鐵板世家

Open Now

Now Closed

最近我去咗旺角嘅「鐵板世家」，真係食到好滿足，無論係食物質素、環境氣氛都非常好，難怪當晚平日都全場滿客！湯方面，一坐低未嗌嘢食店員已經問飲咩湯🤣。我地「白湯-忌廉湯」同「紅湯-羅宋湯」各叫咗1份。白湯滑滑地，奶香味濃郁。羅宋湯則酸酸甜甜，味道清新，唔會太濃重，好開胃！首先講講「鐵板肉眼牛扒」，我叫咗五成熟。牛扒外層煎得香脆，裡面保持住肉質嘅鮮嫩，咬落去Juicy到爆，肉味十足，真係好開心。鐵板係超熱，"喳喳"聲響咗好耐都唔停。佢哋用嘅黑椒醬汁亦非常好味，搭配牛扒一齊食，簡直係無得輸！每一口都充滿滿足感，真係一個牛扒愛好者唔可以錯過嘅選擇。薯條份量亦好多，男仔都夠食。朋友試咗「鐵板珍寶什扒」，呢個拼盤集齊咗唔同嘅肉類，包括豬肉、雞肉同牛肉，口感多樣化。每樣肉類都煮得剛剛好！仲有腸仔，煙肉，薯條，份量十足，種類好多，呢個拼盤非常適合想試唔同口味嘅朋友。飲品方面，我選擇咗凍檸檬水同凍檸檬茶，正常發揮，唔錯！環境方面，鐵板世家嘅裝潢簡約而時尚，坐落在旺角這個繁忙地段卻又有一種輕鬆的感覺，"喳喳"鐵板聲配合店內嘅懷舊裝修，別有一番香港獨有的味道。

講起豉油西餐，後生一代唔喺好知乜，但一聽就明，就證明你小弟咁，都喺有番咁上下年紀。早前晌太子食嘢，偶見呢一家「鐵板世家」，主打喺港式懷舊鐵板餐，之後再上網睇睇佢啲食評，感到好有興趣，所以，拉埋獨居老友嚟鋸吓扒。雖然呢個鋪位唔喺咩幾十年老店，但喺裏面裝修格局好有回到以前嘅感覺，好有復古懷舊風，尤其是啲紅白格仔枱布，絕對喺七八十年代嘅標記。佢唔喺咩茶餐廳，茶式唔會包羅萬有，但務求貴精不貴多，包括各款鐵板餐之外，就只有焗飯、焗意粉……等等。我哋嚟得目標清晰就喺港式鐵板餐。有一樣嘢好搞笑，坐低無耐，餐都唔好話未點，連食乜嘢都仲研究緊，侍應哥哥已經問你紅湯定白湯，相信點乜餐都包餐湯、餐包。餐湯、餐包叫得豉油西餐，揀紅湯白湯又喺另一經典，小弟就鍾意紅湯羅宋湯，因為酸香微辣好醒胃之餘，有大量蔬菜夠健康，飲落確喺好足料。跟湯送嚟呢一款餐包，真喺滿有情懷感，依家真喺唔多地方仲供應呢一款餐包。餐包非常之軟熟，微微暖，搽上牛油，配羅宋湯真喺經典中嘅經典。鐵板肉眼牛扒拼豬扒 $128呢度嘅服務好有香港人嘅特色，就喺快，兩份鐵板餐好快就送到上枱。我就多心少少揀咗肉眼拼豬扒配燒汁，啲燒汁淋落去真喺「咋咋聲」，好有

鐵板世家 地址: 旺角通菜街188號地舖電話: 2=====================兒時的東西，吃的是回憶，冰室鐵板，大部分80後都吃過經歷過，那jelly杯，紅/白湯，加上肉佔領的餐$118 有蒜香雞扒，跟薯條，也可加錢轉飯/意粉小來鬆軟甜餐包同羅宋湯個鐵板一來，準備紙巾淋上汁，白熱即霧起，滋滋聲！雞扒大塊好淋，#好去處 #igable #假日好去處 #life #foodie #dining #cuisine #instafood #traveller #restaurant #吃貨 #手機食先 #foodpic #foodig #美食 #dinner #香港必食 #香港旅行

