醉潮館

Open Now

Now Closed

荃灣一向多打冷小菜館, 今晚試了間在三陂坊的潮洲打冷. 裝修以木色為主, 古式古香, 而且亦有BB櫈, 即使帶著小朋友來食也很方便🤗 🤤 ($168細Size) ~ 份量大, 蜆鮮甜, 配菜多, 細size份量亦已足夠四人食 🤤 ($78) ~ 份量多, 四人食都可以食極都食唔完咁, 而且夠穫氣 🤤 ($48) ~ 用鳥籠盛載著乳鴿, 古式古香夠特別 🤤 ($68)~ 正常的蠔餅, 夠穫氣 🤤 ($138) ~ 賣相靚, 但鹵水鵝不多, 如果喜歡鹵水鵝的不如直接叫一碟鹵水鵝仲好 ❤

今晚家中停電，要跟老公出街吃晚飯。放工後，就去了荃灣周圍逛。平時我很少去荃灣的，逛到有個地方原來有好多食肆，像大排檔一樣。看到一間頗新的餐廳，於是就選這間吧。餐廳的桌子及椅子是木做的，環境清潔乾淨。來到的時候都已見有好幾枱客人。打開餐牌，原來這間是吃潮州嘢。近來沒有甚麼湯水，看到有燉湯餐牌，所以點了個嘗嘗，我們還點了幾個小炒。是日燉湯是花膠螺頭湯，一盅已足夠兩小口。這個湯真的是真材實料。有雞腳，瘦肉，花膠，螺頭及杞子。湯很甜，花膠很淋，這個湯對女性非常好。看到隔離桌點了個蒜蓉椒絲炒通菜，樣子很好，我們就點了這個。通菜處理得不錯，炒得青綠爽口，不太鹹，很香，份量都多，夠鑊氣。老公知道我喜歡吃椒鹽的餸菜，他點了椒鹽九肚魚給我。這個餸很香口，少脆，調味剛好，咬落去很軟熟，少許骨仔，炸粉不厚，好味。潮州嘢當然要點一個醬滷鵝，這隻鵝一點都不肥，我喜歡瘦的。雖然是瘦，但都容易咬開，不太韌。最底還有幾塊滷豆腐，醬汁可以，不是十分鹹，覺得不錯。這麼多餸，當然要來一個白飯。白飯軟熟，不硬，幾好。吃潮州嘢，天氣熱辣辣，啤酒一定不可少，要一支大啤。啤酒沒有甚麼特別，基本上每間食肆都一樣。啤酒夠凍，還可以。走

今日放工同朋友去咗荃灣三坡坊呢一間潮館度食潮州菜 ，原先係一個朋友介紹話上次食過好好食，所以想試下。不過地理位置真係有啲難搵，都要搵咗一段時間，所以我覺得佢都算係隱世餐廳。入到去發覺佢嘅裝修古色古香 很特別， 特別係木製嘅長板凳，好有特色。 因為我哋好早去到，差不多六點鐘就已經到咗，所以唔算多人， 不過食到後尾人潮就越嚟越多。先講下佢嘅餐牌， 佢有一個餐牌係專點老火湯，好吸引， 原先都想同朋友試下，但係我哋最後揀咗砂鍋粥就放棄咗，下次可以試下。佢嘅招牌菜係潮汕砂鍋粥， 如果配料多過200蚊就會係細煲粥，如果配料加埋多過360蚊，就會係大鍋粥，我哋兩個人所以就叫咗一個細鍋粥，配料係自選嘅。 今次叫咗海蝦，蟶子皇，鮮雞件， 蠔仔， 四種配料加埋剛剛好二百蚊，好抵食。砂鍋粥上枱一撈起，啲料多到塞滿咗成個煲 ，真係好誇張， 砂鍋粥粥底鮮甜可口，配住濃濃嘅海鮮料，鮮味十足，每人足足食咗三四大碗都仲有淨， 十分抵食。另外叫咗一個椒鹽鮮魷，價格經濟實惠好抵食。椒鹽鮮魷上枱，見到有好多，好大件， 感覺超抵食，鮮魷炸到外脆內軟，師傅好好火侯。食咗咁多好西，梗係要食啲菜平衡下啦，所以叫咗個蒜蓉炒通菜，菜新

都好耐冇食過小菜了，多數小菜份量太多今次兩個人食揀左潮醉館，好多選擇👍🏻打頭陣黎左個紅燒籠中bb鴿子淨係個樣已經好驚喜～岩岩炸起果層皮脆卜卜真係好正🥰bb鴿既肉當然係少啲，不過就相對嫩滑好多！仲有同樣都係咁熱氣既牙簽雞🤣唔知點解用左牙簽逐粒拮住就好似特別矜貴咁，平時食一兜炸雞會覺得好heavy, 但牙簽雞炸得岩岩好，配埋泰式辣醬食完一粒又一粒😛由於太鍾意既關係，我地叫完欖菜肉碎四季豆又叫多個欖菜肉碎炒飯😂兩樣都炒得好有穫氣呀！係炒飯較乾身，連埋其他送一齊食就岩岩好👍🏻小菜既bonus就係有盅頭燉湯😍而哩個花膠螺頭炖雞湯都非常足料，有桂圓所以甜味都好夠，飲落就知無味精🤪兩個人黎食定係一大班人都好適合～

