味道樂居酒屋 (河內道) (Closed)

睇咗OpenRice 啲人都話唔錯，同埋朋友咁岩生日，都話想試吓呢間餐廳，於是今日12:30 左右就打電話去book 枱，響咗2、3下有個男人接電話，我就同佢講話想book 今個星期四夜晚，點知佢竟然同我講話而家好忙，叫我2:00 後先打過嚟，中午時段餐廳因為忙而唔聽電話我係明白嘅，但係你接咗電話之後又話忙而唔幫我落booking 實在有點奇怪🤔其實呢位接電話嘅男士慳番唔講呢幾句野都已經可以寫低啲資料啦，所以就算佢好食到飛天，我哋都打算去其他餐廳，話哂朋友生日，費事去到掃興～

係K11行完街就係附近求其搵間日本餐廳食，估唔到質素都唔錯噢～黑松露帶子沙律～ 份量十足，用料亦非常新鮮，估唔到松露醬+帶子既組合都幾正，突出到帶子既鮮甜～牛肉壽喜燒，又係一個份量十足既料理，壽喜燒汁既甜度剛好，唔會over到膩，記得要撈散隻蛋食呀～飛魚籽同埋油甘魚壽司～ 睇色澤都知新鮮～而且價錢亦唔貴噢～煙肉荔枝卷～ 好好味既串燒～一咬落去爆曬d荔枝汁出黎～最有驚喜既～櫻花蝦鐵板蠔～～ 非常香口既一道料理，送酒一流～

聚會，同邊個一齊好重要👍餐廳，位置非常理想🚉食物，擺盤和味道誘人🥢加上環境及服務，構成歡心樂意的一晚🎉系統點餐，完全無問題，非常暢順。雖然點了很多食物，礙於咀巴太忙，沒有一一拍照，但質量唔錯，予以推介。

同朋友慶祝生日一早book 咗位起餐廳留枱時間10分鐘內去到待應表示話我張枱俾左人話打俾我冇人聽，但電話冇miss call問佢幾時打嚟一時話啱啱一時話下午之後又話可能佢抄錯電話我話我冇遲到，你點解搵我唔倒又未過鐘就俾咗我張枱人佢就話佢哋個鐘過左喎總之就係係咁架啦等下一輪啦

呢間居酒屋位置都幾方便地鐵站一出就係 而且對面就係K11😛店內裝修都好日本 而有唔同懷舊玩具做點綴餐牌選擇好多 而點菜係scan QR code點嘅～試咗兩款卷物 可惜辣三文魚售罄🥲每份有六件 飯嘅口感同溫度不錯 入面餡主要係青瓜絲 幾爽口清新吞拿魚蓉入口即溶 感覺不錯😋帶子幾大粒但偏薄 而蟹膏有啲腥腥地上枱嘅時候有火熱住 雖然好快就燒完😂肥牛好香🤤 配料都好足 而且都幾入味壽喜燒湯底甜甜地 又唔會咸👍🏻平時食開牛舌片 第一次食咁厚嘅牛舌！厚得黎都煮得幾霖 口感甚至有啲似牛腩😋醬汁咸度剛好 都好入味👍🏻而伴碟嘅脆蒜幾脆 但蒜味重到有啲苦🤭等到最後啲蠔終於上枱🤣有三款蠔可以自由配搭 咁我地每款都叫左一隻試下😛蠔係岩岩燒起 好熱😛 本體味道不過不失 略嫌唔夠鮮味而配料好足 同埋都加左煙肉吊味-雙色芝士：好香 但食唔出兩款芝士(?) 但最推介呢款👍🏻-煙肉櫻花蝦：整體偏咸 -辣蒜：非常辣！食一小啖成個口腔要焫著咁😂 唔食得辣嘅真係要小心🤭鋪頭做緊promotionlike左社交平台就送半隻溏心蛋～醬油味幾香 不過唔夠溏心 黑松露比例岩岩好 意想不到咁夾👍🏻——————————————————

我係一個都幾慳家嘅女仔，所以一般我食開嘅飯店餐廳都唔會太貴，日本嘢唔算太常食，因為一般都唔會太平。今次經開尖沙咀河內道附近見到間日本野真係好想食，兩個人點左蟹籽壽司（兩件）、甜蝦壽司（兩件）、帶子壽司（兩件）、油甘魚壽司（兩件）、蟹膏帶子壽司（兩件）、鹽燒雞翼、鹽燒雞軟骨、鹽燒厚切特上牛舌、香炸紫心，由於佢哋餐廳係單點食物，所以一般食物質素都比放題嘅日式餐廳好，特別鍾意食佢哋嘅甜蝦同埋帶子，真係好鮮甜！而且兩個人食到飽飽買單都係$400左右，真心讚！

