咁多日本比較貴嘅，咁所以呢呢間算係reasonable ，而且佢嘅種類呢其實同炎丸都唔係相差好遠但係就冇燒烤各方面， 咁呢食咗刺身啦，牛肉鍋啦，卷物啦，仲有啲炸嘢咁樣啦，總括嚟講呢我覺得味道都OK嘅！而且呢擺盆都幾靚

朋友2次提及帶我去試好味的鰻魚飯。滿滿期待的一早來到。早了5分鐘，門還未開。當服務員將關門的牌反轉，也不會開門招請我們進去。入到去，裝修讓我覺得不錯。服務員，放下了餐牌，便離開。到我們點菜和請她給我們水，也是有點粗粗魯魯的。鰻魚餐來到，燉蛋很熱很滑很好味，前菜ok。但主菜鰻魚，雖然看到吃到像炭火燒過般，但飯又口感不好，有汁的飯最好不太淋，鰻魚汁和鰻魚也不好吃或香。讓人感覺是只來一次吃鰻魚飯便夠了的居酒屋。

之前都食過兩至三次，覺得都唔差，所以最近去尖沙咀，再食多一次。去到的時候，只有一張枱的客人，心諗，可能疫情問題人流變得少了。不過整個用餐過程令我唔會再去：首先店內有足夠的人手但他們就是游手好閒，跟他們追單，他們總是愛理不理。需要加茶的時候就要等他們同事之間傾完計才過黎😪。真的不明白為什麼又不是忙，為何不可以投入少少，畢竟現在的時勢，是否應該要更加俾心機做好每樣事？但他們總是愛跟同事談天說地，可能因為他們的心態是他們只是打公仔，又不是老闆，做同唔做都係糧照出。但最令我不滿而且唔會再去嘅原因係：衞生意識真的很低，他們攞兩隻杯黎嘅時候，就好似茶餐廳伙記咁拇指丶食指同中指一齊夾住兩隻杯嘅內側。我心諗如果佢之前掂過嘅有病毒嘅嘢(例如上一枱的客人或金錢)，咁我咪好危險？咁我當時自己換過啲杯算。要留意係，這間餐廳不是茶餐廳，不是街邊檔(雖然而家疫情下，所有餐廳都唔應該這樣)。所以總括而言，香港餐廳多的是，態度麻麻加上唔衞生，點解我仲要黎？想中招咩(雖然去第二度都有機會中招)。

本身約朋友食附近另一間餐廳，但一行出地鐵站就見到呢間，實在太近地鐵站出口，所以決定試呢間😂我叫左香煎厚切牛舌糖心蛋飯， 連埋加一只係$64， 仲要配有日式蒸蛋、前菜（細細碟）、味噌湯、沙律，雪米糍或者橙汁。 真係好豐富牛舌真係好好食， 比想像中厚， 厚淋鹹香，有4件，仲有半隻糖心蛋朋友叫左個野菜炒牛肉井，份量又係好足， 好多菜。 餐廳環境都坐得ok , 普通居酒屋咁。 再加上限聚令， 就坐得鬆動左。 不過waitress 就好心急收嘢， 一見我地食完未飲完嘢都已經過黎收走。😂😂

星期六晚差唔多8點去到，無book位，等左５分鐘度就有位。本身諗住食少少野轉場食甜品，結果都叫左唔少野：醬油燒年糕 ($48)，都OK好食味淋魚干 ($48)，我地至愛🤣蟹膏蟹肉炸豆腐 ($68)，比較普通，唔食都無所謂明太子雞翼 ($58)，普通，唔建議食火炙北海道帆立貝蟹膏卷 ($88)都可以既牛肉壽喜燒 ($108)，無咩壽喜燒既味道，似普通牛肉火鍋。後尾追加左個煙肉荔枝卷 ($58)，有啲驚喜，幾好食。整體上都可以一試，不過又未好食到可以再食🥲

