萬發海鮮菜館

Open Now

Now Closed

味道係一流絕頂 不亞於任何大牌既酒樓只不過如果你想坐得好 有好既服務呢到一定令你好失望叫野食叫到好似軍訓咁會比人呼呼喝喝 但係！ 野食 （尤其係傻仔牛柳粒真係必叫我地8個女仔叫左個大既薯仔牛柳粒 真係好大 但係我地竟然係食得曬叫左風沙雞 南乳骨 鹵水拼盤朋友話啫啫雞煲唔夠熱但我覺得味道都ok 食飽飽 每人都係138

朋友生日~一行7人去左深水埗食大排檔~ 差不多六點差不多7點，都唔洗等位，直接就可以入去啦~ 1人叫左1個送~可以試多啲唔同既野黑椒薯仔牛柳粒朋友一坐底就叫左呢個招牌菜~待應見我地有7個人，建議我地叫有中size~超~~~大碟~7個人都食剩大半碟~但好味既~甜甜地又香口又有蒜味~好夠鑊氣！好送飯! 但下次都係叫番例牌就夠了~咸蛋蒸肉餅送飯之選！蒜香骨肉好乾身，有點硬~唔夠入味~食剩3舊！啫啫通菜煲上既時候無朋友期待既喳喳聲！有點失望！咁岩我地個碟無，聽到人地個碟係有~ 但食落都okay惹味！白銀蛋莧菜普通~菜好林~無咩食到咸蛋黃芝士蝦伊麵d蝦超大隻~好味！芝士汁夠多！量都夠！下次可以再叫！豉汁蒸白鱔白鱔本身好好味！鮮！味！鮮！

在深水埗沒有吃過大排檔不算接地氣。從小在此區長大的我，久不久就會光顧萬發海鮮飯店，一為其小菜的「鑊氣」、二吃其「氣氛」，和一大班人大聲說話、大吃食菜，甚為舒暢。.餐廳位於九江街，西九龍中心附近，深水埗地鐵站D2出口走大約五至十分鐘即可到達。同一條街有三間地鋪，我們一行七人七點walk-in，不用等位即可入座。.甫坐下我們就用大排擋獨有的「膠壼茶」幫大家清洗餐具，是香港人的默契。不用仔細看餐牌便可頭人頭菜、人頭飯，反正大排擋的小菜都是大同小異。.沒多久啫啫通菜煲便來了，就是喜歡大排擋的「快、靚、正」。但令我們都孤疑的是今次的通菜煲沒有「啫啫」聲，看來是煮好了一段時間，有人點菜就可上菜，所以也不夠熱。幸好味道還是一如既往的惹味，蝦醬配上蒜蓉，鹹香十足。每條通菜都翠綠爽口，很入味，是有點油膩，但小菜的特色就是如此。.再來芝士大蝦伊麵，足足有九隻大蝦！每隻都炸得金黃，脆得連皮也能吃，非常新鮮，蝦肉不會霉，蝦頭還有很多膏呢。同時也很欣賞廚師把蝦腸挑得乾淨，一點都不馬虎！不過本人嫌芝士汁太飽膩，不太欣賞浸了汁的伊麵，芝士味也不是太香濃，沒有多嘗。.重頭戲黑椒蜜汁薯仔牛柳粒是萬發之名物，每枱都有一碟

萬發真係由細食到大，嗰種味道真係念念不忘!難得今日再有機會同屋企人再去食，不得不寫食評紀念下😂😂薯仔牛柳粒!!! Woohooo呢個不得不讚，薯仔每粒都有蜜糖和黑椒味，脆卜卜，食完一粒已經想夾第二粒咸蛋肉餅:係家嘅感覺呀!!佢唔似外面嗰d狂加鷹粟粉，每啖都有肉味!!炸豆腐: 雖然炸豆腐並唔係咩名物,但真係炸得恰到好處，每啖都脆口juicy雲呑什菜煲: 家母偏愛什菜煲，呢個都無令我地失望，每粒雲呑口感都豐富每次去萬發食飯都捧腹而回，期待下次再去😍😍😍

