番啅腸粉生滾粉麵 (Closed)

大圍都可以話係沙田嘅美食街好多飲食都係開係積信街呢邊但又有邊間係好食呢:(:(:(？大公司大集團就食得多啦但細檔又有幾多可以做很長又多（粉絲）捧場呢？番啅个名就幾搞鬼啦！个嘜頭又幾可愛喎就睇下呢間～番啅係咪值得番啅啦！開荒牛啱啱新開生滾粥仲未有但其他乜都有齊粉面即蒸腸粉涼拌小吃飲品雖然少咗啲咖啡奶茶檸茶檸水豆漿呢啲就必備啦！所有嘢都即離即整新鮮滾熱辣秋冬季食又想淡口就啱晒啦！老闆又好人又風趣幽默簡簡單單又想食得健康大家都可以試吓喎 …Read More

之所以入去呢間舖頭幫襯，全因為見到佢哋嘅公仔頭勁搞笑。入到舖頭先知原來佢哋係新開張，即係猴子有機會做呢間舖頭嘅首篇食評作者喇，馬上偷笑。既然係新開張，猴子都唔介意豪畀佢哋，試試最貴嘅招牌菜番啅大滿貫，價錢係HK$45，可以選配河粉、公仔麵、米粉，或者米線，想要稻庭烏冬就要另加HK$8。都係嗰句，既然賀佢新開張，唔爭在嗰幾蚊，所以猴子揀咗稻庭烏冬。一試之下，呢八蚊真係物有所值，啲烏冬又滑又彈，仲有啲清甜嘅味道。另外仲有絲瓜做配菜，食落口鮮鮮甜甜。至於其他食材包括豬什、鯪魚球、馬餃丸同一口魚皮餃。豬什包括豬腸同豬膶，不得不讚嘅係豬膶，煮嘅時間啱啱好，食落爽口，唔會煮到韌晒，一啲都唔「鞋」，而鯪魚球亦好有魚嘅鮮味。…Read More