鐵板世家

Open Now

Now Closed

是日來到旺角試下好出名嘅港式鐵板餐，呢間鐵板世家晚晚爆場㗎😆七點多來到，剛好有枱，喺入座嘅途中，店員已經問你飲咩餐湯，似乎係任何餐點都會送餐湯喎。⭐餐湯&餐包叫了一紅一白餐湯，再附上由微波爐叮熱嘅餐包。是晚紅湯係羅宋湯，白湯係粟米忌廉湯，味道唔錯，而且店員十分客氣，每位客人的餐湯都是盛得滿滿的，每一碗都是滿到洒的喔。⭐鐵板西冷牛扒拼雞扒餐點也是十分有效率，由落單到上菜不用五分鐘。放低鐵板，店員便問要燒定黑，我哋估係燒汁或者黑椒汁嘅意思啦，咁唔想要黑椒汁，就揀咗燒汁。醬汁淋上鐵板的一剎那，即刻傳出咋咋聲，香味四起好吸引喲。朋友話雞扒的雞皮煎得香口，牛扒嫩滑，啖啖肉係正嘅。⭐鐵板西冷牛扒自己就點咗淨西冷牛扒無要雙拼，牛扒大大塊加上醬汁香噴噴，真係令人食指大動🤤一大塊牛扒肉嫩無渣，愛肉人士真係要嚟試下。牛扒下層放滿薯菜，吸咗牛油同醬汁好好味呀。⭐菠蘿冰 & ⭐紅豆冰見餐牌有懷舊菠蘿冰同紅豆冰，特飲都係加八蚊又幾抵喎，叫咗各樣一杯試下。菠蘿冰係用新鮮菠蘿唔係罐頭貨，店員豪不孤寒，一杯菠蘿冰有三分之二杯菠蘿，好抵飲！朋友揀紅豆冰都有好多紅豆，紅豆煮得淋甜，加上淡奶香，正呀。⭐甜品懷舊港式鐵板餐又

今日帶我嘅小寶貝一齊回憶下過去。 以前係啲特別節日大時大節先可以去鐵板鋸扒，但呢家就唔一定喇～ 但係搵返以前細個去鐵板鋸扒嘅感覺唔係度度都有！好開心今日遇到！餐牌不太花巧， 嚟到食嘢嘅人多數係點鐵板扒餐。價錢親民！餐廳都係用經典嘅格仔枱布，好有感覺！冇睇佢呢張牌都真係唔知道，原來鐵板餐係港式嘢嚟嘅😆我同小寶貝分別點咗：鐵板西冷牛扒同埋 鐵板肉眼牛扒套餐套餐當然唔少得會跟餐包、羅宋湯或者忌廉湯。 呢啲餐包點湯一齊食真係好正！ 佢哋係有燒汁同黑椒汁揀，我地揀左燒汁，都幾香。個扒餐份量十足，味道好似細個食嘅咁！我叫咗七成熟，個口感啱啱好！扒餐係跟薯條。如果想跟飯或者意粉就另外加錢。 （其實食埋啲薯條都好飽）跟餐仲有個甜品啫喱，姨姨會問埋你要唔要加花奶，好細心！仲有另一樣值得緬懷過去嘅嘢，就係呢杯紅豆冰勒！

3個人國慶去鋸扒，行到旺角金魚街見到哩間店就入去，地方好細又冇乜位，焗住坐近門口位熱到呢…點知3人叫鐵板，點知3個人份餐好似食緊烚扒咁又韌明明5成熟變全熟，味道完全唔掂

今日下午去咗通菜街，食咗一間西餐廳鐵板，真係要推介俾朋友，因為佢哋嘅懷舊特色扒房，真係好好食，而且價錢合理又大份，我哋叫咗個鐵板西冷牛扒拼豬扒，超級飽肚，從加叫咗$10嘅意粉，肉嘅份量真係冇得輸，係超級大塊，肉質鮮嫩，好有口感，而且仲有兩塊牛扒配搭，真係好好食，而且佢哋仲有薯菜配搭，羅宋湯忌廉湯選擇，個黑椒汁又辣辣地，同個豬扒好夾，賣相吸引，牛扒都剪得好遠，沒有太多肥豬肉，睇得出廚師好有心機，真係好有親切感啊，而且食鐵板最期待嘅就係落執過下澤一聲，感覺真係好爽呀，而且呢啲係香港經典嘅味道，如果鍾意鋸扒嘅朋友，一定要你試吓呢一間同通菜街嘅鐵板世家，而且呢度嘅服務質素好高，侍應全部都好主動，有笑容，入到餐廳，即刻問你要白湯定紅湯，非常快捷，好有服務效率，真係唔會怕餓親