台灣朋友來香港，問我們平日都吃些甚麼，想試平民貼地港式美食。就想帶他去吃港式大排檔兼見見姊妹們。姊妹推介這間，說好吃，有鑊氣。我曾經吃過，印象中也是好的，這這樣吧。-5個人叫了5款食物。招牌的黑椒薯仔牛柳粒($108)自然是必叫。雖是港式沒牛味鬆肉粉版牛柳粒，但加入黑椒、蜜糖花蔥蒜辣椒炒得惹味夠鑊氣，再加入炸得金黃香脆的薯仔，好味。-金牌風沙雞(半隻$128)炸子雞上灑滿金蒜鹽巴，是為風沙。叫金牌卻沒想像中特別，但皮脆肉嫩，不錯。-避風塘鮮魷($98)台灣朋友說香港避風塘在外地很有名，就叫了個本土版比佢試試。不過這避風塘幾乎不辣，炸蔥蒜味較重。應該並非友人想像中的避風塘，但食落鮮香咸脆，都算好味。-始終幾個女生，很難啖啖肉，會膩兼會想健康一點，叫了個湯同菜。啫啫通菜煲($88)石窩保溫力特強，上桌仲喳喳聲，熱辣辣鑊氣爆燈，很難不好吃，但CP值不高，份量不大成本極低，叫蔬菜類還是建議西蘭花帶子鮮魷之類。-胡椒豬肚粉腸湯($98)奶白色的湯，好大一窩，5個人也喝不完，一撈好多料，咸菜胡椒味重，略咸。-整體很地道很港式，台灣朋友很喜歡，他說很像台灣的熱炒店，但我們的比較乾身，不會下很多汁/醬

深水埗好多地區美食，萬發海鮮飯店就係其中一間。餐廳位於深水埗地鐵站附近，方便食客。薯仔牛柳粒一直係萬發既招牌菜，基本上每一張台都會有一碟。佢既薯仔好似有一層焦糖包住咁，食落既甜甜地又香口，啲牛柳粒亦有基本水準，唔會煮到硬哂，成碟都少少甜甜地，好快就送哂碗飯。另外我地都要左隻風沙雞，但隻雞就冇乜特別。

朋友提議到萬發食晚飯，極力推介黑椒薯仔牛柳粒，我心想會有咩咁特別，去親大排檔都有呢樣餸架啦。招牌菜，確實係幾好食。色香味俱全，主角絕對係薯仔粒，外皮炸過勁香脆，仲要撈左少少蜜糖，甜味同黑椒味交織都幾惹味。牛柳粒份量都十分多，肉質嫩滑，誠意之作，有驚喜！黃金鮮魷外層炸得香脆，熱辣辣，入面軟得像入口即溶，配埋勁多咸蛋黃，十分可口美味！配啤酒一流！辣酒煮花螺辣酒煮惹味非常,，湯汁有淡淡的酒香加上辣醬的辛辣，配上爽脆的螺肉，花螺既鮮甜又爽口，一隻接一隻簡直停不了，花螺比我想像中大隻，雖然價錢比較貴，但值得呀！

For all the foreigners, to get a good experience of very local HK dining experience. this is one of the many places to come. Beef and potato: Signature dish,  crispy potatoes on the outside, fluffy in the inside. Sweet savory glaze over the potatoes and super tender meat.Claypot eggplant and pork: Delicious Three egg vegetable dish: Delicious, maybe a bit salty However I believe msg was used because I felt quite thirsty afterwardsThe waiters realised I wasn't local and they really put in effort

萬發既皇牌薯仔牛柳粒，香脆野味兩個人食一碟已經KO了胃所以人小小二餸一湯最開心因為已經食過好幾次，放最近食過既相啦胡椒粉腸湯:足料暖胃!薑蔥魚皮:大大片,爽!椒鹽9肚魚:外脆內滑!保留水份係裹面蔥絲豉汁吊桶:好好食味影相已經開動!吊桶完全唔un,好脆滑蔥桶蠔煲:愛蠔必食,半隻手掌size,新鮮味蔬菜海鮮粉絲湯:多料,鍾情蔬菜不妨一試

