福禧中越美食 (Closed)

周六有朋友生日，相約在尖東唱K開party，未唱先醫醫肚餓，試了這間福禧﹗地點在厚福街，記憶中曾路過不少次，裝修極簡單，茶記格局，以做外賣為主，待應阿姐接外賣電話不絕。試了二人餐$118，包小食一碟，兩個粉及兩杯飲品。點了越式鳳爪、兩個凍檬粉配香茅雞翼、豬扒及雞絲，再加多兩杯咸檸七。食家至愛的食物其一是鳳爪，大碟，夠辣入味，可再酸一點但已很滿意，真不明白而家訪間食店，叫碟鳳爪三十幾蚊得四五隻，呢度就抵食，$30有成十隻，正﹗兩個凍檬份量極大，滿滿的，雞翼有四隻，豬扒亦有兩塊，這兒的香茅做得好，醃得夠味，肉質鬆化，很不錯﹗每人$60在厚福街吃得飽飽，很滿意呢﹗在Facebook與友人分享，原來不少在尖咀上班的老友記都成日午餐來幫趁，值得再試﹗