作為土生土長香港人，港式鐵板絕對係兒時回憶，而家大個咗帶返屋企人去食別有一番風味。旺角呢間鐵板世家，一入到去好似入咗時光隧道回到過去咁，成個格局都好復古懷舊，正啊！望吓餐牌有好多款鐵板同埋焗飯食，首先叫咗個鐵板西冷牛扒拼雞扒($128)，五成熟，加$10配個意粉。再嗌咗個芝士白汁海鮮飯($98)。每個餐都會跟餐湯、餐包、甜品同埋飲品，抵到爛。餐湯叫咗白湯，隊個餐包落去一邊食一邊飲，冇得輸。鐵板上場，淋個燒汁落去渣渣聲，嗰陣香味包保隔籬枱都聞到。牛扒同雞扒都各有兩三塊，份量已經好大，兩款扒都煎得好腍，好食。跟住$10嘅意粉又係一大碟，差啲食到要打包。再到焗飯，淡淡都有白汁，而且有好多海鮮，例如龍脷柳、蝦、青口等等，基本上一口接水口停唔到，特別配埋芝士，男女老幼都包保鍾意。最後甜品係一個好經典嘅花奶布甸，好滿足。埋單人均都只係$120，晚市就可以食到咁豐富，大力推介俾一家人去食，重拾兒時嘅回憶❤️‍🔥

一行三人6點到餐廳，餐牌都未睇就問你要咩湯，連有乜食都未睇。叫個雜朳，問你幾成熟，我再講一次要雜朳，老閭就唔好耐煩問多次：「幾成熟呀？」我唯有答7成雜朳都問幾成熟都係第一次。結果佢果然上個西冷牛上嚟。我話我要雜朳，老闆就堅持話我落既時候係叫西冷….我兩個朋友都聽到我叫雜朳。餐廳唔夠人，做唔掂又罵伙記。兩個朋友，未食完就走嚟收野，鐵朳上仲有塊肉，佢問都無問就成個鐵板收走，好趕呀？最離譜係隔離枱，一對年輕父母加個3歲小朋友，叫了兩個餐，老闆居然夠膽話小朋友淨飲雙計！希望你執笠既速度，拍得上你罵伙計和收餐既速度！

以前細個好鍾意去食鐵板牛扒餐港式嘅鐵板牛扒餐真係特別好食同埋抵食今次嚟到太子呢間食，揀咗紅湯，鐵板肉眼，同埋飲紅豆冰，跟餐仲有個牛油餐包呢個羅宋湯好濃味，唔似出面飲嗰啲好稀。佢個蔬菜味都幾濃，唔錯幾好飲。牛油餐包就係正常餐包，不過佢加熱咗，所以都幾香軟，唔係嗰啲硬到可以打死人嗰啲包鐵板牛扒，有得揀燒汁或者黑椒汁，我揀咗黑椒汁。食鐵板牛扒，最期待就係侍應幫你倒好多汁落去，炸炸聲咁，霧晒煙！ 我牛扒叫咗五成熟，牛扒下面仲有煙炸薯條墊底， 唔會Over Cook個牛扒 嗰份量好大， 有兩大塊牛扒，食得好滿足，亦都真係唔成熟，唔會太生血淋淋。唔會太熟咬唔開 最後食港式茶餐廳一定要嗌返杯紅豆冰。 最後話要講吓， 真係香港地價好貴，同隔籬枱嘅距離有啲窄。

今天早上九點半，我去了旺角的金魚街，光顧了「鐵板世家」享用早餐。這裡的環境舒適，讓我感到很放鬆。我點了羅宋湯餐肉通心粉，湯的味道濃郁，通心粉煮得剛剛好，搭配餐肉，口感十足。接著是豬柳漢堡，上面還放了一個煎得恰到好處的太陽蛋，蛋黃微微流出，讓整個漢堡更加美味。旁邊的牛油餐包也很特別，牛油是另上的，讓我可以隨意抹上，增添了香味。最後，來一杯熱奶茶，溫暖又提神，為這頓早餐畫上完美的句號。整體來說，這頓早餐的味道和價格都非常實惠，合共只需$40，讓我感到物超所值。下次我還會再來這裡品嚐其他美食！

