雲南啊老表黑山羊湯鍋米綫 (Kwun Tong Industrial Centre Phase) (Moved) New Location

一直好好奇黑山羊🐐米線係點嘅呢，今次黎呢間好多分店嘅雲南啊老表黑山羊湯鍋米線。今日午飯時間黎到，我揀左羊肉酸辣米線細碗（$50），揀左細碗因為想試下呢度嘅小食。味道唔辣，反而幾酸，我鍾意！小食揀左涼拌鳳爪（$22），味道係口水雞嘅汁，鳳爪係連骨嘅，都幾厚肉。米線入面嘅羊係切薄片，半肥瘦，一啲都唔騷，份量黎講因為係細size所以唔係好多。飲品揀左熱咖啡，都好順滑濃厚。呢度裝修係茶記風格，好有地道風味。

今日去觀塘去街買傢私，行行下有D肚餓，見到有間叫雲南啊老表黑山羊湯鍋米綫既羊肉米綫專門店，我一向都好鍾意食羊肉，當然要入去試一試。我地叫咗碗米線，一碗係羊肉大碗米線，真係好大碗，一個男仔食完都夠哂飽。個湯底好香，有薑蔥，羊肉好有肉味，而且唔係好"蘇"。另外，朋友就要咗碗牛羊雙拼細碗米線，雖然係細碗，但係都好有份量。牛肉係牛腩，味道都唔錯。小吃揀咗涼拌木耳，有大碟，質感好爽口，而且辣辣地，好香口。另外仲叫咗白菜水餃，一碟有十隻，皮夠薄

市面上嘅米線好多時都係豬牛雞但呢度竟然係食羊雖然中島我唔多好羊但見佢咁特別都忍唔住要試下—————————————————入面仲有車仔麵食好搞笑😂不過黎呢度又無理由食車仔麵見到佢有個牛羊雙拼二話不說就係佢啦份量拍得住譚仔過橋佢啲羊肉連我呢個好怕羊羶嘅都食到而且一啲都唔會痴牙湯底微酸帶辣羊肉韭菜同食👍🏻👨🏽‍🦱個三拼牛腩米線都好吸引雖然我碗都有牛腩但硬係覺得佢碗啲靚啲🤣🤣湯底有牛味清甜不膩牛腩很入味而且肥瘦均勻夠鬆化口感有層次有咬口而且蔥花韮菜吸曬啲湯汁同牛油超好味小食都唔錯青瓜爽脆入口有蒜香如果再多啲蒜就仲正配埋個酸酸地嘅汁越食越開胃麻辣豬耳軟骨位超脆「索索聲」個醬汁接辣譚仔口味但比譚仔有辣勁但又唔會辣到食唔到 喜歡☺️——————————————————⋇ 牛羊雙拼酸辣米線 $44⋇ 牛腩湯鍋米線 $40⋇ 麻辣豬耳 $25⋇ 拍青瓜 $20

雲南啊老表黑山羊湯鍋米綫 (觀塘)地址 觀塘觀塘道472-484號觀塘工業中心一期地下D號舖收工去開APM附近聞到好香嘅氣味，所以走入去食清湯羊肉米線羊肉入口滑嫩，瘦肉部分好腍身。羊肉係淨瘦，羶味相對地無甘濃烈清湯好清飲個湯底都得口水雞好重花椒味，麻辣醬汁好惹味嫩滑嘅雞，口水汁調得十分好，辣度是可以接受的好好食麻辣雞翼微辣帶芝麻香，唔會烤至極乾身，仲好入味有5隻雞翼勁抵食。無論食羊愛好者，定係唔鐘意食羊嘅，呢度都滿足到哂

鍾意食米線的我，成日都會周圍找唔同店來食， 今次來到觀塘食羊肉米線真係幾特別，因為出面好小用羊肉來配米線，而且佢地係用黑山羊，係雲南少數民族苗族風味。見呢到特色緊要叫返碗來食，牛羊雙拼酸辣米線， 羊肉唔膻肉質唔錯，牛腩夠入味。牛腩酸辣米線，呢到可以加辣菜脯配米線幾好。水餃雙拼，水餃皮都算薄。麻辣豬耳，呢款小食好出色麻辣味夠香濃， 豬耳又爽口，我喜歡用水餃去點佢的麻辣汁來食。另外兩杯凍檸檬茶，茶味都濃郁。

今日同朋友去觀塘工業中心拎完野就見到樓下有間食羊專門餐廳，一打開門就閘聞到好香羊肉味道，之後就搵個位坐！我地就點左佢地既招牌菜式！（大碗）羊牛雙併米線 $54: 果然真係好大碗呀，羊肉食落口唔會太膻及太韌，而牛腩都好腍身軟嫩，另再加豬大腸$9，洗得很乾淨冇肥膏配埋米線一流食得滿足！另配餐加凍蜂蜜 $9！（細碗）清湯豬手米線 $40: 賣相豐富，米線湯係用豬骨湯底更鮮甜可口，沒有過多的艷麗，最正係有好多蔥、韮菜及豬油渣點綴，而豬手有4-5舊，大大舊好多豬手肉，腍身入味軟糯！另加$12配凍檬七，整罐雪碧更消暑解渴！涼伴青瓜 $20: 夏日炎炎，最岩食d 清爽小食，青瓜清甜爽脆，實在是醒胃美味之選。+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