好耐未食過打冷， 但係咁炎熱嘅天氣又唔想坐街邊， 所以就搵咗呢一間有古色古香又別有風味嘅潮州打冷舖進晚膳🤣 最重要嘅係佢有強勁嘅冷氣👍全場木枱木櫈，中國風味濃餐牌設計都幾有心思，設計概念唔錯🎇花膠螺頭燉雞湯 $68🎇燉湯好清甜， 而且好足料，冇味精， 飲完好舒服， 而且每一盅都熱辣辣， 非常滋潤， 一個絕對會令人留下深刻印象嘅燉湯👍🌠 紅燒龍中bb夾子 $48🌠乳鴿肉質嫩， 外皮微微帶脆濃香， 唔會炸到好油， 點少少淮鹽食味道更突出🦆我是被你囚禁的鳥～ 歌手-張宇上菜速度都幾快㗎🎆 亂棍打死豬八戒 $88🎆我個人覺得呢個名字改得非常之好，名字畫面感強，容易被人聯想， 雖然豬八戒死喺亂棍之中， 但不得不讚呢個餸菜真係幾惹味， 可能係因為喺廚房打得火熱， 煮得激烈，雖然四季豆有部分帶渣，但整體嚟講味道很好😁🌌 火焰辣酒煮醉螺 $108🌌辣酒煮螺越煮越辣， 味道辛辣刺激惹味， 香氣逼人， 而且份量都好多， 至少有六十粒以上， 食極都仲有， 食螺肉再啜埋D汁，簡直爽🤤 回味無窮🎆招牌醬鹵拼盤 $138🎆鹵水拼盤有韭菜花、流心鹵水蛋、紅腸、魷魚 、豆干、 豬耳仔、 五花腩、 豬大腸， 雖然冇傳

今日去咗醉潮館食晚飯， 個名一睇就知食潮州嘢， 但係今日我破格 完全冇叫到潮州嘢食 叫了四川 口水雞、一個麻辣烤魚、 一盅滋陰補腎的 花膠螺頭燉雞！口水雞非常之好味、 又麻又辣 、完全稱得上表表姐、 雞又滑又新鮮、 一啖雞、一啖麻辣醬， 簡直食到味蕾都有多種層次， 完全稱得上 皇牌口水雞！至於麻辣烤魚， 就真係不得了， 嫩嫩的魚， 配上麻辣汁加上秘製清湯， 完全將整條魚浸在這個麻辣醬上， 烤魚又非常之有魚味，又新鮮， 完全一點魚腥味也沒有，加上它秘製的麻辣湯底，將整個魚的鮮甜更加提升！ 我都是第一次食這麼大的麻辣烤魚 ，但胃口大的我卻將整條魚食完，真的是一餐原味無窮的麻辣宴！食完二个麻辣餸，最後就飲了-個滋陰補腎的花膠螺頭湯 ，個湯有花膠、螺頭 、杞子 ，每啖湯都有好重的雞味及螺頭的海鮮清甜， 簡直將全晚的餸菜更推上一層樓！下次我都要預返胃口再食其他東西！

路邊炒米粉炒得乾爽香，質地彈牙不軟爛，食落有米香兼有嚼勁，而叫得做路邊炒當然材料比較道地啦，米粉炒得乾爽香、彈牙不軟爛，鮮香不油膩炒菜睇落簡單，但要保持翠綠同爽口，炒嘅時間就唔能夠太耐，而呢個炒菜就炒得恰到好處啦芥末牛柳粒軟嫩再加上芥末刺激味蕾，令整個菜式食起上黎有著豐富嘅口感蠔餅酥脆香口而且蛋香味十足，大大塊嘅蠔餅蠔仔份量一D都唔少，每一口都可以食到三至四隻蠔仔，叫黎同朋友邊飲酒邊食就最岩啦醉潮館嘅潮州蠔餅同普遍食店嘅蠔餅分別在呢度係用左鴨蛋去整，色澤比較濃/黃，味道亦較為濃郁。而普遍食店都會用成本比較低嘅雞蛋去整，但味道相對上就冇咁好啦。

