野川拉麵の深燒食堂

Open Now

Now Closed

元朗必食拉麵莫過於野川拉麵，呢間拉麵價錢唔貴，味道選擇又多，仲有好多小食選擇，唔鍾意食拉麵嘅朋友可以選擇烏冬。今次我就揀咗吉列豚肉拉麵配芝士辣湯同自家製豬軟骨拉麵配芝士辣湯。呢度嘅芝士辣湯味道濃郁，辣到又夠，食過翻噚味，鍾意食辣嘅朋友一定要試吓。自家製豬軟骨拉麵。豬軟骨大大嚿，非常軟滑入口即溶。吉列豚肉拉麵。呢度嘅炸物非常出色，豬扒唔會炸到好乾，食落有肉汁又夠香脆。小食選擇都幾多。最近做緊優惠，只要喺社交平台分享就有半價小食，我就叫左一份日式芝士年糕同廣島吉列炸蠔。

在難得的假期下，就和家人來到這間餐廳食嘢，主食我們叫了芝心牛角包，照燒雞扒拉麵。亦叫了些小食，有三文魚刺身和甜蝦刺身，炸雞翼，椒鹽雞軟骨和泰式鳳爪。飲品有日本信州蘋果梳打和熱咖啡。芝心牛角包，裏面成份有牛肉豚肉和雞肉，牛角包很鬆軟，肉扒肉汁很豐富，配上洋蔥和生菜，味道一流，而薯條也是即叫即整，也很香口，正照燒雞扒拉麵，配上豬骨湯底，味道很濃郁，而且拉麵也很彈牙，雞扒很入味三文魚刺身和甜蝦刺身，肉質很肥美，很新鮮，而且切得厚薄適中。炸雞翼，啖啖肉，咬落口很Juicy，而且也很入味椒鹽雞軟骨，同樣也很入味，不用落調味料都可以。泰式鳳爪，很開胃的一道冷盤，份量很足，鳳爪很爽口，配上洋蔥絲和紅蘿蔔絲，酸酸辣辣蘋果梳打，是用倒轉樽口這個方法，很特別，而且也很好飲，很清甜

野川拉麵係元朗都幾出名 因為次次係食飯時間都見到排曬隊 今次由於遲左收工既關係 係3點鐘左右路過 發現餐廳冇咩人 即刻同同事沖入去食一打開餐牌 見到刺身勁平 即刻叫左4碟黎食 平以為對平價刺身冇咩期待 但係油甘魚刺身同三文魚刺身令我有驚喜 唔會有雪櫃味 食落都好肥美香口小食方面叫左芝士蝦丸同香芋丸 一上台食落口就知真係新鮮炸出黎 好香好脆 另外主食叫左2碗拉麵 芝士海鮮地獄拉麵真係不得了 湯底好重芝士既香味 而配料既海鮮都十分好食 呢個搵麵係芝士愛好者既首選其次係豬軟骨拉麵 豬骨湯底同配料其實都十分唔錯 只不過芝士湯底實在太出色 完全比下去

晚飯時段最愛來到家附近的日本小店，價錢相宜，可以大點特點。厚燒牛舌串調味得宜，牛味濃郁，加一點點檸檬汁更解膩。香蒜大茄燒賣相吸引，茄子肉軟嫩，蒜香十足，趁熱一口接一口滋味無窮。燒扇貝選了蒜蓉口味，其中一隻是辣的，蒜味香濃，扇貝也鮮甜多汁。燒雞泡魚乾烤得乾身又不失煙韌，配上一點點七味粉和沙律醬更滋味。蜜汁燒牛丸和墨魚丸甚有燒烤風味，外表的蜜糖半價壽司有好幾款選擇，其中三文魚籽壽司絕不欺場，每粒魚籽都晶瑩剔透又飽滿，油甘魚壽司油脂適中，鮮美滑嫩。燒鮮活鮑魚爽口彈牙，鮮中帶甜，性價比高。澳洲M5和牛火候剛剛好，外面煎封得焦香可口，又能鎖住肉汁。自家製芝麻雞翼外皮金黃酥脆，雞肉嫩滑，芝麻味也夠香濃。日式芝士年糕即叫即炸，外脆內軟，流心芝士香味濃郁。芒果乳酪沙冰配芝士奶蓋，上面還有一些爆爆珠，乳酪酸酸甜甜開胃又消暑，好大一杯足夠兩人分享。意猶未盡還點了一份甜品，雙色雪糕選了榴槤和綠茶口味，味道不會太甜，加了一些朱古力脆脆能增添口感。

