番啅腸粉生滾粉麵 (Closed)

偶然見到大圍有間OPENRICE好多好評既餐廳番啅腸粉生滾粉麵有豬什食比較少見的粉麵本人又鍾意食內臟所以決定一試點了~豬什米線會自動幫客人分湯的咁就唔怕D粉浸到淋晒如果唔食芫茜記得要走青唔係好大陣芫茜味個湯好好味食完米線差不多飲晒個湯豬什份量都可以係略嫌米線份量剛好如果大食DD應該會唔夠飽~涼拌青瓜青瓜個汁都惹味本人好酸如果唔食得太酸唔知會唔會嫌太濃味但整體黎講係好味既 下次可以試埋生滾粥同埋佢有其他小食有機會要試下…Read More

想食清淡啲，冇頭緒之下見到有粥有麵仲有即拉石磨腸，即刻入去試下先！又幾特別喎，仲有炸物、小食，不過今次就試唔到啦～叫左 豬潤石磨腸粉 $23番啅大滿貫河 (豬什、鯪魚球、馬鮫魚丸、一口魚皮餃) $45先黎左個腸粉， 即叫即整，新鮮熱辣辣， 都算滑口。除左豬潤外，仲有芽菜同洋蔥，多一重口感同香味，成件事立體左。鼓油係已淋左上碟，但份量剛好，鼓油微甜。個大滿貫河湯底明顯係自家淆製，又係岩哂可以飲哂成碗既我！兩粒鯪魚球好彈牙多汁，豬什都係新鮮冇腥臭味，有雨粒馬鮫魚丸同一粒一口魚皮餃。佢個辣椒油好香口唔太辣好惹味，好食！…Read More

我係依到常客，依間真係好好食，食材好新鮮，完全唔似普通茶餐廳質素，有啲似酒店中菜級數。當然唔係酒店咁靚，但都好乾淨冷氣夠凍最鍾意食真係佢個馬鮫魚丸，食落去好彈牙，彈下彈下咁，同埋好重魚味得黎又唔腥。個湯底係用菜同豬肉碎煮出黎，好鮮甜，個味好天然，有屋企煮既感覺食左一次之後就成日要黎食，上晒癮，同埋佢好多菜係湯到，唔怕肥又健康。今日朋友就叫左個三寶河-有馬鮫魚丸、牛肉餅同埋魚皮鮫個魚皮鮫都好好食！好大隻，皮厚薄適中，好有味。牛肉餅就一般，但口感都可以。…Read More

一向鐘情潮洲美食又鐘意食腸粉既然兩樣都有當然要試哂鮮蝦腸腸粉皮又厚又爛豉油比得少少加豉油要我自己加枱頭個枝蝦仁好重雪味即蒸腸粉黎講，都算我食過最難食第一名咩都有唔記得名湯底係豬肉碎其他真係難食魚皮餃皮爛馬鮫丸細粒無味牛肉餅非常一般…Read More

呢間小店已經開咗一段時間，終於有機會試，街坊小店， 裝修貼地，價錢親民， 二人點了 小食 石磨 闊佬腸粉， 蒜泥白肉，主食點了: 香茜牛肉河， 兩餸生滾粥(潮汕牛肉餅 ，鯪魚球) ， 樣樣都係即叫即整， 熱辣辣，無味精! 最喜歡翻滾粥， 多薑絲， 粥底好綿，好味! 有驚喜…Read More

位於大圍積信街24號喜悅樓地下A2號舖的番啅腸粉生滾粉麵，主打經濟粉麵。小店的粉麵約三十多元一碗，加配飲品後約四十多元，另外還有兩餸生滾粥的選擇。(這間小店是去年12月份光顧的，價格可能有所調整)豬潤腸粉 $23腸粉的質感十分滑溜，豬潤的質感也不會過老，腸粉裡還有少許爽脆的芽菜。番啅大滿貫 配河粉 $45這款湯粉有：豬什、鯪魚球、馬鮫魚丸、一口魚皮餃，材料相當豐富，盛得滿滿的。河粉的份量十分多，打工一族可以吃飽飽，有力氣繼續工作。番啅三寶 $45這款三寶有：潮汕牛肉餅、馬鮫魚丸、一口魚皮餃，不包含湯粉。三款配料的味道也不錯。個人最愛吃一口魚皮餃，頗為鮮味。凍豆漿 $8豆漿是獨立包裝，相當衛生，豆味頗香濃。…Read More

