萬發海鮮菜館

Open Now

Now Closed

家人一行10人黎晚餐。哩間大排檔好岀名，好多人食。我哋平時食開大角咀嗰間，最近發現深水埗都有，由於交通方便啲，就黎試下。好彩有定位，家人先攞位，我哋後到，餐廳外面已經人山人海。食物係好食——夠熱夠即煮，我家嘅老人家都好滿意。但人手唔係好夠，上菜慢，店員係唔想幫手，迴避我哋嘅眼神🙈由於味道差不多，我諗我哋下次應該去返大角咀。我哋10個人，叫左8個餸同4個飯。最有驚喜嘅係:「酥炸小塘菜」$98酥皮嘅入面係墨魚膠、紫菜、小塘菜。墨魚膠夠彈牙，仲配埋酸甜醬，實在值得推👍🏽其他食物包括：椒鹽九肚魚$108炸粉薄，魚肉十分「林」，一夾就散。入口唔係幻想中嘅脆口，偏濕。（後）生炒骨$98（前）黑椒薯仔牛柳粒$108骨頭同肥肉佔大部分。ok金牌風沙雞（一只）$248家人好鍾意！夠熱，雞皮脆口。佢係第一樣上枱嘅餸，老人家少有地清得快。（上）梅菜扣肉煲$98（下）潮式炸豆腐$78扣肉有平時小有嘅麵豉味。肉嘅分佈好闊，有好肥、有好瘦同半肥瘦，適合有唔同喜好嘅屋企人。海味雜菜煲$88

椒鹽九肚魚因為我冇食到就講唔到味道啦～但係見到咬開果陣有煙噴出黎，係即叫即炸既；見到粉都唔算太厚，加上每台都必嗌椒鹽xxx，所以唔伏，可以一試。栗子雞煲雞既份量較其他餐廳多，而且唔會係得骨冇肉，算有良心。雞就一定係冰鮮雞嫁啦，雖然肉質較淋，但冇雪藏味都收貨啦。栗子份量亦多，夠粉但唔夠甜，如果增加煲既時間，栗子會更入味同更粉。味道方面，唔送飯食會鹹，少油，不過食哩種餐館就預左嫁啦。黑椒薯仔牛柳粒每台必嗌item!薯仔炸既時間啱啱好，外脆內粉。炸後表面沾上蜜糖，鹹得黎帶點甜味，好食！牛柳粒切得大細適中，一粒一啖；質地軟淋又不失口感，牛味就唔算太突出。Btw，最好趁熱食呀，攤凍左牛柳粒會變韌嫁～荔芋油鴨煲芋頭好粉！好好食！加左椰汁去煮，細粒既芋頭煲成芋蓉，個汁好綿好滑，淋上白飯到撈黎食，無論味道定口感都一流，好快就ko一碗飯><哩個煲既甜味同油鴨既鹹香味配合得幾好，可以和平相處，唔會互搶風頭。油鴨數量唔算多，但起左帶出鹹香既作用，功不可沒。哩道餸係一股清泉，冇其他餸菜咁油同咁鹹整體而言，餸菜份量較足，唔會冇啖好食；有鑊氣，惹味；但較重口味同偏油膩。水準中上，不過就冇第一次食果

