陳根記

游車河諗唔到食乜嘢，突然諗起陳根記搬咗入去石門。好想再食多次佢嘅Wasabi蟹子手撕雞，即刻用Gulu拎位，好彩遲先拎位咋如果唔係去到現場應該有排等！！

去到都等多10幾分鐘先入到去，見到職場攞飛嗰啲要等3，40張枱，聽到都覺得絕望。

Wasabi味唔夠濃

$85

比起之前食過嘅口味，覺得Wasabi味唔算好夠，唔夠攻鼻，冇咁惹味，不過人人口味唔同，可能有啲人鍾意咁樣。好想問阿姐攞Wasabi自己加落去。

馬拉盞炒通菜

$65

通菜好夠味，好爽脆，睇啲才閃令令都知佢好新鮮，正。

1

九肚魚好滑

因為得兩個人所以淨係嗌左三樣嘢，第三樣嘢係椒鹽九肚魚，九肚魚好滑，細細隻，連啲骨都可以食埋落去，點埋啲椒鹽同埋醋，好好味。

見好多枱人都有叫九肚魚同手撕雞，果然係鋪頭入邊嘅熱門產品。

不過今次食
覺得好似以前好食啲，同埋鋪頭入邊真係有好多國內人，睇嚟陳根記出名到大陸了。以後要食可能要排更耐，大家要食之前記得攞定飛先啦！