繼上星期去過大圍覓食後今個星期又再黎啦,今次去左間上次見到好多人排隊既粉麵店,趁平日2點幾呢段無咁多人既時間黎試下先.闊佬腸粉自家即拉石磨腸粉腸米皮好香米漿味得黎拉得夠簿同香滑,咬落帶少少Q彈少少鼓油調味已經好香因為腸粉入面既配料都幾多,蝦米同魷魚乾味香唔腥,內裏仲有少少芽菜同花生粒增加爽脆感.番啅三寶河湯底係生滾湯底,飲落帶淡淡豬肉香得黎胡椒味幾濃但唔會好辣,湯底加左大白菜絲令味道更清甜,仲有少少冬菜調味,飲完亦唔會話好口乾.河粉夠滑同平時食開唔同係多左份彈牙既口感.三寶中既牛肉餅好彈牙牛味好濃,馬鮫魚丸比普通魚旦細粒更彈魚味更濃郁而且唔會腥.魚皮餃細細一口食晒外面魚咬皮煙韌啖啖肉好香.鮮牛肉鯇魚腩生滾粥鯇魚同牛肉都夠新鮮肉質唔霉,粥底既米花開晒夠綿食落米香味夠又吸晒鯇魚同牛肉既鮮味.…Read More

今晚去朋友屋企，樓下就是這間餐廳，番啅番啅，真的吸引到我去試試到底有多好吃！店主是很親民的感覺，主動和客人聊天，還說今天是這店新開張一個月！以前是做酒店餐廳，現在想多嘗試，所以開了這間餐廳。旁邊的客人是一家四口來吃，說這天已經是第三次光顧，真的是番啅餐廳！餐廳餐點主要以粉麵、粥、腸粉、小食為主。都是香港人愛選擇的食物~個人認為更適合早餐來吃！我們就各點一樣試試。1.番啅大滿貫烏冬 $45(轉鳥冬+$5)這碗烏冬是専為有選擇症的人而設，裡面有豬雜、鯪魚肉、馬餃魚丸、一口魚皮餃，十分豐富。和老板聊天，說這裡的魚皮餃是精心創作，皮比較滑，沒有其他的較硬口感。烏冬較薄較煙韌，份量足料👍🏻2.兩餸生滾粥(牛肉、雞) $35這裡的生滾粥都有很多餸選擇，我們加了鮮牛肉和滑雞，味道都夠味，本身已加了一點點胡椒，不夠味可以再加~3.叉燒腸粉(加蛋) $20+5推薦腸粉！腸粉皮滑，內餡夠多，叉燒半肥瘦，不硬，加了蛋更增加蛋香風味！4.涼拌牛展 $25大大塊牛展，很入味不會太辣，加了很多配料所以很香。…Read More

今日去大圍番啅腸粉生滾粉麵食，顧名思義先叫一個闊佬腸粉，入面有蝦米，魷魚乾，豬肉同埋花生，點解個鼻只是合適 簡直一流 蝦米同魷魚缸都好有咬口 而且好有鮮味 有豬肉同花生嘅脆就就更加香 仲叫咗墨魚丸可入邊個湯底 絕對一流 墨魚丸日好大粒好彈牙 同叫咗生滾鯪魚球鯪魚肉真係好先 好有魚味 最後亦都有點兩餸生滾粥叫咗佢哋嘅招牌再潮汕牛肉餅同埋鯇魚腩 捉了好多 每一啖都一定食到牛肉餅或者鯇魚腩，正！如果下次嚟我一定要再encore腸粉系列，同埋試埋佢哋生滾粥系列！…Read More

今日去吃腸粉，這間小店的腸粉和食物都頗有鄉土特色，例如有潮汕牛肉餅和鶴佬肉丸等等。香港本身是一個移民城市，各方的人士都在此聚腳安居樂業，而香港人習以為常，更為自身的包容接納而驕傲。孤身一人，所以挑了一個近窗的單人位，望出去，美極。這就是我所熟悉的香港，團結又低調，彷如一幅畫。腸粉和粥是筆者兒時常吃的食物，所以有一份莫名的温暖。兒時或許不太喜歡，但長大了，就時時想回味一下。點了闊佬腸粉和鶴佬肉丸滑雞生滾粥。都要等一會兒才有得吃，周圍都坐着街坊和學生，但又不算太嘈雜。生滚粥是熱燙得辣嘴的，不算很大碗，但很有特色。鶴佬肉丸是由猪肉和馬鮫魚肉打成，彈牙好味。每一粒的形狀和大小都有差異，正正體驗出手工製造的矜貴。滑雞煮得剛熟，保留肉汁又不會嚡口。最特別的是粥底，加了肉碎和冬菜一起煮，甚有風味。闊佬腸粉不是平時粥鋪賣的那種，是近月興起的皺皮腸粉。比較薄亦有皺折，所以會吸收較多豉油。店家强調石磨腸粉，的確有米香，口感亦軟滑，但應該不是布拉而成的，兩者各有特色。腸粉用料都真係闊佬，用料很充足，有猪肉，魷魚，蝦米，花生，芽菜，感覺新鮮，味道也很不錯。店主取店名為番啅，是對小店作出良好的祝願。香港人實是求是，只要你願意跟我們同行，忠於自己的品質和品格，顧客一定會重臨。…Read More

