龍記小廚

Open Now

Now Closed

餐廳喺牛頭角地鐵站附近行過嚟都好方便，人多記得打電話嚟book枱，空間同位置都有限，我哋6:00嚟到冇耐已經見門口要排隊等位！真心大力推薦俾大家，無論係食物嘅味道質素同埋價錢都非常之高質！薑汁炒芥蘭❤️芥蘭食起上嚟零澀味，非常之爽口鮮甜，仲有好多薑粒！不過薑味如果可以再濃啲就更好啦！蟲草花蒸滑雞 ❤️雞肉夠晒嫩滑，調味唔會好鹹，仲有蟲草花嘅香味，食起上嚟好鮮甜黑松露碧綠炒蝦球 ❤️第一次見係蝦球炒菜心，菜心入口較為腍身，蝦球雖然唔係好大隻，但食起上嚟啖啖肉夠晒爽口醬爆豉椒鮮魷 ❤️鮮魷夠哂煙韌彈牙，唔會好硬！豆豉味香濃干煸肉碎四季豆 ❤️夠晒惹味可口白飯殺手！餐廳有多款小菜，而且價錢真係好相宜，抵食！

觀塘新開小菜小炒，食過之後覺得好滿足，價錢唔貴又平民，份量又夠大份！幾抵食又足料。我地就叫幾款招牌菜。首先是椒鹽鮮魷魚，鮮嫩的鮮魷魚經過椒鹽炸至外酥內嫩，每一口都散發著濃郁的海鮮香氣。外層酥脆的鹽調味，搭配鮮魷魚的鮮甜，口感超正，鮮嫩多汁，帶著微微辣味的椒鹽更是令人回味無窮。豉油王大蝦經過快炒，保持住蝦肉的鮮嫩彈牙。而豉油王的獨特醬汁勁有風味。這款醬汁帶鹹香，每隻蝦肉的鮮甜和豉油的香氣，又夠彈牙！蟹黃醬海鮮炒飯是這裡的另一道招牌菜。炒飯粒粒分明，每一口都充滿了炒飯的香氣。蟹黃醬夠濃，炒飯帶來了極致的風味。蝦仁、魚肉和蟹肉的組合豐富了整道菜的口感，每一口都令人驚喜。最後是紅燒炸子雞。這道菜絕對是肉食觀塘新開小菜小炒，食過之後覺得好滿足，價錢唔貴又平民，份量又夠大份！幾抵食又足料。我地就叫幾款招牌菜。

今次我哋去咗觀塘<龍記小廚>,位置就喺觀塘同埋牛頭角中間，餐廳最出名嘅招牌菜炸子雞同埋炒飯🍛因為之前都好多人介紹就一定要試㗎喇 ! 之後仲叫咗非常考功夫嘅乾炒牛河,同埋兩道小菜，每一道菜都係茶餐廳價錢 ! 酒樓水準 ! 令人回味無窮 !龍記牛頭角食堂半隻$98🐔：龍記招牌嘅炸子雞，皮脆肉滑 , 雞肉嫩滑到一啖就可以離曬骨，睇相都可以見到雞髀嘅位置啲肉汁流曬出嚟 ! 仲要呢個價錢就食到咁出色嘅炸子雞, 無論係性價比定一話係味道都係一流。私房蟹黃醬海皇炒飯$82 🍚🦀：佢啲飯炒得粒粒分明，炒飯上面嘅蟹黃醬都唔少，撈埋啲炒飯一齊食仲食到蟹黃醬嘅鮮味，仲有啲鮮蝦同埋魷魚令到成個炒飯口感好好！金沙脆酥肉$108🍖：一放低就有一陣非常濃烈嘅鹹蛋黃味🥚 ! 香到不得了 !金沙脆酥肉，每一舊都醃得好入味，一咬落去直頭有肉汁 , 係油脂同埋鹹蛋黃嘅炸彈 !送飯一流 ! 咕嚕蝦球$108🦐 ：咕嚕蝦球炸粉好薄，蝦肉彈牙，食得出好新鮮，啲咕嚕醬微微拉到絲，甜到啱啱好，值得推介，蝦蝦蝦蝦蝦🦐。功夫乾炒牛河$78🐂🥩 ：乾炒牛河最緊要炒得乾身，河粉唔會黐埋一嚿，佢完全做到，另外加分嘅係牛肉好嫩同

