陳根記

Open Now

Now Closed

大家都非常期望可以吃到大排檔小菜。地方光猛大排檔感覺。陳根記實在太多捧場客,當晚先用電子取票也等了一小時才有位。當晚吃了馬拉盞炒通菜, 真的找到蝦米仔,而中式牛仔柳，醬汁入味，一口牛仔柳，女士們非常喜愛。大排檔必食的椒鹽鮮魷，非常香脆色澤淡黃的；椒鹽九肚魚，口感非常新鮮很脆及份量亦適中；鹵水鵝片雖然略咸，但是底下有豆腐件是凍的，可以改善。其中砵仔焗魚腸焗得非常脆, 但是有點苦澀也有陳皮香氣,整體都是好味，保持了禾輋的水準。

游車河諗唔到食乜嘢，突然諗起陳根記搬咗入去石門。好想再食多次佢嘅Wasabi蟹子手撕雞，即刻用Gulu拎位，好彩遲先拎位咋如果唔係去到現場應該有排等！！去到都等多10幾分鐘先入到去，見到職場攞飛嗰啲要等3，40張枱，聽到都覺得絕望。比起之前食過嘅口味，覺得Wasabi味唔算好夠，唔夠攻鼻，冇咁惹味，不過人人口味唔同，可能有啲人鍾意咁樣。好想問阿姐攞Wasabi自己加落去。通菜好夠味，好爽脆，睇啲才閃令令都知佢好新鮮，正。因為得兩個人所以淨係嗌左三樣嘢，第三樣嘢係椒鹽九肚魚，九肚魚好滑，細細隻，連啲骨都可以食埋落去，點埋啲椒鹽同埋醋，好好味。見好多枱人都有叫九肚魚同手撕雞，果然係鋪頭入邊嘅熱門產品。不過今次食覺得好似以前好食啲，同埋鋪頭入邊真係有好多國內人，睇嚟陳根記出名到大陸了。以後要食可能要排更耐，大家要食之前記得攞定飛先啦！

【豉椒炒蜆】幾乎每桌都有，大眾上還有優惠。肉很新鮮且厚，而且不會過咸味道不錯呢~偶爾有幾個會有沙 【砵仔焗魚腸】第一次吃這樣的焗魚腸，面上是老油條，下面是焗得柔軟的細魚腸和去了腥味的魚肝，跟稀稀的蛋液一起，撒上胡椒粉，也許是以前為了讓腥味很重的魚內臟也能做菜發明出來的吧，特別local。試一下還行~ 【梅辣蒸烏頭】魚肉其實挺嫩的，這個懷舊的酸辣味，很下飯啊~給焗魚腸淋上這個汁味道也還不錯

聽聞陳根記新搬左去石門，今日終於同朋友黎到呢到一試，石門新店雖然唔再係大排擋但仍然保留左大排擋既設施，例如以往既膠櫈同埋膠簾。係食物方面，當然叫左最出名既WaSabi手撕雞，味道同以往一樣差唔多，但就細碟左。另外，亦叫左個冬陰公湯蜆，味道就咸左小小，但整體都可以，不過稍微失色既就係田雞煲同埋椒鹽炒魷，田雞煲肉質較（老），味道一般，而椒鹽炒魷可以話係無咩味，所以並唔推介，有待改善。不過值得一提既係雖然鋪頭好多人，但服務態度都唔差，有求必應，上菜速度都好快👌

