味道樂居酒屋 (河內道) (Closed)

而家冇得去旅行，唯有食下其他國家嘅嘢當去咗旅行嘅感覺。今晚去咗一間日本居酒屋，入邊嘅裝修都令我好似去咗日本嘅感覺。因為今日放假早咗食飯，所以六點幾間餐廳都未有人住。呢間居酒屋都有好多嘢食，睇Menu都揀咗一陣先揀到食乜嘢，因為樣樣都想食🙊因為本人都好鍾意食左口魚邊，所以叫咗一客燒左口魚變壽司試吓。個魚食落入口即溶好正。個炸芝士一口一個啱啱好，不過因為佢係岩岩炸起，所以非常熱辣辣，食嘅時候都要小心啲，另外芝士味非常濃郁，唔錯唔錯。到鰻魚飯，條鰻魚非常大，大過手掌，非常足料。明太子雞翼，隻雞翼啱啱燒起，咬落去嘅時候外皮非常脆，入邊又有熱辣辣嘅明太子，好味。輪到軟殼蟹飯卷，軟殼蟹炸到外脆內軟而且好大條，連埋啲飯同埋沙律醬食落去非常夾。最後到呢個燒牛舌，嚟到嘅時候個牛舌係鐵板上仲係炸炸聲，食落去嘅時候軟林林，口感好好，超正。下次要再嚟感受去咗日本嘅感覺。