福禧中越美食 (Closed)

六點半見肚餓了, 就旁邊見到呢間越南嘢, 未食過就試試佢~懶得諗, 兩個人就直接叫咗個二人餐~串燒牛肉 & 串燒豬肉啱啱燒出嚟咁款, 熱呼呼~都幾好味, 唔係好乾, 不過個汁就有甜咗啲~馬拉盞通菜正常偏鹹黃金蝦唔夠"黃金", 鹹蛋黃唔多夠.. 炸得都唔得太夠, 如果唔係可以食埋蝦殼呢個飯就真係油得濟啦...係幾抵食既, 但就唔係特別好味~ 一試無妨既~

之前寫食評搵唔到呢間野,搞搞下放棄左, 今日無意間搵到...找番d相出黎寫番無記錯應該係下午茶時段, 張相個時間係111003_1723, 五點幾影既.叫左碗生牛河唔係咁呀馬....點食呀...阿姐話: 下午茶時段係呢d架.....跟住佢自己滴汗, 對峙左幾秒...佢話: 幫你換丫.嘩, 唔該晒. 如果下午茶係咁, 咁不如唔好做啦

周六有朋友生日，相約在尖東唱K開party，未唱先醫醫肚餓，試了這間福禧﹗地點在厚福街，記憶中曾路過不少次，裝修極簡單，茶記格局，以做外賣為主，待應阿姐接外賣電話不絕。試了二人餐$118，包小食一碟，兩個粉及兩杯飲品。點了越式鳳爪、兩個凍檬粉配香茅雞翼、豬扒及雞絲，再加多兩杯咸檸七。食家至愛的食物其一是鳳爪，大碟，夠辣入味，可再酸一點但已很滿意，真不明白而家訪間食店，叫碟鳳爪三十幾蚊得四五隻，呢度就抵食，$30有成十隻，正﹗兩個凍檬份量極大，滿滿的，雞翼有四隻，豬扒亦有兩塊，這兒的香茅做得好，醃得夠味，肉質鬆化，很不錯﹗每人$60在厚福街吃得飽飽，很滿意呢﹗在Facebook與友人分享，原來不少在尖咀上班的老友記都成日午餐來幫趁，值得再試﹗

雖然鋪頭仔係細d, 環保唔太好, 服務都普通, 不過以咁既平民價食一碗大碟夾抵食又要好味既店來講, 平心而論, 我唔會要求好高...以咁既質數, 我絕對比5星佢!!!當然再進步當然仲好啦~ 我既最愛手撕雞凍檬朋友既豬頸肉湯檬講真碗碗咁大碗, 一d 都無話咁平比少d 你, 絕對以23蚊價錢比四十幾蚊貨比你啦~出面食一碗閒閒地都四十幾蚊落樓, 加埋一果d...自己計番, 其實呢間野真係要多d 支持!!希望佢可以keep 住咁既平民價, 有時OL仔糧尾就係靠晒佢架啦~ haha

Ate this before, food is just so so.. but the service is very poor. esp. the delivery service is extremely poor. they usually sent to the wrong place, no matter how many times you remind them, 'n always dun mark the price on receipt, the delivery staff will ask you how much money??? 'n then they ask to use your cell phone to call back to ask how much money!!!! so..WTH.. so poor.. 40mins at least for waiting.just kindly remind you guys be very careful to this 福禧中越美食. GOD BLESS YOU

是夜差唔多11:00 p.m. 先開飯~~order 了2 人餐....選擇咗.....- 薄荷檸檬梳打 & 檸檬梳打 冇味- 大頭蝦膏札肉炒飯 feel 唔到"大頭蝦膏" , but 味道ok..!! 我鍾意- 蒜蓉牛油雞翼 好入味....好香..!! 正 - 咸魚炒芥蘭 成碟都搵唔到一塊葉喎~~ 如果剩係 like 食菜葉的話, 就千祈唔好 order 喇....

平時食手撕雞, 今次都係食雞, 不過係香茅雞~是日午餐:- 香茅雞翼湯檬 + 熱檸茶雞翼大大隻, 好入味, 好好味~得三隻唔夠喉囉...食過咁多次, 都係檬粉最夾味.加多杯飲品, 無論冷熱都係加一蚊咋!其實點解出面凍飲就要加多幾蚊呢?咪就加多幾粒冰0者....如果唔加價, 我都會繼續幫襯架

3月7日, 同呀比去開尖沙咀, 又黎到呢條有食街之稱嘅厚福街搵食~ 我地N年之前都黎過呢間越南野開餐架喇, 今日再訪, 環境裝修依舊, 價錢都仲好平~::: (下午茶) 烤牛肉撈檬 + 凍華田 ::: $25烤牛肉份量相當多~ 配料除咗平時都會見嘅生菜絲、蘿蔔絲、蔥粒之外, 仲有少見嘅芽菜! 芽菜令整個檬粉口感更清爽~ 而d檬粉本身亦唔錯, 無一舊舊野痴埋咁~牛肉雖然較薄切同碎身, 但烤得夠香同埋冶味~ 都唔錯!凍華田濃度恰到好處, 亦有奶味~ 不錯!::: (下午茶) 咖哩豬扒湯河 + 凍檸茶 ::: $26咖哩味十足, 完全唔係馬馬虎虎嗰d咖哩粉, 仲好香添! 豬扒有兩大件, 雖然浸咗湯, 但係都食到香茅味, 肉質都唔錯~ 河粉彈牙, 亦都冇一舊舊, 索埋咖哩湯好好味~凍檸茶夠甜又夠凍, 起碼唔會一路飲, d冰一路溶~身處尖沙咀, 想搵d又平又正嘅野食真係好難… 難得呢度咁耐以黎都無乜點加價, 野食味道亦唔錯, 希望佢keep到落去啦!

