野川拉麵の深燒食堂

Open Now

Now Closed

平日晚市這間餐廳內外都坐滿人，一進去看到超大iron man figure ，店內裝修非常特別，很有心思，走上韓國餐廳的型格路線，難道是韓日cross over。先點2 杯特飲，$35@意想不到份量很大杯，非常解渴，飲品瓶身印了made in Japan 。極上牛肉拉麵配地獄湯底，炸蝦拉麵蕃茄湯底，2 個都不錯，麵質煙韌，糖心蛋一流，炸蝦香脆。煮活蜆，芝士湯味濃郁。蜆肉新鮮清甜大隻，非常吸晴炸物點了一口芝士和炸雞翼，火候掌握好，不會太燶，一口芝士內的芝士澎湃，過足口癮當然不少得我最愛的泰式鳳爪，份量亦很多，味道不太辣，正合我意店來亦有不少刺身，炸物拼盤選擇。所有食物平均不用過百，份量多，味道好，性價比超高。坐對面台的一對情侶，點了$48 的飲品，超級大杯，足夠2 個人分享。離開時看到坐室外六個打扮新潮的老人，他們自得其樂，吃得非常開心。

見到晚市時間門口有堆小人群應該無伏就試試佢店內有好大隻iron man~串燒配啤酒串燒類出色，燒得岩岩好，有鹽同黑椒吊味配埋大大杯啤酒，同朋友談心一流自家制叉燒拉麵味道不錯壽司較遜色

元朗出名嘢食多，尤其日本餐廳特別多，今次搵到呢間日本餐廳， CP值好高，午餐好抵食！叫咗個自家製豬軟骨濃湯烏冬，都係70幾蚊，仲要包嘢飲。個湯底好濃豬骨味，不知不覺飲咗好多湯，自家製嘅豬軟骨好入味，忟得夠腍身，入口即溶。烏冬煙煙靭靭有咬口，比起普通烏冬質地麵質夠滑，個烏冬仲有好多配料，有蟹柳、木耳、粟米、十分豐富。假期嚟嘅話有假日限定午餐，叫咗芝士牛角漢堡，塊漢堡扒好厚身，用咗牛肉豬肉雞肉一齊整，好特別，喺其他地方食唔到，牛角包都看到好脆，個餐仲要跟埋熱辣辣嘅薯條同蘋果沙律，又可以揀特飲，真係抵食！呢度啲炸物好高質，必點芝麻雞翼，即叫即炸，上枱熱辣辣，果皮炸到脆卜卜，但入面啲雞肉仲係好多汁好嫩滑，一啲都唔乾身。仲有芝士薯餅，同樣熱辣辣，一咬落去啲留心芝士流晒出嚟，好好味！呢度啲嘢飲選擇都好多，我揀咗可可阿華田芝士奶蓋，芝士奶蓋打得好滑，一啲都唔漏，配埋濃郁嘅阿華田，仲有少少脆脆，配搭得好好。

元朗·野川拉麵 深夜食堂❤️本生諗住落元朗食羊腩煲 點知一早賣晒😭行行下見到食間野 社交平台 分享半價門口坐曬人 果陣拉麵味🍜勁香 就入左去坐⭕️燒豬腩肉超級好食😋一定要食 勁香勁好味⭕️三文魚鮫 $38外脆內軟 唔乾身 有魚油香 多食會好油膩食一至兩件就岩岩好⭕️自家製豬軟骨湯拉麵湯底好飲 豬軟骨林身 都可以試試佢👍🏻⭕️廣島炸蠔 $29@4隻新鮮即炸 好脆口😍😍但粉比例大過隻蠔但價錢抵食既 其實中意吉列炸粉 都可以食 真係好脆 仲好喉嚨痛😂😂⭕️吉列魚手指$38@8條勁勁勁抵食同勁多 食一兩條都已經飽左要多啲人食先開心⭕️藍莓奶蓋沙冰 $29大杯到兩個人飲到飽都飲唔到1/4 可以多啲人一齊飲 👍🏻👍🏻👍🏻👍🏻❌芝士年糕 $19@3件太多粉 年糕芝士好小 冇好流心既感覺❌牛油蒜味焗蜆 $29個蜆勁苦 個底全部都係牛油溝水 食落口有啲嗱喉嚨 同好苦澀 不值一試整體黎講半價既價錢係好抵食👍🏻👍🏻但食物就普普通通 還可以如果夜晚去 9點幾都未仲收工 晏收工又搵唔到地方食野 可以去試下既#元朗美食 #香港必食 #hkfoodie

