味道樂居酒屋 (河內道) (Closed)

員工服務態度如行屍走肉，其中一個甚至態度惡劣，嚴重黑口黑面。我感覺到自己好似乞食一般，食得非常之受氣。食到未夠一半已經有中伏的感覺。食物味道只屬一般，7個大人和2小朋友食咗三千蚊，性價比差。絶對不會再去的一個食市。大部分食物質素好一般，除咗燒和牛，和一些串燒比較好之外，其他東西不值一試。手卷的紫菜‘林’晒，第一輪落單，不過最後一輪先上菜。叫自己做居酒屋，但冇果實燒酌提供。近幾年都能夠根據 OpenRice 的食評和餐廳評分搵到出色的食市，但係今次感覺完全中伏。非常之失望！

特意挑選呢間餐廳作為我們暫別的晚餐日式居酒屋裝潢，對於在80, 90 年代長大的我們，日本文化確實佔了記憶的一部份。 而呢個時間便是我地友誼建立的日子，有意義吧 ( 懶係有FEEL~) 餐廳是木系的居酒屋，感覺好溫暖牆上是滿滿的懷舊日本味~，對於我地呢D中年人，又別有一番滋味當年多麼青春美好，多麼令人懷念位處尖沙咀區, 又咁有特色的裝潢，呢個價錢其實算驚喜~ 餐廳用手機點餐，而剛好我的數據用完，不能上網，唯有交給朋友做突然感覺，時代真係改變了。沒有互聯網，日子實在不能過~ 是夜的重點係道別，只隨意點了3個菜 刺身，卷物和鍋物估唔到，鍋物竟然係第一個上場........ 牛肉壽喜燒 HKD 108 用鐵兜和木盒爐的設計，馬上和整個環境溶為一體 ，有濃濃的懷舊日本味欣賞佢個湯底，沒有一般壽喜燒過甜的弊病牛肉的份量都唔少，起碼有6件以上。牛肉是全瘦的，沒有很多的肥肉。女生唔使怕但因為全瘦的關係，建議要快食，太熟就會韌啦個底就以椰菜為主，加有冬菇，豆腐~  五點刺身盛合 HKD 298 係MENU見到呢個，覺得價錢唔貴，OK啦但見到實物，感覺係超值呀~ 好少見到實物係靚過張相既刺身~而呢度做

係尖沙咀行完街經過味道樂居酒屋，但因為我地無book位，所以坐係最入既位，但果張枱比較熱，無咩冷氣🥵之後見有人食完走，要求調位，即刻無咁熱😉之後我地叫咗吞拿魚腩卷，石鍋鰻魚炒飯同美國牛柳粒溏心蛋石鍋飯。吞拿魚腩卷好新鮮😋我幾鐘意石鍋鰻魚炒飯，味道唔錯👍🏻牛柳粒溏心蛋石鍋飯都好食，值得推介大家去食☺️

呢間餐廳嘅裝修設計幾靚，有種懷舊嘅日本風，係度食嘢心情都會好啲，而我同朋友兩個人，但係叫咗好多嘢食，食完好滿足，哈哈。流心芝士魚餅：黃金色，睇落去都好吸引，裡面嘅芝士味濃郁，魚餅好有咬口。三文魚壽司同辣三文魚碎卷用嘅三文魚都好新鮮，而且份量適合，碎卷有啲醬同埋辣辣地幾唔錯嘅味道。原本以為燒秋葵會好乾，但呢間燒得啱啱好，而且仲有啲木魚絲鋪係面，增加味道。明太子免治雞肉棒：呢個都係我覺得好好食嘅，因為佢嘅味道好濃郁，滿滿一條嘅雞肉棒裡面有爽牙可口嘅雞脆骨，每一口都好有口感，有埋明太子係面更加好味。野菜牛肉湯烏冬：碗烏冬嘅湯底好鮮美，牛肉煮到嘅質感啱啱好，牛肉味好出。飲品就叫咗橙汁同巨峰乳酸梳打，都係為呢餐加分，兩個人叫咗8樣嘢都係500都唔使，好抵食，而且食物質素仲要唔錯，值得再去嘅！