依度成條街都係做大牌檔生意，今次嚟食下潮洲嘢，happy Friday ,好多人嚟食，店內裝修新穎，唔會感覺好似平時大排擋咁污衊，最緊要係有冷氣，地板都無好笠既感覺。個餐牌好新穎見到有燉湯飲，就叫左個嚟試下好足料，3舊花膠，仲有雞腳，龍眼，瘦肉等，好入味，68元嚟講，正後面叫左個小食，牙韱雞，無骨，熱辣辣，一啖一粒，正！唔會太咸又唔會無味58元，咁大份，好ok喇！9肚魚，炸粉上得好薄，d骨炸到淋哂，唔會插落喉嚨度，幾好，送酒一流小炒王，魷魚，蝦乾，腰果，九菜，咸肉，冬菇，咩都有，好野味，同樣happy Friday ,送酒正！花甲勁大粒又無沙，為happy Friday 畫上完美的句號！總括嚟講，大排檔嘅價錢，不過坐得舒服啲又有冷氣環境又乾淨服務態度又好，好適合親友家庭聚會

提前book枱同like fb page就可以有龍蝦沙律送，本來以為好細碟，但上到枱發覺都幾大碟喔，味道都唔錯，真係食到有幾多龍蝦肉係裏面魚皮都係推介菜之一，非常爽口，不過個皮好滑，而且係滑到夾都夾唔起，加埋wasabi豉油，絕!我地仲點咗個鐵板麻辣牛雜同水煮牛，牛雜唔算太多，不過好入味，裏面嘅大葱同姜都好入味，真係連配菜都可以食埋水煮牛份量都幾多，仲有粉絲同芽菜等配菜，個人覺得辣味夠，但無乜鹹味咁，呢個差少少

早兩日同同事傾開計，知道三坡坊新開咗間潮州打冷，同事食過話好味，啲嘢抵食大大份，叫我去試試。趁男朋友呢日開會，早咗放工可以過嚟公司接埋我，就一齊落荃灣食飯。餐廳位於三坡坊最入位置，裝修乾淨簡潔，以中國風為主，木枱木櫈，感覺舒適自在。本草湯目顧名思義係一本煲湯嘅Menu。Menu食物選擇多，滷水，小炒，海鮮，鐵板燒，應有盡有。⭐️紅燒籠中bb鴿子 ($48)賣相精美有特色，隨鳥籠上菜。附上醋/淮鹽，點醋食可減低油膩感。上枱時已經聞到香氣，趁熱落手食最滋味😋入口肉香四溢，肉質超嫩，肉汁豐富。⭐️椒鹽鮮魷 ($78)$78大大碟，見到都覺得抵食，面層大量炸蒜，食落香濃惹味，鮮魷炸得金黃香脆，但無任何多餘油份👍🏻食落外脆內軟，鮮魷軟身有彈性，一啲都唔韌。⭐️醬滷鵝 ($128)潮洲打冷其中一個重要嘅菜式-滷水，今次我地就揀咗醬滷鵝💁🏻‍♀️潮式滷水必配蒜醋，呢到嘅蒜醋於我而言蒜味唔夠濃，可能因為我係重口味人🙆🏻😂滷水香醇幽香，食落唔咸唔渴，有好濃厚嘅滷水香氣。醬滷鵝已同滷水融為一體，好入味，肉味香濃，肉質嫩滑，越食越滋味😋⭐️傳統鴨蛋煎蠔烙 ($88)蠔餅香酥唔油膩，食落外層好鬆脆，入面軟滑得嚟帶點煙韌

一向都鍾意黎三陂坊搵食，貪佢夠熱鬧，今次黎試吓街尾嘅醉潮館! 一坐低侍應話like Facebook page有龍蝦沙律送，食落真係有龍蝦肉，作為開胃小食一流！今日唔知點解好想食煎炸野，所以叫咗煎蠔烙($88)同椒鹽鮮魷($78)，炸粉唔厚，兩碟份量都好多，抵食!! 醬滷鵝($128)，鵝肉肥瘦適中醬汁獨特，十分入味!! 雪裏紅蝦乾芥蘭煲($88)，夠晒鑊氣惹味，蝦乾為芥蘭增加左香味，好食到停唔到口!! 唔係咁多食店有天地1號飲，加分! 見到餐牌好吸引，想試吓佢啲粥同埋燉湯，但天氣太熱啦，要等到冬天先可以再嚟試。

假期最後一日決定搵間餐廳 食下好野 發現荃灣新開打冷小菜 七點未到已經全院滿座餐廳裝修有古代客棧風味 餐牌設計特別先叫個火焰醉花螺 上檯時店員會先點火 一路食一路滾起 四條大花椒及蒜頭加持 花螺粒粒有肉 而且入晒味 酒香配合香辣份量多達滿鍋 呢一鍋真正係色香味俱全 招牌小米餃 潮汕地道小食 一口一個 用蕃薯粉製 皮厚煙韌 口感同潮州粉果相似 豬肉作餡料 上檯時伴蠔油 解辣效果不錯鐵板黑椒豬仔脾 六隻砌成星形 賣相吸引 肉質嫩滑軟腍 黑椒味滲透肉層 仲可以成隻揸住食 加上熱辣辣入口好滋味最特色係鳥籠紅燒bb鴿 原隻有翼有脾連鴿頭 皮香脆而不油膩 連骨有濃濃滷水香 配埋准鹽同埋喼汁 更加味濃用黎啤酒嘅係傳說中嘅戰鬥碗 打卡最啱下次約埋成班朋友就可以食埋烤魚同雞煲