🇭🇰#香港捐窿捐罅記 好多人都中意去大牌檔食 因為有鑊氣 同自由自在 可以做番自己 但大家又知唔知大牌檔點解叫大牌檔 係50,60年代 政府見到香港經濟唔好 所以發d牌出去 等大家可以搞下食店 刺激下經濟🙂 而政府發果個牌 比一般食店既牌大 所以就叫大牌檔啦🙂 現今香港大牌檔主要係中環同深水埗 之後幾年前 政府又玩一牌兩制 只係比中環既大牌檔傳比下一代 深水埗或其他地方既大排檔就唔比所以少一間 就冇一間架啦 大家想珍惜機會去食 同去感受一下 香港舊時代既風味☺️而今日食既萬發 聽講係薯仔牛枊粒 既始創者 亦都係做得最好既一間 就睇下係咪實至名歸先🙂-🦖黑椒薯仔牛枊粒🦖（$108）薯仔正過牛柳 薯仔因為番炸過 所以外皮超脆但薯仔入面就淋淋地 口感好正 而且因為有落蜜糖炒過 所以甜甜地 食極都唔會悶 牛柳粒切到一口大細 牛肉味唔重 但係黑椒味夠所以都唔會冇味 而且咬開入面仲係紅色 唔係全熟👍 好淋好軟撈飯一流而且因為我地係佢地既第一個客人 而且係包場 所以可能炒得特別有心機同多牛枊 因為比較上人地果d 好似比較大份量😂 黑椒薯仔牛枊粒係必叫 因為一定唔會失望🙂好正🐟椒鹽九肚魚🐟（$108）之

You can't imagine you have to serve yourself in a restaurant, even opening the tableWe are waiting for a table outsides the shop, and the waiter asked us to open the table ourself in the other sides of the road. After heard of that, every waiting for the table went to another sides immediately. LolThe appetites is animal organs and quite nice, so soft and yummy. I normally not really like the animal organs, but this is so good wo, haaa, though the dish is relatively more expensive than other Dai

✏️黑椒薯仔牛柳粒 ($108)相信講起薯仔牛柳粒 應該有超級多人都會即刻諗起深水埗呢間萬發🤪全部人去親食嘅 一定係會影呢個牛柳粒打卡😂😂好多人都認為佢嘅薯仔身為配角 係比牛柳粒做得更出色 因為係好香口 而且有好強烈嘅黑椒牛肉味😆不過我自己覺得牛柳粒都真係做得好出色下 味道好濃之餘 而且每粒肉質都係好軟稔 唔會un!配白飯簡直係一流啊🍚但係我覺得今次去就冇以往炒得咁有鑊氣 雖然都係好好食嘅😛配埋支大啤簡直係完美😇😇

初七人日，約咗成班friends 出黎，點知諗極都諗吾到去邊度gathering....... 點知有條友suggest 話去深水步 有間叫做萬發既類似大排擋既野 佢個friend 話 D食物好好味 必叫係牛柳薯仔粒!!!!老實講 個location 黎MTR 有D遠 同埋有D難搵...... 不過佢分咗 吸煙區 同 非吸煙區 呢樣嘢抵讚👍🏼👍🏼👍🏼 D 侍應粗老咗少少就真既 咪當佢本土特色lol 🙊🙊🙊 食物方面，真係吾錯，尤其個牛柳薯仔粒，D薯仔粒係crispy 嫁，仲好味過D牛柳粒😍😍😍

打算去長沙灣行花市，所以係深水埗簡間食店再行過去，都好近。聽左好多朋友推仲萬發的黑椒薯仔牛柳粒，今次一定試下呢碟，仲叫左椒鹽鮮魷， 炒豆苗同埋西檸雞。牛柳粒果然冇失望！好入味！薯仔都有好味，而且薯仔既角都脆脆地，不過牛柳粒份量有d少。豆苗用蒜頭炒，好香！西檸雞就麻麻地，較厚粉。店員態度一般般，但勝左食物水準高，應該都會再來。

#LuBie深水埗#LuBie港式🐂黑椒薯仔牛柳粒 （🤤7.5/10）呢碟餸菜應該係呢間鋪頭嘅一道熱門菜式，雖然炒出嚟嘅賣相唔太好睇，但係食落都唔錯嘅。牛柳粒切到一口size 肉質淋滑 肉味偏淡，不過黑椒就重手左少少 令到碟餸都偏咸。薯仔比起牛柳粒黎得好食，薯仔炒到甜甜地 有少少起粉 好好食。🔽🥗啫啫通菜煲（🤤8/10）呢個通菜煲非常惹味，果啲啫啫煮法既調味配料落得好夠，令到個煲既醬汁都好香濃。通菜煮既時間控制得幾好 唔會淋晒 咬落仲係脆既。📍萬發海鮮飯店📍深水埗九江街150-152號地下#hkig#hkfood#foodpics#foodblogger#instafood#foodies#cuisine#foodshare#foodgasm#foodphotography#hkfoodie#foodseekerlu_bie#吃貨#相機食先#美食#香港美食#深水埗美食#食好西#萬發海鮮飯店