是日到元朗大馬路捕捉半年一度的懸日奇景。事前去左依間醫肚。食堂環境色彩繽紛，仲有Iron Man助陣潮氣十足。場內供應日式美食選擇頗多，烏冬、拉麵、丼飯、壽司、刺身、漢堡、串燒、炸物等，可借下午茶時段唔見有串燒供應，但就有午市套餐和炸物揀，叫套餐加小食飲品，價錢都相當經濟。芝麻雞翼(2件) +$22雞皮炸得香口，雞肉嫩且入味，滋味好食每人一件真係唔夠喉的。炸餃子 +$18餃子有四件，細細件一件一口，皮薄脆卜卜餡肉飽滿，沾沙律醬美味。鬆軟牛角漢堡薯條沙律 $88牛角包鬆軟好香牛油味，雞肉漢堡厚身加埋洋蔥生菜，口感唔錯。配埋粗薯條食晒都幾飽。咖哩吉列豬扒飯 $52豬扒厚切的，外皮炸得金黃鬆脆，日式咖哩汁甜甜地幾好味，撈飯一流。3.6牛乳雪糕配紫薯紅豆冰 +$10紫薯味淡偏重紅豆奶味，而牛乳雪糕先係重點，奶味濃郁好味，雪糕面仲掃上朱古力醬，味道突出。綠茶雪糕配紅豆冰綠茶 +$28微苦綠茶加甜甜地的紅豆真係絕配好味，加埋雪糕整體滿分，比紫薯一杯更好飲。

今晚屋企沒有煮飯，我同妹妹往附近「野川拉麵の深燒食堂」晚餐。一入到去覺得環境很寛敞很舒服。這裏食物的種類很多，有幾張紙及餐牌可供選擇！除在串燒，還有料理、烏冬、窩飯等，食物款式包羅萬有！椰汁流心球： 一睇到這個小食名巳好吸引, 炸到金黃色的外表巳忍不住咬落去，裡面流心椰汁西米露，满滿的椰香味，甜而不膩，超值得推界！豚肉泡菜鍋：泡菜真係真係好好味，酸酸辣辣很開胃，豚肉浸在鍋內煮熱，很突出泡菜味！兩隻生蠔：因為朋友很想吃生蠔，所以點了兩隻，生蠔不算很肥美，但還算清甜，最重要是價錢相對便宜，有興趣可以試試。

元朗美食多就當然㗎啦，要逐間試真係有排！所以都係靠朋友介紹先至嚟呢間食。食物嘅種類好多有串燒，刺身，壽司，烏冬，炸物，爐端燒。最抵食就係like同share佢哋嘅社交平台, 就會有一個半價嘅餐牌串燒我哋揀咗火雞腎同牛舌，燒得好香唔會有過分多嘅醃料壽司飯唔會多，魚同甘蝦鮮甜，可惜海膽冇貨試唔到！牛肉壽喜燒d牛好林，我哋食得好慢一路煲住個鍋都無過熟到d肉好鞋，鍋入邊有豆腐，白菜，粉絲全部都好入味甜甜地好開胃我哋怕冇乜澱粉質就嗌咗個冷烏冬，超級彈牙！多醬汁分開上自己喜好落幾多都得。同朋友一路飲野一路食飯一路吹水，當然唔少得小食，我哋叫咗雞泡魚干同埋炸雞軟骨完全唔會炸到油膩，呢2碟真係傾住計飲住野食一流。重點價錢親民，下次一定會再食

🍽 餐廳：野川拉麵の深燒食堂 (元朗)😋味道：5/5💰CP值：5/5🕴🏻服務：5/5🪴餐廳環境：4/5👀回頭率：5/5📍 地址：元朗又新街40-48號榮豐大廈地下B號舖屋企附近行一圈，近近地就揀左呢間食晚飯。照燒雞扒拉麵🍜$66對比起拉麵店的拉麵，明顯這不是主打，非常普通。反而重點落在壽司、串燒和炸物身上，有部分壽司和炸物都有半價，抵食👍🏼👍🏼👍🏼而且壽司🍣筆者覺得都新鮮即制，細細件一碟，微暖嘅壽司飯👍🏼👍🏼👍🏼烤雞泡魚乾🐡$29😍😍😍筆者最喜歡吃了！烤得香噴噴！芝士年糕🧀 $19（3件）外面煎得薄脆，入面是軟軟的芝士～😍芝士蛋糕🍰+自選雪糕一球$39芝士蛋糕好味😋，雪糕似是Dryers 雪糕吧～我們本來想要3.6牛乳味，但沒貨，所以選了曲奇味。總結：日式放題的落order版本～宵夜時段來更便宜，串燒跟炸物都很推薦👍🏼👍🏼👍🏼店內播放著韓國明星的跳舞MV👯‍♀️👯‍♂️~最岩小食🍻吹水飲野～