荃灣二坡坊三坡坊一帶，一直都有好多好好食嘅大排檔，競爭都好大。今次同個朋友嚟試吓呢一間新開嘅醉潮館，原來真係唔錯！餐廳裝修有佢個人嘅風格， 唔係一般嘅大排檔！睇吓個餐牌搞到成本古書咁都幾得意😂食物選擇都叫多，我哋叫咗幾味侍應推介嘅拿手小菜試吓。因為天氣開始好熱，仲叫咗幾支啤酒飲。哩到好得意，叫啤酒唔係比杯你而係俾個戰鬥碗你飲😂都幾有特色首先上菜嘅係BB乳鴿($48)，用嚟送酒一流呀。乳鴿揸得啱啱好，唔會炸得太過。而且乳鴿夠晒肥夠晒香口，一隻都夠兩個人食！而且餐廳仲用咗一個好得意嘅鳥籠裝住，岩晒鍾意影咗先識嘅朋友😌另一款啱晒送走嘅係椒鹽九肚魚，同樣地呢個九肚魚一樣好香口。值得一讚嘅係，啲魚炸完之後入邊仍然係嫩口。而且好夠份量，兩個人我哋仲食唔晒要打包。呢個蜜桃咕嚕肉都好好食，啲肉好入味，用嚟送白飯一流。下次嚟我都會再點返呢一個蜜桃咕嚕肉👍👍👍但係我哋今日叫咗呢一個炒飯。冇得用嚟送飯嚕！我哋今日叫咗欖角肉鬆炒飯，呢個炒飯都唔錯，只係有啲鹹咗少少。建議大家同侍應落單嗰陣時叫佢少鹽啲，除此之外炒飯都幾好食。我哋今日兩個人飲埋幾支啤酒，性價比來講都幾高。值得一讚嘅係，呢度侍應服務態度好好。唔同普

復活節最後一日，本著食好啲去對抗第二日的不想面對打工仔惡夢生活的精神，於是就落咗去荃灣搵好嘢食。行到去三陂坊，見到有間鋪頭，所以就行入去試試。由於肚餓的關係，我地叫咗幾個餸，包括有混醬雙雞煲、蒜蓉炒通菜、燒乳鴿、咕嚕肉同埋花膠螺頭湯。先講個湯，味道清甜，啲湯好足料，一盅夠哂兩個人飲。絕對唔係燉湯價例湯質素！混醬雙雞煲，啲醬汁調到岩岩好，夠哂濃味，但最估唔到雙雞係雞加田雞！鐘意田雞可以試下有個咁出色既雞煲，相對個菜就無咁特別！但一樣香口，送飯一流咕嚕肉食得出既獲氣！一擺入口係感覺到熱氣湧出來，用左桃黎一齊炒。酸酸甜甜好味最後呢味乳鴿絕對係打卡菜！睇得又食得 正

去開荃灣突然心血來潮想食潮汕中菜一入到黎坐底，店員同我地講只要ike一like Facebook專頁就有龍蝦沙律送鍾意食龍蝦嘅我又點可以抗拒到呢沙律中間混合左龍蝦肉成個口感好清新有少少Wasabi芥末醬嘅沙律😚只能用一句我喜歡形容椒鹽鮮魷呢碟色香味俱全，最緊要咬落去好鬆脆中間魷魚肉多，唔會好似出面有些餐廳勁多面粉，值得一試紅燒籠中BB鴿子小鳥籠裝住bb鴿，乳鴿肉質好鮮嫩🤤🤤🤤配飯一流醬滷水拼盤 係呢度既招牌菜，上菜個賣相非常之靚，見到有好多唔同款式嘅嘢食，第一次見滷水拼盤有流心蛋 但係夾埋少少蛋漿撈落其他滷水上面，都係別有一番風味，除咗流心蛋之外，我覺得比較好食嘅係紅腸、墨魚🦑同埋豬耳。墨魚好爽口！香腸夠入味 ！豬耳咬落好脆 ！醬滷鵝 🦢滷水鵝好入味 再點少少白醋簡直絕配 鵝件啲口感唔錯 而且又滑，d鵝好肥美超邪惡🤤 一碟份量都好多，而且仲係豆腐底，啲豆腐食落都好新鮮。