陳根記

Open Now

Now Closed

襯住假期特登去沙田食陳根記。因為知道陳根記好多人食，所以特登6點就去食，好彩唔洗等位。黎到當然一定要點wasabi手撕雞啦，手撕雞真係好好味，wasabi辣得黎又唔會太攻鼻，好惹味，會忍唔住係咁食。我地仲嗌左豉油皇炒麵，豉油鵝腸，豉汁炒蜆，香煎腐皮卷，炸魷魚，燒鵝，金銀蛋波菜同埋冇陰公牛栢葉。除左手撕雞外，我最鍾意牛栢葉，有少少辣，個汁好好食。豉油皇炒麵唔會太油幾乾爽，個炒蜆炒得好有穫氣，豉汁味夠濃，係略嫌佢份量有啲少。其他餸水準都相當高，唯一腐皮卷冇食到，因為太飽。😂

味道同以前差唔多。雖然係商場，但係都仲保留番以前大排檔嘅裝修，唯一唔好嘅係今次上餸等左好耐，都要吹左兩次先有。炒蜆同馬拉盞通菜好食，京都骨普通。而家可以用八達通俾錢。

這個月第二次吃大排檔，好嗨森！上次是和一群朋友慕名去愛文生...的對面吃的大排檔，Bravo!~而這個陳根記也是朋友介紹，說是要收鋪執笠了，便山長水遠的過來打卡。這兒的人氣跟菜的鑊氣一樣，夠旺啊~~地方那麼大，全都坐滿了！因為這次聚餐就三個人，好多想吃的沒點。蟹籽手撕雞 這兩樣食材我都很愛啊，可惜wasabi被廚師用料過猛，一口下去眼淚直流。又沒辦法挑出來，畢竟已經他們已經旋轉跳躍水乳交融了，只能心驚膽戰的慢慢嘗試。味道還是ok的。椒鹽瀨尿蝦 吃大排檔如果沒有椒鹽啊，避風塘啊，小炒啊，就感覺沒有吃大排檔一樣。但是也正因為吃過太多，所以也很難有驚喜。陳根記的也是如此，沒有驚喜也沒有失望。啫啫腸粉 這個是最驚喜的一道，腸粉原來可以這樣做的喏，就感覺有點創意料理的樣子了。不管是腸粉的厚薄度，還是醬汁的味道層次，都讓我挑不出毛病。而且我覺得比較妙的是會帶些微酸酸口感，很惹味下飯了。芒果一口脆 這邊的甜品頭牌，買來試試，不外如是。打的是冷熱交替的奇妙口感，不太符合我對港式甜品的期待標準。即便有些菜不那麼高分，但還是很喜歡這家啊，菜式豐富又很有活力，好在是搬遷不是執笠，下次再找機會來吃過。

我係一個沙田友，11月頭帶3位同事去禾輋陳根記食，點知佢哋竟然食過返尋味，而係12月尾，召喚多幾位同事，連我一行10人，殺入去石門再食大餐~今宏陳根記係入舖，相比禾輋，目測應該得4分之一大，而而家唔係大排檔模式係關係，要收茶錢每位$6，新開張期間免加一，用餐為80分鐘，周圍牌仔寫自來酒水，恕不招待，但問咗，都係可以嘅~糖水甜品檔口仔跟佢遷移到裡面旁邊，這証明其實都有好多人都鐘意飯後甜品嘅~一行10人，淨飲茶(幾支紅酒自備咗嘅~😂)，加埋甜品，食到飽一飽，平均每位$120，水準都保持得到，真抵食~唯一有點失望嘅係，6點幾入座，食到咁上吓，仲差2個餸未到，而再加2個餸，廚房都煮唔切(應該唔夠師傅啩，因為大埔之前都開咗間)，等呀等，甜品都食埋，最尾都要佢扣走一碟餸…石門陳根記位置唔算難搵，東鐵係大圍站轉馬鞍山綫，石門站C出口，向前行，見馬路就轉右行就見到了，而如果坐巴士，要係濱景花園落，行入去大約10分鐘度。(如果出番九龍區，濱景花園站都有好多車出番去，亦可係城門轉車站轉車)另外東鐵沙田站A1出口，直行對出巴士小巴站，有架67A，去石門村嘅，總站落向前行右過馬路行去瑞京二期又行，另聽人叫係O