下午茶黎到野川真係有好多款食物選擇，我哋就叫左一堆小食再加兩個麵，飽到今晚都食唔落炸芝麻雞翼幾入味 ，咬落好juicy， 外皮香脆仲有芝麻香。炸魷魚鬚，炸得乾身。奶油脆豬仔包中間有大大塊牛油。吉列豬扒配薯條司華力腸配雜果沙律，腸仔已經切好哂，方便入口餃子拉面餃子係分開上嘅，呢個做法好處係唔怕浸軟炸餃子嘅皮。芝士地獄海鮮拉面材料豐富，有原塊芝士片，蝦，青口，配菜仲有木耳，粟米，糖心蛋，睇落非常豐富，辣味湯底就唔係好夠辣，再辣D就仲好當然唔少得呢度既特色飲品，紅豆奶茶配3.6牛奶雪糕$28，仲有可可脆片阿華田芝士奶蓋$18富士山汽水味道淡淡地，而且糖份唔高，每100g只有4g糖，算係比較低糖嘅汽水，岩晒D想過汽水口癮又怕肥嘅人。

琴日同個住係朗屏既fd食飯 佢就推介左我黎食呢間野川拉面因為佢話佢食過呢間覺得唔錯 !!一入到去果陣見到環境都幾靚 幾衛生同埋係半開放式既廚房侍應都幾有禮貌 咁我地就叫左個豚肉烏冬 d豚肉都夠多又夠滑 另外個烏冬就爽口彈牙 個湯都好好味 另外 我地仲叫左個m5澳洲和牛牛扒  煎得岩岩好 入口即溶牛味充足 食得出係靚野最後我地加左個軟穀蟹手卷 脆口夠熱 非常美味 呢間真係值得再食 !!元朗真係好多隱世小店!!!

元朗一向以美食出名，今次又比我試到一間好直得同大家分享既美食店，野川拉面。一入門口，就擺放住一個，比人還要高的紅色超人模型，非常之搶眼。我哋一心諗住去輕食下午茶，點知比佢既餐牌深深吸引住。首先叫了主食 鬆軟牛角漢堡（雞肉），豬軟骨拉麵 及 脆脆豬扒包。另加點 小食併盤 （脆米流心芝士波，榴蓮炸彈，吉列魚手 及 即炸蝦片）和，飲品就有紅豆冰配綠茶雪糕 及紅豆奶茶配3.6牛奶雪糕。脆脆豬扒包外脆內軟，豬扒超大一塊，咬落軟淋，配以生菜及炒過的甜洋蔥，灑上少許黑椒就大大提升香口度，口感層次十分豐富。豬軟骨拉面也十分出色，拉面彈牙，豬軟骨入口即化，而且味道一流，絶對會再試。鬆軟牛角漢堡係今日之最愛，牛角包外皮香脆內丄表鬆軟，雞肉漢堡扎實而且有肉汁，再新鮮生菜，咬落厚厚的一啖，充滿爆汁的口感，幸福滿滿。小食併盤一上枱已經不禁令我們手機先食。賣相相當吸引，當然味道也無械擊。脆米流心芝士波 脆脆既外層包裹住濃郁既芝士，芝士控一定愛不釋手。 榴蓮炸彈 相信對於喜歡榴蓮既人士黎講已經不用多説，香脆的外皮包入流心餡，簡直係榴槤製品的一大發明。吉列魚手指配以沙律醬令人忍唔住一口接一口 。 即炸蝦片鬆脆香口，食