應約朋友既飯局，所以都無特登上網搵間餐廳食咩！坐程都由朋友話事落order，一行十人叫左9款菜：鐵板德國鹹豬手、風沙雞、滷水拼盤、黑椒薯仔牛柳粒、啫啫通菜煲、椒鹽鮮魷、蟹肉海皇羹、南乳骨、豉椒炒蜆！不得不提既一定係黑椒薯仔牛柳粒！！！我能形容薯仔既味道只有好似m記shake shake粉既薯條甘，超！級！好！味！（好似搶左牛柳粒風頭😂）無懼熱氣，食左超級多舊🤤🤤🤤🤤 我地只係叫左中size都已經好大碟（朋友同我講佢平時同朋友黎食係叫加大size）所以黎食一定要試下！

相約咗一啲好少見既同學仔出黎食飯好耐先見一次真係咁今次我地唔係去打邊爐啦我地就想揀間大排檔食 所以揀咗深水步 呢間萬發黎食啦門口係咁既 唔難搵餐牌叫咗個通菜先炒得唔錯 幾入味幾甜同埋幾爽添架仲人其實未齊但由於朋友太餓所以已經叫咗呢嘢黎食啦呢個椒鹽鮮魷黎好脆 炸到金黃色咁脆口開胃 我地當咗佢係小食咁食跟住有個芋頭鴨煲我對芋頭麻麻但呢個煲都唔多受歡迎 朋友間都冇乜點食呢個甜甜酸酸咁送飯一流 一碟好多殼冇乜肉既蜆我覺得好一般般辣味比較重但殼多過肉唔太掂呢碟仲叫咗碟乳鴿但我唔記得不過不失既一餐

大家好耐也未試過大排檔風味，所以就安排在大排檔集中地深水埗食，其中有屋企人吃過萬發海鮮飯店內的黑椒薯仔牛柳粒念念不忙，於是就選擇萬發海鮮飯店。店內充滿舊店的歲月痕跡，座位都是背貼背，但大家也早已預計，所以並無損雅致。這裏招牌菜式黑椒薯仔牛柳粒，牛柳粒軟淋，薯仔粒外面脆卜卜，蜜糖味恰到好處。即燒乳豬例牌，片脆內嫩，但略嫌有少許豬騷味。椒鹽鮮魷，鮮魷不會過火，蒜香味十足。本打算叫啫啫通菜煲，但剛巧當天沒有通菜，就初嘗油麥菜，啫啫配上油麥菜，都好配合。魚香茄子煲，略嫌油膩及無鹹魚味。薑怱生蠔煲，生蠔肥美。風沙雞半隻，蒜香味十足，片脆肉嫩。生炆頭腩，賣相不太好，魚有太多骨，反而配菜豆腐，腩肉非常入味。

兩個人食飯，只叫了兩個送。見到人人都點黑椒薯仔牛柳粒！我都五si底，立即order真係好好味！！雖然碟野叫黑椒薯仔牛柳粒，但我又五係好食到黑椒味！薯仔痴滿哂好多蜜糖好香好正！相反，牛柳粒就失色了，吃不到牛味，而且偏咸，所以碟菜薯仔先係主角，雖然賣108元有d貴，但下次都會嗌。另外叫了一碟富乳抄通菜，無咩特別

與朋友一行十人到深水埗萬發聚餐，由於我們於前一天已book位，因此一去到就可就坐。以大排檔來說，個人認為此店衛生環境算是不錯，令客人可以舒適地暢聚。食物方面，我們一共叫了九款小菜，其中，我認為黑椒薯仔牛柳粒及南乳骨最為出色。☝🏻黑椒薯仔牛柳粒這大概是此店最出色的菜色了吧，薯仔外脆內軟，味道像烤過一樣，而牛柳粒亦鬆軟綿密，令人不禁一吃再吃，停不了口☝🏻南乳骨原本對叫南乳骨沒有太大的感覺，但試過之後，發現這道菜平凡得很特別。它的外表平凡，但口感又脆又軟，味道不太鹹，亦有濃濃的南乳味，令人驚喜至於其他的菜色，雖然不太特出，但味道也不俗👍🏻整體而言，萬發是個食晚餐不錯的選擇。

一同5人打算去食，親自去同佢拎位5個，睇住佢寫低，佢話下一張有，等左半個鐘，叫左好多張枱，諗住你多book枱既等多你一陣，點知等左差不多45分鐘，忍唔住問佢，張枱如何？佢話貴姓，我指住佢塊板，指住你劃左個個，佢話我叫左好多次，過左，我話，我一直企係你隔離，你無叫過我，佢話等一陣，下張啦。最後等左一個鐘。失望的態度。