萬發海鮮菜館

Open Now

Now Closed

嗰日上網見到有人介紹呢間嘅黑椒薯仔牛柳粒， 我本人非常之鍾意食薯仔所以好有興趣。 嗰日同女朋友一齊去食， 叫咗三個餸分別係， 椒鹽九肚魚， 魚香茄子煲， 同埋主菜嘅黑椒薯仔牛柳粒， 仲有兩碗飯。 上菜都幾快，但係一上菜就知道出事啦， 因為三個餸嘅份量都好多 兩個人一定食唔曬。 但係點都要試曬三個餸， 先講個椒鹽九肚魚，正常水平，唔算好特別，但係都好食。再講個魚香茄子煲， 用煲仔上令到d茄子有煲仔嘅香味，都幾好食。 最後係黑椒薯仔牛柳粒， 薯仔有稍微炸過，外脆內軟，牛柳粒非常嫩滑多汁， 之後再用蜜糖炒過，成個餸非常好食。 最後我同我女朋友 就食曬椒鹽九肚魚同埋啲黑椒薯仔牛柳粒， 將啲魚香茄子打包拎走。 非常滿足嘅一餐。

係咪平唔敢講，$70至$80一個餸好多出面都係呢個價，太旺場唔好諗有咩特別好招呼，諗好晒食咩先叫阿姐落單$1165埋單，9個人食飯，即係$130/人啦，本來可以$100/人左右，就係阿姐不停話薯仔牛柳粒人多唔夠食，加大左收$328，例牌$108，仲食唔晒打包兩盒，真係有嬲到呢總括黎講食物係唔錯，大排檔唔好問環境，乾淨夠闊落啦1，黑椒薯仔牛柳粒 (皇牌必食)2，椒鹽豆腐 (外脆內軟)3，南乳粗齋 (素食必選)4，芝士西蘭花 (夠芝士味)5，金銀蛋浸菠菜6，椒鹽鮮魷 (呢個最唔好食，老過我咯)7，南乳骨 (味唔錯，但細粒及炸過左火，太乾下)8，紅蔥油撈起雞 (必食之一)9， 豉椒炒蜆

今次來到深水埗受歡迎的大牌檔檔大到橫跨對面街幾間舖位都係佢的 算好多位星期五晚都可以walk-in黑椒薯仔牛柳粒 | $108招牌貨之一牛柳粒的確非常嫩 一點都唔鞋亦冇根薯仔粒微炸過 好食不過醬汁有點偏甜 黑椒味欠奉椒鹽九肚魚 | $108九肚魚好嫩滑 但炸粉偏散薄夾起就已經散哂失去脆感椒鹽味不足 味道偏淡·啫啫通菜煲 | $88熱辣辣好惹味 通菜夠爽口豉椒炒蜆 | $88辣味搶了豉椒味 而且蜆有沙 有點失望海蜇手撕雞 | $98海蜇粗大勁爽口 雞肉嫩滑味道幾好但偏油·整體來說食物較為一般 有少少失望

平安夜唔想食西餐俾人据， 就去咗食風味小炒。晚上嘅8點，唔洗點等位就可以入座喇！呢度嘅小炒平均價格都比較貴。平均大約都要一百蚊一碟。主要嚟食晚飯嘅目的都係為咗食黑椒薯仔牛柳粒。黑椒薯仔牛柳粒 $108上碟已聞到超香美極味，而且超大碟。牛柳都有成十多粒。薯仔包裹住層蜜糖，炸得非常通透。牛柳嘅黑椒味好夠，咬落軟稔多汁。唔怪得每桌上面總會有呢碟招牌。椒鹽鮮魷 比出面一般的貴，而且鑊氣唔夠。可惜呢度出名好味的就只有黑椒薯仔牛柳粒。

早幾日同一班朋友食飯，有人提出去深水步萬發，坐得落咁多人又方便交通，算係各人一個中間㸃，決定比多次機會佢，事關食過幾次，水準差咗，可能因為次次都係紅日，六、日嗰啲日子去嘅關係，餸菜好多都係預先整定或者急趕，所以今次閒日去再試一次，一行人十三個，安排咗去對面2樓坐，係第一次坐2樓，而且都有店員服待，唔會叫好耐都唔得閒應你，我地主力海鮮，海班，大隻瀨尿蝦丶聖子扇貝同🦐都蒜蓉蒸，雪裏紅石頭芥蘭、沙拉骨丶西蘭花魷魚丶黃金豆腐同薯仔牛柳粒。除咗個石頭芥蘭外，其他菜式全部2～3份咁上，味道不錯，沒有過咸，夠鮮夠鑊氣，瀨尿蝦好大隻，用椒鹽上都唔嘥，一定識食，薯仔牛柳粒係招牌菜，味道不過咸，比例適中，唔會得幾舊牛柳，條魚蒸得剛剛好，夠滑，海鮮類大多用蒜蓉蒸，夠鮮又好味，無過熟情況，大至上滿意，印証咗閒日食會好D呢個事實，但其實咁樣食都幾貴，差不多＄5800，呢個價錢，貴過去西貢，除非必要，否則不作選擇

