鐵板世家

Open Now

Now Closed

琴晚同朋友去咗旺角嘅鐵板世家据扒，真係幾有驚喜！我哋點咗兩個鐵板套餐，分別係鐵板煎牛舌拼牛扒配薯菜同鐵板原條龍脷魚柳配薯菜，每個餐包餐湯、餐包、飲品同甜品，夠晒豐富。🥢開場嚟個紅湯，飲落暖胃又開胃，味道唔錯！配埋烘熱咗嘅牛油餐包，牛油滲入麵包，非常滿足😋🥢鐵板煎牛舌拼牛扒配薯菜呢個真係我至愛！牛舌煎得啱啱好，口感嫩滑，有啲微微焦香味，豉油調味非常入味。至於牛扒，叫咗七成熟，熟度掌握得幾好，煎到外層焦香，內裡仲保留咗肉汁，配埋黑椒汁，完全係港式鐵板嘅精華！薯條係我鐘意嘅粗薯，寧舍有薯味👍🏻🥢鐵板原條龍脷魚柳配薯菜龍脷魚柳係另一個亮點！魚柳煎得皮脆肉嫩，入口滑溜，加埋黑椒汁，啖啖肉好惹味😋🥢花奶啫喱杯最後甜品嘅花奶啫喱杯，雖然簡單，但味道唔錯！啫喱入面重有啲雜果，撈埋花奶食，甜度適中，食完成餐感覺冇咁膩，係一個幾好嘅ending。