之前比YouTuber介紹Lunch 去食一個蟹黃炒飯等成45分鐘係好味嘅但咁等法唔會有下次人氣過咗無咗人龍終於試到炸子雞皮薄脆肉嫩滑真心唔差加$8一大碗例湯唔等位耐唔耐去一次都唔錯

最近去咗觀塘「龍記小廚」食晚飯，發現真係唔錯，餐廳環境簡樸舒適，氣氛親切，好適合同家人或朋友一齊享受美食 👍🏻🍗🍤🦀黃金金沙一字排，件件炸得香脆，外脆內嫩，味道超級讚！😋栗米斑塊，發揮應有水準👍🏻龍記炸子雞半隻，皮脆肉嫩，風味獨特！🤤私房蟹黃醬海皇炒飯，米粒飽滿，蟹黃醬香濃，海鮮鮮美！咕嚕斑塊，每一口都充滿著酸甜多汁嘅口感！如果你鍾意正宗廣東菜，「龍記小廚」絕對係唔錯嘅選擇👍🏻

🐷🐷🐷🐷🐷約咗屋企人喺觀塘食大排檔，book咗依間新開既餐廳，入面既裝修簡潔舒服，唔會有種好污糟既感覺，坐得比較舒服。▪️ xo醬龍記小炒皇($128)整體而言鑊氣十足，雖然點都會有少少油但韮黃十分清甜，蝦仁腰果肥豬肉既組合令口感味道層次十分豐富。▪️ 椒鹽九肚魚 ($118)熱辣辣上枱，外脆內軟，椒鹽香味亦夠重。▪️ 乾煸肉碎四季豆 ($88)偏油膩咗少少，但係鑊氣十足，四季豆炒得幾入味，肉碎同蒜頭香夠重口味，好適合用嚟撈飯食。▪️ 私房蟹黃醬海皇炒飯 ($82)炒得粒粒分明，蔬菜既份量唔會太少，令口感層次分明。炒飯上加上咗一羹羹既蟹黃，撈埋炒飯一齊食好鮮味，而且食得出係真材實料並唔係用味精製成既假蟹黃，絕對物超所值！📍 龍記小廚 (觀塘)觀塘聯安街21號地舖

觀塘區的龍記小廚，環境溫馨舒適。餐廳的三寶推介，每一道都令人回味無窮。龍躉腩豆腐煲，龍躉腩經過炸後，外香內嫩，內裡肉質鮮嫩多汁，口感層次分明。豆腐嫩滑，吸收龍躉腩湯汁精華，一口下去，滿口留香。炒炸子雞半隻，外皮香脆，內肉多汁，味道層次豐富。炒時菜菜心新鮮爽口，簡單卻不失風味，清新解膩。螺頭姬鬆蓉燉瘦肉湯，湯汁清澈，肉質酥軟，鬆蓉綿滑，整體味道鮮美，令人回味。飲品要了藍妹啤酒及可樂，藍妹啤酒口感醇厚，搭配美食，餘味悠長。可樂冰涼清爽，解渴又提神。總體而言，龍記小廚的每一道菜品都展現了傳統廣東菜的精髓，推薦給喜愛傳統美食的朋友們。

山長水遠帶住個行動不便嘅長者去食晚飯，去到等咗大半個，等位又搞錯曬啲等候number，啲客人全部都揸住重複嘅等侯號碼，終於等到有位，點知又話地方細要搭枱，算啦！都等咗咁耐，但一坐落就話冇炸子雞，呢下真係忍唔到，可能係啲youtube kol效應，我唯有認自己黑仔，即刻起身走人，以後亦都唔會再去！冇炸子雞嘅時間係大約七點零鐘，又唔係啲乜嘢名店，亦都好明顯係平時冇做開咁多客人，點知畀個kol講一講，突然間爆場，所以挪手唔成勢，如果做唔到咁多客人就早啲拒絕客人等位，唔好再等啲客喺度等啦！白白浪費時間然後你連招牌菜炸子雞都冇，不單止今人失望，亦都得失曬啲客人！

本事本來話食打冷 但行去宜安街前見到呢間小菜好似唔錯就轉左食呢間😁我地3個人叫左 薑蔥炒安格c 半隻炸子雞 士多啤梨骨 椒鹽鮮魷 同 泰式炒飯整體ok不過份量少左啲 如果份量ok其實叫3餸一飯都夠3個人食😂安格c有驚喜幾好食 炸子雞就幾滑不過士多啤梨骨原來係就咁倒啲汁上去 少許失望 鮮魷都係少左啲😅飯就合理 78蚊差唔多 冇特別可以一試呢間小菜👍🏼不過唔好既就個地下有油 容易仆到🤣

