雲南啊老表黑山羊湯鍋米綫 (Kwun Tong Industrial Centre Phase) (Moved) New Location

間中就會黎食下呢間羊肉米線，佐敦店同觀塘店都食過好多次，由搬舖前食到宜加，是日行過呢頭攞貨，順便又黎食下先。叫左碗羊肉米線細，細碗都好大個碗㗎，好多湯正啊，食湯粉就係要多湯先好味。熱辣辣香噴噴，同印象中嘅味道一樣。羊肉鮮味唔羶，少少脂肪連住更甘香。湯頭鮮甜濃郁，飲左大半碗都完全唔覺得口渴，好味呀。米線爽口，吸飽湯汁後更鮮味。仲叫左杯凍蜜糖水，甜甜的好好飲。枱上的調味盤，左邊那個辣菜莆好正，鹹鹹辣辣正好送米線食。現在增設左車仔麵，唔好羊肉都多個選擇，價錢仲好平添。除左羊肉米線，呢度個牛腩米線都好出名，不過作為一個羊肉愛好者，次次黎都係點羊，或者下次試下牛先。