雲南啊老表黑山羊湯鍋米綫 (Kwun Tong Industrial Centre Phase) (Moved) New Location

今日去完觀塘試妝👰，就係附近工廠區🏭覓食吓啦，工廠區啲嘢食抵食夾大件是常識吧，見到有間雲南米線，特別之處呢度以羊肉為主🐐，平時好少會有羊肉米線，就揀呢間試吓啦。 小食方面，揀咗個避風塘辣雞翼，佢貌似平凡，但味道令人有驚喜🤤。雞翼蒜香味濃，焦黃熱燙，皮香肉嫩，啲肉仲好入味，帶有微微嘅辛辣，非常美味！牛羊雙拼米線可以滿足你一次2個願望，雖然只係揀細碗，不過份量已經好多，夠晒食，啲羊一啲都唔羶，食落同牛差不多，而且切到薄片，每碗米線都會加咗炸豬油渣落去，非常香口。米線爽滑帶嚼勁，讚！👍另外點咗水餃米線🥟，可以揀韭菜或白菜餃，甚至雙拼都可以，韭菜同白菜餃個皮都算薄，餡料充足。特色小食＄9有小食豬大腸🐽，份量細細哋，啱晒想滿足吓口福之慾嘅朋友。