野川拉麵の深燒食堂

Open Now

Now Closed

放工黎到元朗同小師妹chill一chill。舖頭名好長，好快就比尾後「深燒食堂」四隻字所吸引。食物款式種類多，有壽司、刺身、拉麵、壽喜燒、串燒，日式食物應有盡有，連原隻鮑魚都有。六品刺身盛合，好豐盛。重點係海膽，有成半板，味道鮮甜配合埋紫菜帶海鮮嘅鹹味，無論口感同味道都好配合。其餘五品仲有油甘魚、三文魚、帶子、甘蝦、北寄貝。當中最愛油甘魚，口感幼滑細膩，又鮮甜。順便補下DHA，補腦。軟殼蟹手卷，一客兩件。差唔多食到最尖啄都有卜卜脆嘅軟殼蟹。牛肉壽喜燒，冬天食日本菜必食。關東壽喜燒先以牛油炒香洋蔥、日本大蔥等配料後，加入壽喜燒醬，再放入肥牛、大白菜、豆腐。整鍋都係蔬菜及肉的原汁，香濃鮮甜，識食一定食豆腐。肥牛沾生蛋汁令肉質滑嫩順口。串燒必點燒黑豚肉五花腩同肥牛金菇卷串。前者好甘香，黑豚肉油脂慢慢係口中滲出來，好邪惡，但好好味。肥牛金菇好classic組合，柔嫩嘅肥牛遇上柔韌嘅金針菇。吉列蠔外脆內軟，冇腥味。穀飼牛仔骨入味，惹味香口。燒雞泡魚干，係一流嘅下酒菜，可惜聽日返工冇飲酒。雞泡魚乾燒得剛剛好，食落有啲juicy。冇飲酒，唯有飲芝士奶蓋，是日係奇異果乳酸芝士奶蓋。下次要把酒暢歡係深燒

捉緊堂食嘅尾巴，去元朗食串燒同埋拉麵😛😛👅汁燒極上和牛蕃茄湯底拉麵和牛真係名不虛傳啊😍好好食，入口即溶，番茄湯底都唔可以睇小喎🤩真係有蕃茄味同埋拉麵夾埋個湯底一齊食，好好味呀😎👅燒豬頸肉串，招牌雞翼串，燒雞軟骨呢三串串燒都係同一款燒法，火候啱啱好之餘，唔會燒到好乾😃特別要讚一讚個燒豬頸肉，真係保留到豬頸肉又肥又多汁嘅口感🥳👅燒火雞腎，厚燒牛舌，穀飼牛仔骨呢三款又係另外一個燒法，佢加咗少少孜然粉，燒出嚟好香，牛舌好厚又肥美，火雞腎都好大舊！正呀🤩👅 吉列蠔呢個蠔外表炸到脆卜卜，入邊蠔肉又唔會炸到乾晒😎👅牛丸串，墨丸串，醬爆芝士腸另外再叫多個特價嘅牛丸同埋墨魚丸😍加埋醬爆芝士腸！芝士腸最好食😋咬落去啲芝士汁咇晒出嚟，燒得啱啱好好惹味呀🥰👅香辣牛油錫紙金菇因為叫咗加辣嘅關係，所以真係好辣，辣得好足料😂😂金菇吸晒啲牛油味正呀😃👅香蒜大茄燒一隻大茄子原條上碟，好香嘅蒜蓉同埋牛油味，食完好想再食多一碌啊😋👅柚子芝士蛋糕+3.6牛乳雪糕食完熱辣辣嘅串燒，再用凍冰冰雪糕做甜品，係最完美嘅句號🥰🥰🥰

野川拉麵の深燒食堂 地址: 元朗又新街40-48號榮豐大廈地下B號舖====================$68油甘魚刺身，肥美腍身架刺身魚片甲羅燒跟燒雪魚片，個甲羅好甘香，就咁食是成啖都係鮮甜。拉麵是用來賣飽肚子，大碗入面有蛋，筍同木耳絲。燒牛大大件肉味濃，愛吃牛必點。燒到3成熟架，表層有些焦香。燒鮑魚好入味，唔會好難咬蟹籽salad及芝士年糕做小食，才幾十蚊都幾抵食炸蠔脆卜卜架外層，中心是鮮而軟腍架蠔肉.叫左杯有雪糕架特飲。飽到上心口