紅頭葱撈起雞雞肉煮得太熱過老，好韌，紅頭葱分量不足夠，不太能食出葱的香味，整體以言味道偏淡，只能用另上的薑蓉吊味，而且隻雞一D都唔熱的，最後我地都剩低幾件。 椒鹽鮮魷雖然只係微暖，但仍然保持到脆口感，鮮魷外層粉張好薄，剛剛好包裹住魷魚，香脆又爽口！ 拍蒜豬油渣炒菜心豬油味香，豬油渣配上菜心食落一D都唔肥腻，菜心爽甜又香味十足 黑椒薯仔牛柳粒全晚最受歡迎我地嘅小菜，薯仔外層脆卜卜，應該係用油炸過，仲有層薄薄的蜜汁，令人食完一粒又一粒，欲罷不能，可惜牛柳粒過火左，比較韌，較為遜色 蒜香骨蒜味十足，但溫度只係微溫，所以口感偏硬，溫度影響了口感 整體餸菜溫度只係微暖，甚至係凍的，應該都係預先煮好，等有客落單再上菜，所以大大影響左餸菜的味道，大致餸菜好惹味，配白飯一流!

今日黎深水埗行下，好想食下獲氣小炒。咁上網睇到間好似都唔錯。就同老婆又去搵食。星期一7點鐘鬆D, 尼到都滿晒。好彩都等一陣有位。環境一定唔係好舒適，怕污糟既唔好黎。因為小菜館格局在於食物。餐牌有好多款野揀，樣樣都想叫。老婆忽然話食咕嚕肉、咁叫個啫啫芥蘭同個個都叫既黑椒薯仔牛柳。首先咕嚕肉甜酸味ok,又唔會落好多粉黎炸。都算幾好，係菠蘿小左D😂咁個啫啫芥蘭上檯炸炸聲，好夠熱同野味。如果可以加小小辣味應該仲好味。不過老婆都食唔停口最後係薯仔牛柳！尼個好好食！薯仔皮脆內嫩！又夠入味，同埋牛柳好嫩口唔會「鞋」，感覺食緊据扒牛柳咁！。下次可以再試其他送。因為叫左3個送食唔晒，叫多個飯索性打包聽日做lunch!整體唔錯，可以再食！

今日同朋友一齊黎萬發食飯。我地一共七個人，三女四男。一齊Book好七點半，準時黎到就有台。本身諗住叫6或8樣送，因為7樣意頭唔好。點知最後都係難以取捨任何一樣，叫夠八樣啦 ！我地亦都諗好一定要有兩個蔬菜。最後叫左 黑椒牛柳粒，皮芭豆腐，椒鹽魷魚，金銀覓菜，芝士西蘭花，鹵水拼盤，風沙雞半隻，海蜇手撕雞同埋五個白飯 （$12一個）黑椒牛柳粒 - 好食，黑椒令到成個味幾重下，但牛軟身，薯仔皮脆皮芭豆腐 - 普通（個人口味問題）椒鹽魷魚 - 對我而言un左少少金銀覓菜 - 好食 （個人口味，對覓菜偏好，菜比較林身）芝士西蘭花 - 驚喜，因為少見，但就有D滯，但係係好食既鹵水拼盤 - 一般 （個人口味，對鹵水無愛）風沙雞 - 正，雞好滑海蜇手撕雞 - 一般，個人認為係出面都食到既手撕雞食左半個鐘D男人就停手，實在太過份最後都清哂，但就好飽。如果想食糖水就建議人頭-1樣野/唔叫白飯喇 ～而因為佢比左大台我地，距離較遠，環境嘈，都唔太傾到計。

早排同個老友係深水埗搵野食，經過呢間大排檔。就入去叫幾味試下啦，叫左通菜抄牛肉，椒鹽豬扒結生抄骨，抄得有鍋氣，豬扒同生抄骨太多粉，通菜或可以。大排檔環境預左咁會好，食物尚算乾淨。

