福禧中越美食 (Closed)

本來諗住去個間唯一麵家既，但係又遇到未曾食到已執先既情況，咁見呢間平平地咪去囉。我地叫左個８０蚊二人餐，有一碟小食，兩碗兩送河同野飲，真係抵。我地叫左個粉包，就好似腸粉咁，有豬肉、冬菇、同蘿蔔，清清地，冇乜味。兩碗粉就有手撕雞、香茅牛肉、札肉同燻蹄，味道同普通越南河差唔多啦。野飲方面就叫左紅毛丹冰同薄荷七喜，兩杯野既顏色同味道都好artificial。但整體來講都算唔錯，夜到死都咁多人。