萬發海鮮菜館

Open Now

Now Closed

朋友提議到萬發食晚飯，極力推介黑椒薯仔牛柳粒，我心想會有咩咁特別，去親大排檔都有呢樣餸架啦。招牌菜，確實係幾好食。色香味俱全，主角絕對係薯仔粒，外皮炸過勁香脆，仲要撈左少少蜜糖，甜味同黑椒味交織都幾惹味。牛柳粒份量都十分多，肉質嫩滑，誠意之作，有驚喜！黃金鮮魷外層炸得香脆，熱辣辣，入面軟得像入口即溶，配埋勁多咸蛋黃，十分可口美味！配啤酒一流！辣酒煮花螺辣酒煮惹味非常,，湯汁有淡淡的酒香加上辣醬的辛辣，配上爽脆的螺肉，花螺既鮮甜又爽口，一隻接一隻簡直停不了，花螺比我想像中大隻，雖然價錢比較貴，但值得呀！