收工黎6點幾左右 唔洗等位不過都坐滿8成客人 上菜時間快得誇張！！落單唔洗10分鐘已經上曬4樣餸，黑椒薯仔牛柳粒 賣相堆得好吸引！約2-3人份量我覺得應該叫蜜椒薯仔牛柳粒因為蜜糖味比黑椒更重薯仔炸過黎 外脆內軟 加埋蜜糖炒牛柳粒厚實 軟淋入味🤤一啲都唔韌好惹味 餸飯一流係暫時係出面食到最好味既薯仔啊個底仲有好多蜜糖 極邪惡我會為咗呢個餸回頭豉椒炒蜆 炒蜆係 呢大排檔必嗌既！但黎到個下已經失望咗因為蜆殼大但幾乎10隻蜆得4隻有蜆肉而且味道都過鹹⋯萬發既炒蜆比我係其他地方食既更加少得誇張同貴金銀蛋萈菜一直都好鍾意呢個菜！呢到既份量好多而且菜唔老好新鮮 加埋皮蛋鹹蛋無得輸啊八珍豆腐煲 有豬潤、魷魚、蝦、豆腐、娃娃菜蝦同魷魚都勁新鮮 爽口彈牙但各樣得兩舊味道同豆腐比較普通一般，可以唔嗌！

📍深水埗 萬發海鮮飯店我地叫左個滷水拼盤，半隻風沙雞，黑椒薯仔牛柳粒同金銀蛋白通菜🖖🏾全部‼️每一碟‼️都好好味‼️滷水拼盤勁大碟，上碟忍唔住嘩左聲😜 好入味，正！ 風沙雞皮好香脆，肉質滑，點埋椒鹽食好好味！重點‼️招牌菜‼️黑椒薯仔牛柳粒🥔🐄勁惹味!薯仔皮脆內軟，好濃既蜜糖同黑椒味，甜得黎又惹味🤤牛柳粒食落口真係即刻講番句: 好好味呀😭 入味之餘一啲都唔韌，仲好juicy添!！一句講哂 大滿足呀‼️‼️‼️

有朋至遠方來以食會會港味：大排檔不講究刀工同賣相原汁原味，食材新鮮小炒啤酒🍻越爛越舊越有香港特色燒鵝/紅燒乳鴿/風沙雞黑椒薯仔牛柳粒小炒王避風塘炒蟹油鹽水浸大花甲👍

大學時期最愛黎食既飯堂，佢既薯仔牛柳粒一直都係吸引我既地方。呢個地方依舊好多人等位，可惜味道同份量真係小左好多，味道也遜色左。 經典不再經典，牛柳鞋口，蜜汁味不夠，薯仔不脆。 小炒王 咸得黎 鑊氣唔夠生炒骨全是肥肉，真心好小叫碗白飯 我會只食飯 個飯熱氣騰騰 係全晚最好食既。 阿姐佢落錯單 然後結果係我地被阿姐塞 食餐飯都要俾氣人受 真心態度差 食物水準下降 好小食人唔好 但真心對佢好失望。 見到佢地將菜、食材放後巷放地下，不禁都掩面離開。

想吃大排擋風味食物，可選擇菜館又真的不多。 有時想吃得地道一些，大家放下身段大啖大啖吃喝，萬發真的最佳選擇。 白灼蝦(意想不到的大隻，又新鮮味美)椒鹽鮮魷(炸得太耐過咗火，令到鮮魷有點乾硬。)薯仔牛柳粒(仍然是皇牌菜式，薯仔外層炸得脆，也炒得夠火喉，味道也調得好，超美味。)魚香茄子(可能其他餸也十分美味，顯得這餸一般，味道也較淡。)蝦子柚皮(工夫菜式，工序較多，但味道不算突出，蝦子略少。)蒜茸豆苗(豆苗好難炒得香，但這菜館就可以炒到它又香又美味。)

想地方乾淨啲，又想食到大排檔嘅風味，嚟呢到就啱哂啦~我次次嚟呢到，都必點呢個薯仔牛柳粒，真係好好味架~佢個薯仔係炸過黎既，加左蜜糖黎炒，所以keep到口感脆得嚟又好香口!黑椒牛柳粒又厚又冧 又juicy， 撈埋啲蜜糖薯仔，甜甜地超惹味~其他小菜都唔錯既，酥炸小棠菜幾得意，中間夾住左啲魚肉入餡，口感非常鬆脆!炸魷魚好香口，而且好夠脆，完全滿足到食炸野既欲望!個風沙雞既肉質都夠滑既，配埋啲香料，覺得好似黑白配咁夾😂