間中就會黎食下呢間羊肉米線，佐敦店同觀塘店都食過好多次，由搬舖前食到宜加，是日行過呢頭攞貨，順便又黎食下先。叫左碗羊肉米線細，細碗都好大個碗㗎，好多湯正啊，食湯粉就係要多湯先好味。熱辣辣香噴噴，同印象中嘅味道一樣。羊肉鮮味唔羶，少少脂肪連住更甘香。湯頭鮮甜濃郁，飲左大半碗都完全唔覺得口渴，好味呀。米線爽口，吸飽湯汁後更鮮味。仲叫左杯凍蜜糖水，甜甜的好好飲。枱上的調味盤，左邊那個辣菜莆好正，鹹鹹辣辣正好送米線食。現在增設左車仔麵，唔好羊肉都多個選擇，價錢仲好平添。除左羊肉米線，呢度個牛腩米線都好出名，不過作為一個羊肉愛好者，次次黎都係點羊，或者下次試下牛先。

一向都好鐘意係工業區搵好野食朋友好鐘意食羊肉，所以就簡左呢間食個晚餐。重點推介羊肉酸辣米線本身就怕怕地食羊肉嘅我都食到，唔會有騷味，肥瘦適中，果然係鎮店之寶朋友仲叫左大碗米線，個份量真係多到爆，好似有平時食開嘅米線份量嘅三倍呀米線煮到岩岩好彈牙，唔會好似其他米線鋪咁一時煮到好淋，一時又煮到好硬未熟晒酸辣湯底唔會話好辣，怕辣嘅朋友仔都可以試下廚師落蔥都好重手，唔會吝嗇，鐘意香料嘅朋友仔一定難以抗拒雞肉米線一泥到就見到啲雞油係湯面，即刻試一啖，果然非常香濃，店家強調係用牛肉煮嘅清湯雞肉都煮到好入味蔬菜都係用上湯煮過，唔太有菜青味。蘿白就比較清甜，冇特別用好濃嘅調味料去料理。至於避風塘雞翼，有麻辣嘅感覺，但唔會好勁，唔太食到辣嘅朋友仔都可以一試凍檸樂凍菜蜜比較淡味，怕飲甜野嘅朋友可以叫佢坐位都舒適1至6人都可以考慮泥試下另外店家仲有做車仔面嘅餐點，一樣都係價錢相宜，絕對係慳家之選。仲可以自選配料，咁多選擇，岩哂咩都想試下嘅你以下俾大家參考下餐牌內容

After my appointment has ended, I met up with one of my friends for dinner and he suggested to have Yunnan noodle. 雲南啊老表黑山羊湯鍋米綫 was located at Kwun Tong Industrial Centre , few minutes walk from Kwun Tong MTR.They sold Yunnan-style lamb, beef and pork noodle, with clear and pork broth soup base. Besides that, they offered appetizers and drinks etc. Herbal drink was sweet and clear, good for this hot weather to cool down the body. Iced lemon tea was sweet and cooling, with strong lemon taste. Lam

今日去完觀塘試妝👰，就係附近工廠區🏭覓食吓啦，工廠區啲嘢食抵食夾大件是常識吧，見到有間雲南米線，特別之處呢度以羊肉為主🐐，平時好少會有羊肉米線，就揀呢間試吓啦。 小食方面，揀咗個避風塘辣雞翼，佢貌似平凡，但味道令人有驚喜🤤。雞翼蒜香味濃，焦黃熱燙，皮香肉嫩，啲肉仲好入味，帶有微微嘅辛辣，非常美味！牛羊雙拼米線可以滿足你一次2個願望，雖然只係揀細碗，不過份量已經好多，夠晒食，啲羊一啲都唔羶，食落同牛差不多，而且切到薄片，每碗米線都會加咗炸豬油渣落去，非常香口。米線爽滑帶嚼勁，讚！👍另外點咗水餃米線🥟，可以揀韭菜或白菜餃，甚至雙拼都可以，韭菜同白菜餃個皮都算薄，餡料充足。特色小食＄9有小食豬大腸🐽，份量細細哋，啱晒想滿足吓口福之慾嘅朋友。