今日去食，食咗黑松露和牛炒飯、三文魚腩壽司、油甘魚刺身、池魚刺身、生蠔刺身、燒雞皮、燒秋葵。首先講個炒飯，非常之油，而且冇黑松露味，啲「和牛」似肥牛剪咗個角仔咁，好似手指甲咁細塊咁薄。然後三文魚腩壽司，舊三魚文還好，但食落冇咩鮮味，食埋舊飯就知佢唔夠質素。油甘魚刺身同池魚刺身，食落有味嘅，但零咬口，仲有少少霉霉哋，唔係講緊入口即融嗰隻，係真係霉！！！！仲有啲池魚，最多大過腳趾甲少少，非常唔抵食。生蠔刺身，中規中矩，冇咩特別。燒秋葵、燒雞皮，呢兩樣燒嘢好似冇咩味咁，而啲雞皮唔夠味唔夠脆，落兩粒鹽都唔肯。而且，啲嘢飲都好貴，叫咗杯蘋果汁，就好似係便利店買返嚟，加幾粒冰，就32蚊，保守計，啲嘢飲5蚊，舊冰27蚊。最後，同埋上菜速度好慢。總之，性價比非常低，極級劣評。大家千祈唔好食，想試伏可以一戰。

唔好講笑，除佐坐得迫少少之外，呢間居酒屋無論食物、氣氛都真係無得頂。螢光魷魚配果味燒酌送酒絕配！無論刺身定燒物，所有食物都無令我失望，係一間值得再回頭嘅居酒居，三五知己約埋一齊食飯吹水嘅好選擇。

尖東區越夜越精彩，行完街黎搵食，喺K11 Art Mall對面搵到間好受歡迎嘅居酒屋料理，價位都幾合理，叫咗個二人餐都係788加一。🌟富士蘋果蟹籽野菜沙律大大碟沙律，加上好甜嘅富士蘋果，作為前菜簡單又開胃。🌟五點刺身盛合黎到第一環主打料理，刺身都好有質素，有甜蝦、三文魚、油甘魚、帶子，而當日嘅時令魚就係伊佐木，肉質爽口，味道清淡。帶子好似有特登加咗鹽，有d咸味，都幾夾。🌟蟹籽忌廉汁蟹肉燴意大利飯淨係個名都夠晒長，濃濃嘅忌廉汁包住粒粒分明嘅意大利粉，飯也唔太冧身，加埋蟹籽食落好有口感。🌟壽司一共六件壽司，飯粒分明，值得一讚火炙左口魚，係入口即溶。海膽壽司又係值回票價，非常鮮甜。🌟燒物重點汁燒鹿兒島黑豚豬肋肉，食落好有肉汁，而家好脆口，而其他燒物都一樣有質素。🌟美國牛柳粒糖心蛋石鍋飯雖然食唔出係咪美國牛柳，但睇得出份量十足，一鍋已經有十幾粒。牛柳好有口感，加上燒汁同飯好有滿足感。

<Hong Kong🇭🇰•Tsim Sha Tsui>“咬我唷！牛肉壽喜燒鍋唷”最近儲存喺腦袋嘅好西Database有啲啲Bugs！正在修復中☺️可能太耐冇去旅行🧳有啲累要扭計👻呢晚要去日本居酒屋抖抖🥳可能大家都知係邊間😝同大家介紹吓唷！牛肉壽喜燒鍋粉嫩嘅生牛肉經壽喜燒煮熟，香甜有風味！裏面仲有唔少蔬菜同彈牙嘅粉絲索滿湯汁😍正正唷！黑松露野菌帆立貝黑松露炒帆立貝香濃撲鼻，入口鮮甜。帆立貝有4-5粒，粒粒都幾大隻。野菌吸收黑松露炒帆立貝，味道更豐富。厚切燒牛脷燒牛脷驚有黑椒粒粒同炸蒜片，食落而不膩，配酒一流。蟹膏醬帶子壽司卷蟹膏醬帶子清甜，壽司卷住青瓜絲，清新可口。柚子燒酎配上以上美食，滿足！......#chantaljj尖沙咀 #尖沙咀日本菜#日本菜#居酒屋#尖沙咀居酒屋#香港打卡 #主題餐廳