今日同朋友行行吓尖沙咀 想食日本野 🇯🇵所以就去咗試一試❤️一入到去員工佢哋之間嘅感情都好 成個感覺很友善👍🏻 會好頻密咁幫你收野同加水 唔會忽略你哋任何一枱 今晚最滿意嘅一道菜就係牛舌 👅 雖然佢價錢偏貴 我覺得物有所值嘅原因係食落去好清爽 調味得非常之剛剛好 😽 其次鰻魚飯 我個人覺得淨係得個樣 但係味道同埋質素都一般般 如果可以可以叫第二樣嘢食🙆🏻‍♀️ 牛油煎帆立貝 調味得好好 但係帆立貝感覺不太新鮮 今次的體驗 比我想像中唔太好 可能期望值太高 不過我個人認為亦有進步空間 希望下次去嘅時候更好食🙏🏻

好耐無去日本！！！！😩😩😩真係好掛住日本啲魚😩😩😩之前有朋友講過呢到啲吞拿魚好好食，好有日本味道🤩所以就嚟試下即刻嚟2件吞拿魚壽司先！我覺得無講到咁好食不過個味就似日本嚟😂唔似元乜個啲吞拿魚三文魚正常！三文魚子都她新鮮牛肉鍋個湯真係好香，個調味啱啱好！蝦卷有6舊勁大舊，填一填肚即刻無咁空虛炸一口芝士！又係啲屋企煮唔到嘅野食，炸野都係出嚟食先會炸得香口呢個黑蒜油豬腩片我覺得mama day最後係飲返杯啤酒，真係值得一讚！好夠氣好夠味！老婆就飲巨峰梳打不過就唔係幾夠巨喇味道就淡咗少少🤔整體不過不失咁😂

又一個居酒屋系列, 同朋友既結論係: 我地可以日日食日本野都唔會厭LOL火灸三文魚野菜沙律 ($98)難得食到個沙律竟然唔HEA, 超足料! 好多火灸三文魚同蟹籽鋪面, 加埋芝麻醬一流煙肉櫻花蝦燒日本播磨蠔 ($100/3)有芝士﹑辣蒜﹑煙肉三隻味, 個人覺得辣蒜幾特別, 辣得幾過癮壽司 (蟹膏帶子﹑油甘魚﹑海膽) 推薦食海膽, 夠鮮甜! 壽司飯唔會調味調到太鹹 鹽燒雞脾菇+翠玉瓜 ($76)雞脾菇超厚肉同JUICY! 翠玉瓜就有D炭燒味, 如果再甜D就更加正

而家冇得去旅行，唯有食下其他國家嘅嘢當去咗旅行嘅感覺。今晚去咗一間日本居酒屋，入邊嘅裝修都令我好似去咗日本嘅感覺。因為今日放假早咗食飯，所以六點幾間餐廳都未有人住。呢間居酒屋都有好多嘢食，睇Menu都揀咗一陣先揀到食乜嘢，因為樣樣都想食🙊因為本人都好鍾意食左口魚邊，所以叫咗一客燒左口魚變壽司試吓。個魚食落入口即溶好正。個炸芝士一口一個啱啱好，不過因為佢係岩岩炸起，所以非常熱辣辣，食嘅時候都要小心啲，另外芝士味非常濃郁，唔錯唔錯。到鰻魚飯，條鰻魚非常大，大過手掌，非常足料。明太子雞翼，隻雞翼啱啱燒起，咬落去嘅時候外皮非常脆，入邊又有熱辣辣嘅明太子，好味。輪到軟殼蟹飯卷，軟殼蟹炸到外脆內軟而且好大條，連埋啲飯同埋沙律醬食落去非常夾。最後到呢個燒牛舌，嚟到嘅時候個牛舌係鐵板上仲係炸炸聲，食落去嘅時候軟林林，口感好好，超正。下次要再嚟感受去咗日本嘅感覺。

窮遊香港-大大條日式燒鰻魚飯呢日去左一間係尖沙咀既日式居酒屋最出名一定係⭐️原條成田醬炭火燒鰻魚飯$138😍淨係望到佢咁大條 都好滿足👍🏻表面燒過 有焦香好厚身 加埋大大條 好肥美👍🏻一個人食哂 會好飽 可能會濟 所以最好2個人分表面有蛋絲 加埋醬汁 餸飯一流滿足.⭐️汁燒大白鱔$78但個皮燒得勁脆身 做到皮脆肉嫩係幾高質 香港小地方搵到 但小貴.#味道樂居酒屋 (河內道) (尖沙咀)地址：尖沙咀河內道2號地舖.⭐️評分：味道：4.5/5 高分環境：3.5/5 位小迫服務：4/5 店員反應好快抵食：3.5/5