之前諗住喺觀塘熟食中心會一會呢隻炸子雞，原來大㕑自立門户喺牛頭角站自立門户午市炸子雞半隻$78,包白飯，例湯+$8, 汽水+$5另外點了豉油皇鮮魷炒麵炸子雞皮脆肉嫰；現場亦-見好多食客點了咕嚕肉，但份量只有開心樂園餐...招呼近乎零，全部侍應都好似冇水洗面，上菜慢但收碟超快坐位比較迫夾，不介意坐得迫，零招呼但想食雞就值得一試。

主理人曾經經營飲食集團, 在之前在銅鑼灣遊艇會工作的經驗, 他的粵菜雖然不能算是相當之手工的手工菜式, 也為觀塘相對平民的地區, 提供經濟但不揸流攤的美食, 還有網路紅人的加持, 午市和萬事人流相當擠擁. 對我而言, 美食水準在不少酒樓之上, 但價錢貼近茶餐廳小菜, 才是能夠吸引我的理由.這裏的炸子雞不少食客評為相當不錯, 午市也有提供其客飯套餐, 一點前已全部售罄, 今次晚市品嚐也要提早預訂, 160多元的價錢, 在比較高級的粵菜餐廳半隻也吃不到. 這裏的肉質也算鮮嫩, 肉汁豐富而且雞皮香脆, 略嫌皮肉比較分離, 沒點任何醬汁和准鹽也有點鹹, 但沒有蓋過雞肉的鮮味. 海鮮類的蟶子件頭不比龍圖遜色, 價錢還要比後者再便宜少少, 算是佛心. 鱔魚肉質爽實彈牙, 除了在表面上鋪滿豆豉外, 也將其德瑞放入豉油之中, 豉香比一般的濃烈, 也更好地辟除魚本身的泥味.午市除了炸子雞, 就是炒粉麵飯為主, 50多元的價錢起跳, 也算是公價. 當中的芫荽牛肉鬆飯和蟹黃海鮮炒飯最有印象, 因為不是傳統的普通炒飯, 這裏的味道調得相當不錯, 前者的辣椒度不是麻辣但有層次, 後者的蟹黃濃香也見到誠意, 入味

第一次慕名而來，食完後感覺，有直升機在頭上徘徊。叫了一個炸子雞，上枱後發現雞皮是室溫，雞肉雖然未至於凍，但又未去到暖，飯十分離譜，是凍的， 沒有一絲熱氣。唯一好彩的事，排隊算是快，午市只排了十分鐘，因為侍應會安排將7個人坐一張四人檯，當日亦見到一張二人檯，坐咗三個互不認識嘅人。 所以放心，排隊不用排太耐。沒有下次。

黐線嘅！冇樣嘢好食！ 最鬼離譜個飛天瀨尿蝦！$488！ 得嗰幾隻瀨尿蝦仔，個麵完全唔係畀人食嘅！硬到呢！樹枝咁！完全食唔鬼到！佢老鼠！好鬼嬲！招牌炸子雞都係冇料到！去飲嘅炸子雞好食過佢！豉椒炒蜆無鑊氣，重有成十隻唔開口嘅，呃錢！個炒蛋叫做正常。成餐都把鬼！

不會再幫襯！好似好多人，因為新開店擺了，價錢中等，炸子鷄148，半隻78，食物普通。 招呼勁差，已經要求坐角落，還一直叫坐入D，不知所謂，你的地方细點坐？以為小學生咩，你覺得你好威，不懂待客之道！

今日嚟到觀塘新開業嘅龍記小廚食個lunch，由於晚餐非常多人訂位，所以今日先試午餐。龍哥喺工廠區嘅時候已經試過佢嘅手勢，今次開業嚟觀塘地舖，沒有落場時間就更容易食到佢嘅飯。午市菜單選擇豐富，可惜最想食嘅炸子雞已經一早賣晒。聽聞佢哋講，12點鐘左右已經賣晒啦......先嚟叫呢碟馳名嘅私房蟹皇醬海皇炒飯，$62。濃厚蟹黃，而且均勻溶入喺個飯度。黑松露滑蛋蝦球飯，$58。極大陣嘅松露味加上大隻蝦球，相當足料。星洲海鮮炒米$52，啲蝦都大隻架加埋碗例湯，加$8，大碗足料。除咗午餐，仲有其他食物可以選擇。最後埋單嘅價錢係$196蚊，下次有機會希望可以試到個炸子雞啦。