今日好開心同屋企人去咗旺角嘅一間西餐廳，非常有驚喜都好好食，而且份量十足，價錢經濟實惠，如果經過旺角嘅朋友，一定要你試吓，因為實在太吸引了，而且佢哋嘅裝修格局都係懷舊風，好似去咗80年代嘅香港咁，好有心思，而且用咗懷舊嘅格仔枱布，所以我覺得呢間餐廳真係好值得去啊，而且呢度嘅食物質素都好高，有焗飯，意粉，仲有唔同嘅豬牛雞扒餐，呢度主力都係食鐵板牛扒，我叫咗個西冷牛扒，七成熟，而且有蒜蓉汁配搭，真係好好食呀，而且佢哋有兩塊大大件，肉非常口，鮮嫩，超級新鮮，真係食得好開心呀，仲有佢哋嘅嘢飲都係大大杯，仲有我叫咗意粉，估唔到意粉都好有驚喜，非常好食，仲有菠蘿冰配搭，羅宋湯，我叫咗個豬扒拼煙鴨胸薯菜，豬扒剪得非常香脆，意粉都係好爽口，很下天盛真係可以消暑解渴👍👍👍

今天下午 ， 我去通菜街鐵板世家午飯。看了看餐牌， 我叫了香煎豬扒拼煙鴨胸薯菜配燒汁、菠蘿冰和羅宋湯。 豬扒拼煙鴨胸薯菜，豬扒煎得鬆脆，意粉炒得乾爽， 最佳拍檔。 最難得是可以飲到凍菠蘿冰，在這炎熱天氣 ，可以消暑解渴。

見到隔離紅茶排長龍，天氣又熱，本想簡單地安安樂樂食個午餐，我哋入咗嚟呢間，點知中伏！嗰個高大但冇乜頭髮嘅男士應，我眼見，佢全程唔當每個客人係客人，我心諗我哋唔係入嚟食免費午餐，佢可唔可以有返啲專業態度，至少對客人有啲禮貌呢。食客落order時，佢就好似審犯咁樣嘅態度，問多一句，佢都黑面唔耐煩。佢對其他職員更變本加厲，大聲呼呼喝喝，搞到我哋食個餐，都心驚膽跳，全場人都好似欠咗佢咁。食物質素尚算可以的，但係响呢個氣氛之下，更加好食嘅食物在你面前，你都想快啲食完快啲走。可能這就是呢個這男侍應嘅目的吧。佢趕客嘅態度，相信令到好多客人，唔會再來幫襯。香港嘅飲食業，真係多得佢唔少。

呢啲豉油王鐵板西餐廳，早已把有限嘅食材潛能推至極限，又鑒於港村對元素表嘅規限，佢哋只能喺服務份量裝修清潔鬥過不亦樂乎。最後我哋就係得益者啦。佢哋全部排都好腍，淨係攞1隻羹都切得開，入口即溶嘅感覺，使乜下下千千聲去食乜乜A8A9日本和牛啊。如果食是日午餐，只不過係少咗個鐵板上，仲平！仲要包餐茶！一個雜扒餐加$10意粉，都係130幾。兩個人分分鐘食唔晒70幾蚊一個人旺角鬧市乾淨企理冷氣夠凍。抵過上深圳。仲有熱辣辣嘅餐包唔使捱梳打餅。個咖喱我覺得有少少南洋風味食落個辛辣有少少pitch。