帶朋友去南生圍玩遙控飛機和遙控越野車之後，順道去元朗享用日本料理。餐廳内部環境色彩多多，鮮艷奪目。粗粒牛角漢堡薯條沙律88元。不是一般的漢堡包，而是採用牛角包，牛角包香脆。漢堡牛肉厚身大件，牛味濃郁。芝士已溶化，很惹味。薯條外脆內軟。跟餐追加甜蝦刺身四隻24元，味道鮮甜。鮮帶子刺身四片32元，鮮甜可口。熱蜂蜜生薑茶5元，味甜暖胃。炸雞翼四件35元，雞中翼皮脆肉嫩，雞肉帶咸味。軟殼蟹手卷兩件52元，軟殼蟹是即叫即炸，熱辣辣，香脆美味。玉子壽司兩件9元，玉子大大件，抵食。鰻魚壽司兩件16元，鰻魚惹味，飯粒軟。胡麻沙律18元，蔬菜新鮮，胡麻醬汁美味。綠茶雪糕綠茶紅豆冰28元，賣相美觀，綠茶味清香，紅豆起沙。柚子味芝士蛋糕配榴槤雪糕78元，柚子味和芝士味很夾，榴槤味濃。总结：食品美味，价格合理。

放工揸車去元朗搵食，又新街有幾間係收12:00，所以決定試下呢間，一入到去，呢個時間都坐左9成，個女侍應見到我入到黎叫掃安心出街，但講野無尾音，好似太忙唔想我入去既感覺，不過都被安排有位坐，好快我同同事就叫左兩碗拉麵同小食拼盤，多春魚天婦羅，我果碗牛肉辣拉麵，正正常常，不過唔係好食果種，小食拼盤入面最好食係叫貨既榴連波波，其他不食也罷，最難食係多春魚天婦羅，呢個係同事話想食而叫，一入口，腥到呢！根本食唔落，同事食左一啖即時唔食，食品質素真係唔得，席間不斷聽到女侍應不斷粗口講嘢，我都係粗人，不過老實講，工作歸工作，感覺不太好，因為見佢對客講野都唔太禮貌，又一間可以不需再來既食店

💖之前經過這間餐廳，聽到裡面好大音樂聲🎵，氣氛很好的感覺🥳今晚來吃晚餐，有大screen播Idol mv和打歌舞台💃🏻，2代到5代韓團粉🇰🇷的我表示好興奮😆🤣門口還有個1:1嘅iron man🦸🏻‍♂️1⃣️海鮮雜錦拉麵🍜 $72💖有青口🐚、蟹柳🦀、蝦🦐、粟米🌽、糖心蛋🥚、京蔥🧅、木耳、紫菜和筍🎋，要了芝士🧀湯底。拉麵彈牙爽口有嚼勁，吸收🧽了湯底的芝士味。配料很豐富，青口都給了2大隻，其他給的更多。2⃣️吉列炸蝦配冷稻庭烏冬🍤 $78💖冷稻庭烏冬🍜配上胡麻汁，口感煙韌結實，有嚼勁，配上幼滑濃郁嘅胡麻汁。吉列炸蝦有三大件，炸皮酥脆，鮮蝦彈牙，配上mayo更好吃😋3⃣️壽司🍣 (全部半價⬇️)✅三文魚(二件)🐟 $9✅赤蝦(二件)🦐 $9✅鮮帶子(二件) $14💖Menu有很多食物只要like 社交平台👍就可以半價！價錢很抵，壽司2件$9起就有，質素都不錯。推薦鮮帶子，厚切又鮮美。三文魚和赤蝦新鮮，平均$4.5一件絕對抵食🤑4⃣️炸物 (全部半價⬇️)✅日式芝士年糕(三件)🧀 $19✅椒鹽雞軟骨🐔 $23✅廣島吉列炸蠔(四隻)🦪 $29💖同樣是半價。日式芝士年糕內餡軟糯，外皮酥脆，芝士味香濃。椒鹽雞軟骨鹹香🧂，