食過福禧n次, 只係每次映相果日都係食手撕雞, 哈!!!是日午餐:- 手撕雞湯檬又手撕雞, 咁真係好味嘛~其他選擇仲有雞翼, 生牛肉, 香茅牛肉, 香茅豬扒.而扎肉同薰蹄就覺得唔抵, 冇試過.亦試過外賣撈檬, 唔記得俾酸汁, 唔會再試! 熱檸水都係熱檸茶好飲d

厚福街最快靚正, 福禧都算數一數二.無論係落去買外賣又好, 送上黎都好, 都係15分鐘唔洗架.是日午餐:- 手撕雞湯檬>> 第一次食手撕雞, 有醃到冇馬虎.雞肉超多,相對地個面好似少0左d.今次檬粉太碎好難夾, 下次又試下米粉先. 熱檸茶少甜>> 真係有做到少甜喎~~~ 個茶配埋野飲,外賣都只不過係23蚊咋,好抵食!

我地又係一行2個人, 今天叫了1. 咖哩生牛河 $25 - wow 好味不過好辣既湯河, 唔食得辣千萬不要叫. 如果真係想食生牛河既就叫生牛河好了, 因為佢呢個唔係生牛, 已係滑牛河而已.2. 路邊雞 $30 - 個樣衰衰甘, 不過食一口就停唔到口, 上台係熱既, 又唔鞋. 最緊要係有剛剛好既咸味, 配埋佢比既蔥一起食, 好好食. 3. 沙爹豬扒濕炒河 $34 - 最中意佢勁多波羅及芽菜,及最緊要係唔油. 佢向河粉食得出係用熱水煮過才用雞蛋炒, 河粉唔會一舊舊 <- 抵讚. 不過個茨咸左小小, 好在d河粉 一邊食一邊出水所以後來茨汁淡返d. 個人覺得幾好因為好小食到唔油既炒河, 所以可以開懷地食曬一碟.

七月十三日(星期日)本身我地諗住去試下星座架!點解去到..............原來星期日係唔開架!><去金水諗食tea啦!去到5:30!咁就周圍行睇下有咩好食啦!.....去到呢條街好多野選擇!見到有蔡san既相,好啦!就試下啦!!有tea都係廿四-三十蚊到!抵!又有野飲tim!我食左個手撕雞撈檬!幾好食呀!!個撈檬好味!d檬粉主得剛剛好!老公既扎肉撈檬好味d!!d札肉比出面既新鮮好味!!估唔到以呢個價錢有咁好食既凍檬呢!!!

上星期日一行三人入左去食，七點幾八點，冇乜人點左一個二人餐加個雜綿冷盤味道唔錯美味雞: 不過不失，唔算出色 馬拉戔炒通菜: 超超超掂!!雜綿冷盤: 都 ok 睇得出有 d 料係自己整，不過炸雞翼炸得好勁，怕怕炒金邊粉: 幾好唔太乾身飲品: 比一般茶餐廳貨色還要差不過個度好街坊，地方唔係好乾淨

聖誕食過，雞飯好正，雞滑飯香，唔太多骨，算抵食。但其他菜色一般，不難食。環境不太好，室內好大油煙，超逼，食完即走，典型蚊型港式茶餐廳feel。

一枝公响尖咀行，又係揾食時間。本想去doraya，但知太太想去，都係等埋一齊先再去試la....人去到厚福街，見到呢間以前本來開响隔籬小巷嘅越南小店細屋搬大屋。心諗未試過，順步走進....話明中越菜館，故menu上既有生牛河等越式菜，亦有鳳爪排骨飯等中式飯供應....叫個大頭蝦膏海鮮炒檬，加杯凍檸茶，坐低等食...檸茶先到，一飲，茶味全無...等等吓見隔籬枱嗰位阿姐投訴碟春卷唔食得，一望...嘩，有半邊係炸燶咗嘅。如果係我，實馬上離場抗議...心中大叫不妙....炒飯上桌...咦? 乜唔係炒檬咩?即叫佢哋打回頭再煑。有冇攪錯?真正炒檬上枱。一點蝦膏都食唔到嗅唔到。成碟嘢油淋淋，所謂嘅海鮮好似人D餸頭餸尾咁，仲見到有本人最最討厭嘅蟹柳....不知所謂到極....如果可以嘅話，真係想唔俾錢，好似荷包俾人打劫咁....食咗兩啖，擺埋老遠....