羊肉酸辣細碗米線 一拎上枱，哇！細碗size都大碗過連鎖店，份量十足，配料仲好多款添。羊肉料有切片瘦羊肉，口感一流；又有塊狀羊腩，有羊肉油脂香，雙重享受啊！😋食客可以轉其他粉麵類。不過黎到雲南米線食肆，梗係試下米線既質素啦。版主都係好鐘意食麵既人，呢間餐廳既米線好滑，有口感，唔會過腍同麵芯仲係硬既情況。😍涼拌鳳爪 夏日炎炎🥵，都鐘意食涼拌小菜，胃口即時大開😆。鳳爪沾滿麻辣醬汁，咬落爽脆好惹味。醬汁辣中帶麻，推介比鐘意食辣既朋友仔😍。而且呢間餐廳小食份量都好足料，岩曬同朋友share，食到唔同既小食呀。韭菜餃 10隻 一睇相都見到粒粒餃子都好飽滿大粒，咬落去有湯汁，韭菜味好香。除左蘸醋食之外，推介大家試下配搭涼拌鳳爪既麻辣醬汁，味道昇華多一級，好有驚喜。👍🏻🙌🏼門店位於觀塘工業區內，交通便利。附近返工/觀塘行街既話，食飯/下午茶都係一個唔錯既選擇！呢間餐廳除左觀塘之外，佐敦都有分店架，行開附近記得留意啊。

這間米線店位於觀塘工廈，裝潢就好像員工飯堂般，門面毫不起眼，但這裡的羊肉米線卻吸引不少食客。餐牌款式的選擇不多，入內的食客二話不說都是選擇他們的羊肉米線，有大/小碗之分。價錢不算便宜，小碗米線都要$50，配料簡單，但份量足，而且這款苗族口味的黑山羊米線的確很特別，米線湯底用羊肉羊骨熬製，入口清甜，帶有羊香味，薄切的羊腩份量都頗多，羊肉味濃，肉質軟滑鮮嫩，不帶皮的羊肉沒有脂肪更加健康。湯底可以轉酸辣湯，辣度沒有得選擇，將清湯加入酸醃菜，少少酸酸辣辣更開胃。他們的米線亦充滿米香，頗為彈牙。另外餐廳都提供了數款小食，點了一個涼拌黃豆芽，雖然簡單，但味道爽口微辣，好適合配米線一齊食。

我一向喜歡吃羊，無論是中式的羊腩煲或是西式的烤羊架，都是我的至愛。當我知道觀塘有一間以黑山羊米綫為主打的「雲南啊老表黑山羊湯鍋米綫」，便懷著「喜羊羊」的心情去嚐一嚐羊肉湯米綫的味道。牛羊雙拼米綫 （HK$54/大）👍👍👍👍👍這碗是羊肉拼牛腩的大鍋米綫，習慣上，我先喝一口湯，湯頭顏色看似清淡，但味道卻充滿著肉香和絲絲藥材香料的味道。黑山羊切成薄片，入口嫩滑，肉味甘香又不羶，牛腩是坑腩，燜得剛好，加上幾粒豬油渣，令整碗米綫更香口更美味。羊肉酸辣大碗米綫（HK$63)👍👍👍👍如果喜歡吃酸辣，可以叫這碗羊肉酸辣大碗米綫，加入了大量的酸辣醃菜令味道更添層次，但羊湯的原味就被酸辣蓋過了。羊肉同樣切成薄片，肉質鮮嫩，份量十足。麻辣豬耳(（HK$25)👍👍👍👍豬耳切成條狀，軟骨部份十分爽脆，麻辣味道令豬耳更惹味。自製豬手（HK$25）👍👍👍👍豬手浸在羊湯內，豬皮微微燒過，令豬手表面有點似燒肉皮的口感，燒過的豬皮索滿湯汁，口感和味道都跟平常吃的有點不同。檸七/檸樂 （@HK$12)Storefront Interior Menu

今日係觀塘接完女朋友小寶寶收工途中，見到個大招牌「羊吃百樣天然草，喝碗羊湯樣樣好」覺得個對聯幾搞笑🤣之後望望原來係主打羊肉米線，我地決定入去試試佢個羊肉米線先～羊肉酸辣大碗米線$62如果想食羊肉又怕味既膻味，咁呢間羊肉米線店會係你既選擇了。佢地既羊肉膻味唔係太膿，而且細細片咁，好易入口👍雞肉酸辣大碗米線$50佢地個湯底話就話酸辣，但比係坊間出面食到既較為清淡，係湯面上d雪菜同小小辣油帶出微微既酸辣味，清淡口味人士會較喜愛～雞肉就味道唔錯，但略兼覺得砍得小件左d,唔算太多肉口水雞+$32望落好似好辣？幻覺來🤣佢個口水雞個汁食落香中帶麻，但又唔算好辣，係一個幾出色既小食～水餃+$33/10隻大大隻，用料足，但又唔算好突出咁～～

朋友都知我鐘意食羊肉，故都有介紹我黎呢間食，但一直都忘記左，咁啱今日中午經過見到，就入去開餐先☺️。跟友人都叫左個雙併：-牛肉羊肉清湯米線，友人叫咗碗大嘅，（堅大碗），我就叫左碗細嘅，湯底清清的，但飲落又有羊味，非常正，羊肉帶皮故有點肥，咬落好香口，味道真係好食過連鎖店嘅，食食下就成碗食晒😝小食就叫左 ：-豬手友人說都好淋滑，滿滿骨膠源。-口水雞份量都算多，雞都滑嫩汁都不太辣，我用佢個辣汁撈米線食，好正🥳