假日，同媽媽去左太子行街，經過這間食牛扒專門店太吸引了，餐廳的格局行懷舊風，彷彿看電影會睇到80年代的港式牛扒小店的環境，餐廳還用了相當懷舊的格仔枱布。餐廳提供的餐牌選擇很簡結，只有豬、牛、雞的扒餐、焗飯和意粉。因主力的食鐵板牛扒餐，吸引了不少喜歡鋸扒的朋友前來。👭🥩💥🍽️未點餐前，店員會先送上餐包和紅/白湯給客人享用。微暖的餐包塗上薄薄的牛油，浸一下餐包確實滋味。紅湯酸酸甜甜，滿滿的洋蔥、蕃茄、雜菜和蘿蔔，都幾足料。🫕🍎🥕🥬機緣巧合來到當然要一嚐招牌扒餐，牛扒送上枱後，店員拿了兩小桶的醬汁，分別是黑椒汁和燒汁，先讓我們準備好餐巾遮檔，醬汁一淋上鐵板，牛扒咋咋聲不停地冒煙，香噴噴。同時也很有童年食鐵扒餐的回憶。😻🫶🏻🥩鐵板西冷牛扒（$128），西冷是牛脊後半部份，帶有少少肥美的脂肪，牛味相對較濃郁，牛扒都幾鬆軟，容易切開，咀嚼時都幾有嚼勁。周邊還有條條粗身薯條，炸得好脆口。🥩😚鐵板肉眼牛扒（$128），肉眼扒好大塊，完全覆蓋整塊鐵板，牛扒的肉質鬆軟嫩滑，肉汁豐富，淋上黑椒汁，粒粒粗身黑椒帶火辣辣的滋味。🥩😋紅豆冰（+$8），一半紅豆一半花奶，撈勻嚟飲味道濃郁。🫘🥛菠蘿冰（+$8），超過一

今晚突然好想鋸扒，去就左呢間懷舊港色特色既扒房，點知又幾好食同埋價錢合理得黎又大份！鐵板西冷牛扒拼豬扒（7成熟）因為好肚餓既關係我仲加$10叫多左個飯，但見到個餐一上枱就知錯😂真係好大份！肉既份量真係冇得輸，有一大塊豬扒之外仲有兩塊牛扒，仲有薯條襯底，相信唔加飯都已經好足夠。食鐵板餐最期待就係落汁個下「炸」～一聲，感覺好爽🤣我揀左黑椒汁，係非常經典既味道，黑椒好濃又辣辣地，配牛或豬都好夾。另外值得一讚係七成熟真係比到七成，唔會過熟！而且牛扒好軟腍，冇筋或太多肥膏。叫左杯香港特色紅豆冰，d紅豆已經好淋，甜度亦適中跟餐仲有餐湯同餐包，餐湯叫咗羅宋湯都非常足料蔬菜好多，而餐包上枱仲暖暖地配埋少少溶嘅牛油，一流👍🏻📍 鐵板世家 (旺角)旺角通菜街188號地舖

鐵板餐選擇多 ~$100奉送紅/白餐湯、餐包及餐茶+$10 可配飯/意粉 (5:45前落單有優惠!)我地叫左一份鐵板肉眼餐(7成熟)、一份鐵板雞排餐熱辣辣羅宋湯湯好足料，好多蔬菜，辣辣地好正!餐包餐包叮完好夠熱，軟綿綿，搽牛油好好味鐵板餐大大份 CP值好高黑椒汁同燒汁供食客選擇，薯條多(不過茄汁就要另外request店員拎）肉眼以依個價位嚟講質素唔錯 不會太韌 脂肪比例亦不高服務無過往食評般惡劣 可能侍應轉左人掛~整體用餐體驗OK!

