闊佬腸粉自家即拉石磨腸粉腸米皮好香米漿味得黎拉得夠簿同香滑,咬落帶少少Q彈少少鼓油調味已經好香因為腸粉入面既配料都幾多,蝦米同魷魚乾味香唔腥,內裏仲有少少芽菜同花生粒增加爽脆感.
番啅三寶河湯底係生滾湯底,飲落帶淡淡豬肉香得黎胡椒味幾濃但唔會好辣,湯底加左大白菜絲令味道更清甜,仲有少少冬菜調味,飲完亦唔會話好口乾.河粉夠滑同平時食開唔同係多左份彈牙既口感.
三寶中既牛肉餅好彈牙牛味好濃,馬鮫魚丸比普通魚旦細粒更彈魚味更濃郁而且唔會腥.魚皮餃細細一口食晒外面魚咬皮煙韌啖啖肉好香.
鮮牛肉鯇魚腩生滾粥鯇魚同牛肉都夠新鮮肉質唔霉,粥底既米花開晒夠綿食落米香味夠又吸晒鯇魚同牛肉既鮮味.