好掛住日本🇯🇵嘅夏日祭呀！未去列日本💮就去下日本餐廳感受下啦！呢間位於尖沙咀河內道嘅日本餐廳，店內充滿日式懷舊色彩，一齊重回大阪啦～～👧🏻Caca今次食乜野？🥢味淋魚干-惹味開胃小吃，伴酒一流🥢明太子雞翼-雞翼外層包住內裡厚實明太子🥢蟹糕蟹肉炸豆腐-蟹糕蟹肉鋪於炸豆腐面層，無搶去豆腐清甜味🥢芝士吉列海虎蝦卷-面層有芝士，內裡有啖啖蝦肉，香脆可口🥢火炙北海道帆立貝蟹膏卷-蟹膏同厚厚帆立貝經火炙後香味更突出🥢流心芝士燒年糕-值🉐推介，趁熱一口咬落去，外皮微脆，內裡芝士又香又滑，好好味😋🥢燒日本播磨蠔(雙色芝士、煙肉櫻花蝦)-兩豐口感豐富嘅燒蠔，配料下嘅蠔肉仍保持鮮味！

呢排食得太多西餐/麻甩料理(雞煲火鍋)🤤🤤想歎日本菜嘅魂魄又浮起!!好啦！揀間就腳嘅居酒屋安撫吓想念日本嘅心！一踏入門囗就有降落時光機嘅感覺🤭滿滿懷舊復古風嘅東瀛裝飾🎏急不及待用QR code落單先!! . ✨迷你三文魚籽甜蝦蓉丼 $88Be個人認為係必必必點💯咪睇的的骰骰咁細碗！其實滿載超鮮甜又肉質彈牙嘅甜蝦蓉😍襯埋粒粒晶瑩飽滿嘅三文魚籽😍連埋壽司飯每食一啖入囗都內心高呼幸福❣️. ✨特上吞拿魚腩卷 $88睇唔睇到櫻花色水嘅吞拿魚腩蓉係點引誘我起筷😍😍魚腩蓉入囗即溶嘅魚油口感x內捲嘅爽脆青瓜絲！一啖啪一嚿！食落層次豐富❤️. ✨鐵板牛油煎黑松露帆立貝 $88享受完魚生類料理就開始享用熱食😛用咗牛油x黑松露煎嘅帆立貝超香！肉質彈牙！仲要加入咗唔同種類嘅菇菌一齊炒！食落唔單調👌✨鹽燒三文魚鰭 $48最鍾意食燒魚有果種焦香質感！之後一咬入囗肥美嘅魚肉又會咇哂啲豐滿魚油出嚟！食兩嚿唔夠喉呀😝😝. ✨原條成田醬炭火燒鰻魚飯 $138好震撼‼️一整條嘅燒鰻魚無揸流攤！！炭火烤得啱啱好！魚肉厚身又軟綿綿掛滿惹味醬汁！好快ko哂一整碟💯💯

經過呢間日本🇯🇵餐廳～～佢嘅裝飾真係好容易令人想起日本🗾。 餐廳名已經好日式，店內嘅擺設全部都有日本色彩，好似置身日本！餐廳提供日式料理，壽司🍣、刺身、卷物、串燒等。深海池魚王刺身（$158）😁我最鍾意食嘅刺身，薄切！ 肉質鮮嫩肥美，食落鮮甜爽脆，魚油好香，勁好味😋三文魚腩火炙壽司兩件（$48）左口魚邊火炙壽司兩件（$48）帶子火炙壽司兩件（$58）我哋點咗三款火炙壽司🍣，火炙令魚味更香。 左口魚邊，火炙後魚油慢慢滲出嚟，甘香濃郁。 帶子肉厚多汁，火炙後更扎實爽甜。火炙北海道帆立貝蟹膏卷（$88）同時火炙帶子，但上面放左香濃鮮味嘅蟹膏，飯卷入面包住爽脆青瓜及蟹柳，成個味道都好夾燒日本播磨蠔三件（$100）雙色芝士煙肉櫻花🌸蝦辣蒜燒蠔有三款配料，各有特色，賣相吸引。 芝士較為濃味，辣蒜令燒蠔更惹味，而櫻花蝦、蔥粒、煙肉香脆可口。三款神伴隨脹卜卜又鮮甜嘅蠔，令人難忘！

尖沙咀超水準日本菜🇯🇵黑松露帶子刺身沙律🥗配柚子醬🍊 $108高CP值之選🌟$100左右就可以食到六片新鮮嘅帶子刺身💕帶子真係鮮甜得過份😭配埋黑松露簡直係完美嘅配搭❣️沙律仲可以解到鰻魚飯嘅油膩感😋原條成田醬炭火燒鰻魚飯 $138高CP值之選🌟鰻魚原條上真係非常震撼😜鰻魚非常肥美🥰厚肉👍🏻鹹甜適中 鰻魚控一定要叫😍珍珠飯非常煙韌😆兩個人share食就啱啱好啦牛肉壽喜燒🍲$108壽喜燒湯底味道正常，有大約五片牛肉，幾香牛味。入面仲有豆腐，蔬菜，粉絲等等😁係一個想暖下胃又唔想食咁多澱粉質嘅選擇🤣煙肉櫻花蝦煎廣島蠔 🦪（四隻）$98廣島蠔大隻鮮甜🦪煙肉櫻花蝦炸得幾香脆，用鐵板上嘅時候聞到好大浸煙肉嘅油香🥓係一個幾新鮮嘅配搭，煙肉嘅油同埋炸過嘅櫻花蝦可以蓋過蠔嘅腥味😆環境方面，餐廳約有10幾張枱，需要提前預約先可以食到🧡環境舒適光線比較暗，給貼近日本嘅居酒屋🏮環境😆總括而言，呢間餐廳嘅食物質素幾高，大部份嘅菜式都係$100左右👍🏻唯獨是座位空間比較少，所以有興趣食嘅話就記得預約啦😋味道樂居酒屋 (河內道) (尖沙咀)尖沙咀河內道2號地舖