𝒥𝒶𝓅𝒶𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒴𝓊𝑒𝓃 𝐿𝑜𝓃𝑔🌟芝士薯餅 （$22）係流心芝士😍上碟時薯餅已經切開一半，方便𝘴𝘩𝘢𝘳𝘦，夠熱好好味😋🌟芝麻雞翼 （$22）雞全翼有2隻，有埋我最鐘意既雞翼尖，炸衣整得夠薄，加左芝麻好香，都係剛炸起熱到燙口，入面既好滑唔會整得好乾身😋推薦💕🌟甜蝦、油甘魚、帶子刺身 （$88）帶子同油甘魚🐟都係勁厚切，一件等於平時兩件。味道都幾新鮮，最緊要有口感夠肥美，𝘊𝘗值高🌟粗粒牛角漢堡加薯條沙律🥗（$88）最吸引既係佢既包係用左牛角包🥐，中間既漢堡混左牛肉同豬肉，又係非常厚身🤣🤣加左洋蔥🧅、生菜等配料。伴碟仲有粗波浪薯條，不過咸左少少。食完真係比想象中飽😍🌟日本富士蘋果生芝士蛋糕配抹茶雪糕 （$78）叫呢個甜品要預番15分鐘整作時間，但絕對值得等待🍰佢既芝士蛋糕係比較𝘭𝘪𝘨𝘩𝘵 𝘥同空氣感果種，中間加左𝘥蘋果粒，酸酸甜甜咁好有驚喜😍 雪糕球就有幾隻味可以揀，試左抹茶雪糕，茶味幾濃，少少甘甜（唔會係好假果𝘥甜味）💕🍹3.6牛奶雪糕紫薯紅豆冰 （+$10）呢間都幾多特色飲品，跟餐補少少錢就試到。呢杯野真材實料，食到好多紅豆同埋濃濃紫薯味，仲有一球雪糕🍦唯

去元朗行街，行過呢間日式餐廳，野川拉麵之深宵食堂，比佢哋出面嘅裝飾吸引咗。去到是午餐時間，有不同的拉麵套餐，日式飯套餐，仲可以優惠價追加很多不同的小食刺身等等。先叫了個日式雞扒拉麵，雞扒是照燒汁，雞扒的皮很脆，肉汁豐富非常Juicy. 拉麵加了$5轉烏冬,是日式的讚岐烏冬, 10分有口感. 湯底是豬骨十分之濃郁，配料也有很多有糖心蛋1粟米粒等。另加$18個芝士年糕，有2粒，炸得溫度剛好不會太油膩。一咬下去只是流出來，超級好食。再叫了個炸魷魚鬚，魷魚鬚的炸粉薄，咬下去很脆，再配上日式的沙律醬，是一個很開胃的小吃。重建了個三文魚刺身，帶子刺身，甜蝦刺身，全部都好新鮮好厚重，三文魚油脂分布平均，配上日式醬油10分好吃。最後叫左杯熱咖啡是即磨的不用加錢，十分之抵食。

每次到元朗探訪好友一定不會放過到週邊找好東西吃！ 元朗這地方很多有特色和不同風味的食店每次都令人回味。 今晚朋友帶我到位於又新街的一間日式食堂~"野川拉麵之深燒食堂" 來到食堂已感到灜味濃濃的，地舖外面也設有座位，最適宜吸煙食客，邊談邊吃喝多寫意！ 內進更有氣氛！工業風裝潢和金屬超人模型充滿玩味，型格味！超有人氣，有食客聚會也有獨個兒年長阿伯在一角座位上 悠然自在地吃串燒飲啤酒…… 太喜歡這氣氛了！看Menu酒精飲品，炸物，燒物，壽司，爐端燒，刺身，甜品……等。種類緊多，五花八門看得我也心花 怒放 ！即時有種食餐勁的心態！多項優惠，上f/b like 一下分亨專頁，刺身，炸物，壽司，爐端燒，甜品……生啤飲品等。·即可低至半價！非常抵食！信州萍果梳打 $ 35炸物小食拼盤 $ 82 ~椰汁流心球2粒，芝士薯波2粒，吉列魚手指6條，炸薯條1客。每款都熱呼呼的外酥內鬆，尤其是吉列手指魚肉嫩滑。青瓜蟹籽沙律~穀飼牛仔骨 $ 38肉質柔軟甘香有肉汁！好味！燒鮑魚 $ 16/隻 鮮味！肉爽！三文魚壽司 $ 9/2件，鰻魚 $ 16/2鮮帶子 $ 14/2每款都新鮮好味！實在