味道樂居酒屋 (河內道) (尖沙咀) 🥰近排真係食日本野食上癮🤣🤣今次去左尖沙咀食居酒屋，呢間booking好full，建議提早少少book位🥰三文魚壽司（兩件）$38三文魚幾新鮮，食落去鮮味十足，一啲雪味都無👍肉質好好，好嫩，咬落去無筋☺️啲飯亦處理得好好，壽司醋適量，令到啲飯唔會硬，飯嘅份量亦都啱啱好😍蟹膏帶子火炙壽司（兩件） $58蟹膏嘅分量好足，帶子亦都好大粒，落足本😍蟹膏嘅質地好好，唔會太稀，食落去亦都好香😆粒帶子好新鮮，食得出唔係雪藏嘅，味道好鮮甜而且唔腥😊蟹膏同帶子呢個combination 幾好，大家都唔會搶左對方嘅味，好夾😍呢款壽司絕對值得推薦😋加州反卷 $68表面蟹籽好多，令口感豐富🥰同沙律醬好夾，味道唔錯😆鹽燒厚切特上牛舌 $78有兩串牛舌，每串有三大塊，每塊都幾厚🥰食得好滿足，落返啲檸檬汁，鮮味都提升左好多🥰表面海鹽黑椒好多，令牛舌好入味，好好食😋石鍋鰻魚炒飯 $138石鍋裝住，真係唔會怕放耐左啲飯會凍🤣最尾食佢都仲出緊煙，熱辣辣咁🥰除左表面有兩條鰻魚，飯都用左鰻魚去炒，基本上每啖飯都食到鰻魚架😋😋而且炒飯好香，好正，味道好好，惹味炒飯😆日式炒野菜 $68野菜炒到

今日嚟到尖沙咀搵食🍱 經過呢間味道樂居酒屋 坐滿人 😍即刻湊熱鬧入嚟試下 🤣睇到menu 見到有好多唔同種類嘅日本料理、刺身、壽司等，好多選擇結果每樣都嗌啲 🤭🤭首先係蟹膏帆立貝捲🍣 帆立貝勁厚，蟹膏嘅香味撲鼻，一啖啪落口，新鮮嘅帆立貝，味道互相輝映！正串燒方面我哋叫咗明太子免治雞肉棒 🍢佢哋落明太子嘅程度一啲都唔吝嗇 🥰每一啖都有明太子鹹香！超好食！ 兩個味道夾埋非常可口高質牛肉壽喜燒 🐂分量都幾多、牛肉無筋👍我哋連湯都飲埋 👅絕對冇令我哋失望最後仲叫咗一個石鍋鰻魚炒飯🐋熱辣辣上枱🔥每一啖食落都有鰻魚！ 我得啱啱好唔會乾， 絕對冇偷工減料 讚埋單只係500蚊 🤗🤗食到咁多款嘅日本味道超值！

一行入餐廳，坐無虛席，睇落有翻咁上下歴史，空氣瀰漫住食物嘅香氣，再望下個餐牌，串燒，刺身，卷物，小食樣樣齊。咁熱鬧嘅氣氛下，的確好令人掛住日本🇯🇵吞拿魚赤身刺身$88/3塊🍣不過不失🤷🏻‍♀️大蔥特上吞拿魚腩卷$88🍣蔥吞都唔少嘅，但我100%肯定卷物入面嘅青瓜係未解凍好🥲鐵板蒜片香煎厚切煎牛舌$78🍖好多蒜片，而且唔會苦😍牛舌幾有口感牛肉壽喜燒$108🥘好有舊式居酒屋嘅味道。牛肉份量都幾多，但比較鞋😢

今日慶祝寶嘅生日，所以揀咗位於佐敦嘅日式居酒屋晚飯。估唔到星期四晚會咁爆喎，好彩我6點半到所以仲有位坐。依加Like 社交平台專頁 同收藏openrice page 仲送半隻黑松露溏心蛋添！燒日本播磨蠔（$100）- 賣相夠晒吸引，勁足料。每隻蠔分别係辣蒜、芝士、煙肉櫻花蝦味道，好惹味。迷利三文魚籽甜蝦蓉丼（$88）- 三文魚籽就不嬲都咁好味，反而甜蝦蓉有驚喜，勁滑溜，有力重蝦味，配埋三文魚籽食十分夾。大葱特上吞拿魚腩卷（$88）- 有六件好掋食～吞拿魚腩帶鮮甜，質感軟腍。芝士免治雞肉棒（$58）- 雞肉棒放上芝士，味道更有層次。而棒裡仲咬到粒粒雞肉，好有口感。泡菜黑豚肉鍋（$108）- 個泡菜湯辣辣地夠晒惹味，配埋黑豚肉、大量蔬菜、菇、下面仲有粉絲添。整體好有comfort food 嘅感覺，最後我連個湯都飲晒哈哈。