是日去左尖沙咀尋食，遊蕩中見有間味道樂居酒屋，友人記想食日本野，當然和應啦，一於進入開餐先😁。#三色魚生飯魚生厚身，配上珍珠飯好yummy ☺️。#赤蝦壽司咬落爽彈新鮮膠質感好好👍。#海膽壽司海膽鮮色，味道香濃鮮甜。#蟹膏帶子壽司帶子新鮮配上蟹膏的咸香，配搭都特別，食落層次感都幾好喎！原條成田醬炭燒#鰻魚飯原條鰻魚上，非常之大條同肥美厚身，燒汁夠晒惹味，配埋珍珠飯一併入口， 好滿足啊！裝修佈置細緻有特色，充滿居酒屋風味。

朋友介紹黎到依間餐廳，12點幾時間尚早好快有位坐，我地分別點左三文魚親子飯同牛肉壽喜燒（set lunch）有湯有蒸蛋沙律同飲品/甜品，味道不錯幾豐富！餐廳佈置有特色，不過近門口位置經常有人出入，感覺好熱，1240左右亦好快full。

今日約左大學同學食飯，由於朋友係素食者所以今次主要食海鮮同蔬菜，但估唔到呢間和氣居酒屋都幾veggie friendly餐廳細細但好有氛圍感，裏面裝修同日本既居酒屋一模一樣🇯🇵我地單點左幾款自己鐘意既壽司海膽壽司($38)海膽多到就快瀉🤩放入口非常鮮甜，唔腥唔臭北海道帆立貝壽司($88)帆立貝含有豐富蛋白質，又有營養又有咬口，夠哂厚肉三文魚同鰻魚就正正常常，平均水準黑松露帆立貝沙律($108)有驚喜，沙律菜勁新鮮，仲有我最愛既迷你日本番薯仔，加上份量大方既黑松露mix 埋絕對冇得輸

位置好容易搵，一出地鐵站就係同朋友兩個人叫左味道樂極上二人前set，因為一黎唔洗諗，二黎set 入面有啲食物係menu 無既😙富士蘋果蟹籽野菜沙律：好清新💦，蘋果好清甜，好適合夏天食五點刺身盛合：三文魚、牡丹蝦、油甘魚腩：油脂平均，厚身有咬口，溶雪處理足夠赤貝：新鮮爽口海膽壽司：唔苦，新鮮火炙左口魚邊壽司& 季節時令魚壽司：火炙完之後，魚個油脂出左，令到成個口感提升壽司啲飯握得唔錯，唔好太實又唔會太黏鹽燒翠玉瓜：鹽味帶出蔬菜既甜味鹽燒雞軟骨：雞軟骨好有咬口，燒完之後更香口蟹膏醬燒虎蝦：蟹膏醬好味，同虎蝦好夾汁燒鹿兒島黑豚豬肋條：超推介👍🏻，唔會好生又唔會好熟，剛剛好，咬一啖啲肉汁爆出來，肉質好嫩口美國牛柳粒溏心蛋石鍋飯：好香蒜味🥰，為個飯增加風味，各樣材料配搭得好好香芋糯米糍，為尼一頓飯有個完美總結😌

三文魚刺身係厚切架，大大塊，淡淡肉，好好咀嚼，所以食到好滿足。不過就唔算好新鮮，遜色左少少。帶子蟹膏飯卷蟹膏同帶子都幾夾，而家飯卷入面都有啲配料，食落去幾豐富。見到帶子有少少火炙嘅效果，見到有用心思去處理食材，如果賣相再好啲就再吸引啲。食左咁多壽司同生野，梗係要試翻啲熟食。忍唔住叫左個推介嘅櫻花蝦煙肉蠔，一見到個賣相已經好想食左先，睇落都好多料，個蠔唔會好腥，而且有啲汁，唔太乾，唔錯。炸一口芝士同芝麻雞翼都好唔錯，炸一口芝士味道唔會太濃，直接食左幾舊都唔覺得會太漏口。而芝麻雞翼外脆內軟，而且仲有肉汁，攞上枱個陣仲岀緊煙，熱辣辣新鮮炸的。最後叫左個牛肉壽喜燒，見到入面係有好多牛肉同雜菜，為左避免牛肉浸得太耐，佢地會將牛肉放係雜菜上面，客人可以自己決定牛肉的生熟。湯底亦唔會太甜，建議大家一試。整體黎講，食物選擇多，可以試到唔同野食。