好味既腸粉可以話係買少見少今日就黎到呢間新開既睇下佢咩料各款腸粉同粉麵都有仲有唔同小食價錢都相宜點左個番啅三寶河、淨香菇貢丸、鮮蝦腸粉、凍檸茶同凍豆漿番啅三寶河非常之豐富有潮汕牛肉餅、馬鮫魚丸、一口魚皮餃潮汕牛肉餅唔係平時茶樓食果Ｄ牛肉球，有少少似餅形牛丸咁，牛味好香濃馬鮫魚丸爽口彈牙，一口魚皮餃鮮味十足河粉係幼河粉黎，好滑溜，而且份量夠多，唔係太大食既兩個人食都夠淨香菇貢丸大大碗有好多粒，咬落口好彈牙仲會有Ｄ肉汁必出黎，好香豬肉味同冬菇，鮮蝦腸粉係依家好少見既巢皮腸粉令佢可以索晒Ｄ豉油而且手拉腸粉好香滑，蝦都幾彈牙凍豆漿豆味都唔錯…Read More

去到大圍又唔一定要食大排檔既，呢間既特式小店都係一個唔錯既選擇😇門口已經貼哂唔同菜式既相，一目了然，見到有個潮汕牛肉餅，幾新奇咁，價錢又唔貴，就入左去試😜首先叫左個番啅三寶河($45)，入面除左有潮汕牛肉餅，仲有馬鮫魚丸、一口魚皮餃，係我既心水野～牛肉餅真係幾爽口! 同埋肉味好出，馬鮫魚丸就比魚蛋更加彈牙👍🏻之後再叫左個XO香茜牛肉麵($35)，呢個名一聽落以為會有好多香茜，好彩都係好似配菜咁，而且XO醬味都幾出，食到好多XO醬入面既蝦米🤪 同埋得好少好少辣，怕辣既都絕對食到👌🏻見到佢餐牌寫住係即磨腸粉，就叫左個招牌番啅闊佬腸粉($25)，入面既料好豐富! 有蝦米、魷魚乾、豬肉、花生，食落去都好有口感，特別中意佢既大蝦米，mix埋一齊都夾😆 腸粉都算幾大條，抵食啊!另私心叫埋蒜泥白肉($25)，係有少少辣，不過完全可以接受，蒜蓉如果可以多番D就好啦，重口味既人岩哂😛 蠔油菜心($18)純粹用黎中和番重口味既野食haha，埋單都好抵，可以再黎～…Read More

小店之傳統手藝大圍即拉石磨腸粉♥️💁🏻‍♀️唔係度度都有石磨腸粉，呢間整得夠滑，而且價錢親民～▫️闊佬腸粉（$25）新鮮即拉，熱辣辣，腸粉夠滑，有淡淡嘅米漿香味，而且餡料豐富：有蝦米、魷魚乾、豬肉、芽菜▫️鮮味豬元帥（$45）有豬什、豬潤及鶴佬肉丸，最鍾意個湯有胡椒香味同埋豬膶精華▫️炸墨魚丸（$38）有六粒，尚算彈牙，個人覺得味道偏鹹左少少▫️豆漿（$8）所有生滾食品及即拉腸粉，加$8就有豆漿豆漿因為係入貨，所以相對地普通…Read More

到左放工時間最好就係食番宵夜先返屋企！咁啱收工行過見到間新面孔的餐廳！一行到門口就已經有人招呼你！見佢招牌名幾得意員工又幾nice！心思思又想去試！見佢推介豬潤麵同石磨腸粉！本人又鍾意食豬膶但又怕豬膶鞋口冇口感！啲嘢好快上晒枱見啲嘢食都可以一見到佢個豬潤麵見到啲豬膶又厚身諗住會伏會鞋口點知擺落口個下！佢唔單止唔鞋口感覺上啱啱好又有口感！佢啲湯仲要係自己煲飲落口唔係味精唔係雞粉味！佢仲有少量嘅冬菜令到成件事好食左！豬潤麵真係值得一試！到個石磨腸粉！我哋叫咗個牛肉腸！有驚喜嘅係竟然係生牛肉！好少腸粉店會用生牛肉黎整！間鋪食物方面整體都真係唔話得，唯獨係舖頭比較細，如果大啲，坐得舒服啲就好喇！值得一試，試完番啅！…Read More

入開大圍...今晚好想食腸粉....行行下見到有間新開既..入左去....入到去我見到個餐牌寫住石磨腸粉....之後嗌左個叉燒同埋蝦米腸試下...個腸粉真係好滑呀...老細細心到怕客人唔太鐘意食咁咸.....枱面尚有豉油比你自己任添....同埋佢D芽菜好肥好短架....唔似平時出街食果D咁瘦...又扁..同長.....勁想知係邊到買到.....之後再嗌多左個牛餅、魚皮鮫   稻庭烏冬 好味個牛餅店主話突燈返汕頭拎返黎,個湯底我飲哂真失敗,今晚減肥失敗…Read More