相信鍾意食小炒大排檔風味嘅人對陳根記一啲都唔會陌生其實佢喺禾輋已經係屹立不到多年 ，由於租金問題就被迫遷徙去另一個地方再開業。不過都唔緊要，已經有好多忠實fans支持，所以搬到去邊都係一樣夜晚差唔多十點嚟諗住食宵夜，原來都有好多人，差唔多滿座呀 餐廳為咗保持昔日大排檔嘅風味，所以裝修都係依足夠有嘅樣貌呈現出黎非常有特色。我哋一心想試個招牌手撕雞，原來係要預訂，而且現貨都已經賣曬。唯有下次再嚟試過。呢度小炒小菜都非常出名，而且價錢唔貴，非常平民。我哋叫咗豉椒炒蜆， 火喉夠，味道好，而且蜆都冇沙，唔錯另外叫咗個椒鹽九肚魚，九肚魚都偏大條，而且炸到卜卜脆，面上有啲辣椒粉同鹽，好食叫咗個咕嚕蝦球，酸酸哋幾開胃，但係我就覺得一般。蠔餅就真係推介，因為都有成三大塊，而且好多蠔，炸到好金黃食落非常脆，新鮮好味，送啤酒一流黑椒豬手個皮原來係脆嘅，而且豬手肉夠淋，黑椒味香濃，又入味另外清清哋嗌咗個xo醬炒翠玉瓜，呢個大家都覺得好食。 唔會太鹹，食d瓜感覺冇咁肥膩。四個人食，埋單都係五百幾左右，抵呀!

為食的我與家人來到聞名已久的陳根記，我們還未到六時已來到，但已經坐了不少人，我們也能輕鬆找到座位，可是不消十五分鐘，整個幾十張枱的範圍已坐滿，真的嚇了一跳。 我們也急不及待點菜，深怕等候太久。老闆走來幫我們並推介了新鮮燒起的【燒鵝】，正好家人都是好酒之徒，便來一碟佐酒。來到時，還很熱辣辣，鵝皮也很香脆，再夾起一塊鵝背肉，肉質還算嫩口，也很入味，估不到水準也相當不俗。雖然已點了燒鵝，但他們的【根記頭抽雞】是限時限刻的限量品，加上全家人都十分喜歡吃雞，也不客氣地點上半隻。顏色上得漂亮，有著豉油的香味，也帶上點點甜甜的味道，而不得不稱讚那個嫩滑細緻的肉質，真的做得非常出色，皆因他們用的是冰鮮雞，但卻做出鮮雞的味道來。接著來了一道香口的【砵仔焗魚腸】，賣相已是不佳，有點焗燶的感覺，幸好內裡還不算鞋口，不過味道就真是一般，唯一好處是吃不到腥味。來到大排檔，豈能錯過極具鑊氣的【豉椒炒鵝腸】，有點不能批評的是只用上急凍鵝腸，味道的確是會差一點，但想想這麼多人，又豈會用得到新鮮的，相信市場供應量也不會那麼多。此道勝在醬汁香濃惹味，加上配料都入了味，不過，如果炒得更為乾身一點，相信會更美味。 小炒後即時

聽聞陳根記搬咗入商場，心裏有點疑惑，味道會跌Watt 嗎？雖然不是它的「粉𢇃」，冬天也會幫襯幾次，夏天則嫌太熱。裝修同以往類似，檯櫈一樣，完全是大牌檔的格局。餐牌同以往差不多，選擇豐富，我們不加思索便叫了幾個主打。Wasabi 蟹籽手撕雞（例牌$85.-）： 一如以往，鷄肉十分之滑溜，由鷄脾肉拆出來，加入蟹籽丶海蜇和青瓜絲，口感豐富。Wasabi 加埋沙律醬，這個前菜十分之好味。不過它都幾多Wasabi，所以有D供鼻，我們覺得過癮，但未必人人接受。👍🏻👍🏻👍🏻芝士粟米魚柳（$82）：魚柳表面炸粉很薄，魚柳厚身，啖啖肉。粟米汁帶有淡淡芝士香，yummy! 對我來説，芝士還可以加多D，使佢有更濃的芝士味。😋😋😋美極一枝骨（$80-）其實是細豬的豬脾位，肉質幼嫩。它加咗美極去醃，不單止香，還咸中帶甜，味道啱啱好。👍🏻👍🏻👍🏻總結而言，陳根記是值得支持的。