Was looking for a place for lunch after visiting the flower marker. Spotted Sizzling Steak, a HK style steakhouse which was just around the corner. As soon as we entered, the staff gave us a warm welcome which doesn't seem so common nowadays in HK!Rib EyeGuests may choose the level of doneness of the steak. Two big pieces of tenderized rib eye. Nice sear on the outside.Steak ComboA scrumptious platter of chicken, pork chop, beef, cervalat sausage and bacon. I especially liked the pork chop that

今天和朋友到旺角太子行街， 經過金魚街，見到有間吃港式鐵板餐的，名叫鐵板世家。它在旺角通菜街188號地舖，太子地鐵站B出口，行1-2分鐘就到。 門口黃色的中文大招牌 “鐵板世家” 十分搶眼! 門口放著一大個晚餐的告示牌：有七款不同鐵板餐和多款特色意粉和飯。 內裏裝修簡約，充滿懷舊氛圍：有琉璃波璃、紅色格仔枱布、梳化和藤椅和綠白色的地磚。我們一定是食鐵板餐，餐已包含主食、餐湯、牛油餐包、甜品和飲品； 加$10可加配白飯或意粉。 @羅宋湯、忌廉湯和牛油餐包湯好夠熱! 羅宋湯有蕃茄、椰菜、紅蘿蔔和西芹，鮮香味濃。 忌廉湯內有蘑菇、洋蔥，忌廉味濃，配上熱辣辣的鮮牛油餐包，特別好食! @鐵板西冷牛扒 (5成熟)當鐵板牛扒餐上檯時，店員會拿着兩桶的醬汁：燒汁或黑椒汁，給你選擇。 店員會提醒你拿起餐巾，當淋上醬汁時，渣渣聲的黑椒汁味的白煙就會升起，西冷牛扒很大件，5成熟啱啱好，肉質帶些筋，有口感和鮮味! 仲配上薯條和西蘭花，好正! @鐵板肉眼牛扒 (7成熟)7成熟都唔錯，肉質鮮嫩，醃製得牛肉很入味，配燒汁更惹味，配菜有西蘭花、車厘咖和薯條，好食! 雜果啫喱雜果啫喱加上大量花奶，滿滿兒時的味道。 凍奶

入面嘅裝修無論地磚、牆身都有英式西化嘅港色味道。餐廳名顧名思義係專主打鐵板餐，但係如果你想食意粉等等西式嘢都有其他選擇😀✨忌廉湯好濃稠，好有忌廉香滑質感，最啱點上鬆軟的熱餐包侍應一上鐵板，就問我哋要黑椒汁定燒汁，佢會即刻幫你淋上，成間餐廳就係咁咋咋聲，十分有氣氛✨鐵板西冷牛扒 ＄128+10（+意粉）我朋友嗌咗四成熟，肉質鬆軟額外加飯或意大利粉都只係需要+$10！✨鐵板肉眼牛扒 ＄128肉眼扒好有肉味，再加埋煎香咗嘅味，簡直覺得想嗌多份特飲只係需要加$8 ！✨菊花薏米水食鐵板唔會冇嘢飲，但係要揀個清熱氣嘅話，呢個係明智首選✨菠蘿冰粒粒大粒菠蘿，消暑一流！✨花奶啫喱驚喜地仲有甜品，好有童年回憶難怪呢度人流咁暢旺☺️

【油尖旺區】【鐵板世家】呢間嘢我好耐之前都幫襯過，當時我係叫佢哋嘅「鐵板西冷牛扒」，當時覺得都係幾好食嘅，仲有「芒果啫喱」做甜品，似舊式豉油西餐。再經過見到佢仲喺度，可能當時係下晝，可以話係門可羅雀。不過當我坐低叫咗嘢食之後，又開始多人入嚟食嘢喎。本身想食下午茶，食吓佢哋鐵板餐以外嘅其他嘢，點知見到佢哋仲有常餐，咁就食常餐啦。不過佢哋呢度唔叫常餐，叫「金牌餐」，我叫嘅係 $55 嘅「瑞士汁雞翼撈公仔麵」，主食味道合理啦，正正常常，不過不失，常餐咁嘅價錢係咁上下水準，接受到。配菜有「火腿炒蛋」，本身嘅牛油厚多士我就加 $2 將佢轉做「奶醬豬仔包」，兩者都唔差，炒蛋生熟度拿揑得宜，豬仔包就落得夠醬，點整都好食。嘢飲我加 $3 飲「凍奶茶」，估唔到戲肉喺呢度，驚喜地好飲，奶味同茶味鬥麗爭妍，令呢 $60 畀得幾滿足。。。（地址：旺角通菜街188號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globa