Video
Read full review
2021-03-24
141 views
今日難得早放，食咗幾日西式嘢，想同朋友坐得舒舒服服食吓野傾吓計，經過河內道，見到呢間幾有日本風味嘅居酒屋，決定入去試試佢🥙黑松露帶子刺身沙律配柚子醬 $108估唔到帶子刺身配黑松露再加酸酸地嘅柚子醬係可以咁夾！真係第一次試呢個配搭，仲要有成7,8塊帶子，竟然仲有甜薯🍠，成個沙律好fresh好開胃！😋🍣大葱特上吞拿魚腩卷 $88初初仲以為會好細舊，上到枱估唔到佢咁大件，仲要有8件！吞拿魚腩蓉好新鮮，除咗葱之外無加額外嘅配料，完全食到佢嘅鮮甜！一啖一件好滿足🥰🥓大葱厚切日本煙豚腩 $58第一次食煙豚腩，唔似腩肉，有少少似鹹鹹地嘅肥叉燒，大葱反而燒得一般，如果可以加少少醬汁就好啦！🦪燒日本播磨蠔 (雙色芝士/ 煙肉櫻花蝦 / 辣蒜) $100/3隻嘩！一上枱係超級香噴噴，雙色芝士唔會好heavy，最怕食雙色芝士食完一隻會好飽，呢度竟然冇呢個問題，因為佢用嘅芝士唔會過多！煙肉櫻花蝦啲櫻花蝦鋪滿成隻蠔，呢兩種咁鹹嘅嘢竟然出奇地夾！辣蒜就同普通出面食嘅燒生蠔冇乜分別，同埋真係幾辣！三隻唔同口味嘅蠔都好肥美，唔會燒完之後縮埋一細粒，仲可以保持到佢嘅肥肥白白！證明師傅嘅手勢真係一流👍🏻🍲香煎鵝肝雜菌石
🥙黑松露帶子刺身沙律配柚子醬 $108
估唔到帶子刺身配黑松露再加酸酸地嘅柚子醬係可以咁夾！真係第一次試呢個配搭，仲要有成7,8塊帶子，竟然仲有甜薯🍠，成個沙律好fresh好開胃！😋
🍣大葱特上吞拿魚腩卷 $88
初初仲以為會好細舊，上到枱估唔到佢咁大件，仲要有8件！吞拿魚腩蓉好新鮮，除咗葱之外無加額外嘅配料，完全食到佢嘅鮮甜！一啖一件好滿足🥰
🥓大葱厚切日本煙豚腩 $58
第一次食煙豚腩，唔似腩肉，有少少似鹹鹹地嘅肥叉燒，大葱反而燒得一般，如果可以加少少醬汁就好啦！
🦪燒日本播磨蠔 (雙色芝士/ 煙肉櫻花蝦 / 辣蒜) $100/3隻
嘩！一上枱係超級香噴噴，雙色芝士唔會好heavy，最怕食雙色芝士食完一隻會好飽，呢度竟然冇呢個問題，因為佢用嘅芝士唔會過多！煙肉櫻花蝦啲櫻花蝦鋪滿成隻蠔，呢兩種咁鹹嘅嘢竟然出奇地夾！辣蒜就同普通出面食嘅燒生蠔冇乜分別，同埋真係幾辣！三隻唔同口味嘅蠔都好肥美，唔會燒完之後縮埋一細粒，仲可以保持到佢嘅肥肥白白！證明師傅嘅手勢真係一流👍🏻
🍲香煎鵝肝雜菌石鍋飯 $138
呢個又係一上枱聽到石鍋飯嘅熱辣辣聲，仲要係超級之香！適逢呢兩日涼返少少，食完呢個石鍋飯好溫暖！超級多菇，每食一啖朋友都忍唔住嗌好好食超級好食，仲有就係佢嘅鵝肝煎嘅方法系用大火煎封佢，等佢鎖住入邊嘅汁！食嘅時候外面好脆，裏面仲係好Juicy！忍唔住放到成餐飯最後先一大啖食🥰
總括而言，呢間居酒屋嘅CP值好高，價錢唔貴而且份量唔少！裝修仲有好強烈嘅日本風感覺，恍如置身於日本！枱與枱之間亦唔會好貼！可以慢慢同朋友一路食一路傾！
Post