很久沒有到過萬發吃飯了，記憶中第一次被萬發吸引，就是那碟薯仔牛柳粒，那時外甥仔年紀輕輕，只有十多歲，一口氣點了兩碟牛柳粒，吃得乾乾淨淨，那個情景，記憶猶新。今天過來就是帶姪仔過來吃，年近歲晚這裡非常熱鬧，預先訂位，也要等上好一陣子才會有位入。打開餐牌，其實來來去去都會點些例牌菜色，所以大家最後等筆者正在拍攝菜單時，已經叫店員點菜，所以由此到終，無需用上菜牌。原因牆壁上已有多種菜色相片，以供參考。每張大枱例必點了一式一樣的薯仔牛柳粒。金牌風沙雞$248~皮夠脆，雞夠滑。蜜汁薯仔牛柳粒$108~牛柳粒只得五粒，幸好薯仔甜甜脆脆，好好味。豉椒花甲皇~花甲皇啖啖肉，但未知幾錢，睇曬成個餐牌，只有豉椒炒蜆，沒有花甲皇的價錢，但冇所謂啦！大家食得開心便足夠。啫啫通菜煲$88~蒜香骨$88~夠乾身，唔油膩，呀嫂大愛。椒鹽海中蝦$148~難道唔夠新鮮，肉質鬆散。椒鹽九肚魚$108~炸得軟身，水流流！這裡原來是收開瓶費的，$30/一支。整體來說:萬發沒有從前的好吃，不過未知是否年近歲晚，太多客而失水準吧！

Wa 去到已經人山人海!!好彩一早就打左去....... 有得book位~~~ (其實以為無得book~)點知 去到都係照排~大枱full曬幾個人好快有得坐但人多真係要等!!大枱都係book下先都叫快過其他無book左嘅人比枱你!!!我地一行8個人已經叫左8個菜但個姐姐問薯仔粒要大定細唔知邊個叫左大於是....可怕既事來了...真係好大啊!!!!!!!!!!!!!!!!!!!!!!!!!!無睇價錢 原來大要$328 比啦甘多都make sense 番~薯仔有炸過 外脆內軟 有用蜜糖炒過牛柳粒都好多汁 成個餸又真係傳說中甘好食喎!不過 叫左好多野 最後食5曬 都係要打包拎走~椒鹽九肚魚 $108 無咩好特別~不過肉質好滑滑的~~~都係好好食!其實抵食 我又唔多覺 好睇人數~因為佢價錢算定得高~不過多人食既 就真係抵食!主要都係為左薯仔粒!但整體真係唔錯~

今次都系第一次係openrice寫食評，完全因為忍唔住要爆一下：今日本身興致勃勃同屋企人慕名而來捻住食餐團年飯，黎之前係網上面見到評價都唔錯，點知7:30去到等位，捻住問個吖姐攞飛，（負責收錢同安排位，唔知系咪事頭婆），居然同我講冇飛俾，叫我係出邊等，跟住見距係一有位就係門口大叫幾位就可以入去，完全冇排隊冇分先後，明明有幾條友遲過我黎，跟住距叫位果陣距地比較靠近，就俾距地入去先😤，簡直亂到錄x甘，等左半個鐘終於有位，坐低之後叫寫嘢冇人理，我專登去門口叫果個“事頭婆”跟住同我講等陣啦，好…跟住等左5分鐘都冇黎寫單，最終叫左一個上菜嘅吖哥幫手寫🙁……終於上菜，上左個咕嚕肉，味道過得去，跟住見到個“事頭婆”啱啱行過捻住叫距幫手攞幾個白飯，點知直行直過，當聽唔到😠，跟住我索性行出門口同距講要白飯（因為距分左幾個鋪位做，而我坐果間本店只系得距自己一個人睇場，所以有事都唯有搵距）然而，距居然同我講：我一個人搞唔切甘多咖，你叫果D上菜嘅幫你攞啦……好，我體諒你多嘢做，唔同你計較，跟住繼續上左幾個菜：蠔餅，薑蔥魚腩煲，金銀蛋時菜，只有個魚腩煲叫做過得去，其他都麻麻，然後食到D餸差唔多冇果陣，我點果個招