放工約左朋友喺尖沙咀食飯，想搵個地方慢慢傾計就諗住搵有氣氛嘅屋酒屋，呢間居酒屋位於K11對面，入到去氣氛好適合傾計食物主要有壽司，反卷，串燒，一品料理，我地樣樣都叫啲試下蛋黃醬燒北海道帆立貝帆立貝上面鋪左一層燒過嘅芝士，外面好香，食落去入面除左帆立貝仲有菇， 帆立貝好彈牙，配埋菇食更加juicy脆炸軟殼蟹反卷軟殼蟹炸到好香口，反卷上面放左好多魚籽食落更加有口感，仲令到反卷唔會好油膩鹽燒厚切特上牛脷牛脷燒得啱啱好，食落爽口，而且唔會有膻味，簡簡單單鹽做調味已經好夠牛油香煎銀鱈魚平時出街食銀鱈魚一係好貴一係質素唔太好，今次呢間佢煎得外脆而入面仲好滑，充滿左銀鱈魚魚油嘅香味黑松露和牛炒飯雖然睇落細細一碗，但係食左咁多野我同朋友都係食唔哂碗飯，黑松露同和牛都幾夾，不過如果冇咁油會比較好呢一餐整體黎講都幾高質，地點又方便，下次行完街可以再過黎

一餐日本野唔夠我解思鄉之情🥺所以黎多餐🍽🇯🇵日本野😌 真心💭好似返左鄉下既居酒屋🏮我唔客氣啦🥢いただきます🙏🏻~•~•~•~•~•~•~•~•~•~•~•~•~•~•~•~•~•~•~• ▪ 滿滿幸福海鮮丼 ($278) 💗💗🌊🍚海鮮🌊丼飯超超超超推介❣️好多原片海膽😍有幾層(掛住食，冇數到🥲)好ᏟᎡᎬᎪᎷY，好滑🧏🏻‍♀️入口即溶，勁鮮甜😳下層鋪滿左🤗層吞拿魚腩蓉🐟魚腩油脂較多，食落特別甘香🤭再下層先係珍珠米🍚，煮得岩岩好。三文魚籽就另外裝住係旁邊🤲🏻粒粒都係晶瑩剔透💎，唔會好鹹。☝🏻啖👄可以有齊海膽 • 吞拿魚腩蓉 • 三文魚籽🥳真係冇改錯名嫁😆食落真係滿滿幸福🥰中間仲有2️⃣件玉子甜蛋🥚，幾軟，冇過熟✨.▪ 黑松露帶子刺身沙律 配柚子醬 ($108) 🖤💎🥗 🍊應該係咁大個女食過最高級既沙津💃🏻面頭正中間有6️⃣片鮮甜帶子⚪️刺身，都幾大粒🤗同埋勁大ᏢᎪᎢ黑松露🖤💎，舀起有半湯匙嫁🥄下面既沙律菜🥗都幾新鮮💦仲有幾粒超甜既日本🇯🇵蕃薯仔🍠，加埋🍊柚子汁🥣撈勻，再配埋高貴既黑松露醬🖤💎酸酸甜甜又有香濃既黑松露味😈估唔到都幾ᎷᎪᎢᏟᎻ，幾好食😋.▪ 黑松露溏心蛋 ($28) 🖤💎🥚☝🏻隻蛋，切開左半

夜晚六點嚟到舖頭人流都唔算太多，坐咗一陣就去陸續好多客人到達，唔夠一陣就坐滿晒人啦～ 舖頭空間唔算大，但係位置就好方便，喺尖沙咀地鐵站一出就到！！餐廳環境偏昏暗，格調舒服，好適合客人把酒言歡🤤🤤同朋友點左幾個菜式，一路傾偈一路食飯❤️我同朋友都係芝士控、煙韌控，所以必點芝士年糕😍😍新鮮熱辣整出嚟，咬落去即刻biu 芝士，鹹香芝士，年糕煙韌，正！香煎三文魚腩油脂勁豐富！外脆內嫩，朋友好鍾意🤤，size 有晒兩個女仔share叫咗主菜 黑蒜豬軟骨烏冬，個人鍾意佢嘅烏冬，夠晒煙韌，湯底亦都好入味，推薦！仲有串燒牛舌，鹽燒味，調味啱啱好，值得一試一間性價比高嘅餐廳值得再試