裝潢工業風吸睛，入口有巨型模型，打卡一流，位於食街附近，有室內户外座位，闊落帶特色，餐牌選擇頗多，有限定推介，亦有下午茶餐，性價比十足。😚刺身新鮮帶子棉滑，切片厚身帶鮮味，甜蝦大隻黏口，膠原十足。泰式鳳爪鳳爪醃得酸辣惹味，口感厚實帶醃味，加上配菜洋蔥甘荀條更有風味。椒鹽魷魚鬚驚喜之選，有別於一般炸粉偏厚，外皮炸得夠香脆薄皮，魷魚鬚每隻厚肉彈牙，椒鹽調味恰到好處，食過不停。椒鹽雞軟骨炸得夠透切，雞軟骨一口容易咬，輕微調味已夠，非常適合當下酒菜。芝士炸彈名字已吸引我點，炸彈當之無愧，芝士份量極多可拉絲，滿口芝士香氣，外皮炸得剛好。照燒雞扒烏冬 配沙律雞扒一大塊切開夠貼心，肉質鬆軟多汁，外脆內嫩，加了讚歧烏冬，香滑彈牙不糊口。信州蘋果梳打特色飲品之一，用大杯冰裝住夠特別，慢慢把蘋果汁倒出來，加入梳打水不會被冰溝淡果汁，清甜過癮。熱蜂蜜生薑茶和柚子蜂蜜冬天保暖滋潤一流，生薑微辣暖胃，柚子蜂蜜清甜，解膩之選。值得推介元朗性價比居酒屋，有午餐下午茶優惠和追加小食優惠，出菜整度快亦夠新鮮，繼續支持。👍🏻

今日與朋友到元朗逛逛再到處覓食，在又新街發現這間日式料理店，內部有座 Iron Man和工業風的裝飾，不停的播着流行歌曲又有點韓風的型格料理店很有氣氛。 在店外看看 Menu 都相當抵食，很多優惠在社交平台分享專頁，留言部分食物，飲品都可低至半價。與朋友內進一試！先點飲品～紅豆冰芝士奶蓋 38元好香滑！萍果酒 38元燒雪魚乾 一客 [ 分亨價 ] 29元脆脆的點一點沙律醬，好味 ！士列炸蠔 [ 4隻 ][ 分享價] 32元外層好鬆脆，蠔肉肥美口感甘香！四品刺身盛合 158元三文魚，北奇貝，鳥貝和甜蝦都很新鮮！有質素！三文魚壽司 2件 9元試一試壽司味道也很鮮美！牛油蒜蓉焗蜆 29元牛油蒜蓉汁很惹味，蜆雖然細了點但爽甜！燒飽魚 18/ 隻軟滑脆嫩，香口！好好味！雪場蟹蟹柳贊岐手打烏冬 62元蕃茄湯底鮮甜，彈牙烏冬份量足。抵食！好味！不錯的料理店！

臨近年尾都會約班好友出黎聚一聚，想揀間無限時坐耐啲，又有唔同特飲及酒類既選擇既話。呢間營運至深宵既食堂就系你既首選。芝麻雞翼一流既金黃色賣相！骨肉之間冇血絲，食落去肉質都好嫰滑，味道唔錯！牛油蒜蓉焗蜆陣陣既牛油香味，食落去牛油同蒜蓉既味道以及蜆既鮮味十分之夾！爆醬芝士腸芝士味既香腸是十分多汁，而且外皮脆香。一隻鮑魚，而家做緊分享價18元，值得一試。胡麻醬冷稻庭烏冬冷烏冬食落好煙韌，配埋胡麻醬，食上癮。芝士奶蓋芒果口味，酸酸甜甜的，半價飲品超級勁大杯。四百蚊左右食到咁多野，CP值高。

元朗美食多籮籮，又可以食日本菜又可以食燒烤而又可以三五知己一齊飲返杯嘢。野川拉麵之深燒食堂就可以滿足晒。近期仲做緊社交平台 點讚優惠，可以半價品嘗部分食物。燒物我朋友最愛，所以叫左吉列炸蠔，外脆內汁，好有蠔味。燒鮑魚好干身，香口。大頭蝦燒到剛剛好，沒有失去蝦的本身肉質。殼飼牛仔骨，加上黑椒的味道，令到牛肉味更加濃。再黎一個M5澳洲和牛，肉質鮮嫩多汁，配啤酒一流！如果有杯紅酒更加好！生蠔🦪必食！正！