鐵板西冷牛扒拼雞扒，熱辣辣鐵板上枱，加入燒汁，發出「炸炸聲」，香噴噴，厚厚嘅西冷牛扒肉質好鬆軟，食落口有豐富嘅肉汁，大大塊雞扒，肉質嫩滑又入味鐵板肉眼牛扒熱辣辣，配埋黑椒汁，香香辣辣，味道好夾！肉眼牛扒好大塊，食落口好滿足！牛肉味好濃郁，肉質好嫩滑軟腍，配埋好入味嘅薯條一齊食，夠哂惹味！奶油豬仔包外層金黃酥脆，食落口脆卜卜，但內裡就好鬆軟！烤過嘅豬仔包塗滿奶油同埋煉乳紅豆冰奶味同埋紅豆都足夠，甜度適中！菠蘿冰炎炎夏日飲落口好冰涼舒服，仲有甜甜嘅菠蘿凍奶茶，好濃郁嘅奶茶香味價錢好親民，食物份量大大份！上菜速度快，餐廳店員服務態度友善，抵讚

📍鐵板世家 (旺角)旺角通菜街188號地舖鐵板肉眼牛扒真係人氣之選 午飯時間 座無虛席懷舊港式鐵板餐 勁有香港特色有常餐鐵板餐可跟蒜蓉汁或黑椒汁定價親民 大部分鐵板餐$100有找跟餐有餐湯及餐包羅宋湯味道濃郁 酸中帶辣 惹味開胃點餐包食一流✨鐵板肉眼牛扒Order 5成熟切開依然粉嫩 肉質軟腍適中 口感嫩滑無渣✨鐵板西冷扒Order 7成熟 西冷雖然比較多筋 但整體肉質夠嫰✨菠蘿冰✨凍檸茶整體用餐體驗✨味道(4/5)✨環境(4/5)✨服務(4/5)
✨抵食(4/5）

好耐都冇食過港式嘅扒餐了，今次黎到位於旺角鐵板世家，依到修好有舊時代香港味道，依到 dinner ser都幾多野揀而且價錢都好抵下，仲有跟餐湯、餐包、甜品同餐茶，今次我地2個人叫左2個扒餐黎食1.鐵板肉眼拼豬扒同鐵板肉眼扒上到枱時會同你落汁，有黑椒同蒜蓉汁揀，可以揀汁另上，唔一定要淋上面，因為我個人唔鍾意彈油同太汁，所以揀左另上。2份扒都夠晒大塊，肉眼扒5成熟食落肉質鮮嫰，一啲都唔會韌，熟到岩岩之好。坊間好多都會用鬆肉粉乸到冇晒牛味，但依到就好夠肉味，所以唔駛點汁都覺得好夠味道。係目前食過咁多間專食扒餐黎講嘅港式餐廳黎講係最有水準同好食，而豬扒都嫰滑，唔會話太薄，所以食落好鬼滿足。扒餐配嘅薯條都好好食，唔會話好油，又冇炸過龍，點埋佢d汁食就緊正2.餐包餐湯港式扒餐就緊係唔少得餐包同羅宋湯嘅配搭，餐包食落鬆軟，加埋牛油食最正，而羅宋湯味道香濃，同舊時嘅味道差唔多，連我少飲餐湯嘅人都忍唔住飲晒。3.甜品依到嘅甜品係啫喱，有得揀落花奶定唔落，配埋依個啫喱做依餐嘅結尾，真係好有返返細個時候嘅感覺。整體黎講，餐廳食物質素高，好過好多地方嘅扒，而且價錢公道，可以食完再食。

旺角有間港式扒房，睇落裝修都幾靚，好乾淨。除左鐵板餐，仲有焗飯焗意粉等等。既然佢叫得鐵板世家，一定要叫佢既鐵板餐食下! 一開始會送上餐湯，經典既羅宋湯同埋忌廉湯。湯滿到瀉，都知好足料，羅宋湯每啖都有料! 之後就會有牛油配餐包。鐵板肉眼牛扒拼豬扒店員會係上菜後，再問你要咩汁，想惹味D所以簡左黑椒汁，一倒汁落去，鐵板好夠熱，所以會渣渣聲。2個扒都大大塊，好足料。黑椒汁調味岩岩好，唔會太咸。芝士焗鮮茄豬扒飯配炒飯底，有誠意! 而且芝士比得勁大方，芝士多到拉絲都冇問題! 豬扒又大件! 蕃茄汁唔會酸，仲甜甜地。最後原來餐係仲會送比甜品，今日係提子味既啫喱，仲可以要求加花奶，好食! 好耐冇食過啫喱加花奶啦!