係人都知元朗好多好嘢食，但係想搵一個地方係有齊好多唔同種類嘅食物就唔係咁容易，今日去咗野川拉麵，唔知以為佢主要都係以拉麵為主，但係入到去其實好多選擇，壽司、摘炸物、鍋物、拉麵等等好多選擇豚肉泡菜鍋呢個好豐富，泡菜又多豬肉又多多，依家凍凍地第一個帶佢嚟食䁔下胃最好日本甜薯仲加咗蜜糖喺底，食得好滋味香蒜大茄燒依個超多蒜蓉，大大條超抵食下面三樣都係超平價優惠芝士年糕＄19外脆內軟最緊要好鬆化。好香芝士味一口芝士依個係必點，芝士控一定超鍾意，溶緊嘅芝士真係好好味椒鹽雞軟骨丸＄23我鍾意佢切得細細粒，真係好容易咬，之前試過出面有啲大大粒嗰啲真係食唔到，依個啱啱好下面嗰幾款都係分享優惠大家一定要用，係超級低蜜汁燒牛丸＄9燒墨魚丸＄9爆醬芝士腸＄11榖飼牛仔骨＄19呢度嘅飲品都係重點芝士奶蓋配奇異果沙冰嗰個奶蓋香味真係令到你不停想飲落去，配埋奇異果味酸酸地，好開胃士多啤梨雪條特飲俾佢個外貌完全吸引咗，小朋友見到真係開心到暈嗌左咁多嘢食嘢飲都係三百幾蚊，可以encore

食物質素十分唔錯的拉麵店 就在元朗又新街 一入去已見到好型嘅Icon man 招呼客人餐牌上 午餐有拉麵 有好多選擇 套餐也能以價錢配搭刺身、炸物 相當豐富 賣相重唔錯豬軟骨拉麵 湯底濃郁 豬軟骨咬落口嫩滑 加上木耳 真係好有水準 仲有半隻溫泉蛋油甘魚及帶子刺身 刺身新鮮厚切，入口啖啖魚脂香、肥美及嫩滑 重有芝麻雞亦 炸到金黃色 脆卜卜 熱辣辣 裡面雞肉好多肉汁 讃 雪糕奶茶紅豆冰 絕對係打卡之選 滿滿的紅豆加入奶茶當中 好特別 及甜度適中好滿足 抵食會再黎!想試其他小食

#早餐#八號風球 。今朝6點起身就睇下新聞了解情況如何, 噢。。可以再訓過😴 , 到左11:00就一家落樓碰碰運氣睇下有無餐廳開, 好好彩搵到, 而且重幾好食又無加一服務費, 希望天氣會慢慢好轉, 回復晴天🌞超級豐富😊😊即磨咖啡☕餐牌勁多選擇😍

yummy localised ramen and udon with HK elements, always love the shredded wood ear in soup ramen/udon. Fried chicken, sashimi and other seafood were at good price and ok quality too!

之前食過一次覺得幾抵食，又黎食多次🙆🏻‍♀️🙆🏻‍♀️❤❤呢度有個menu係會平d,like佢地社交平台 就可以平，幾正🙆🏻‍♀️🙆🏻‍♀️🙆🏻‍♀️  😋芝士年糕😋$19 好金黄飽滿，咬落外脆內軟，十分煙韌😍😍😍 😍濃芝士薯餅😍$22 呢個真係好正，外面係勁脆既薯餅，內面係拉絲芝士😘好芝味🙆🏻‍♀️  😛燒扇貝😛$19 蒜泥落得好足，配埋黎食個扇貝十分鮮味😋😋 🤩汁燒極上和牛贊岐手打烏冬🤩$88 呢個和牛勁高質，牛質軟腍，完全唔鞋，個烏冬都十分彈牙😘😘  😚自家制叉燒贊岐手打烏冬😚$78 呢個豬骨湯勁濃香😋😋叉燒有帶少少脂肪勁滋味 😛😛😛  😌厚燒牛舌😌$22 可能燒得有少少過左，會難咬d🤣但牛味濃郁😌  😀燒豬頸串😀$25 呢個豬頸肉有d瘦，所以食落偏乾少少，但調味都ok既 😁燒黑豚肉五花腩😁$22 五花腩個人覺得可以再肥d，個油脂味都香既😛  😄穀飼牛仔骨😄$19 牛仔骨都好重牛味，係比較多骨，但咁平都冇乜好要求🤣  😘芝士蛋糕+雪糕😘$39 芝士蛋糕好smooth ，淋左朱古力醬，雪糕揀左曲奇味，攞碟好精美，加左d朱古力脆脆😋😋😋 🙆🏻‍♀️紅豆冰🙆🏻‍♀️$38 紅豆冰甜度正常，都大杯好飲既