今日揸車去接女帝放學，泊好車之後行出黎就見到呢間野川拉麵就入去醫下肚先🙂一入門口就見到兩米高嘅Ironman成為左doorman,睇黎呢間拉麵店嘅老闆一定係figure迷🤣,整體店面整潔乾淨坐既位置亦都闊落講下我叫左咩牛肉壽喜燒-超大盤，相撲手食都冇問題😂豆腐超嫩滑，加上佢明火，煮到熱辣辣，冬天食一流汁燒極上和牛讚岐牛手打烏冬-堅係和牛，入口即溶，烏冬唔會係嗰啲雪藏味嘅烏冬😉芒果活乳酸奶蓋-睇相都知道呢杯嘢超大杯，不過初頭我以為係芒果沙冰個類野黎，同預想有落差😪串燒-燒黑豚肉五花腩厚燒牛舌估唔到d串燒又幾出色, 燒到啱啱好，由其係個五花腩脆口得黎又夠味道。不過真係食唔落所以叫得兩串🙋🏻‍♂️總括來講性價比唔錯，叫咗咁多嘢食都係$400唔駛，佢後面又有錶位泊車，啱晒揸車嘅大胃王食🤣

去開呢頭做野，收工經過呢條街 記得呢到以往既夜晚好熱鬧，而呢度開咗間新嘅日本餐廳。門面幾靚嘅，仲可以坐喺出邊，方便泊車。入邊播住抖音既歌，雖然唔係歌迷 但覺得幾好聽去社交平台 share 指定既啤酒仲有半價👍🏻好大杯，好抵飲呀！Premium beer 700 ML $46牛肉壽喜燒 $98推介指數：⭐️⭐️⭐️⭐️⭐️呢個性價比超高、十分抵食！入邊有7-8塊肥牛，雖然質素唔好話好靚牛，但有牛味🤤裏面仲有金菇、豆腐、娃娃菜、冬菇、粉絲、 洋蔥。個壽喜汁調校得幾好，又唔太鹹、冬天食熱辣辣好食！照燒雞扒手打讚岐烏冬 $78推介指數：⭐️⭐️⭐️⭐️我揀咗豬骨味湯底，烏冬好煙韌，雞扒不過不失。芝麻雞翼（3隻）社交平台分享 $38推介指數：⭐️⭐️⭐️炸得乾身，還可以。雜錦天婦羅 $68推介指數：⭐️⭐️⭐️⭐️又係抵食兼大件👍🏻燒鴨舌 $28推介指數：⭐️⭐️⭐️💫燒得幾香幾嘢味。室外既坐位都幾多人坐👍🏻

適逢Happy Friday, 到元朗這間深夜食堂，過一個chill 的晚上。好鍾意呢間食堂，每次經過都好熱閙，今晚再幫襯。兩張order 紙， 好清楚，想食就剔啦！好開心我鍾意食蔬菜類但又唔敢點太多，於是試下茄子，有香蒜同香辣味，詢問辣度.店員稱口味個人，接受程度有異…..唔緊要啦🥲因扇貝是香蒜，於是試下香辣，我覺得正既，但怕辣人士就三思啦燒物全部都好好，熱辣辣，香噴噴，每碟分小小時間送，我有小小貪心，所以一次點得太多，下次會隔陣子再點！金菇肥牛多金菇，燒汁好味！三文魚水潑又係好肥美，好正！啤酒500ml 社交平台 讚好有半價 $44。仲有好多款有半價，好抵！真心覺得好抵食，質素亦好好！成個環境裝修都好chill 好型，超高cp值，晚上見人山人海等叫飛係明點解既

呢間拉麵店唔單止有拉麵賣架～同時有好多小食同飯類✅午餐時段價錢都算平～而且裝修行工業風型格風！仲有個Iron Man嘅超巨型金屬模型！Marvel迷絕對不能錯過😍整體評分：6.9/10環境：7/10服務：6.1/10人均消費：$50-100地址：野川拉麵の深燒食堂 (元朗)元朗又新街40-48號榮豐大廈地下B號舖主食：自家制叉燒拉麵🍜（$60）：湯底揀左豬骨湯，味道都唔錯，適合香港人口味咖喱豬扒飯🍛（$52）：濃濃嘅日式風味,豬扒大大份追加小食：三文魚刺生（$24）：幾新鮮，而且會用冰敷住🌟甜蝦刺身（$24）：味道鮮甜芝麻雞翼（$22/2件）：雞翼熱辣辣幾香口炸魷魚鬚（$49）：幾大份，一樣熱辣辣，做小食一流甜薯香芋丸（$29）：外脆內軟，咬落去芋頭味好濃脆雞豆腐桶（$52）：用木桶裝住幾靚但係炸得有啲干飲品：紅豆冰+綠茶雪糕（$28）：甜甜地，紅豆都多，但綠茶雪糕冇咩味可可脆片阿華田芝士奶蓋（$18）：呢個幾好飲