1️⃣自選美式早餐🐟吉列魚柳：魚肉入口真係 嫩滑，肉質唔會鬆散，吉列皮 唔厚又鬆化，好過好多茶餐廳/連鎖快餐店🐔雞扒：醬汁唔錯，鹹度啱啱好🥞熱香餅：呢度有得食真係好喇，唔駛去嗰間連鎖快餐食，自己任加楓糖漿🍅茄汁焗豆：份量都幾多🍳炒蛋、煎蛋：炒蛋嫩滑，煎蛋味道正常2️⃣全牌早餐🍜瑞士汁雞翼通粉：雞翼好入味，估唔到通粉咁大碗🍞奶油豬仔包：入口非常脆口，煉奶好重手，邪惡+滿足😈😍🌻熱菊花薏米水：入口有菊花味，薏米多，唔太甜☕茶走：茶底唔錯☕熱咖啡：啡底也唔錯本來諗住環境係比較舊d，估唔到懷舊得嚟乾淨企理。仲有張 綠色嘅格仔枱布好有懷舊 feel，成間充滿舊式港式西餐廳 feel。而且平日早餐時段都滿座。下次要嚟試下港式鋸扒。

是日來到旺角試下好出名嘅港式鐵板餐，呢間鐵板世家晚晚爆場㗎😆七點多來到，剛好有枱，喺入座嘅途中，店員已經問你飲咩餐湯，似乎係任何餐點都會送餐湯喎。⭐餐湯&餐包叫了一紅一白餐湯，再附上由微波爐叮熱嘅餐包。是晚紅湯係羅宋湯，白湯係粟米忌廉湯，味道唔錯，而且店員十分客氣，每位客人的餐湯都是盛得滿滿的，每一碗都是滿到洒的喔。⭐鐵板西冷牛扒拼雞扒餐點也是十分有效率，由落單到上菜不用五分鐘。放低鐵板，店員便問要燒定黑，我哋估係燒汁或者黑椒汁嘅意思啦，咁唔想要黑椒汁，就揀咗燒汁。醬汁淋上鐵板的一剎那，即刻傳出咋咋聲，香味四起好吸引喲。朋友話雞扒的雞皮煎得香口，牛扒嫩滑，啖啖肉係正嘅。⭐鐵板西冷牛扒自己就點咗淨西冷牛扒無要雙拼，牛扒大大塊加上醬汁香噴噴，真係令人食指大動🤤一大塊牛扒肉嫩無渣，愛肉人士真係要嚟試下。牛扒下層放滿薯菜，吸咗牛油同醬汁好好味呀。⭐菠蘿冰 & ⭐紅豆冰見餐牌有懷舊菠蘿冰同紅豆冰，特飲都係加八蚊又幾抵喎，叫咗各樣一杯試下。菠蘿冰係用新鮮菠蘿唔係罐頭貨，店員豪不孤寒，一杯菠蘿冰有三分之二杯菠蘿，好抵飲！朋友揀紅豆冰都有好多紅豆，紅豆煮得淋甜，加上淡奶香，正呀。⭐甜品懷舊港式鐵板餐又

今日帶我嘅小寶貝一齊回憶下過去。 以前係啲特別節日大時大節先可以去鐵板鋸扒，但呢家就唔一定喇～ 但係搵返以前細個去鐵板鋸扒嘅感覺唔係度度都有！好開心今日遇到！餐牌不太花巧， 嚟到食嘢嘅人多數係點鐵板扒餐。價錢親民！餐廳都係用經典嘅格仔枱布，好有感覺！冇睇佢呢張牌都真係唔知道，原來鐵板餐係港式嘢嚟嘅😆我同小寶貝分別點咗：鐵板西冷牛扒同埋 鐵板肉眼牛扒套餐套餐當然唔少得會跟餐包、羅宋湯或者忌廉湯。 呢啲餐包點湯一齊食真係好正！ 佢哋係有燒汁同黑椒汁揀，我地揀左燒汁，都幾香。個扒餐份量十足，味道好似細個食嘅咁！我叫咗七成熟，個口感啱啱好！扒餐係跟薯條。如果想跟飯或者意粉就另外加錢。 （其實食埋啲薯條都好飽）跟餐仲有個甜品啫喱，姨姨會問埋你要唔要加花奶，好細心！仲有另一樣值得緬懷過去嘅嘢，就係呢杯紅豆冰勒！

3個人國慶去鋸扒，行到旺角金魚街見到哩間店就入去，地方好細又冇乜位，焗住坐近門口位熱到呢…點知3人叫鐵板，點知3個人份餐好似食緊烚扒咁又韌明明5成熟變全熟，味道完全唔掂