醉潮館

Open Now

Now Closed

今日去咗醉潮館食晚飯， 個名一睇就知食潮州嘢， 但係今日我破格 完全冇叫到潮州嘢食 叫了四川 口水雞、一個麻辣烤魚、 一盅滋陰補腎的 花膠螺頭燉雞！口水雞非常之好味、 又麻又辣 、完全稱得上表表姐、 雞又滑又新鮮、 一啖雞、一啖麻辣醬， 簡直食到味蕾都有多種層次， 完全稱得上 皇牌口水雞！至於麻辣烤魚， 就真係不得了， 嫩嫩的魚， 配上麻辣汁加上秘製清湯， 完全將整條魚浸在這個麻辣醬上， 烤魚又非常之有魚味，又新鮮， 完全一點魚腥味也沒有，加上它秘製的麻辣湯底，將整個魚的鮮甜更加提升！ 我都是第一次食這麼大的麻辣烤魚 ，但胃口大的我卻將整條魚食完，真的是一餐原味無窮的麻辣宴！食完二个麻辣餸，最後就飲了-個滋陰補腎的花膠螺頭湯 ，個湯有花膠、螺頭 、杞子 ，每啖湯都有好重的雞味及螺頭的海鮮清甜， 簡直將全晚的餸菜更推上一層樓！下次我都要預返胃口再食其他東西！