好耐無黎萬發了，今日黎探朋友，見時間啱食個早飯，6點鐘去到可以直入，平時7點後基本上有排等。入正題，黎到每次都一定會叫黑椒牛柳薯仔粒。薯仔粒有蜜糖包住仲炸到脆一脆，牛柳就又冧又香有小朋友所以要點返個清少少嘅雜菜煲。超大煲，好抵食，唯一係佢落咗少少南乳，我個人不太喜歡南乳，所以扣咗少少分。最後仲有風沙雞，佢比平時酒樓啲炸子雞好食好多，皮脆肉嫩，又唔乾炸得剛剛好因為我地人太少關係，叫唔到太多餸，再黎一定要大班人黎先可盡興

全靠友人帶路，發現呢間超正大牌檔🤩#風沙雞蒜香味好足，皮脆肉滑🤤#薯仔牛柳粒 果然係必食items!牛柳固然厚，但配料薯仔先係亮點👍🏼#椒鹽白飯魚每次黎大牌檔都會點，超爽口😋#萬發小炒王 夠獲氣，好好味😙#薑蔥撈鮮魚皮 大大片又爽口😚當然仲有啤酒🍻盡興的一個晚上🌙

冬天冷冷 約朋友相聚 食小菜就最適合不過萬發必食一定是 薯仔牛柳粒 每一塊薯仔都炸到金黃色 又有少少脆口牛仔粒上有黑椒 十分香 非常夠味有鑊氣入口甜甜地 牛仔粒唔會太老 加上啤酒🍻 真是最好組合除了牛仔粒 啫啫通菜煲又是十分香食小菜都預佢有少少油但萬發唔會炒到油淋淋 而係岩岩好上來時煲都是熱燙燙比普通炒青菜好食好多為了配啤酒 我還叫了椒鹽鮮魷又是熱燙燙 即炸的 炸得又脆又金黃沾一沾汁 油膩感減半 3個人3個餸 兩支啤酒 夠飽又享受埋單$400 幾 真是不錯不錯

嗰日上網見到有人介紹呢間嘅黑椒薯仔牛柳粒， 我本人非常之鍾意食薯仔所以好有興趣。 嗰日同女朋友一齊去食， 叫咗三個餸分別係， 椒鹽九肚魚， 魚香茄子煲， 同埋主菜嘅黑椒薯仔牛柳粒， 仲有兩碗飯。 上菜都幾快，但係一上菜就知道出事啦， 因為三個餸嘅份量都好多 兩個人一定食唔曬。 但係點都要試曬三個餸， 先講個椒鹽九肚魚，正常水平，唔算好特別，但係都好食。再講個魚香茄子煲， 用煲仔上令到d茄子有煲仔嘅香味，都幾好食。 最後係黑椒薯仔牛柳粒， 薯仔有稍微炸過，外脆內軟，牛柳粒非常嫩滑多汁， 之後再用蜜糖炒過，成個餸非常好食。 最後我同我女朋友 就食曬椒鹽九肚魚同埋啲黑椒薯仔牛柳粒， 將啲魚香茄子打包拎走。 非常滿足嘅一餐。