元朗一向以美食出名,今次到了經常去的深宵食堂~野川拉面。Happy hour 飲酒大部份都半價，奇異果未hoegaarden味道清香。厚燒牛舌串，牛味濃郁，加一點點檸檬汁解膩。燒雞泡魚乾烤得乾身，配上七味粉和沙律醬更滋味，送酒必點。半價壽司有好幾款選擇，三文魚鮮美滑嫩。草莓乳酪沙冰配芝士奶蓋，上面還有一些爆爆珠，乳酪酸甜開胃，足夠兩人分享。炸雞稻庭，湯底味道濃郁 烏冬彈牙，即叫即炸的炸雞炸得香脆多汁。燒羊架亦有驚喜，肥美香口，件件厚切。人均消費百多元能開心一個晚上實在不錯👍

尋日喺元朗行街嘅時候發現，見到有間餐廳有半價優惠望落去有爐端燒都好似唔錯，所以就入左去食，入到去見到除咗爐端燒之外，仲有壽司同埋拉麵，所以就同朋友主攻半價食物之外，都試食下佢其他嘢食。坐落去都好闊落就算兩個人食都畀好大張枱我哋，同埋佢哋都好緊守防疫規則，我喺未有嘢食到枱嘅時候除咗口罩，店員都即刻溫馨提示我要帶返口罩先，非常盡責！半價食物嗰度，嗌咗個沙冰芝士奶蓋，三文魚壽司，燒鮑魚，焗蜆同埋牛仔骨，另加嗌咗牛肉壽喜燒，大蝦天婦羅，綠茶汽水同埋一個鱈場蟹柳烏冬。嘢飲就好快上枱，見到沙冰係士多啤梨沙冰，奶蓋嘅芝士味好濃厚，我同朋友都好驚喜見到兩杯飲品都好大杯，飲咗一半已經少少飽。牛肉壽喜燒肉質都唔錯而且都有配一個日本生雞蛋畀我，入邊嘅菜同埋粉絲都好多。燒鮑魚18蚊隻，叫咗兩隻，爽口彈牙，而且價錢唔貴，所以覺得性價比都幾高。牛仔骨肉味都好足夠，牛油蜆嗰度夠熱，肉都唔會太細粒。大蝦天婦羅都脆口，不過略嫌比較油。朋友覺得佢嘅烏冬都好彈牙，而且湯都十分濃味，溫泉蛋都做到流心嘅效果。總結覺得半價食物可以再戰！

同男朋友慶祝紀念日都咁掃興嗰啲服務態度呢 依家俾錢去食飯 都仲要受啲服務員嘅氣 認真 你依家食物嘅質素好好咩？芝士湯底點整啊 普通拉麵湯 然後喺上面直接放一片普通嘅芝士 你都好意思收$8？對住啲食客呼呼喝喝 你哋依家係做服務性行業啊 仲要粗粗魯魯咁 啲嘢食 一係冇味一係鹹到唔知點形容openrice啲食評認真唔可信

同老婆食夜晚 啲侍應態度好差 首先啲嘢食未到就唔準除口罩 見到有一大班仔一入到嚟 然後佢哋就話一除口罩就過去 入面仲播住啲抖音歌 真係好難聽 嗌咗杯哈比瓜雪條特飲 真係好廢 忌廉奶加枝韓國嗰啲哈密瓜雪條就算 我自己出去買 廿蚊都唔洗 佢賣到38蚊 加埋一都40喇 出面求其買一杯30蚊嘅嘢飲都好過佢 嗰個雞軟骨都好難食 嗌咗個雞柳拉麵 蕃茄湯 啲湯又少 啲拉麵林晒 仲衰過自己煮公仔麵 炸雞唔脆 好明顯係落咗好多麵粉 唔多好食 今次體驗真係好差 以後都唔會去食！！！大家都唔好去試 真係好差😡😡😡