元宵佳節約好友食好野……六點半去到羅位，好多人啊，等左四十五分鐘先有位。Wasabi 蟹籽手撕雞中伏我覺得無雞味，肉質太淋了，味道一般，唔會再食第二次馬來盞通菜呢個菜ok啦，不過不失，起碼唔會難食蒜蓉蒸蝦蝦夠新鮮，鮮味，蒜茸蒸過火，唔夠香口，不過對於一個特價例牌菜黎講，都算唔錯啦！涼瓜炆蟹四個菜，最好味呢個菜啦，可能太多單了，差小小火候，蟹肉有點難脫殼，味道就下次都會再食，蟹肉唔似其他大排檔炸得太干，有保留蟹肉的鮮嫩大排檔風味，服務態度都幾好，上菜速度都算快。

正呀講起大排檔 係我腦入面第一個諗起就係陳 根 記!難得有外國朋友黎 就帶左佢去試下我地香港特色野蠔餅夠哂脆 而且蠔仔都足料 但係有啲細份啦（可能係我大食）Wasabi手撕雞不得不食既陳根記招牌fusion菜第一次聽依個菜個時覺得點解會將兩樣咁唔關事既野放埋一齊但食落又意外地好食其實我就覺得陳根記係幾好食 啲野食都夠獲氣 但我既日本朋友好似真係麻麻地鐘意啦

陳根記係沙田一直都好出名😋而我今次係第一次黎食😍黎到陳根記係石門新鋪 唔知味道如何呢？（星期六9:30左右入座 手撕雞已經賣曬啦😞如果想食記住早啲黎啊！）椒鹽九肚魚 怕魚骨既朋友絕對可以放心嗌！九肚魚既魚骨係炸成好軟/散曬 食得落肚無事的👌🏻炸粉薄得黎Keep到香脆🤤椒鹽味唔重 但都好夠味！反而突顯出九肚魚既鮮味🤤略嫌唔夠味更可點附上既喼汁/鹽 食出另一風味咬落去外脆 肉嫩滑 炸得唔油膩 我同屋企人都好鍾意食😋👍🏻孜然棒棒骨 最鍾意食惹味野😆咬落去好重孜然味 勁香！肉質好嫩完全唔韌！而且都好入味🤤👍🏻佢仲有俾個泰式酸辣汁你點架！點咗仲好食！！豉椒炒蜆大排檔必食既餸！！❤️嗌炒蜆最怕成pat茨汁/鹹/全部都係殼！但呢到有驚喜😍有獲氣 豉椒味重得黎唔會太鹹 好夠味！每粒蜆均能掛汁 配埋青椒更好味🤤蜆肉更係鮮甜無沙 份量多食極都有😆👍🏻香煎蠔餅 好足料🤤每一啖都食到蠔仔！而且呢到既蠔餅係無落太多炸粉！酥脆香口 脆卜卜 送汽水/啤酒一流😈但我略嫌炸得太過火😢食起黎好乾同令蠔仔無乜鮮味/水分豉油皇鵝腸 普普通通 鵝腸食起黎係幾爽口 不過就唔夠獲氣同唔夠味 個汁非常淡同煮得好水 同想像中有出入🤨反而

雖然是商場室內店，但裝修跟以往大排擋一樣，我更喜歡這裡，因為地面不再濕答答，感覺乾淨。同以往一樣圓檯，膠凳，食具也是。回正題，食物。份量巨多的豬手必點的wasabi 手撕雞，wasabi味比以往重，青瓜有部分不夠爽脆。叫了一份例，上來好大碟，原來下面墊了兩大枝雞骨雞肉比例仍佔全碟的7成每次來都必食的孜然骨，是惹味，燒得外脆內嫩，但孜然味不足。配酸辣汁更好味份量多，粉絲很多，低下全是菜，配蝦米冬菇。相片可以，每樣食材都不吝嗇。味道還好，對南乳汁沒很喜歡的說，味略淡。另有$6茶位，以往好像沒茶費的。付款除了現金，也可用八達通，方便