朋友話黎野川拉麵一定要食邪惡芝士湯底吉列炸蝦拉麵，湯底原來真係好creamy同埋好多芝士, 配炸蝦一齊食真係一流跟住我哋見到有一個分享價，超抵選擇，就嗌左芝麻雞翼，芝士年糕，吉列蠔，大眼雞加埋都係$100左右之後我哋仲加咗牛油錫紙金菇同埋大茄燒，好香牛油同埋蒜蓉味😍😍so tasty 鍋物超抵食，超大盤豚肉泡菜鍋，豆腐金菇泡菜同埋超多豚肉😍仲有燒大眼雞加埋個士多啤梨生啤&小朋友最愛波子汽水🥤今餐真系大滿足同埋依度地方乾淨仲要有個戶外位置，同朋友聚會一流，地點都算方便，我哋費事差牌就泊咗喺對面交通廣場，幾分鐘就到

【元朗】【抵食！非一般日式餐廳】星期日做孝順女，同媽咪去左元朗買餸，行到攰左，又新街揀左間餐廳食下午茶，其實午餐都未食，睇左餐牌原來好抵食，叫到放題咁都唔會好貴。午餐下午茶餐晚餐都有唔同餐牌，個人覺得食物質素不錯，價錢便宜，見到好多人叫拉麵，50蚊唔洗仲包熱飲，仲平過茶餐廳。雖然名叫野川拉麵～深宵食堂，唔好諗住係日本居酒屋咁，佢裝修似韓燒餐廳，仲有個1:1 iron man係門口坐鎮。餐牌雖然真係主要食日本野，但都有啲其他野食下。唔洗加一，又有set，真係好抵食。──假日限定午餐──芝心牛角漢堡$98(包一杯$38特飲）～一半溶嘅芝士加上勁厚的漢堡扒，用左牛肉豚肉和雞肉製成，好有份量，媽咪話似用新鮮肉整自家製，多菜，加埋牛角包好脆，仲有一籃熱焫焫嘅薯條，同一口薯仔沙律。特飲：芝士奶蓋朱古力Oreo ～好驚喜！！味道媲美著名手搖飲品品牌，甜度啱啱好，跟呢個餐唔洗加錢真係好抵！！──追加小食──叫一個午餐就可以無限追加特價小食，有好多種類今次我淨係揀左刺身，因為我家姐超推薦！！我諗主要原因係個擺盤好似放題，其他小食炸物都好似放題會食果啲。每樣我都叫左兩份～但其實啲炸物都好吸引！！三文魚 $

難得今日同老公一同放假，下午行完街買完野，肚餓就開始周圍搵野食。6點幾去到都已經差唔多滿座，相信一定不會差。入到去給我第一感覺像是回到中學生時既感覺，是年輕的味道啊記住要去社交平台 讚好，好多野食都有半價優惠，可惜飲品優惠只有啤酒可選，因要揸車所以就選擇了梳打特飲大大杯既蘋果梳打，冰凍解渴大熱天時熱啱哂炸芝麻雞翼及炸芝士年糕: 難得咁多人每樣野都仲可以炸得咁新鮮，香口好味道，新鮮炸起記得小心燙口啊燒雞泡魚干：必食，燒得啱啱好，好有咬口燒蠔：鍾意食蠔的朋友仔值得一試牛肉壽喜燒：想填飽肚仔必食之選，呢個價錢有呢個份量同呢個質素，今時今日真係買少見少，好足料，食埋呢個就真係飽哂😋食完之後整個人都感覺變得年輕了，怪不得吸引到不同食客光顧，青春的味道是多麼的美好呢

多年冇嚟的野川拉麵原來已經更新了餐廳。對比以往居酒屋的市場定位，現在的餐牌，更為多元化。牛肉壽喜燒（$98）這是新菜式，餐廳誠意十足，即場上枱煮熟。壽喜燒汁好好味，牛肉和菜類都好好食。椒鹽雞軟骨（$23）標準送酒菜式，好食。雜錦天婦羅（$68）覺得比上一次更好食，炸漿夠脆，炸蔬菜類都炸得熟透。泰式生蝦（$68）生蝦的重點是餐廳提供的醬汁，有濃濃的魚露味道，好有泰國風味。野川有充足的酒類飲品選擇，而且價錢合理，如果今日不需要駕駛，我一定會飲返兩杯。綠茶雪糕綠茶紅豆冰（$48）綠茶還好，但綠茶雪糕更好，值得一試。哈密瓜汽水（$35）沒有酒類的另一選擇。推出新餐牌後的野川，有更多的餐飲選擇，亦不局限於酒吧餐廳，日後晚飯有多一個選擇。