是日係團年飯，一家約左星期六7:30食飯，當日一早6:15去到攞飛，但已經爆場，外面門口仲有好多人排隊。拎左大枱18號飛，眼見7點仲係叫緊1號枱，我地都打定輸數，要轉場，諗住人齊睇下食其他野。好好彩人齊7:30左右，就岩岩叫到我地，不過就要同其他人搭枱。 琶琵豆腐外脆內軟，豆味最重，反而食唔出其他配料味道，整體偏清淡。 椒鹽瀨尿蝦瀨尿蝦偏細隻，主要都係食味道，蝦殼脆卜卜，炒得好乾身，唔錯。 金銀蛋時菜好家常的菜式，鹹蛋有鹹香味，皮蛋係食口感，食落時菜都有鹹香味，整體清爽又好味。 香煎蠔餅今次可能太忙，上次比較大塊同完整，今次好散，蠔仔份量好似都少左咁，但都煎得好香口，又有蛋香味。 WASABI 蟹籽手撕雞一食落太大陣WASABI味，食多2舊眼淚水都出埋，真係有D 頂唔順，WASABI味搶曬雞味、火腿、青瓜等其他配料的味道，蟹籽份量太少，食唔出蟹籽的口感。 陳根記黎左石門之後，食過2次，今次水準好似無預期咁理想，可能臨近過年人多，食物水準下降。吸取上次經驗，如果多人食飯真係要一早6點前攞飛，因為大枱好似比較少。第1次黎都要等2個半鐘左右，所以想食就要早D 攞飛啦!

陳根記那麼多年，小炒水準維持一貫的也不錯，從原址搬了以後也多了點不同風味的小菜。有時候看到辣辣的菜式就忍不住要點，十三香豬雜，又有辣又有豬雜就立刻點了。香是香，咸度也足，但味道很單一，就是差很多香料的感覺。豬雜是還可以了。香芹炒蠔粒，蠔粒比較多蠔殼碎，但整體鮮而不腥。有點菜甫粒，香芹粒，炒得比較咸，要送飯才可以。這咕嚕肉，骨多肉小肥多，炸得有點硬，但味道是很好的。所以說小炒水準都不錯就是這個意思。

和幾個同學去食飯 菜都未上完就通知我地時間到左 飲左d酒 5個人 9個菜 最後一道炒避風塘辣蟹未上已經話我地知時間就到準備要離開 酒仲都有半支未飲曬 80分鐘對於大排檔黎講根本都唔夠時間 所以大家自己衡量去唔去好 食物份量夠 味道偏重口味 有d太鹹地方真係細左好多所以宜家只可以懷念下大排檔個氣氛 真係約朋友聚會大排檔飲酒食飯 唔係首選

自從陳根記由禾輋搬左去石門，一直都念念不忘佢既黃金蝦。咁今次同家人團年，就提議去陳根記。因為無車，所以我地都好依賴公共交通工具。而搬左去石門既陳根記，反而更就腳。係馬鐵石門站C出口，行5分鐘左右就到。之前係禾輋，如果唔係撘巴士，要係新城市果邊行過去都要行大約15-20分鐘。入到商場，直望已經見到陳根記三個字，再黎就係一堆人。好多人係門口等緊呢，我地已經預先打電話過黎問有無得訂位。阿姐話只有walk-in。我地黎到先知係可以用app落飛。我地六個人拿C既飛，18：50開始等，20：15就入到。唔計其他，淨係計C既飛係要等60張枱。幸好，中間好多number都係無人應。所以都唔駛等到九點先食得。環境其實係比以前細左1/3，不過冬天坐室內就無咁凍。仍然係自己寫number，再畀阿姐落單，但用左POS落單都快左。價錢方便有一些食開既餸加左價，包括黃金蝦。但食物質素仍然保持到。不過有些以前有既餸呢家無左呢，例如：海鮮什菜煲。而且呢家要收茶錢。